مفتاح ل 8.1 برو

المصدر: مفتاح ل 8.1 برو
في منتدى : منتدى طلبات تفعيل منتجات ميكروسوفت

السلام عليكم

اريد مفتاح لوريندوز 8.1 برو لم يدخل بلاك لست للتفعيل

وشكرا جزيلا لكم

 

التفعيل اوف لاين

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

 

هل قمت بادخال المفتاح أعطني الآي دي
][ شرح إدخال المفتاح لويندوز 8 , 8.1 ][

 

معذرة يا اخى. انا اسف ... لم يتم استخدامه ... تم حل مشكلة الوريندوز معى من غير التفعيل . و متشكر جدا على المساعدة

بس كان عندى سؤال .. لو انا مدخل سريال وتم تفعيله على 8.1 و عملت تحديث ل 10 هل النسخة ستكون مفعلة مثل 8.1 ام ساحتاج لتفعيل 10 بسريال اخر ؟

 

نعم اخي الكريم
لو كنت مفعل الويندوز8.1 بسريال بعد عمل ترقية لويندوز10 تجده مفعل باذن الله وللتاكد من التفعيل انسخ الكود

كود:

slmgr.vbs -XPR

وان ظهرت لك مثل هذه الصورة فتفعيلك تمام ورقي على بركة الله

 

شكرا جدا لرد حضرتك

تمام انا كده فهمت ... الحمد لله ظهرت الرسالة ال حضرتك قولتلى عليها بس خايف احدث لوريندوز 10 لان اخر مرة نزلته عندى من اسطوانة كان بيجبلى شاشة زرقاء كذا مرة غير كده كان شغال كويس معايا فا راى حضرتك اعمل تحديث ل 10 ولا بلاش ؟

 

ممكن تكون النسخة اللي حملتها فيها حاجة تاكد من النسخة بفحص الهاش وان وجدتها سليمة اتوكل على الله وحدث وقبل التحديث احفظ التفعيل بتاع ويندوز8.1 وحتى لو لا قدر الله حصلت حاجة تعيد تثبيتها تاني
جرب ولا يهمك انا بفرمت كل يومين او اسبوع على اكتر تقدير

 

انا تعبت من الفرمتة يا باشا الهارد هيتحرق منى كده وحياتى كلها على اللاب انا كده ممكن اضيع

ممكن تقولى اتاكد من الهاش ازاى قبل ما احدث ؟؟ انا الحمد لله عملت باك اب للتفعيل بتاع ويندوز 8.1

وبالنسبة لما احدثها انزل التعريفات بتاعت اللاب من موقع لينوفو ولا اعمل اسيب تعريفات الوريندوز ال فى ابديت تنزل وبلاش انزل من لينوفو التعريفات ؟؟

 

ههههههههههههههههه
الله يجزيك خير
ولا يهمك يا برنس انا بفرمت كل يومين او 3 مرة ويندوز ومرة لينكس وممكن مرتين فاليوم قبل الاكل وبعده
وجهازي والحمد لله بقاله 3 سني وشغال فل الفل وادينا بنشط الهارد
لو عايز تعرف الهاش من
هنــــــــــــــــــــــــــــــا
او هات النسخة اللي عايز تحملها وباذن الله اجبلك الهاش
والتعريفات حملها من موقع الجهاز قبل الفرومات طبعا
واي استفسار متترددش احنا فالخدمة يا غالي

 

ههههههههههه

على رايك اهو الواحد ينشظ الهارد برده ... اومال نسيبه كده قاعد مش بيعمل حاجة

هو انا نزلت النسخة 8.1 برو من هنا لان انا واثق انكم بتنزلوا النسخ الاصلية النضيفة الصراحة .. بس انا مش عارف بجيب الهاش بتاع نسختى ازاى

حاليا انا مسطب 8.1 من هنا وبفكر اعمل لها upgrade ل وريندوز 10 طالما دى الحمد لله وبفضلكم اتفعلت مدى الحياة

 

معلش يا غالي
مهو هنا دا فيه ويندوز8.1 بكل انواعه ولله الحمد وكل نسخة ليها رقم هاش غير التانية
عموما بما انها من هنا باذن الله بضاعتنا مضمونة وفوقها كمان خدمة ما بعد التحميل لانه كلو بالمجان من تفعيل وصيانة وخلافه
اتوكل على الله واعمل ترقية الاول عشان تكون نسخة وندوز10 مفعلة عندك

 

ههههه. طبعا ... مفيش شك فى كده يا كبير ان البضاعة مضمونة .. انا مش بتحب اتعامل فى اى حاجة للجهاز الا من هنا

طب انزل برنامج الترقية من مايكروسوفت ولا اسيبه يعمل ابديت ويحدث من نفسه ؟؟ لان انا قافل الابديت كلها عندى

وبالنسبة للبرامج ال انا شغال بيها دلوقتى على 8 هتممسح ولا هتنزل زى ما هى فى 10 ؟؟

والتعريفات انا منزلها من لينوفو اسطبها ان شاء الله بس فى تحديثات 10 دايما بينزل معاها تعريفات برده وبيبقا اجبارى وانا خايف يحصل لخبطة فى التعريفات وهضيع انا فى الاخر

 

بص يا غالي لو سرعة النت عندك حلوة كدا ومرتاحة يبقا حمل اداة من الشركة وهي هتقوم باللازم
او حمل نسخة ويندوز 10 زي نسختك مثلا لو 8.1 برو او هوم واعمل ترقيه منها
اما البرامج فحاليا غالبية البرامج حتلاقيها متوافقة وممكن برامج الحماية تلاقيها اتحذفت وابقا ثبتها تاني عادي بس احدث اصدار
واما التتعريفات فهي بتعرف نفسها ولو لقيت مشكلة فتعريف باذن الله نحاول نحل المشكلة

 

تمام . انا ان شاء الله هعمل upgrade النهاردة لوريندوز 10 وربنا يستر بقا

انا دلوقتى بنزل التعريفات من موقع لينوفو لوريدوز 10 ... انا عارف اول ما الوريندوز ينزل هيكون فى تعريفات متعرفة وتعريفات لا

الفكرة بقا اعرف التعريفات ال مش متعرفة بس ولا اسطب كل التعريفات ال انا منزلها من لينوفو ؟؟

وبالنسبة windows update اسيبه زى ما هو اوتوماتك ولا اقفله احسن ؟؟ لان انا بخاف ان التحديثات تبطى الوريندوز مع الوقت

 

اتوكل على الله واعمل ترقية
والتعريفات طبعا بعد الترقية مع نفسها بتبحث عنها وتحديثاتها كمان ولو لقيت حاجة مش متعرفة ابقى ثبتها
اما عن التحديثات فالاصل انك تسيبها شغالة عشان حل المشاكل وخلافه اما لو سرعة النت عندك بطيئة او تستخدم باقة محدودة فاغلقها
بالتوفيق

 

انتا قصد حضرتك ان بعد ما هعمل الترقية .. لو فى تعريفات مش نزلت مع الوريندوز .. الويندوز هيبحث عنها كده كده وهتتعرف لوحدها ولا انا كده فهمت غلط ؟

 

انت فهمت صح
الويندوزبداية من 8 بثبت تعريفاته وكمان فويندوز 10بيحدثها

 

تمام معلش انا تعبتك معايا و اسئلتى كتير

انا هعمل ترقية دلوقتى وان شاء الله لما اخلص هقول حضرتك الدنيا تمام

شكرا جدا لاهتمامك بالرد على اسئلتى

 

ولا يهمك يا غالي
انت تسال ونحن بعون الله على قدر استطاعتنا نجيب فلا تتردد في اي استفسار وفي اي وقت
بالتوفيق

 

انا جربت انزل الوريندوز واعمل upgrade . مرة يدخلى على صفحة وريندوز 7 يا اما لما انزل برنامج MediaCreationTool بيظهر ليا الرسالة دى ايه الحل