.. أمسي .. ويومي .. وغدي ..

المصدر: .. أمسي .. ويومي .. وغدي ..
في منتدى : ركن مدونات الأعضاء

>> أمسي .. ويومي .. وغدي ..

​

بسم الله أبدأ:​

باختصار .. هذه مدوّنتي البائسة بعنوان:
(أمسي ويومي وغدي)
وسبب هذه التسمية أنّ لي كتابات شعريّة منذ زمنٍ لا بأس به .. وقد انتشر بعض منها عبر العنكبوتيّة
ولست الآن راضياً عن بعضٍ منها لكوني لا أعتبرها إلّا نَزَوات ..
لذا وضعت هذا العنوان كميزانٍ يُملي على قلمي ما يكتب
كما أفيد كلّ من شرّفني هنا أنّي لن أكتب إلّا من فيض قريحتي (شعراً) ولربما الجديد أجمل وأكثر ..​

أترككم مع هذياني الصاخب ..!!​

​

 

..

نرحـل ونترك ورانا مـاضـي الـذكـرَى
نمشي ونمشي ولا تبعِد خطاوينــا

إن طوّل الوقت والّا طوّل المسراآ
ننسى الليالي.. ولا ننسى محبّينـــا

مفارق..

 

أنا ، ولوحة خيالي ، والقمر ، والقصيـد

يسري بي الليل وابعد عن عيـون البشـر
الاّ عـن اعـيون طيـفـــك وانت عنّـي بعـيد

يرسم خيــالي وصــوفــك تحت نور القمَـر
وشعـــاع بـدر الدجَـى لامن رسمتِــك يزيد

طاريك ..لا غـاب زولك عـن عيونـي.. حضَـر
من ناح ورق الحمــايم فــوق عــود الجريد

وذكـراك ورد الـخُــزامَى عقـب رشّ المطَـر
تكسـي قـفـــارٍ غزاهــا البين.. ثوبٍ جــديد

وغــلاك ســـرّ الـمـحـبّــه لا افـتـرَقـنـــــا كُــبَــر
لا طـــال عـمــر المـســـافة وابتعــدنــا يـزيد

أقـطّــع الوقـت بالآمــــــال وانسَــى الكـــدَر
وآكــايــد البـعــد وظـروف المســافة تكيد

ما دام طيفـك يقـاسمني ليــالي السهَــر
يا متلف الروح.. ماني في بعــادك وحـيــد

أبانتظـــر جيّتِـــك مهمـــــا يـطـــول السـفَـــر
أنا ، و لوحة خيـالي ، و القمـر ، و القصيد


مفارق

 

‏العيد مـرّ ؤلا لقا للفرح بيت !!
كلٍ يصكّ الباب من زود ما به

مفارق

 

حسبي من الودّ أنّي حين أذكركم
يطيــب زادي و يـحـلـو مـُــرّ أيامـــي

مفارق

 

قالوا: قديـم الجـرح يفنَى مع الـوقت

وانا .. مــع الايام .. تكـبر جروحـي!!​

يا جــرح ياللـي فـي خفـوقي تعمّقـت

آهــااااات نزفـك بالمــواجع تفـوحــي​

تشتــاق لي لا هبهب الشوق واطرقت

تشـتـــاق لـ دموعي وزفـرات بوحــي​

البــارحه مـن غيبة الشمـس مـا رقت

هجـس ٍ تورَّد لي وهجــس ٍ تروحــي​

على سحـــاب الشــوق بالفكـر حلّقت

ومالت على الذكـرى القديمه جنوحي​

داعب خيــالي حلــم عينـي وعـانقت

طيـف ٍ لـفــاني واحتضنته بـروحــي​

أشجيت بدر الليـل بالهمـس وانطقت

ليـل المشــاعر ، والهـواجـس تلوحـي​

مثلي مِثِل هالـنّــاس حنّيت واشتقت

اشتقـت لايـام الـطــرب والـمـزوحـي​

يا زين.. انا لاقلـت ابنســـاك مـاطِقت

وجــروح فـَقدَك للمـــواجع تشــوحي​

ما غبت عنّي -طيف- من يوم فارقت

ورق الحمـامه فوق ضلعــي ينوحــي​

ياكم وياكـم قلت اباجرحك واشفقت

عليك ، وآنـا فيك لااسمـــع ولااوحي​

لـو ذنبـي انّي فـي الهــوَى ما توفّقـت

حـبّي لغـيرك.. ماهــو اكـبر طمــوحي​

مشكلتــي انـي فـي ودادك تعـلّــقــت

أغرتني اوهـــامك وغــرّك وضــوحي​

ولليوم انا من سكرة العشــق ما فقت

ولليـوم طيف الحبّ يسكــن بروحـي​

مفارق​

 

// أمرّ بابه في غيابه //

أمــــرّ بــابـَــه فــي غـيــــابــه و انــاديــــه
و ابـقـى عـلـى بـابــه واعـــدّ الـثـوانــي

و انسـى بعـاده و انتـظـر قـول: لبّـيـه
وتـمـرّ بــي سـاعـة و انــا فــي مكـانـي

أسأل و اجاوب و اعتذر منه و ارضيه
و الـــوم شــــوقٍ عـنــد بـابـــه دعـــانــي

يـاحـول.. حـتــى فــي غـيـــابـه أداريـــه
واقسى على نفسي واعاتب زماني!

في كلّ عام آقف على البـاب وادعيـه
فــي وقــت مـيـعـادٍ نـســاه و نـسـانـي

و كانـه نسَـى الموعـد فلانيـب ناسيـه
ياكود ينسـى الـعـام شـهـر ارمضـاني

ودّعتـك الله يــا عـهـود الـهـوى فـيـه
ودّعـتـــك الله يـــا كــفــــوف الـحـنـــــانِ

مـا اشتقـت يا بابـه لمَلْمَـس أياديـه؟!
والعـطـر واسـجــاعـه بلـحـن الأغـانـي !

مـااشتقـت لاقبالـة محـيّـــاه يــا هـيـه!
ولا تعـانـي فــي الـنّـوى مــا أعـانــي!؟

شوقي تعـدّى الوصف ما عاد يمديـه
يوصـف سيـام الطعـن بـيـن المحـانـي

#مفارق