أعزائي أعضاء زيزوم ، أرجوكم ساعدوني أنا بوضع حرج للغاية وسيء جداً

يشهد الله إني أرغب بهذي الفتاة وبشدة واصرار مني على ذلك

بالنسبة للهدية فأعتقد اني غلطت غلطة بهذا الفعل فكان يجدر بي التريث قليلاً
لكن قدر الله وماشاء فعل حصل اللي حصل ..

كيف أستطيع التواصل مع الاب الان وهو قد ياخذ فكرة عني بشكل خاطيء ؟

كيف احل هذا الموضوع ؟

وبارك الله فيك اخوي على مشاركتك وتواجدك الطيب ..
​

 

أخوي
دامكـ تبغاها ليش التردد والخوف؟!
انت نيتكـ نظيفة ورب العالمين شاهد
خل اختكـ تتعرف ع البنت وصارح أمكـ بالموضوع طبعآ اذا عندها تقبل لفكرة الحب قبل الزوآج, اما اذا ماعندها هالكلآم فخلي هالموضوع بينكـ وبين أختكـ
وحاليآ لاتتواصل مع الأب بس سوي اللي تقدر عليه عشان تثبت نفسكـ وتثبت نيتكـ
ولازم تفكر قبل ماتتصرف اي تصرف لآن ممكن بتصرف بسيط تأذي البنت ونيتكـ مو اذاها
,
لاتحط كثير اسئلة في بالكـ ولا تدقق كثير
اهم شي قوي قلبكـ وخليكـ مُصر ع موقفكـ
والله ييسر أمركـ
​

 

متخوف من ردة فعل الأب والام هذا اللي موقف لي

وامي ماراح تتقبل موضوع الحب تعرفي الكبار بالسن عايشين على زمان

يعني ماراح تتفهم وضعي راح تردني وتوقف بطريقي ..,

حالياً الموضوع بيني وبين اختي لكن يوجد اختلاف بالوقت بين اختي وبين البنت

لان البنت تدرس وقتها متقلب شوي مع اختي

لا ان شاءالله ماراح اذيها والله ما اقوى على شي يأذيها

الله يسعدك يارب ويحقق لك اللي تتمنيه ويوفقك دنيا واخره .

البنت بيصير عندها وقت فراغ يوم الاربعاء والخميس واحيانا الجمعة

بهذا الوقت بخلي اختي تكلمها وتتواصل معها بشكل مباشر وعلى طوووول

​

 

اقول لا تكثر ولا تزيد

ما دام نيتك صافية بلغ أبوك وأمك

وكل ثانية تتأخر فيها تكون العواقب اسوأ

ولا تظن إن أمك بتزعل عليك

بالعكس تماما

أنت خبر أمك إنك شفت البنت وأعجبتك وكذا وتبي تتزوجها

وطبعا راح تعرف أمك إن نيتك صافية لأنك تبي تتزوجها مو بس (حب عابر)

 

ان شاءالله بس انا مابقول لأمي وابوي إلا بعد ما ادخل الدورة العسكرية

سيتم تحديدها بتاريخ نهاية شهر 2 القادم .

وشكراً لك على تواجدك ومشاركتك بموضوعي

ان شاءالله محد راح يزعل مني لا من اهلي ولا اهل البنت

 

يارب فرج همي ويسر أمري

 

اتصلت على ابو البنت اليوم لكن مايرد على اتصالاتي

ايش اسوي صعبه نقولهم اننا جينا عن طريق اختي

لأنه يعرفني من قبل اكلم اختي وبكذا راح يشك بالوضع !

ايش اسوي ؟

 

الله يفرج همك ي رب . .

اخوي اذا انت تبي البنت توكل على الله

ورح لـ ابوهآ واخطبهآ وثق ثقه تآمه وعميآء

لو هي من نصيبك تبي تآخذهآ بـ مشيئة الله . .

لاتستسلم لـ التفكير والاوهآم اعقد العزم

واستخير قبل كل شي . .
​

 

وجهة نظر !!

مساكم الله بالخير جميع وتحيه خاصه لصاحب الموضوع والله يوفقك ويكتب لك الصالح
أنا بعطيك وجهة نظري حسب ما فهمت من الموضوع كامل لأني بصراحه ما قريت كل الردود :d:
اللي فهمته منك ان البنت شرقااااوية ونعم والف نعم بأهل الشرقيه كلهم
وانت شمالي والنعم فيك والمسافه ما هي عائق للإرتباط
لكن العائق بنظري هي " اختلاف البيئات " :u:
على كل حال :
انت حسب كلامك تقول انك تعرف ابوها وبينك وبينه عمل !!
الغلط اللي انت ارتكبته بدون ما تحس وكان المفروض تشاور فيه اقرب الناس لك كصديق مثلا أو أخ أكبر فيه
" انك قدمت هدية للرجال بحكم انك تبي تكسبه أو تتقرب منه أو أنه يستلطفك بتصرفك هذا "
لكن هالشي خلاه يتغير عليك 180 درجه وحسب توقعي وخبرتي بهالمواضيع وخصوصاً الهدايا اللي بدون مناسبات :q:
الأب غالباً اعتبر هالهدية " رشوة " والعياذ بالله بما أنك تقول بينك وبينه عمل وهذا مجرد توقع ليس إلا :i:
الشي الثاني بالنسبة للخطبة على قولك ما تصير الا لما يكون فيه معرفة بين الطرفين هالشي ابد مو موجود عندنا
يعني الطريقة المعتاده للخطبة الأم تتصل على أم البنت وتعلمها ان بنتكم فلانه مذكورتن لناااا !!
وانا نبي نخطبها لولدنا فلان !!
ربما ام البنت تسأل من قالكم أو من دلكم علينا في هالحاله مافي داعي يذكر من :no:
تكتفي والدتك بقول الأجاويد دلوناااا وبسسس والسالفة ماهيب تحقيق سين وجيم :d:
والشي الأخير اللي لازم تحطه بالبال عندك وتحط تحته خطيييييين حمر وهذا الواقع المرّ اللي نعيشه
" سالفة القبلية عندنا "
يعني لازم تتأكد هل البنت خطها مثل خطكم بالعامية لأن هالشي عند الأغلب بيكون عاااااائق
يعني اوضح لك أكثر بغض النظر عن انك تحبها أو لأ !!
هل انتم من مواخيذ بعض ؟؟ عوائلكم تتوافق مع بعض ؟؟ :i:
اكتفي الى هنا حتى القى رد منك على وجهة نظري ولي عودو ان شاء الله :king:
تحياتي
.​

 

ياعصويد الله يصلحك ويهديك انت مكبر الموضوع وهو بسيط جداً جداً جداً



شوف وانا اخوك خل امك تكلم اهل البنت وتقولهم انا ام عصويد وولدي يشتغل مع والد الفتاه
والولد معجب في الرجال وشخصيته ويبي يتقدم لكم,,, بس

والرجال لاعاد تتصل عليه خلاص مارد عليك لاتزعجه لانك ماتعرف ظروفه او سبب عدم رده



وقبل هذا كله هل انت مستعد للزواج وجاهز من مجاميعه والا لا .!!!

تقدر توفر سكن وراتبك زين ومهر الخ الخ .!!
اذا جاهز توكل على الله وسو اللي قلته والله يوفقك

(وعلى فكره ترى مافيه حب الابعد الزواج وغيره سوالف مسلسلات)

​

 

:king:

وأذكر ولد عمي نفس الحكاية

لكن المشكلة كانت من أهله

والحمد لله تجاوز الأمر

والحين الرجال بألف خير

توكل على الله يا رجل

وتصدقني رايح تزين الأمور

ومثل ما قالت لك الأخت غموض

الاستغفار الاستغفار الاستغفار

والله يوفقك .. وإن شاء الله تجي تبشرنا بتمام الموضوع

ومن الآن مبارك يا ولد الشمال ..

 

آمين اخوي ..

آآه بس اقسم بالله حالتي حاله كله افكر وافكر وافكر

صعب اروح لأبوها كذا على طووول ، راح يسألني كيف عرفته ومتى وشلون والسبب

ويبغالي وقت عشان افكر بالموضوع من ناحية الاب الثقة موجودة ولله الحمد

لكن الخوف متسيطر علي فوق اللازم ... كله احس بتردد واتخوف من رد الاب والام لما اخطب من عندهم .

الله يسعدك

حياك الله أختي غيوض ..

والله ثم والله عندي مخ مدري ايش يبي من الدنيا عليه تفكير خراااافي فوق اللازم

ما كنت أعرف شيء يعني أول مره بحياتي أقدم هدية حق شخص ومو أي شخص بعد

ماكان حولي احد مافيه احد جنبي اشرح له وضعي ويقدر اللي انا فيه ، لأن اغلبهم ضدي

حاولت قبل كذا افاتح كم شخص اثق فيهم لكن للاسف عندهم تفكير غيييير تفكيري ولا حوووله بعد

بصراحه انا متعني بحيااتي يعني بشكل مو طبيعي لكن هالموضوع خلاني طفل عمره 11 سنة بالتفكير

انا أهديته الهدية من أجل زيادة التواصل معه ، ماتوقعت وربي ان الموضوع بيصير كذا

اقسم بالله اهديته عشان اكبر بعينه ويزيد بيننا المعرفة والعلاقة ماكان بخاطري او نيتي رشوه عمل او غيره

هم من عائلة عريقه ومعروفة بالسعودية وخارج السعوودية ، وغير كذا من طبقة عاليه عائلاتهم ماشاءالله كلهم دراسات عليا

واللي موظف في ارامكو بمرتبة عاليه جداً ... وغير وغيير

بس هذا كله ماهمني حتى لو كانو من افقر العوائل كل اللي ابيه القلب اللي معذبني ومبهذلني

طبعاً هي من قبيلة وانا من قبيلة آخرى من اهل الشمااال ، يارب

جالس أكتب وامسح احس مو انا اللي جالس يكتب .,,,,

عوائدهم تختلف حاجه بسيطه عنا يعني بشي بسيط مرره .



​

ياخوي الموضوع ماهو سهل للدرجة هذي الموضوع كبير ويحتااج تفكير ووقت فوق اللازم مره

كيف تكلم اهل البنت كذا ابوها راح يعرفني ويسأل كيف جبت رقمه وكيف كنت اكلمه ويشك بالموضوع

وبكذا بورط البنت بالسالفه وراح ياخذ فكرة خطأ عني وعن البنت وانا مابي هالشي يصير ابد

والله لو الموضوع سهل مثل ماتقول كان خطبت اليوم قبل بكره ، لكن الموضوع مرره كبير ويحتاج وقت

افرغت جميع الحلول اللي براسي احس اني دلخ وانا قاعد اكتب مدري وش فيني :er:

دورتي بنهاية شهر 2 بحرس الحدود .

اول مايجي تعييني أقدر أكون نفسي من سكن ومهر وزواج ..الخ

آآآآه ياقلبي بس

الله يسعدك يارب ويوفقك .. انت وكل شخص رد بالموضوع .

بس الموضوع ماهو سهل للدرجة هذي !

:no:


شُوْفُـَوآ قَـلبِيْ يحتِضّـرْ
شُوْفُـَوآ وِشْ صَـآرْ بـِ حَنـآنَه



​

 

تبي النصيحة من اخوك الشمالي
موضوع فيه مسجات وتلفونات اصرف النظر عنه مستقبلا راح تتعب
وقوي قبلك يا رجل الحب لا ياتي قبل الزواج بعاداتنا وانما بعد الزواج
طبعا اتكلم عن بيئتنا الشماليه اوانت شمالي
والردود تختلف من بيئه لها عاداتها وتقاليدها

 

الله يسعدك ياخوي لكن انا ماذكرت بالموضوع ان العلاقة فيها مسجات وتلفونات !

صحيح اخوي انا شمالي لكن القلب مايفرق بين شمالي وجنوبي هذا حب ماهو سهل

وبعدين انا عزمت على الموضوع هذا وحاطه ببالي يعني صعب اتراجع عنه لأني متمسك فيه

وكلامك صحيح العادات تختلف من كل عائلة وبيئة لكن القلوب لا يمكن تختلف

الله يبارك فيك القلوب ماتفرق بين العادات والتقاليد ولو كان كذا كان شفت الناس اقتصروا الزواج على بنات جماعتهم .


الان ابي حل للمشكلة اللي وضعت نفسي فيها بدون قصد ، كيف أحل المشكلة مع والد البنت ؟
​

 

صدقت أخوي الحب والقلب ماله دخل بإختلاف البيئات سواء شمال والا جنوب
على كل حال اللي اشوفه بموضوعك فيه شي من الغموض :i:
يعني بالنسبة لي احتاج لتفاصيل اكثر حتى أقدر اساعدك أو اعطيك حل للمشكلة
إذا تحب ترسل تفاصيل آخرى عالخاص مو حاب تذكرها بالعام على راحتك ارسل أو عطني تفاصيل دقيقة بالموضوع هنااا !!
وان شاء الله خير ومثل ما يقولون كل مشكلة ولها حل ان شاء الله
وما هو بالساهل الواحد يحب ويترك ​

 

ياعصويد ,,مثل ماقالت غيوض موضوعك فيه غموض

انا ارسلت لك ايميلي خاص لو حبيت تكلمني حياك الله

والله يوفقك دنيا واخره




​

 

الله يبارك فيك .. مثل ايش التفاصيل اللي تحتاجوها ؟

ياليت تذكري لي التفاصل المطلوبة عشان أوفرها ان شاءالله

والله يوفقك دنيا واخره انتي والجميع يارب
انتظرك ,,

حياك الله اخوي

وتمت اضافتك
​

 

والله دخلت وقريت قصتك وردود بعض الاخوه والاخوات
والله اعرف ناس لهم باع وتجربه في هذه الدنيا قوة الشخصيه واتزان في اتخاذ المواقف الصعبه
لكن يوم يقرر تكوين عائله يتشتت دهنه لانه اصبح يرى بقلبه وليس بعقله
لانه امر مقدس عنده ان يختار من تشاركه حياته وتعمرها بالافراح لا بالاقراح
الحب الاول صعب نسيانه مهما ادعيت
سؤال يالغالي
لو قدر الله وان هاته الفتاة لم يكتبها الله لك
ياترى اتمتنع عن الزواج بغيرها
بطبيعة الحال الاعراف تختلف من بلد لاخر ومن قبيله لاخرى
استخر الله تعالى وصارح والديك بالموضوع وضع التكهنات جانبا
وتقدم لخطبة البنت قبل ما يخطبها غيرك وراح تبقى لك حسره مستديمه وعقده نفسيه
وانسى شيئ اسمه والد البنت انت راح تخطب ولا رايح عند مباحث تحقيق
تمنياتي لك من كل اعماق قلبي يارب
انها تكون من نصيبك والله ييسرلك امورك ويزقك منها بالذريه الصالحه
قل امين
وتتفكرو انت وياها ذاك اليوم طبعا بعد مرور سنوات من قرانكما والذريه
هي تقولك تذكر يوم جيت تخطبني(تقصد الحاحك في طلب يدها للزواج)
وانت ترد عليها لولا احترامي لوالدك وعرضه علي الزواج بك ماقبلت
:hh:
امزح
​

 

بارك الله فيك اخوي ...

وان شاءالله راح اعطيكم الاخبار الحلووه والزينة

لا تنسوني من دعواتكم ،،
​

 

السلام عليكم ورحمة الله وبركاته
اخوي
شوف حلها جدن سهل سهل سهل
هو فيله مجازفة بسيطه
1- خلي امك تكلم البنت وتتفاهم معاها وتكلم امها وتكونو على بينة ولو الام لاسمح الله اعترضت
خلي البنت تقنع امها لانه هنا يجي دور البنت وتقنعها وتلح عليها صدقني الام مهما كانت عصبيه مع الالحاح تسلم الشي وبتوافق ولما الام ترضى ان شاء الله تصير امك الله يعطيها العمر صاحبة ام البنت ولما يتفقو ويصيرو مع بعض خلاص الامهات بنفسهم يقدرو يكملو الباقي صدقني يعرفو يدبروها
مايلين راس الرجال غير الزوجة
اخوك محمد