فني كمبيوتر يطلب مني الرجوع لنظام xp ما العمل ؟؟

اختي بالنسبة لي انا اشوف لا تبيعين الجهاز خليه لا ستخدامك بعيدا عن النت (( لحفظ الملفات وما شابه ))


واذا مصملة (( وديه محل وقولي ابي اغير الهاردسك )) بواحد جديد وخذي القديم واعمليه هاردسك خارجي ولا اقرطيه المهم اسحبية من الجهاز

(( ومن يشتري جهاز ويقعد يبحث يدور الصور القديمة في الجهاز الا مريض وش الفايدة ))


وجهاز سيمنز اللي اقصده الثالث من اليمين ابو 1900 دولار


واحسن الاجهزة سوني تبين احط لك روابط من هايبر باند ولا جرير لا جهزة لاب توبات ابشري

 

وش هالبلشة معقولة مفرمت :f: والله ابي اصيح يعني كل هالمرات الي افرمت بها يعني ممكن يكون احد تطلع على شئ لاني حملت برامج لاستراجع ولا رجع لي شي

وانت تقول مريض الا مرضى الله لا يبلانا وانا ما أيد التصوير بس لظرف خاص ادخلت سيدي تصوير نسائي :er: وحذفتها
اجل مني بايعته خلاص ولا اغير هارديسك ولا افرمته مرة ثانيه صدق دنيا تخوف .

وابي رابط لسوني وسعره بالريال لكن اذا عندك معلومات عن مكتبة العبيكان لان الهايبر وجرير مالها فروع عندنا !!

 

للاسف مالقيت مكتبة العبيكان


طيب اختي شوفي مواصفات الجهاز عموما عشان لا احد يغشك (( ودوري السوني اول اذا ماحصل توشيبا اذا ماحصل ايسوس اذا ماحصل فيوجوتو ))


انتبهي للموصفات الثلاث الاولى مهمة جدا

المعالج انتل i7 اذا ماليقيتي يكون i5 وبسرعة لا تقل عن 2.26 او اعلى افضل

الرام يكون 4 جيجا او اكثر ddr 3

كرت شاشة منفصل بحجم 1 جيجا

الهاردسك 500 جيجا او اكثر


وطبعا لازم يكون فيه بلوتوث وايرلس وياليت مداخل اليو اس بي 3 او 4 احسن

الشاشة تكون مقاس 16 وتدعم تقنية 3d وتقنية hdd (( الشاشة اذا كانت 15 يكون سعر الجهاز الاساسي زاد حجم الشاشة ولا نقص تزيد القيمة ))​

 

اشكرك على المعلومات القيمة بس ودي اعرف سعر هالمواصفات ويكون بسعر مناسب لأي ماركة من هالماركات ومعليش حتى لو بالرياض أو القصيم لانه إذا أخذت المواصفات أقدر أشتريها بتوصيه أو بالاتصال إذا يوصلون .

 

طيب سوني وايسوس مهم حساسين في الأستعمال يعني هل تنصح بالأشخاص العاديين مثلي ان اشتريهم أخاف بقلة معرفتي أخربهم والا شي !

 

صباح الخير جميعاً ...

اختي هل مشكلتك تستاهل انك تغيرين الجهاز ؟ يعني هل قالوا لك ان مشكلتك صعبة ؟
بصراحة اشوف انك ماتخسرين عمرك وتشترين جهاز جديد إذا كانت بس هذي مشاكلك وكلها ان شاء الله سهلة :d: ..

شوفي الله يطول بعمرك ... اخوي البارون ماقصر ربي يعافيه عطاك ماركات حلوة وفيه احلا واحلا بس تبغى فلوس واجد سواءًَ من سوني او توشيبا او اتش بي أو اسوس ...

انا جربت اغلب الماركات وكرفت جدها كرف والحين استخدم اسوس وبصراحة بطل وحايسه حوس ولا خالف معي من 7 شهور ومركب عليه 3 انظمة تشغيل : ويندوز 7 وويندوز سيرفر 2003 ولينكس حزمة باك تراك .. والحمد لله ماعانيت منه ابداً ...
وقبله كنت استخدم توشيبا ستالايت -200 ... وجلس معي سنة .. وقبله كان ديل XPS وجلس معي 5 شهور وقبله كان اتش بي وجلس 4 شهور معي ...
وانا من النوع اللي ما اعرف اطفي الجهاز ابد .. يعني 24 ساعة مفتوح لأني ما اشيله معي برا البيت ابد ودايم في البيت ولو بغيت منه شي ادخل عليه عن احد برامج التحكم من بعد واسحب اي شي منه عن طريق اي جهاز ثاني أو عن طريق الجوال ...
يعني ما اقفله ابد وبعد اسبوعين اعمل له اعادة تشغيل بس ...
ولا اذكر ان مره واحد فيهم خرب فيه اي قطعة ولله الحمد ...
اذا تبغين اساعدك في الاختيار وفي السعر .. حددي نوع الماركة اللي تبغينها لو مصره تشترين جديد ...
وان شاء الله اجيب لك سعر حلو سواءً لو بغيتيه من جرير أو من الوكيل وبالذات ماركة ديل واسوس أو MSI .. هذي الانواع اقدر اجيبها لك من الوكيل بصعر مخفض ..
بس بصراحة حرام تغيرين جهازك .. لأن ممكن يتصلح ويصير Ok ...
ولو كنتي في الرياض ممكن اساعدك وخلي اي احد من اخوانك او ابوك أو قريب لك يوصل الجهاز لي وبإذن الله زبطه لك على ضمانتي .. بس اهم شي انك تفكين الهارديسك الداخلي وتخلينه عندك وتركبين واحد جديد وسعره مب غالي مايتعدى 200 ريال .. بتقولين لي ليش ؟ اجاوبك : لأنك تقولين ان جهازك كان منزل عليه صور ويقدر اي واحد انه يسترجعها وفيه برامج كثيرة للاسترجاع بعضها يزبط ويرجع البيانات وبعضها لا ..
يعني لو قررتي تودينه لأي محل فشيلي الهارديسك وخليه عندك وركبي جديد ...
ارجع واقولك لو انك انسانة يائسة من الجهاز وتبغين حل خليني اساعدك ومايكون خاطرك إلا طيب ..
حياتي .....
​

 

اختي الصور وفيها السعر (( وماعندي خلفية بالتوصيل )) اي احد يشتريه لكي من الرياض او القصيم ويجيبه ويكون عليه ضمان احسن

السوني (( هذا عليه ضمان 3 سنوات )) وموصفات روعة




الاختلاف بين الجهازين (( مشغل الديفيدي الاغلى فيه مشغل عالي الجودة الثاني في قاري ديفيدي بس ))





توشيبا (( هذا نفس جهازي بالضبط اللي محدد بالاحمر تصل سرعة المعالج الى 2.53))


اللي محدد بالاسود ممتاز جدا وافضل من اللي فوق


واللي مشخبط عليه مشي حالك

ايسوس موصفات نفس السوني والتوشيبا لا وفيه ميزة ممكن ترقية الرام الى 8 جيجا انصحك فيه


واللي تحت يسار روعه ومواصفات ممتازة جدا


(( بس عشان الماركة )):u::u:​

 

معليش توني انتبه لرسالة كاسبر سكي ...
فعلاً غريبة ؟!!!
طيب لما فعلتي البرنامج هل عطاك ان التفعيل تم بالشكل الصحيح وهل عطاك 365 يوم ؟

شوفي اختي .. افتحي قائمة ابدا ثم كافة البرامج ثم كاسبرسكي ثم اختاري ازالة البرنامج ولما يبتدي المعالج بتفتح لك قائمة فيها 3 خيارات ازالة - تعديل - اصلاح .. اختاري اصلاح وخليه يسوي اصلاح وبعدها بيطلب اعادة تشغيل للجهاز .. بعدها اعملي تحديث للبرنامج ويمكن يطلب منك ادخل المفتاح من جديد ... وان شاء الله يصلح ..

عندك مشاكل غريبة بجد الله يعينك :d:
​

 

بالنسبة للكاسبر امره ضبط والله يستر

ومعليش رصيت لكم الصور اخاف يطفي جهازي وانا ما وافيتكم بالصور

هذي الحالة مررت بها مرتين امس

شفتوا شلون جهازي مخرف والي مخرف اكثر صاحب المحل اتوقع حاط لي رام من جهاز عام 1999

لانه بس خذا منا 30 ريال برغم انه محل معروف !!!!!!!!

واشكركم على ردودكم ومساعدتكم لي .

 

بارك الله فيك اشكرك واذا فيه امل جهازي يتصلح بس لو اعرف وش مشكلته اصلاً
مدري من الرام او المروحه او آى سي على قولتهم بس مدري وشو الاي سي اصلا ؟؟!!

 

وانا قاعده أكتب الرد طفي شغلته ولا فاد

ومتصله من الجوال
أخ البارون عجبني ماركة ايسوس الي بألفين وثمان ميه
بس أهم شي يكون مكده وكرف ابيه عملي.

 

اختي الـ ic هو قطعة الكترونية صغيرة تكون موجودة في اي جهاز .. مثلاً ذاكرة الرام تلاقين فيها اكثر من قطعة ic وكل قطعة فيها برنامج معين مختص بشغلة معينة .. واللوحة الرئيسية للجهاز فيها قطع كثيرة وكل قطعة لها عملها ... يعني اي جهاز الكتروني يتكون من الـ ic وغيرها .. وهي اللي يتخزن فيها معلومات الجهاز والاوامر التشغيلية لأي جهاز ..
يعني استغرب كيف يقول لك ان الاي سي فيه مشكلة بدون مايفحص جميع قطع الجهاز ؟ واي أي سي يقصد انه متعطل ؟
واستبعد ان المروحة تكون متعطلة لأن لو كان متعطلة راح يسخن المعالج ثم راح يتقفل الجهاز بشكل اجباري كإجراء احتياطي ولا راح يشتغل إلا لما يبرد المعالج شوي لو صارت معك هالحالة فأكيد المروحة متعطلة أو دورانها بطيء ولازم تتغير ...

طيب ربسألك ... الشاشة اللي صورتيها قبل شوي تطلع معك اذا شغلتي الجهاز ؟ أو وانتي تشتغلين يتقفل ثم يشتغل وتطلع لك ؟
لأن الشاشة هذي تطلع لو كان في ويندوز اي خطاء .. يعني تقفل فجاءة أو علق ..

​

 

الاومر طلعت لي يوم شغلته او إذا طفى واجبرته اني اشغله بس وشو مفادها وبالنسبه انك مستغرب ليه تستغرب والي مصلحه هندي أنا ما أحتقره لكن مقهوره هم اكيد يشتغلون ع البركه اجل وين شبابنا !؟ قسم تعبت بس بوديه لمؤسسه فيها فنين عرب على الله يظبط .

 

بعد اذن اخوي البارون ...
بالنسبة لجهاز اسوس اللي اخترتيه حلو بصراحة وحجم الشاشة مناسب جداً .. اذكر شريت منه 8 حبات للعمل قبل 4 شهور تقريباً .. بس اللي في الصورة افضل من اللي اخذته لأن كرت الشاشة فيه منفصل واللي جبته كان كرت الشاشة مشترك ..
بالتوفيق لك ....

 

طيب تنصحني به
والشي التاني كمبيوتري مفقود الامل في انه يرجع زي اول ؟!

 

ايه انصحك به ... لكن جهازك بالعكس راح يشتغل زي قبل ان شاء الله لو كان الموضوع بس موضوع مروحة .. وتغيريها سهل ان شاء الله وتقريباً عند الوكيل سعرها 230 ريال .. وعند المحلات تقريباً 120 ريال اللي يسمونها ( اصلي السوق ) يعني تجارية بس درجو اولى ...
​

 

كمبيوتري مابه طب
ولكم الحريه في أغلاق موضوعي

بوديه صيانة شاملة وباستخير بشراء جهاز جديد .

 

الله يعينك .. وفي النهاية الامر كله راجع لك .. انتي استخيري وان شاء الله راح تدبر كل امورك .. بالتوفيق لك اختي ..
​