بُصي بيبصُّوا عليكي ازاي ... افرحي قوي؟؟؟

المصدر: بُصي بيبصُّوا عليكي ازاي ... افرحي قوي؟؟؟
في منتدى : المنتدى الــعـــام للمواضيــع العامــة

البسى بنطلون ضيق قوى ... لِفى عالمحلات محلّ محلّ ...

جربى البنطلون دا ، ودا ، ودا ... وِاصحابك يقولولك لا بلاش ده ،
مش حلوة فيه ...

وافضلى غيرى وغيرى لغاية ما تلاقى أحسن بنطلون يبيّنك بأكتر منظر مثير ...

دَوّرى على أكتر بَادي ضيق ... روحى البيت وشوفى الطقم دَا ممكن يكون عايز يضيَقّ شوية !!!

أُقفى قدّام المراية كدا وأتأكدي ان كلّ سنتيمتر فى جسمك ظاهر قوى !!!

وانتى نازله رشي بارفان فواح قوى ...

انزلى ... هتلاقى عيون الناس بتاكلك أكل ... هتلاقى نفسك من جواكى بتقلك : قدّ إيــ انتي أمّورة وحِلوَة ... لحستي دماغ الناس كلها

هتلاقى اصحابك بيقلولك wow دانتي مفيش منك اتنين ؛ مجننة الشباب يا بنتي ... !!!

بُصي بيبصُّوا عليكي ازاي ... افرحي قوي

انتى لميتى النهَاردَا أقل واجب : 5000 نظرة ، وفــ يومين: 10000

وكل امَّا تلفى فى الشوارع أكتر : تلمِّي أكتر وَاكْتر !!!

و تفتني شباب أكتر و أكتر ... اللي عايز يتوب و مش قادر ... و اللي بعد ما يشوفك شهوته هتزيد و يلجأ للعادة الخبيثة أو يلجأ للزنا و كله في ميزانك ...

أيام ورا أيام ، وشهور بَعْد شهور ، وسَنَة ورَا سَنَة ... العمر كله راح فرجة على جسمك مِن عُيُونِ الناس !!!

جمعتى أكبر رَقَم ذنوب × التاريخ !!!

كنتى أستاذه قوي × إغْرَاءِ الشَّبَاب ... إنتي كُنتي فوق الوصف !!!

عملتى أضخم عدد مِن الذنوب فى تاريخ البنات !!

و فوق دة كله ... أصبحتِ من الكاسيات العاريات اللي أخبرنا عنهم النبي صلى الله عليه و سلم و قال ( لا يدخلن الجنة ولا يجدن ريحها )

فرحانة كدة ؟!!! يا حفيدة عائشة و فاطمة و خديجة ؟!!!

اللهم اهدِ بنات المسلمين

 

اللهم أمين أحسنت أخي الحبيب رضا وبارك الله لك

 

احسنت اخى الكريم

 

يثبت خمسه ايام

 

شكرا لك دكتور علي

 

العفو الان القسم العام بيدك عايزوا يشعلل نار
موفق

 

كل على الله أخى

 

يرفع التثبيت لانقضاء مدة التثبيت المحددة