مشكلة مشكلة الفيديوهات بتهنج فى اليويتوب او اى مشاهده فيديو اون لاين

انا اللاب 2 جيجا رام وشغال زى الفل

 

دى بركة دعاء الوالدين يا غالى

أنا فضلت 4 سنين على 3 جيجا رام

ولسه من كام شهر ربنا رزقنى برام 2 جيجا

قمت شايل الرام ال 1 جيجا وركبت ال 2 جيجا وبقيت 4 جيجا

والحمد لله شغال نار نار نار

 

يا باشا نزلت ويندوز مرتين بسبب الموضوع ده ومعرفتش الفيديوهات بتهنج ليه فى الفايرفوكس ونضفت الكيسه وشلت كارت الشاشه وحطيتوا تانى ونضفتوا عملت كل حاجة اموت نفسى بقى وستريح ولا اعمل اية

 

والله عملت كده يا جدعان منزل اخر نسخه من 8.1 من المنتدى هنا وطابقت الهاش وطلع نسخه تمام اصليه خام وكمان فعلت تفعيل اصلى بردوه من هنا من المنتدى ونسخه 8.1 البروفيشنال الفوليم اخر حاجة منزلها ميكروسوفت بتاعت 15/12/2014 فى اية تانى اعملوا

 

عادى بقى ملكش نصيب
انا بصراحه مش عارف ايه الحل
خصوصا انت بتقول انك نزلت ويندوز جديد

مجربتش تستخدم برنامج فيروسات غير البيتديفندر ده
مثلا النود او الافيرا وان كنت ارشح النود
ايه رايك

معلش داخل موبايل والامكانيات محدوده عالموبايل

 

لا مجربتش الصراحه انا كنت بحب النود جدا وكنت بستخدموا زمان بس جة فى مره كده مسحتوا وسطبت الاصدار الجديد راح قفلى النت ولازم عشان افتح النت اقفل الفايرول بتاعوا واحد صحبى قالى لازم تغير النسخه قولت لا وستخدمت البيدفندر المشكله انى اتعودت على البيدفندر ومعروف ان هو من اقوى الانتى فيروسات الموجوده اية اللى هيخليه يهنج الفيديوهات فى الفايرفوكس ما كان بردوه ممكن يعمل كده مع الكروم ولا انتا شايف اية ؟

 

تمام الكلام

يبقى الحل دلوقتى إنك تظبط نفسك مع الموجود وخلاص

لحد ما ربك يسهل ويظهر لنا حل

يمكن مرة فى مرة تعمل فورمات وتنزل ويندوز جديد وتتحل لوحدها

أه والله صدقنى ساعات بتحصل

خليك مع البرنامج إللى ترتاح معاه

وموضوع المتصفحات أهو لقينا لها بدائل كتير

مش عارف فين الحل ولا إيه المشكلة لكن أنا بصراحة مش واصل لأى حل خالص

إحنا عملنا كل حاجة

 

والله انا مستغرب يعنى بفكر بقول ممكن يكون من البيدفندر وممكن يكون من تحديثات الويندوز زى ما اخونا قال سابقا وممكن يكون من الفلاش بلير وممكن يكون فى اعدادت الفايرفوكس وممكن يكون محتاج برنامج جافا مع انى اعرف ان الفوكس بينزل بالجافا متفعله من غير ما يكون حاطتها فى الاضافات حاجة تضايق فعلا لما تكون بتحب تستعمل حاجة وتلاقى فيها مشكله وتضطر تستخدم حاجة بديله انتا مش حببها بس بتعالج المشكله ما علينا انا عارف انى اتاخرت عليك فى الرد لكذا يومك حقك عليا ظروف الشغل لهيانى عن الجهاز شويه انا عذبتك معايا وعذبت كل اللى متابع المشكله وانا متشكر على تعبكم معايا

 

مافيش تعب ولا حاجة وربك يسهل ونلاقى لها حل

بخصوص الجافا

لا يا غالى الجافا بتتحمل لوحدها يا غالى من موقعها الرسمى

الموقع هنا للتحميل أوفلاين

كود:

http://www.java.com/en/download/manual.jsp

نسخة 32 بت

كود:

http://sdlc-esd.sun.com/ESD6/JSCDL/jdk/8u40-b26/jre-8u40-windows-i586.exe?GroupName=JSC&FilePath=/ESD6/JSCDL/jdk/8u40-b26/jre-8u40-windows-i586.exe&BHost=javadl.sun.com&File=jre-8u40-windows-i586.exe&AuthParam=1426877204_bf9aa68b47ef1bf10d6917a9667b6ca2&ext=.exe

نسخة 64 بت

كود:

http://sdlc-esd.sun.com/ESD6/JSCDL/jdk/8u40-b26/jre-8u40-windows-x64.exe?GroupName=JSC&FilePath=/ESD6/JSCDL/jdk/8u40-b26/jre-8u40-windows-x64.exe&BHost=javadl.sun.com&File=jre-8u40-windows-x64.exe&AuthParam=1426877237_c567c9cb0cf60d79caf702af49f68159&ext=.exe

 

منتحرمش من اللى تحت الرمش

 

فى الخدمة يا غالى

لو لسه فى أى إستفسار إحنا هنا

لو لحد هنا والمشكلة إنتهت مؤقتاً يمكنك التبليغ بغلق الموضوع

تحياتى لك

 

دلوقتي نزل اصدار جديد من البيدفندر تفتكر لو شلتوا وحطيت النود الوضع هيختلف ولا ايه مع اني مش من هواة اني اسطب ومسح طول الوقت وطبعا البيدفندر اقوي بكتير من النود مش كده ?

 

ركز بقى معايا

حبيبى والله

إنت بتقول نزل إصدار من البيتديفندر جديد

يبقى المفروض لو هتستمر عليه يبقى تحدثه للنسخة الأحدث

شئ طبيعى النسخة الأحدث من اى برنامج بيبقى فيها تلافى لمشاكل سابقة

أما لو قررت تشيل البيتديفندر وتصطب النود

فأنا وجهة نظرى المتواضعه وانا على قدى فى الحماية يعنى

إن النود برنامج روعة ومكفى وموفى وشغال مية مية وسهل وخفيف وكل شئ تمام

إيه رأيك إنت بقى ؟ إنت صاحب القرار النهائى

 

طلع بيتحدث من نفسه خلاص انا على العموم لسه متابعتش النسخه ال 36.0.4 اية اخبارها معايا بس قولى الافضل امسح القديم اللى بيتحدث ده لوحدوا اللى هو الفايرفوكس وسطب الاصدار الاخير ولا اسيبوا يحدث مع نفسوا مين الافضل ؟

 

ممكن لو سمحت تبقى تحط الرد بتاعك فى نقاط

عشان إنت والله ردك بيدخل البرامج فى بعضها

يعنى على سبيل المثال إحنا كنا بنتكلم على برنامج البيتديفندر وتحديثه

ودلوقتى إنت بتتكلم عن برنامج فايرفوكس وتحديثه

خلى الرد نقاط أفضل تحت بعضها فى سطور متعددة الله يبارك لك

 

على العموم كل لغات الفايرفوكس من هنا

كود:

https://www.mozilla.org/en-US/firefox/all/

 

اعذرنى يا باشا معلش انا ساعات اصلا بتوه وبتكلم فى كذا حاجة فى نفس الوقت هظبط مواضيعى حاضر
1- الفايرفوكس دلوقتى مثلا على الاصدار 36.0.3 حلو المهم نزل اصدار جديد منه اللى هو 36.0.4 وراح محدث نفسوا بنفسوا تمام كده
2- السؤال هنا بقى هل الاحسن اسيبوا على كده ؟
3- ولا الافضل انى امسحوا من جذوره واسطب الاصدار الجديد اللى هو 36.0.4 ؟

 

جميل جميل شفت بقى الدنيا كده منظمة إزاى

بخصوص إستفسارك

الإجابة هى : كل الطرق تؤدى لنفس النتيجة

يعنى لو البرنامج عمل تحديث تلقائى فسيتم تحديثه للنسخة النهائية

أو لو إنت خملت النسخة النهائية من الموقع الرسمى وصطبتها

إنت دلوقتى جرب تحمل النسخة النهائية من الموقع وصطبها برضه عادى

وجرب كده مع اليوتيوب شوف المشكلة لسه موجودة ولا لأ ؟