إستفسار مشاكل في الويندوز ابديت " ويندوز 7 بروفيشنال 64 "

المصدر: مشاكل في الويندوز ابديت " ويندوز 7 بروفيشنال 64 "
في منتدى : طلبات واستفسارات أنظمة مايكروسوفت

السلام عليكم و رحمة الله تعالي و بركاتة

انا حملت نسخة ويندوز 7 بروفيشنال 64 عن طريق الكود الي بيتم استخداموا في جوجل كروم .. و انا جبت الطريقة من المنتدي هنا .. و حملتها و حرقتها علي فلاشة و سطبتها علي الاب و سطبت التعريفات شوية برامج و عملت ريستارت و ظهرت اول مشكلة و هي ان لاقيت الويندوز بيبدا اكنوا هيسطب ويندوز جديد و بتظهر الجملة بتاعت windows is loading file و بعد كدة windows didnt start normaly .. و بتظهر الشاشاة بتاعت windows start repair و اشتغلت و كنت مستعجل فروحت قفلت الجهاز و فتحتوا تاني و الويندوز اشتغل عادي .. بس لاحظت حاجة غريبة قوي . ان في برامج حملتها و سطبتها زي الفيرفوكس و ال IDM لاقيتهم اتلغي البرنامج املتحمل و كمان اتلغي التسطيب .. قولت مش مشكلة .. روحت مسطب النسخة تاني و سطبت التعريفات بس و قولت مش هاسطب البرامج و عملت ريتسارت و حصل نفس الموضوع بس المرة دي سيبت ال windos start repair لحد لما خلص .. و الويندوز فتح تمام بس المرة دي لاقيت في تعريف اسموا toshipa media كان منزل ايقونة علي سطح املكتب لاقيتها اختفت .. قولت مش مشكلة يمكن التعريفات فيها مشكلة .. فقولت اشغل بقي الويندوز ابديت علشان يحدث الويندوز كدة و ينزل التحديثات و يظبط الويندوز .. بس انا شغلت التحديث و خيلتوا يعمل check for updates .. و بدا العلامة الخضرا تتحرك .. و بس .. و سيبتها يوم كامل و مفيش اي تغيير و بحثت علي النت و عرفت انها مشكلة عند ناس تانية كتير و منها الي قال ان دي مقصودة من مايكروسفت علشان تنتقل من ويندوز 7 لويندوز 10 غصب عنك و منهم الي قال ان دلوقتي في ضغط علي السيرفر و بعد يومين هيفك .. و منهم الي قال نزل شوية تحديثات علشان الويندوز ابتديت يشتغل .. و انا معرفتش اعمل اية بالظبط ..

فدخلت علي الموقع هنا و بحثت شوية لاقيت في الاداة بتاعت windows update diagnostic و شغلتها و لاقيت في خطا ظهر و اسموا windows update error 0x8007003 , و لاقيت موضوع في مايكروسفت بيتكلمو عنوا و دخلت طبقت الخطوات و مفيش نتيجة زي ما هي ..

و لما عملت موضوع هنا في الموقع في قسم مشاكل و حلول الحاسب . واحد قالي حمل نسخة خام من موضوع من الموضوعات و دخلت علي موضوع تحميل الويندوز الخام بروابط حصرية من قسم انظمة مايكروسوفت و بحمل دلوقتي نسخة ويندوز 7 التيميت 64 عن طريق التورنت و هاجربها ان شاء الله ..

دلوقتي انا مش عارف اية السبب في الكلام الي فوق دا كلوا .. هل ممكن تعريف معين بيسبب ضررللويندوز ؟
طب هل ممكن الويندوز اصلا ميكونش مظبوط و نازل كامل ؟.
طب هل لازم في برامج اثبتها زي windows installer او netframe wirk او physicx او directx او c++ علشان الويندوز ابتديت يشتغل كويس ؟

طب زمان كان في مضووع موجود هنا في املوقع مش فاكر في انهي قسم كان بخصوص مشاكل الويندوز ابتديت كلها يا ريت لو مجمود يبقي جزاكم الله خيرا

اسف علي الاطالة .. بس ارجو منكم طلب بسيط و هوا المناقشة معايا في كل نقطة وردت في الموضوع انا محتاج اتعلم منكم و من حبرتكم و انا عارف انكوا ان شاء الله هتساعدوني في جل المشكلة دي و جزاكم الله خيرا ^_^