Root اريد تفعيل الرووت لجهازى

بص ياباشا
اليوم فى شخص لديه نفس الجوال وكان يريد عمل رووت للجهاز
فطلبت منه يصورلى المشكله
وتبين إن مشكلته نفس مشكلتك بالضبط
فأنا إستنتجت شئ معين
ألا وهو ..أننى وجدت أن القاسم المشترك بينكم هو أنكم تستخدمون نسخه سفن
وأنا أستخدم إكس بى
فأعتقد والله أعلم أن المشكله فى النسخه نفسها ...إلا لو إنت تعرف حد عمل رووت بنفس الطريقه على نسخه سفن فساعتها نقدر نتأكد إن المشكله مش فى النسخه

 

انا غيرت نسخه الويندوز مرتين وسطبت XP وظهرتلي نفس المشكله بس مش مشكله اجرب تاني انا هحمل نسخه ويندوز XP كويسه واجرب مفيش مشاكل .

 

جرب نسخه غير ملعوب فيها

 

جربت يا باشا نسخه
xp Sp3 pro original
وبردوا نفس المشكله .
ال mouse & keyboard بتوعك USB ولا Cable

 

إيه السؤال الغريب دا
أنا عملت الرووت مره من اللاب ومره من الكومب
الكومب USB

 

طيب انا دلوقتي جربت اعمله من ويندوز اكس بي وبرضو نفس المشكله .
انا نزلت برنامج x-plore
لاحظت ملفات تحت مسمى root
دول العيب ممكن يكون منهم ولا ايه يعني امسحهم ولا اعمل ايه انا محتاج الرووت .!!
معلش انا تعتبتك معايا كتير والله ومش عارف اشكرك ازاي.
انا اتأكدت دلوقتي ان العيب من الموبيل نفسه مش من الكمبيوتر علشان انا جيبت case بتاعت واحد صاحبي وسطبت ويندوز جديد خالص وجربت اعمل الرووت وبرضو بيظهر نفس الخطأيا ريت ده يساعدنا في حل المشكله دي.

 

والله يا أخى أنا بقالى يومين بقرا فى بعض المواقع الأجنبيه عن رووت الجهاز دا
عسى إنى أقابل حل للمشكله
أنا مش عارف ليه بيفشل الربط بين الجهاز والهاتف أثناء الرووت
وليه مش بيقرا ملفات الداتا
موبايلك دا حيرنى قوى
تفتكر إيه الغلط
أكيد الموبايل عادى مفيهوش مشكله برمجيه أو عيب صناعى
لأن مش معقول يكون الموبايلين بتاعك وبتاع أختك وبتاع الشخص التانى إل كان عايز يعمل رووت
كلهم كده فيهم نفس المشكله
لكن لا يأس مع الحياه
هدورلك كمان يمكن ألاقى حاجه

 

انا شاكر والله تعبك معايا ده ومش عارف اشكرك ازاي
انا كمان بدور كل شويه وفي مواقع اجنبيه وعربيه وقابلت واحد على موقع اجنبي عنده نفس مشكلتي بالظبط وميعرفش حلها لسه
وانا نزلت برنامج اسمه universandroot
ده بينزل على الموبيل نفسه وبيعمل رووت من على الموبيل بدون الحاجه لكمبيوتر ولكن بيظهر خطأ
شكل العيب في في زي حمايه زائده على الموبيلات علشان كده البرامج مش قادره تفك الرووت بتاعها
وزي ما انت عارف كمان ان الرووت مهم وانا محتاجه ومش عارف احل المشكله دي ازاي.
انا عندي فكره ينفع حضرتك تاخد back up
من ملفات الموبيل بتاعك (root files) بتوع الموبيل نفسه وال system وترفعهملي على اي موقع وانا هحاول احملهم واشغلهم عندي ؟؟
تنفع الفكره دي ؟؟

 

مش فاهم
أجبلك إزاى ملفات الرووت والسيستم
أنا ممكن أنسخلك الملفات إل على الذاكره الداخليه
بس مش عارف هى دى ولا لأ
وإنت بتقول إن ممكن تكون المشكله إن الموبايل الحمايه زايده عليه
طب إشمعنا موبايلك إنت
مع إن موبايلى زى موبايلك
هو إنت جايب موبايلك منين . وصناعه إيه
----------------------------------------------
ثانياً لاشكر على واجب يا أخى
المهم تنحل المشكله

 

بص يا باشا انا حملت برنامج x plore ولما بفتحو بتظهر الصوره دي :

تمام انا عاوز الملفات اللي جوه ال root اللي انا محددلك عليه باللون الابيض ده لو ينفع دي مجرد فكره معرفش تنجح ولا لآ
بالظبط يا باشا الموبيل بتاعي LG optimus E400
انا من مصر <سوهاج
الموبيل مكتوب عليه
made in china by LGE

 

طب بص إنت ياباشا
لما تحب تاخد صوره لشاشة الموبايل تضغط على زرار رفع الصوت وزرار خفض الصوت مع بعض
هيظهرلك إطار بعرض الشاشه ...ولو إنت مش عايز تصور الشاشه كلها ممكن تتحكم فى حجم الإطار دا عشان تحدد الجزء إل إنت عايزه
ولما تخلص هتلاقى سهم إتجاه لتحت فى أعلى الشاشه
إضغط عليه هيظهرلك كام أيقونه كده آخر واحده على اليمين أو الشمال (على حسب اللغه عندك)) إضغط عليها هيحفظلك الصوره
دا أولاً
ثانياً بقى....
إرفعلى البرنامج عشان أحمله
ثالثاً وهى الأهم.............
الملفات دى مقروؤه على الهاتف إزاى بقى هاخدلها كوبى من على الكومبيوتر
قلى مسار الملف كامل وهشوف كده هعرف أجيبه ولا لأ

 

متشكر يا باشا على المعلومات وواضح بجد انك انسان كويس ولا تبخل على احد بشئ:
اتفضل ادي الصور :

ولما بختار ال root ويفتح بتظهر الملفات دي تحته:




وادي لينك للبرنامج :
http://forum.zyzoom.net/threads/192389/
اما مسار الملفات فده مش عارف اجيبه لان ملفات اللي اسمها root ديه اصلا مش بتظهر لانها بتاعت الsystem
لكن البرنامج ده بيظهر ها
ممكن حضرتك تعملهم كوبي بالبرنامج ده وترفعهملي وانا هحاول ابدل اللي عندي ببتوع حضرتك.

 

آسف جداً على التأخير
كنت مشغول الآيام إل فاتت دى معلش
حالاً هحمل البرنامج وهحاول أجبلك الملفات
آسف مره تانيه

 

والله أنا حملت البرنامج لكن مش عارف هعمل بيه إيه
أنا كنت ناوى أخد ملف الرووت وأنسخه على الميمورى بعد كده أخده من الميمورى على الكومب
لكن مش عارف أنقله على الميمورى
لو تعرف إنت قلى وأنا هعملك إل إنت عايزه

 

متشكر يا باشا على اهتمام حضرتك بمشكلتي
انا اكتشفت ان الفكره دي مش هتنفع .
نشوف غيرها
في شرح في منتدى اخر فيه خطوه بتقول نطفي الموبيل مع الضغط على زرار volume + مع زرار home حتى يتعرف الكمبيوتر على الموبيل
اثناء توصيل الموبيل بالكمبيوتر علشان الكمبيوتر يتعرف على نسخه لااندرويد بتاعت الموبيل وانا عملت كده بس الموبيل قعد ربع ساعه على نفس الشاشه والكمبيوتر مقراهوش .
فمش عارف ده ممكن يساعدنا في الحل ولا لآ

 

أخى
أولاً أنا أسف على عدم الرد بسرعه لأنى مشغول قليلاً هذه الأيام ودخولى للمنتدى قليل
ثانيا جرب هذا الرابط ربما سيفيدك .............
تفضل

 

متشكر اخي على ردك واهتمامك
بس ممكن حضرتك تقولي عندك لما تذهب الى :
setting >location & security >select device adminstrator
وتدخل عليها بيكون ايه المكتوب عند حضرتك وايه لازمه هذه الخاصيه على الموبيل وشكراً

 

صفحة سوده وفاضيه وفيها جملة واحده
""لايوجد مديرين للهواتف""

 

طيب حضرتك انا عاوز اعرف تكلفه عمل رووت عند محل كام ؟؟
انا هروح لمحل وهحاول اعرف منه المشكله فين علشان اقدر اساعد الناس اللي عندها مشكلتي
بس اريد معرفه التكلفه علشان اعمل حسابي!!

 

والله يا أخى معرفش فين
بس أنصحك لو هتروح لمحل يبقى واحد شاطر لأن ممكن يخربلك الجهاز
والجهاز لو اتعمله رووت بيخرج من الضمان
وبالتالى مش هتعرف توديه الضمان
:
كان نفسى أساعدك فى حل المشكله
أنا بحثتلك كتير فى مواقع أجنبيه لكن لم أجد حل للمشلكه
أتمنى أن تُحَل المشكله قريباً