خبراء الهاردوير ،، ما هي افضل الأجهزه للجهاز المكتبي

المصدر: خبراء الهاردوير ،، ما هي افضل الأجهزه للجهاز المكتبي
في منتدى : منتدى أجهزة الحاسوب والهاردوير

بسم الله الرحمن الرحيم
حي الله الجميع

سلمكم الله انا بشري ان شاء الله جهاز مكتبي
وبركب القطع على كيفي
لكن اخاف اركب شي قديم وما يعطي القدره التامه على المعالج
لأني بركب معاج انتل كور 2 دو
ويا ليت تعطوني الماذربورد القويه
ولأن عندي بعد رامات 3 ميجا
وبركبهم عليها
وايضاً بركب كرت شاشه انفيديا من الإصدارات الجديده
يا ليت تعطوني اسم الماذربورد الي تدعم كل الامور هذي


الي اعرفه ان ماذربورد اسوس من النوع القوي والأفضل من بين الماذربوردات
وش رابكم في القول هذا ؟

بانتظار ردود الخبراء

 

وعليكم السلام ورحمة الله وبركاته

الله يحيك ويسلمك اخوي

والله ياخي المذربوردات عالم كبير
تقدر تفك روابط الشركات وتشوف بس ترى بعضاها يوصل الى 1500ريال

واسيوس وMSI وجيجا بايت كلها حلوه
بس والله الاسيوس قويه بصراحه بس تأكد ان شبساتها انتل 954 فمافوق يعني 965 او 975

تقدر تقول لى كم سرعة الرامات ؟!! الباص حقها ؟!!
667 او اقل ؟!
لانه الناس اللحين صارت تشتغل على رامات الباص حقها 667 او 800ميجا

اتمنى لك التوفيق

 

هلا اخوي
ماقصر الغالي سلطان
وانا انصحك بمذربورد ASUS قوي جداا ومواصفاته عاليه
شوف هذا الموقع الخاص فيه http://au.asus.com/index.aspx
او هنا
http://event.asus.com/mb/p5k/index.html

 

شكر لكم علي المعلمات

 

حلو
تقريباً الي قلته عن المذربوردات كنت افكر فيهم
ودي تعطيني نبذه صغيره لا هنت عن التشيبسات وش سنعها ؟
طيب تقدر تقولي كيف اجيب الباص تبع الرامات ،، من وين احصله
تراي دكوكره في هالامور :q:

تسلم على المعلومات يا الغالي
وعسى الله ينفعنا بما علمنا

 

ماشاء الله عليك حبيب قلبي ابن الملوك 100%

بالنسبه للرام

حمل برنامج CPU-Z
http://www.cpuid.com/download/cpu-z-143.zip


وشوف الصوره معي
\

 

معلومات قيمة بالفعل ما قصرتوا جميع









​

 

هذا الي انت تبيه يا سلطان
وجبناه لك
وترى جميع السولتات في جهازي مركب عليهم رامات
رامين 512
ورامين 1024
يعني مجموعهم ( 4 ) رامات


هذي رام 1024






وهذي 512





هاه وش تقول فيهن ،، مضبوطات ولا يبي من يغيرهن ؟
باقي الشيبسات ما قلت لي وش الفايده منهم ؟
خلني اعرف كل شي على شان ازنط الهندي اذا بغيت اشتري منه
لا يلعب علينا مثل المره الأولى لا بارك الله في العدو

 

انا كتبت رد طويل عريض:d: ورااح :er: بسبب الاتصااال ​

شف الصوره
بتوضح لك الشبسات



وفيه منها انواع طبعا انتل وفايا وsis
والافضــل هنــا الانتل
.............

الرامات مثل اللي عندي :b: 533
واللحين موجوده 667 وبرضه 800 وفيه اكثر

بس انا ناوي اغير بس موب اللحين
اذا ودك تغير حلو ماودك تقدر تزود بس تكون نفس الباص 533

لانه لو تغير الباص بتغير مشكله بنقل البيانات


الله يوفقك يالغالي

وبإنتظار كل استفساراتك

 

واضح انك تكتب من دون نفس ههههههههههههههههههه
الله لا يلومك اذا كل الي كتبته راح في الهواء
طيب سليطين ما قلت لي وش الفايده من الشيبس ؟
هذي المره الثالثه اسألك ولا رديت علي فيه :q:
وانت تقول ان الرام الي عندي 533
وشي تكفى هذي 533 :?:
تراي برفع ضغطك عارف والله بس تحملني تكفى
الأمور هذي قسم بالله اني عليمي فيها مره
حدي اعرف حجم الرام وسرعة الجهاز والكرت
اما الشيببسات واشكال وانواع الرامات هذي والله ما ادري فيها بشي
ابيك تختصر لبى قلبك الدعوى كلها عن الرام والشيبس
يا هالشيبس ذبحنا الي يشوفني يقول داخل بقاله
ليز وطقته
​

 

السلام عليكم

مو مسالة اكتب من دوون نفس:no:
بالعكس اتشرف بخدمتك ياخوي

اولا الشبسات انا موضحها لك وبالصوره بعد

ياخوي الشبسات هذي رقاقات المذربورد طبعا تسمى بالجسور بالمذربود
الجسور اللي تربط المذربورد بالاجهزه الخارجيه والمكونات الداخليه
عندك اللحين مثلا اخذت مذربورد جيجا بايت
تكون شبساتها مثلا انتل 954 او انتل 965 كل مازاد الرقم زادت قوتها
المعالجات القديمه كانت الشبسات فيها 865 وحولهـا
المعالجات الجديده صارت 915 وانت طالع اللحين متوفر 975 وممكن995

طبعا الشبسات هذي حتى الهارد الساتا يعتمد عليها وكذالك منافذ usb
,وفيه انواع منها مثل via وكذالك sis
الافضـــــــل لك انتل


انت اذا جيت وتبي تآخد مذر بورد بتلاقيها مكتوبه على الكرتون او قول للرجال وش نوع الشبسات
حتى لو المذربورد كانت اسيوس او msi


الرامـــــات

طبعا 533<< هذي سرعة النقل من المذربورد الى المعالج من خلال الرامات
وليس الحجم
طبعا لو ركبت 2جيجا وكلهــا الباص 533 حلوو
لكن لو ركبت 2 جيجا 3 منها الباص 533 ووحده 667 مارح تستفيد من السرعه 667
وبتصير مشاكل مثل التهنيق وغيره

يارب اني وضحت لك

وعلى رااسي من فوووق يا اخوي

 

جزاكم الله كل خير
لكن اضن ان الشيبسات sis
ليست ذات نوعية عالية
طبعا على حد علمي
​