تم حل المشكلة بعد تنظيف مكونات الـ CPU حصلت حاجة غريبة

درجات الحرارة من Windows 8.1 64x هى الأفضل !

 

ايوة طبعا واضح من الصورة
ولكن ليه فى Windows 7 64x بهذا الارتفاع ؟

والأهم فى الموضوع ده انى تأكدت ان العيب مش فى Fan البروسيسور ​

 

لايوجد تفسير لسؤالى ؟​

 

هل النسخة خام ؟

 

نعم ونأكدت من رقم الهاش ​

 

مازال الموضوع قائم
وخلال أيام ان شاء الله سيتم حل المشكلة بعد التوصل لعدة استنتاجات
ساقدمها عند الوصول إلى النتيجة المرجوة وعودة درجة الحرارة إلى طبيعنها
تحياتى ​

 

بسم الله الرحمن الرحيم

الاخوة الأفاضل اعضاء زيزوم ومديروها ومشرفيها والقائمين عليها​

تحية اعزاز وتقدير مقدمة من اعماق قلبى اليكم جميعا ​

واخص بالذكر الأخوة Amr Saad و (MIDO) و عين الطيف و waledakmal و أبو رمش
مع الاحتفاظ بالألقاب والتدرج الإدارى فى المنتدى
على تعاونكم واشتراككم وآرائكم واقتراحاتكم التى قدمتموها لى لحل مشكلتى ​

ولقد وعدتكم فى آخر مشاركة ان اقدم لكم ما توصلت اليه بعد حل المشكلة

وبعد الفحص والتمحيص وفك الكيسة وطلعت بطنها
اتضح ان احد ارجل مروحة البروسيسور ( المسامير التى تثبت المروحة بالبوردة حيث أن المسامير كبس ) مكسورة وبالتالى لم تثبت المروحة جيدا
وبعد البحث عن مروحة أورجينال لم اجد طبعا
قمت بتغيير رجل المروحة بأخرى من مروحة نص عمر
ورحعت الأمور إلى طبيعتها


لى استفسار بعد اذنكم قبل ما تتفضلوا بغلق الموضوع

كما ذكرت فى بداية موضوعى ان قد نقلت استخدامى لـ Windows 7 , 8.1 64bit بعد ان كنت استخدم 32bit
لكى استفيد من كامل سعة الرامات (4جيجا )
على الرغم من ان هاش نسخ الويندوز الموجودة عندى كلها مطابقة للهاش المذكور فى صفحة الداونلود الخاصة بميكروسوفت
الا انى اشك فى النسخ مش عارف ليه

وهل البرامج التى كنت استخدمها على 32bit تعمل بنفس الكفاءة على 64bit
حيث انى لاحظت انه يتم تنصيبها فى Program Files (86)

مش المنطقى ان البرامج التى تعمل على النواتين فى حالة وجود ويندوز نواة 64bit
ان يتم تنصيبها فى Program Files العادى الخاص بالويندوز 64
ام انه عند تنزيل البرامج من مواقعها يحلل الموقع الويندوز المستخدم
ويقوم بتنزيل البرنامج على حسب النواة المستخدمة ليعمل عليه بكفاءة اكثر على الرغم من احتواءه على النواة 32 ايضا
فمثلا برنامج Skype على الرغم من انه يعمل على النواتين (وهذا ما ذكر من موقع سكايب) لكن شوفوا الصورة التالية



دا اخر استفسار بعدها لو تكرمتم اغلقوا الموضوع
لكن بعد الرد على الاستفسار طبعا

خالص تحياتى مرة اخرى​

 

الا يوجد رد على استفسارى ​

 

الحمدلله اخى ...
بالنسبة للإستفسار ... بعض البرامج تعمل على النواتين وبعض البرامج تكون مخصصة لنواة واحدة فقط
وطبعاً من الأفضل تحميل البرنامج المناسب للنواة الموجودة حتى يعمل بكفاءة
واستفسر براحتك

 

تسلم يا غالى
دا انا هاصدع دماغك
اللى انا قصده
عندما احمل برنامج يعمل على النواتين من خلال ويندوز 64bit
هل يقوم موقع البرنامج بتحميل البرنامج بالنواتين ولكن يعمل بالنواة 64bit كأساسى
كما اوضحت فى الصورة ( السكايب يعمل على النواتين لكنه قايل انه 32bit ) ونفس الوضع مع الفايرفوكس وهكذا ​

 

جميل الاستفسار ده يا استاذ مصطفي انا عن نفسي احتاجه

واصل

 

انتظر فى الايام القادمة هاعمل عملية انتحارية واعيد تثبيت الويندوز
واقوم بتنزيل البرامج من مواقعها
واشوف النتيجة
ربنا يستر وما اتصدم بغباوة الشركات ​

 

ولا يهمك .. صدع براحتك
مثلاًَ برنامج زى Adobe Flash Player فى منه اصدارين >> X86 , x64
مثلاً انت نظامك بنواة 64 وحملت البرنامج لنواة 32 وسطبته >> هيشتغل عندك لكن مش بنفس الكفاءة
ولو حملت اصدار 64 وثبته هيتشغل بكفاءة لانه مصمم خصيصاً لهذه النواة .. الخ

 

احنا المفترض نروح الشركات ونصنع الحاجات دي بنفسنا احنا مش واثقين فيهم دول اغبياء

 

يا عمرو باشا دلوقتي هو قصده ع ايه يعني انا لما بدخل علي فلاش بلير بيحملي علطول بدون اختيار ما بين 64 او 86 فبنسطب نلاقيه 86 وهكذا في البرامج الاخري كالفيرفوكس

 

انا معاك قلبا وقالبا فى هذا الطرح
لكن لو حضرتك دخلت على موقع مثل skype
هتلاقى فى التفاصيل الخاصة بالبرنامج انه يعمل على النواتين فى نفس ذات الوقت
ايه الحل هنا ؟؟؟؟
على كل حال انتظر حتى اقوم بالتجربة الانتحارية التى ذكرتها فى المشاركة #32
ونشوف الحال ​

 

​

 

الاخ عمرو رجاء غلق الموضوع لتمام الاستفادة منه
واعتقد انى صدعت دماغك بما يكفى فى الايام والشهور السابقة لحل المشكلة
اما عن ما يرتبط بموضوع الـ 64 , 32 بت
فمن الممكن أن اطرحه فى موضوع جديد ليأخذ حقه من المناقشة
لك تحياتى وخالص تقديرى ولجميع الأعضاء ومشرفى المنتدى ​

 

تم