تم حل المشكلة فى ظهور المستندات المكتوبة بـ اللغة العربية

المصدر: فى ظهور المستندات المكتوبة بـ اللغة العربية
في منتدى : مشاكل الأعضاء التي تم الانتهاء منها

السلام عليكم ،

من فترة قريبة اشتريت لابتوب Dell واللاب نازلة عليه نسخة 8.1
بالتحديد 8.1 Single language
اللى فهمته من كلمة single language دى ان الويندوز احادى اللغة يعنى بيشتغل بلغة واحدة بس
حتى لما قسمت الهارد ورجعت النسخة تانى بال Backup اللى عملته فى بداية التنزيل كان فى خيار للغة وانا بالطبع اخترت الانجلش من ضمن عربى وانجلش وفرنساوى واسبانى
ومش عارف تفسيرى دا صح ولا غلط ومستنى تأكيد او تصحيح من اصحاب الخبرة
المشكلة دلوقتى انى بستعمل قواميس بحكم شغلى فى مجال اللغة
والقاموس لما بكتب فيه عربى مبتظهرش وبتظهر الكتابة بالشكل دا
EoauEau وعليها رموزكدا فوق الحروف انا كتبت الكلمة كتابة هنا فى الموضوع عشان لما نسخت الكلمة من القاموس وحطيتها هنا ظهرت صحيحة باللغة العربيةفقولت اكتب الكلمة عشان تشوفوا اللى بشوفه عندى على الجهاز

حتى برده كان فى ملف Text كان فى كمبيوتر تانى وكان مكتوب العربى ولما شغلته على اللاب توب ظهرت نفس الرموز دى ومظهرش باللغة العربية

ايه الحل
بانتظار مساعدتكم اخوانى

 

وعليكم السلام ورحمة الله
طبق التالى اخى

شرح ضبط [اعدادات] اللغة العربية لوندوز 8​

 

single language =الكور ....وليست احادية اللغه بل لغة واجهه واحده واضافة لغة واجهه اخرى لها ستتطلب طرق اخرى
اعمل زى مالاستاذ عمرو قال وهى ضبط اللغه واليونيكود .

 

الحمد لله تم حل المشكلة وكل شئ اصبح على ما يرام
جزاك الله كل خير اخى وجعله فى ميزان حسناتك

 

الحمد لله المشكلة بتاعت اللغة اتحلت

بس ممكن حضرتك تشرحلى يعنى ايه موضوع ال single دا عشان مش فاهم برده

وايه الفرق بين النسخة اللى عندى single language وبين اى نسخة تانية 8.1 اذا كانت برو ولا انتربرايز او اى نوع من اللى موجود على النت
وايه الافضل اللى معايا ولا النسخ التانية ؟

 

مش موضوع افضليه استاذ احمد لكن انت ممكن تاخدها بالترتيب وايضا الخصائص
اقلهم فى الخصائص الكور او السينجل
ثانيهم البرو والانتربرايز الفوليوم وفى نفس المرتبه الثانيه البرو الريتيل لانك ممكن ترقيها للميديا سنتر عكس الفوليوم التى لاترقى للميديا
البرو والانتربرايز تقدر تضيفلهم لغات واجهه من خلال لوحة التحكم الاونلاين او لغات تثبيت اوفلاين
اماالسينجل او الكور نفس الاسم فلهم لغة واجهه واحده وتقدر تضيفلهم لغات تانيه عن طريق طرق اخرى

 

هل هناك استفسارات اخرى ؟

 

متشكر جدا حضرتك على المجهود الرائع دا وجزاك الله كل خير على الافادة

 

لا شكر على واجب
يغلق للانتهاء
بالتوفيق
...