تمت الافاده ✔ هل الفارق كبير بين اصدارات النود

المصدر: هل الفارق كبير بين اصدارات النود
في منتدى : طلبات ومشاكل واستفسارات برامج الحمايه

السلام عليكم ورحمة الله وبركاته

هل الفارق كبير بين اصدارات النود المعروفه مثلا اصدار 6 واصدار 7 واصدار 8
لانى لهذه اللحظه احتفظ بالاصدار 6 . لانه لايبطئ الانترنت عكس الاصدار 7 او 8 لانه مع كل دخول بيفحص HTTP
-------------------------
هل فعلا هناك داعى او شئ ضرورى فى الاصدارات الحديثه للترقيه .

 

وعليكم السلام اخي

جميع نسخ العملاق نود لا يوجد بها اي اخطاء التي قد تسبب لك مشاكل بالجهاز

برمجية نود مستقرة

 

+

1

 

وعليكم السلام ورحمة الله تعالى وبركاته ، النود الاصدار 8 او الاخير تحفة اصبح متعدد الطبقات مع البوتنت وغيرها اليك الصورة توضح اكثر

 

وعليكم السلام ورحمة الله وبركاته

اعتقد كمحرك (اكتشافات ) لايوجد فرق , لان جميع النسخ تتلقى التحديثات من نفس السيرفر .

ولكن شيء طبيعي انه يتم تحسين طبقات ووحدات الحمايه الاخرى مع كل اصدار جديد للبرنامج

 

متابع يا شباب

مستخدم للنود - وبنستفيد من خبراتكم

 

لأ . كان فيه اخطاء وقد قمت والحمد لله هنا على مااذكر وايضا ذهبت للدعم واخبرتهم بان هناك تحديثات اثرت على مشاركة الملفات فى وضعية الــ public
واصلحوها بعد اسبوع او اثنين .
والان البرنامج يعانى مع الاصدار 7 و8 على انترنت ضعيف لانه بيفحص الـــ HTTP
اما على الخط (ميجا) . فان البطء غير ملحوظ مثلا 512 .. لذلك رجعت للاصدار 6
الان وقد ظهر ما اعانيه .. هل الاصدار 7 او 8 فيه شئ جوهرى فعلا مختلف عن 6

 

النود من وجهة نظري هو الهرم الثالث لبرامج الحماية ( كاسبر _ بتد فيندر - نود ) و لا أجحف بحق البرامج الأخرى فأحينا نجدها تتفوق على الهرم الثلاثي .. النود محرك جبار لا غبار عليه ...
من الصعب جداً أن أقول البرنامج الفلاني أقوى من البرنامج الفلاني !
من يستخدم و يعرف كيف يتصرف و ينسجم مع برنامجه سيراه بنظره هو الأفضل له و المناسب مع علمه بأن هناك من هو أقوى منه !
مستخدم عرف كيف يتعامل مع برنامجه و عرف كل خفاياه و ارتاح له لن يفرط فيه ...

 

حبيبى وليد - من يومين لما عملنا فحص لملف التفعيل بتاع Power Iso

النود 8 إكتشف إنه ضار - فى حين إن النود 6 عندك كان شايف كل حاجة تمام

شئ غريب مع إن المفروض التحديثات بتوصل للنسخ كلها واحدة ولا إيه الكلام ؟

ماتجرب برنامج تانى يا غالى

إيه رأيك تاخد بنصيحة كوماندوز وتجرب البيتديفندر

 

ومين قالك يابروف ان النود 8 تكلم .. انا ثبته بعدها وتأكدت ان الملف نظيف ولم يتكلم
وايضا بالكاسبر 2015 عند زميل لى وايضا نظيف ولم ينطق
الظاهر انك عامل امان يدوى .. انا شغال على الافتراضى

 

يا برنس مانا رفعت لك الصور ساعتها صح

أنا معرفش أى حاجة فى اى حاجة والله

أنا بصطب النود ومبعملش أى حاجة غير غنى أضيف شوية مواقع للقائمة الموثوقة وبس

وإنت عارفنى يا غالى - جهازى مليان باتشات وكراكات ومفيش عندى أى مشكلة من الحاجات دى

لأنى غلبان ومليش فى شراء أى برامج وبالتالى فليعيش مبرمجى الكراكات والباتشات

 

طيب قولى كده أروح فين فى البرنامج عشان أعرف إذا كنت شغال على اليدوى ولا على الإفتراضى

أو أى أخ هنا من محترفى النود يقولى أروح فين برضه

أهو نعرف الدنيا ماشية إزاى ؟

 

أنا بصراحة من النوع اللى بيحب التغيير كثيرا والنود بصراحة وأنا كنت شغال علية كان أكثر من رائع ولكنى كما قلت أحب التغيير فقلت أجرب البيتديفيندر ولقيتة برنامج أيضا رائع ولكن كانت هناك بعض المشاكل مع جدار الحماية معى فى الشير مع الوهمى وقمت بالتغيير إلى الكاسبر ووجدته بالفعل برنامج خرااااافى بمعنى الكلمة وحاليا مازلت أعمل عليه

 

ماتكبرهاش فى دماغى . انا على تكه
هعمل ريستارت واثبته

 

ما تقدرش





حبيبى يا وليد - توكل على الله

 

أنا برضه كانت طلبت معايا تجارب

فحذفت الأفيرا وجربت البيتديفندر بس لقيته صعب شوية مع الإنترنت وكتير الكلام مع بعض المواقع

كمان بصراحة بيتقل الدونلود شوية - مش عارف معايا ولا مع الناس كلها

قمت ماسحه وجربت الأفاست بصراحة عجبنى وجميل وكل حاجة فيه حلوة بس فى الأخر ما إرتحتش معاه

قمت ماسحه ومجرب الكاسبر - حسيت كده بأمان وراحة نفسية من الأخر

وفى النهاية مسحته برضه ورجعت للحبيب الغالى الخفيف الممتع إللى مبحسش بيه على الجهاز

النــــــــــــــــــــــــــــــــــــــــــــــــــــود حبيب الملاييييييييييييييييييييييييييييييييييييييييييييييييييييييييييييييييييين

ملحوظة : أنا متأكد مليون فى المية إن الكاسبر من أقوى برامج الحماية

والبيتديفندر أيضاً لكن على قد لحافك مد رجليك وأنا جهازى بعافية شوية عشان كده النود كويس بالنسبة لى

 

انا فى دى . عيل والعيال قليل

 

يعنى يا وليد باشا

إنت كل مرة تمسح النود وتصطب الكاسبر

طيب يابرنس ما تديها جولة سريعة على برامج تانية

عندك

أفيرا

أفاست

بيتديفندر

كومودو

البرنامج الجديد إللى عامل قلق إللى إسمه 360 Total Security

ده فيه برامج حماية كتير قوى أنا لما بدخل قسم الحماية هنا بسمع عن برامج أول مرة أعرف إسمها بصراحة

 

ليه كده بقى - أنا كنت مستنيك تجرب وتستقر

وبعدين انا أحصلك على طول - ولا إيه يا برنس

وبعدين فين المعلم كوماندوز فى الليلة دى

ده إتغير علينا من ساعة ما ركب اللينكس يا عم وليد