تم حل المشكلة الاب توب بيفتح تاني بعد الاغلاق

المصدر: الاب توب بيفتح تاني بعد الاغلاق
في منتدى : مشاكل الأعضاء التي تم الانتهاء منها

السلام عليكم و رحمة الله تعالي و بركاته

عندي لابتوب HP Probook 450 G4 متسطب عليه نسخة 10 برو و عملت تحديث لاخر نسخة الي هي تقريبا 1903 او حاجة زي كدة
محافظ دايما علي تحديث التعريفات من الموقع الرسي ل HP .. بس لحد دلوقتي لسة مفيش تحديثات للتعريفات نزلت بعد تحديث الوندوز الاخير

انا متعود اني موصل كبل الشحن في الاب علي طول .. و لما بحب اشغل الابتوب بوصل فيشة الشاحن في الكهرباء

انا موصل الاب بكابل من الراوتر مش وايفاي .. فلما بوصل كابل الشاحن في الكهرباء بعد كام ثانية بلاقي لمبة الانترنت الخاصة بالجهاز في الراوتر نورت .

فبعرف منها الن الجهاز وصل له كهرباء .. و بشغل الاب عادي

من يوم جيت اشغل الاب توب زي ما انا متعود .. لاقيتوا بياخد وقت طويل عقبال ما الويندوز بيفتح ..

انا حاطط هارد Crusial 256 GB M.2 و مسطب عليه النسخة بس .. و في هارد تاني 1 TB لتخزين الملفات بتاعتي هليع .. فالطبيعي انوا يفتح بسرعة

لاكن لاقيتوا بياخد وقت طويل شوية .. يعني ادوس علي زرار الباور و الاب ميظهرش حاجة علي الشاشة .. و بعد دقيقة يظهر لوجو HP و بعد دقيقة يظهر تحت علي الشمال رقم نسخة ال BIOS و اني لو عاوز ادخل البوت ادوس علي ESC و بعد دقيقة تظهر تحت لوجو HP دايرة من نقط بيضا بتلف ورا بعض و بعد دقيقة الويندوز بيفتح طبيعي .. و بلاقيه سلس معايا و مفهوش مشكلة خالص ..

دي كدة المشكلة الاولي الي لاحظاتها ( بطيء غريب عند فتح الاب توب )

المشكلة التانية و هي اني بعد ما خلصت شغل عملت Shutdown و الجهاز قفل عادي و لمبة الجهاز في الراوتر اختفت طبيعي لما الجهاز قفل و بشيل كابل الشاحن من الكهرباء و انزل الشاشة و الحوار خلص .. لاكن لاقيت بعد شوية لمبة الراوتر نورت لوحدها و لاقيت المروحة الي تحت الابتوب اشتغلت لوحدها .. برفع الشاشة لاقيت الويندوز شغال عادي .. استغربت .. و رجعت عملت Shutdown تاني و الجهاز قفل عادي و موصلتش الشاحن في الكهرباء تاني

و لاقيت بردوا بعد فترة لمبة الراتر منورة و المروحة شغالة و رفعت الشاشة و لاقيت الجهاز شغلا لوحدوا

فصلت كل الاسلاك من الجهاز ( شاحن + مروحة + نت + سماعات + ماوس ) مبقاش متوصل فيه اي سلك او كابل خالص و قفلتوا .. و بعد شوية رجع اشتغل تاني لوحدوا

انا دلوقتي مش فاهم دي مشكلة Software في الويندوز نفسوا ؟ يعني في ملفات ضاربة في الويندوز ؟ و لا دا عدم توافق بين الويندوز و الجهاز او التعريفات .. ؟
و لا دي مشكلة في ال Bios او ال uefe بتاع الجهاز انوا يفتح من تلقاء نفسوا او في اعداتاد متظبطة في ال Bootmenu بتاعتوا انوا ميقفلش ؟
و لا دي مشكلة hardware في الجهاز نفسوا سواء حاجة في دايرة الكهرباء او في حاجة ملمسة جوا الجهاز و لا اية بالظبط ؟

الجهاز عمره معايا سنة و شهرين بالظبط .. و طول الفترة دي الحمد لله مقابلتش اي مشاكل و دي اول مرة تحصل معايا ..

و اسف علي الاطالة

و جزاكم الله خيرا ^_^

 

وعليكم السلام ورحمة الله وبركاته
بالنسبة لبطء الجهاز أثناء ضغط زر التشغيل
فهنا الموضوع ينحصر بنقطتين
اولا تفاعل Bios او مايسمى UEFI حديثا للبحث عن جميع الأجهزة الموصولة والتأكد من استجابتهم كوحدات التخزين والذواكر وبطاقة الرسوميات
ثانيا استجابة وحدة التخزين (الهارد او القرص) لنداء Bios وبدء عرض المعلومات على الشاشة بعد تحميل جزء منا على الذاكرة
ابحث عن تحديث جديد ل Bios في موقع الشركة المصنعة لو وجد وقم بإعادة ضبط Bios أيضا للإعدادات الافتراضية

هذا من ناحية الجزء الأول

اما من ناحية تشغيل الجهاز فجأة فيجب اولا ان تتاكد انك تقوم فعلا بإيقاف التشغيل وليس مجرد وضع الجهاز بوضع السبات Sleep
قد تكون المشكلة من تحديثات نظام التشغيل الأخيرة وقد تكون مشكلة من الهاردوير
لتتاكد ان الجهاز أقفل تماما قم بقفله قسريا ولمرة واحدة بالضغط على زر التشغيل مطولا لمدة 15 ثانية
سيطفأ الجهاز وقتها كليا إذا اشتغل مرة أخرى فاعلم أن مشكلتك من الجهاز وهو مازال تحت الصيانة

ولو امكنك العودة بنسخة نظام التشغيل إلى قبل 1903 فهذا أيضا أمر جيد لأنه لوحظ في الفترة الأخيرة كثرت المشاكل حول هذه النسخة خصوصا
في حال الترقية إليها وعدم تثبيت نسخة خام من الشركة



فقط هذه النقطة لم افهمها جيدا

ماعلاقة كبل الانترنت بالكهرباء الواصلة إلى جهازك

 

اولا جزاك الله خيرا علي ردك ^_^

ثانيا انا العملية دي كانت بتاخد معايا دقيقة تقريبا عقبال ما يظهر لوجو HP و تظهر كل المعلومات و الويندوز يفتح و دا طبعا نتيجة اني مستخدم هارد M.2 .. لاكن زي ما قولت ان من يوم تقريبا بدا يظهر بطء في الفتح بالرغم ان الويندوز نفسوا لما بيفتح بيشتغل بسلاسة تمام و مقابلتش اي مشاكل و انا شغال ..

و انا فعال منتظر ان الشركة تنزل تحديثات لل BIOS او للتعريفات عامة لاني متوقع انها في الغالب مشكلة في الويندوز

بالنسبة لنقطة اعادة الاعداتا الافتراضية .. انا هاعملها النهاردة و اجرب .. بس انا عندي 2 استفسار لو سمحت

1 - لما عملت قبل كدة الاعداتا الافتراضية .. في برنامج عندي متسطب اسموا Hp Sure Click قالي انوا توقف عن العمل نتجية توقف حاجة اسمها Viruatl او حاجة مشاشبها .ز اسف مش قادر اتذكر الاسم بالظبط و لما بحثت عنها لاقيتوا انوا اعداد بيتفعلوا من ال UEFI و فعلتوا تاني و البرنامج اشتغل تمام .. فاية بالظبط الحوار دا ؟

2 - انا عندي نقطة مجناني شوية بخصوص البطارية و هي اني قبل ما تحصل المشكلة دي و علي مدار السنة الي فاتت كلها لما كنت بقفل الجهاز و يقفل عادي .. اجي تاني يوم افتحوا الاقي ان البطارية نقص الشحن بتاعها مثلا نقصت 1 %

و لما سيبت الجهاز مقفول لمدة اسبوع لاقيتوا نقص اكتر من 5 % تقريبا .. يعني زي ما تقول ان في حاجة بتسحب من البطارية حتي و الجهاز مقفول .. او هاو اصلا بيكون ( شبه مقفول ) مش مقفول بالكامل و في حاجات شغالة في الاب توب من غير الويندوز و بتسحب من البطارية ..

هل دا طبيعي ؟ و لا في حاجات من ال UEFI ممكن نوقفها او اي اعدادات من ال Power Mangment او ما شابه .. ؟

 

هاجرب النهاردة اني بعد ما يفتح اقفلوا من زرار الباور و اتاكد انوا قفل و اشوف لو فتح تاني او لا ..

و لو فتح يبقي كدة المشكلة Hardware ؟ عامة انا النهاردة بردوا هاجرب اشيل الرامات و الهارد و ارجع اركبهم تاني و هاشوف ازاي اقدر اعمل Hard Reset للاب لان البطارية بتاعتوا Built in
و نقطة اني ارجع للنسخة الي فاتت دي مش عراف ازاي اعملها صراحة .. و نقط تسطيب ويندوز جديد امر مرهق علشان التعريفات و تسطيبها و تسطيب البرامج و اعادة تفعيل الويندوز البرامج .. ربنا يسترها

 

انا موصل الابتوب بكابل انترنت من الراوتر .. الابتوب لما بيشتغل .. في لمبة بتنور في الراوتر و الجهاز لما بينطفي اللمبة بتنطفي ..

لما بيكون الجهاز مقفول و اجي احط الشاحن في الكهرباء بلاقي لمبة الرواتر نورت .. و منها بعرف كدة ان الجهاز وصل له كهرباء من الشاحن ( علي حسب فهمي ) ممكن يكون ليها دلالة تانية ..
لاني اعتقد ان المفروض اصلا ان اللمبة متنورش غير لما الجهاز يشتغل مش لما اوصل الجهاز بالشاحن ؟ و لا اية راي حضرتك في الموضوع دا ؟ .. لاني ز ام قولتلك قبل كدة شاكك ان في خيارات في ال Bios او ال UEFI او ال powermangment متفعلة و ممكن تكون بتسحب جزء من البطراية و الجهاز مقفول .. دا علي اعتبار ان الجهاز لما بيعمل Shutdown بيكون مقفول تمام .. مش شكلا ظاهريا فقط ..

 

هناك بعض الأجهزة تكون خاصية Fast startup مفعلة فيها وهي نظريا لا تعني إطفاء الجهاز بشكل كلي إنما إغلاق بعض العلميات وحفظ العمليات الأخرى على القرص في ملف hiberfil.sys ليعمل الجهاز عند تشغيله بسرعة اكبر

أيضا هناك خاصية wake up by network وهي تعمل على إيقاظ الجهاز من السبات عن طريق الشبكة ووجود اشارة تصل من الراوتر للجهاز تعني على ما أعتقد إمكانية حصول هذا الشيء لديك

برأي قم بإلغا خاصية Fast startp من لوحة التحكم -خيارات الطاقة كما بالصورة





بالنسبة للخاصية الأخرى من مدير الأجهزة ابحث عن بطاقة الشبكة التي لديك واضغط باليمين واختر خصائص وقم بإزالة العلامة ما المؤشرة بالأحمر كما بالصورة

 

إعادة الضبط ل Bios من داخل الإعدادات تجدها
تفعيل الويندوز باعتبار الجهاز تم شحنه بنسخة مسبقا فالتفعيل سيكون مباشرة بمجرد الاتصال بالانترنت بعد تثبيت النسخة الجديدة لأنه مرتبط باللوحة الأم

العودة للإصدار السابق يمكنك تطبيق الخطوات المذكورة في الرابط
مع ملاحظة ان خيار العودة يبقى متاحا لمدة شهر بعد التحديث بعد ذلك لا يمكن العودة لأن ملفات النسخة السابقة يتم حذفها تلقائيا

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

 

السلام عليكم و رحمة الله تعالي و بركاته

للانتهاء من المشكلة .. انا عملت الاتي

1 - انا دخلت الابتوب بتاعي في نظام اسموا Battery Safe Mode و هوا اني بمنع الجهاز انوا يشتغل عن طريق البطارية و لازم اكون موصل الشاحن علشان يشتغل ..

و قفلت الجهاز لمدة اسبوع مفصول عن الشاحن و في وضع ال Battery Safe Mode ( طول اسبوع العيد )

و انتظرت لحد لما شركة HP نزلت تحديث لل BIOS

و دي صورة التعديلات الي هوا عملها



و الحمد لله اعتقد ان المشكلة اتحلت .. و جزاكم الله خيرا علي تعبكم ♥

 

يغلق للإفادة