نـقـاش أزمة نفسية مع الكاسبر

المصدر: أزمة نفسية مع الكاسبر
في منتدى : منتدى نقاشات واختبارات برامج الحماية

السلام عليكم ورحمة الله وبركاته

بقالي اسبوع متواااصل بحاول احمل النسخة اللي مش عايزة تنزل ابدااا عندي كاسبر انترنت سيكيورتي وكل مابحاول انزلها بيحصل كالاتي :

* النور بيقطع دائما عندما يصل التحميل الي 80% او 95% وعند محاولة الاستكمال بلاقي كملة فشل وبضطر اعيده من البداية فباجي حالف بالله منا محمله واجله الي اليوم اللي بعديه

* في اليوم التالي احمله وينزل ويتسطب ويبقي تمام التمام واخر اصدار بقي واحضر السريال بتاعه عشان افعله 91 يوم بالتفعيل الامريكي ولسة بقول هيييييييييية لاقيت البرنامج نزل تلقائيا علي طول 30 يوم ومسمحليش ابدا ابدا اني افعله بالبروكسي وكل محاول فيه يقولي فشل وزفت

* ولما جه اخينا عمل موضوع الكاسبر توتال وعرض تلت شهور فرحت قايل هييييييييييه وجاي بحمل الكاسبر والله ياجدعان لاقيت النور قطع تاني في التحميل 60% رحت قايل والله منا محمله دلوقتي .

* ولما اخيرا نزل التوتال سيكيورتي في اليوم اللي بعديه وحملته وبقي تمام معايا فقولت بقي ادخل علي العرض عشان اجيب سريال ,, فدخلت العرض واتفرج علي التلت فيديوهات الخنيقة وقعدت ربع ساعة كاملة بتفرج علي فيديوهات ملهاش اي تلاتين لازمة لحد ماحنو عليا وعطوني سريال 91 يوم .. فقولت بقي اجربه ,, فجاي بسطب البرنامج فجه اثناء التنصيب وقالي يتوافر اصدار جديد للنسخة حجمها 195 ميجا

يعني انا كنت منزل اصدار قديم

قولت مش مشكلة كمل البرنامج للاخر وتجنب التحديث ده لانه كدا كدا هيتحدث لاخر اصدار مع الابديت

فعملت الابديت بتاعه الكبيييييييييييييييييير جدا وحطيت السريال بقي وبقي 91 يوم وكله تمام واتحدث وعملت ريستارت وجيت ابص علي رقم النسخة لاقيته هو هو نفسه الرقم القديم مضاف اليه الباتش b

ومطلوب مني اني احذف النسخة دي واسطب الاصدار الجديد بالرقم الجديد

رحت حاذف البرنامج بالنسخة ومفرمط الجهاز كله بالكااااااااااااامل ومنزل ويندوز جديد علي نضافة لاني تعبت

مش عارف انا حظي وحش ليه مع الكاسبر ولا ده غباء من الكسباريين​

 

ههههههههههه أنت ما يصلح لك الكاسبر هههههه خليك مع الدفندر أحسن
لان حظك ما يحالفك مع الكاسبر بالنسبة للسريال 91 يوم
حصلت معي نفس المشكلة غيرت الايبي وطلبت سريال من العرض لكن أنا ما عملت البروكسي
دخلت السريال عادي ويقولو لي السريال لا يشتغل في منطقتك

 

وحد الله يا بويكا ..... فيه ناس لا تستقر على برنامج حماية واحد ابدا و لا حتى ليوم واحد

 

الديفندر ده اصيل بس انا اللي دايما بطلع واطي معاه

 

لا اله الا الله

 

من خلال ما لاحظت ازدادت حدة مشاكل برامج الحماية من اصدارت 2014 و كانت معظم الحلو انك تتوجه للينوكس و تريح البال

حتى حسيت انو شركات الحماية تعمل له دعاية غير مباشرة بتاخرها في التصليح ................................ او ندورها شادو ديفندر و نريح

 

منا بستخدم اللينوكس منت الجديدة مع 8.1 او 7 ياحاج بس عشان مزهقشي فبشتغل هنا شوية وهنا شوية

 

ههههههههههههههههه حبيبي والله ماقصد اهانات او اتهامات

انا لما قلت غباء من الكسباريين فانا اقصد العاملين علي الكاسبر ( خدمة العملاء ) بس والله دي كانت نيتي

ولما قلت عرض خنقة زي صاحبه فكان قصدي علي مصمم العرض اي الشخص الاجنبي وليس اخينا الطيب الذي نقل العرض لنا في المنتدي

اتمني تكون نيتي وصلت ليكم

 

أخي كوماندوز ما شاء الله عليك تبي تدخل موسوعة جينيس ..

 

دخلناها من زمان واسمنا انكتب فيها يامعلمي

 

السلام عليكم
حسبك الله ونعم الوكيل
ياشيخ عادي ومالو 30 يوم والله ممتازات وبس يخلصو في كتير برامج بتعيد الفترة التجريبية وخلاص صارلي اكتر من 6 اشهر على هذا الحال والحمد لله مريح راسي من المفاتيح والبلاك ليست وغيرو

 

وعليكم السلام ورحمة الله وبركاته
انا حاسس اننا حنفقدك لعدة ايام او اسابيع انت لازم تعمل جهاز ثانى احتياط
جهازك هذا توقع فى اى لحظة ينفجر من كثرة الضغط شيل البيتدفندر ركب الكاسبر شيل الكاسبر سمول ركب السيكورتى شيل السيكورتى ركب التوتال
ارجع للبيتدفندر

 

جرب النود ... مهي بازت بقى

 

والله يابنى انت مشكله
مالها البروكسيات .ولا انت بتحط اى بروكسى والسلام
لازم امريكى عشان المفتاح يشتغل وكمان لازم تتأكد ان البروكسى شغال .

 

هههههههههه . نعمل ثورة ضد شركات الحماية اللى مبوزة الحكاية كل شوية مشاكل ..................... كلنا معا نستعمل الوندوز دفندر

 

اخي كلمني المساء على الساعة 12 بتوقيت السعودية لاساعدك في حل مشكلتك

 

سمعت من مصادري الخاصة ان الازمة انحلت وانك حصلت على سيريال تجاري made in usa