[تم حل المشكلة]الأتصال الاسلكي يتصل لدقائق ثم يفصل بدون سبب!!!

المصدر: [تم حل المشكلة]الأتصال الاسلكي يتصل لدقائق ثم يفصل بدون سبب!!!
في منتدى : منتدى مشاكـل وحلول الحـاسب

بسم الله الرحمن الرحيم

السلام عليكم ورحمة الله وبركاته

عندي مشكله يا أخوان في الشبكه من يومين
وهي أنو أمون شغال على النت عادي وكل شي تماااام
وفجأة تفصل الشبكة عندي
وأحاول أشبكها أبد ماتشبك معاي
لدرجة أنو شبكة الجيران تشبك معاي لكن شبكتي أبد ولا حتى تعطي مؤشر أنها ضمن الشبكات الموجوده
ما أدري وين المشكله
أفتحها ربع ساعه عشر دقايق وتفصل
وأستخدم برنامج تنظيف إلي هو هذا


وأرجع أفتح الشبكه عادي تفتح عشر دقايق وتفصل وعلى هالموال!!
كل شي والأوضاع عادي نفس الأيام إلي راحت قبل المشكله من ناحية بعدي عن المودم وكذا
مافي أي تغيير بس ما أدري وش سبب المشكله..

ممكن مساعده يا أخوان
الله يجزاكم الجنة

الحين عشر دقايق وأرجع أستخدم آدة التنظيف عشان ترجع تشبك معاي :f:
​

 

طيب انت تستخدم وايرلس مدمج مع الجهاز او خارجي يو اس بي وش نوعها اذا كانت خارجيه الفا لينكس الى اخره


وشيكت على اعدادات الواير ليس بالمودم او لا وش نوع مودمك

وفيه احد يشبك معك على الشبكه واير ليس وتواجه نفس المشكله او انت لحالك


وان شاء الله يفيدونك الشباب اكثر لكن الاسئله هذي مهم تجيب معلوماتها بالتوفيق

 

الوايرلس بنفس جهازي ونوع الجهاز آيسر

كيف أشيك لاهنتم..وكيف أعرف نوعه ..؟؟؟

لا وايرلس لا مافي إلا إذا كان في ناس تسرق منا !!!
بس في أخواني على الجهاز المكتبي بس هم سلكي مش لاسلكي :d:
وعادي ماشي معاهم الأتصال..


لا هنتم ساعدوني..

 

في شي ثاني

كمان لما تفصل الشبكه واعمل إصلاح تصير عادي تشبك
بس كمان فتره وتفصل ولاعاد تشبك لما أعيد أسوي إصلاح
يعني صعب كل شوي أعمل إصلاح او تنظيف :no:
وعاد جهازي من شريته ما يلقط الشبكات بسرعه
يعني لازم أقرب من المودم حتى تلقط وبعدين عادي أرجع لغرفتي :i:

 

جرب اشبك سلك المودم بجهازك وسو الاعدادات من جديد ..

وياليت تبلغني عن نوع المودم عشان أجيب لك شرح الاعدادات ..

 

معليش بس كيف أطلع الإعدادات المطلوبه
وكيف أعرف نوع المودم ؟؟
من وين بالضبط؟؟

 

اخوي ع جهاز المودم مكتوب اسمه ( speedtouch أو linksys ...الخ

 

مودم آفاق dsl شامل - موديل 014

ذا المكتوب عليه ،، ما أدري هو المطلوووب؟؟!!

 

لم أجرب هذا النوع ولكن وجدت شرح فني الاتصالات ..

.
.

وصل جهازك بسلك المودم وبعدين ..

1\ صفحة انترنت Internet Explorer
2\ نكتب في شريط عنوان ( 1٩٢.١٦٨.١.١ )
3\ راح يطلب منك اسم مستخدم وكلمة مرور
اسم المستخدم : Afaq‎_shamel ( حرف A لازم يكون كبتل والباقي كله سمول )
كلمة المرور: stccpe‎_‎2007 ( كلمة المرور كلها سمول )
ملاحظه :
اذا كتبتها صح راح تفتح الصفحه واذا رجع الى نفس الصفحه هذا يعني ان في شي مكتوب غلط

4\ اعدادات الاتصال
أ- Basic
ب - WAN Setting
ج - تغير Username (من الرساله اللي في الجوال )
د- تغير Password (من الرساله اللي في الجوال )
هـ - تنزل اخر الصفحه وتضغط على submit
اذا كان شغلك صح راح يطفي ويشتغل نور Internet في المودم

5\اعدادات الوير لس
أ- Basic
ب -Wireless Lan
ج -SSID = اسم الشبكه يعني الاسم الظاهر وتغيره عشان تعرف ان هذا هو المودم
د- Authentication Type تتغير الى WPA-PSK
هـ - Pre-Shared Key تحط الرقم السري لشبكه الاسلكيه من 8 الى 63 رقم
و -تنزل اخر الصفحه وتضغط على submit

وإن شاء الله يضبط معاك ..

 

ادخل الرابط هذا

http://192.168.1.1/


راح يطلب منك اسم المستخدم وكلمة المرور اذا انت مايغرتها تلقاها

اسم المستخدم : Afaq_shamel

كلمة المرور : stccpe_2007

فيه كلمة واير لس ادخل عليها وشف الاعدادات تلقا حاجه اسمها channel id


تلقا رقم القنا ة الي هي channel id ارقام سوا 11****** او 10*******

احفض الرقم المكتوب وشو وبعدين من القائمه عندك غيره بتلقا ارقام غيرها لرقم غير الرقم بس احفض الرقم الاول حتى اذا مازبط ترجعه نفسه وسو حفض وجرب انا ماستخدمة افاق لكن اعدادات المودم متقاربه في الغالب وعطنا النتائج

 

ألف شكر يا أخوان
الله لا يحرمكم الأجر ويجعلها في موازين حسناتكم ياااارب

أنا راح أعمله بإذن الله الحين
لكن ضروري أوصل سلك المودم؟؟
لأنو أخوي شغال على المكتبي شغل ضروري
وصعب أفصله الحين
وإذا ينفع بدون سلك
راح يأثر عليه
يعني ممكن تأثر على الشبكه عنده << خايف يتسطر !!

لما فتحت الرابط تو بدون السلك جا معاي كلمة المرور واسم المستخدم
بس ما صلحت الباقي
إذا تأثر على المكتبي يصير لما ينتهي أخوي شغله أشبكه وأطبف بإذن الله

للمعلومية
أنا دخلت على الأعدادت هنا

وصلحت تغيير في تشفيير البيانات من AES إلى TKIP
وضبط معاي الأتصال لكن مجرد مايفصل لثقل الشبكه يرجع مثل أول AES
يعني مايحفظ التغييرات ولازم كل شوي أغيره حتى يضبط الأتصال



ربي يجزاكم الجنه

 

هو بيجي معاك بس بالسلك أضمن بما انه كل شوي يقطع عليك ..

وبالنسبة لتشفير الشبكة أذكر اني حاولت بنفس طريقتك وكان نفسك يرجع يتغير ..
ولما استخدمت التشفير من صفحة المودم هو اللي ضبط معاي ..

 

طيب يا أختي أنا أستخدم اللا سلكي من شهور وكانت عادي تتصل معاي
تفصل لما تثقل الشبكة شي طبيعي بس انو تفضل على طول مفصوله مثل هاليومين أكيد في سبب بس مو عارف

أمس شبكت السلك وصلحت إصلاح للشبكة وفصلته ومشي معاي الأتصال اللاسلكي تمام
فضلت شغال عليها الصبح وكل شي ماشي باللاسلكي طبعاً
بس لما فتحوا أخواني الجهاز المكتبي فصلت

ما أدري وين المشكله بالضبط!!!
ممكن تقولوا بسبب ثقل على الشبكة
طيب اول مره تظهر هالمشكله عقب 8 شهور تقريباً ،،
وليه لما أقرب من المودم ماتتصل ، يعني لازم أعمل تنظيف أو إصلاح كل عشر دقايق وإلا ماتشبك

الله يجزاكم الجنة إلي عنده حل لا يبخل!!

 

نظفت الجهاز بالبرامج إلي بالموقع
وجربت طريقة تغيير رمز التشفير عن طريق المودم

والحمد لله لي الحين ساعتين شغال على الشبكة وماشيه أموري

ف ا ر س ،، صبح تدلى
الله يجزاكم الجنة ويحرم عن وجوهكم النار يوم القيامه

راح أجرب الوضع يومين وإذا مشت تمام راح أنبه على إنتهاء المشكله