إلى خبراء اللينكس ..(Ubuntu)..

المصدر: إلى خبراء اللينكس ..(Ubuntu)..
في منتدى : منتدى أنظمة اللينكس والماك

الســلام عليكم ورحمة الله وبركاته ..

اخواني انا عندي مشكله بجهاز ألفا على نظام Ubuntu 10.10
المشكله هي اني القط الشبكة ويطلع لي الابراج وكل شيء تمام لكن ما يتصل بسبب ضعف أشارة الوايرلس من جهاز ألفا ..

السؤال هل يوجد طريقة لتقوية أشارة ألفا .؟؟​

 

اهلا اخى جمعت شوية معلومات اتمنى انك تجد ضالتك هنا
وعذرا على التقصير​

انا اعتقد انها ملهاش برنامج بس ليها طريقه هاتلاقيها هنا​

هذي طريقة لتقوية الوايرلس​

وهذا الشرح ​

اقوي لاقط اشاره وايرلس في العالم بقوه 500mw من شركه الفا(صور)
تم تحرير الروابط المخالفة ahmosis
​

بالبدايه .. هالموضوع راح يكون مختصر ويتكلم عن تجربه معينه وتوضيح لبعض المفاهيم وحبيت أنزله بأقرب وقت لكثره الأستفسارات عنه ... أيضا سيكون بشكل عام بدون الدخول في تفاصيل بعض الأعدادات .​

من أول ما طلع الـ DSL وشغله الوايرلس والأستفسارات تروح وتجي على هالسالفه .. كيف أقوي الوايرلس وأزيد مداه لأكبر مسافه ممكنه؟!​

تعددت الطرق والحلول لتقويه بث الوايرلس فبعضهم يحط له قصدير على الأنتل حق المودم والبعض يغير الأنتل كامل بواحد أقوى وفيه ناس تستخدم حلول أحترافيه وأكثر تكلفه وهي أستخدام أكسس بوينت لربط وتقويه الأرسال من المودم الرئيسي .​

طبعا الأكسس بوينت Access Point يعتبر بشكل عام واجهه توزع الأشاره ( سلك + وايرلس حسب دعم الجهاز ) لباقي الأجهزة وغالبا يكون متصل بالمودم الرئيسي عن طريق سلك شبكة .. يعني مثلا عندك مودم قديم ما فيه وايرلس توصله بالأكسس بوينت وتخليها توزع الوايرلس .​

الوظيفه الثانية او الـ Mode الثاني اللي يهمنا واللي تشتغل فيه أغلب أجهزة الأكسس بوينت اللي هو Repeater ريبيتر : بمعنى يستقبل أشاره الوايرلس من المودم الرئيسي ويعيد بثها من جديد بمدى أكبر بدون أي أسلاك بينه وبين المودم . ( مجرد توصيل بالكهرباء فقط ) وهذي صورة ممكن توضح فكره الأكسس بوينت والريبيتر​

​

طبعا الشئ المهم والتوضيح اللي من أجله نزلت هالموضوع أنه إذا تكلمنا عن تقويه الوايرلس فحنا نتكلم عن تقويه الأشاره الرئيسيه من المودم .. وليس تقويه ألتقاط الوايرلس من جهاز معين .​

من ناحيه شخصيه أستخدمت أكثر من منتج لتقويه الوايرلس من المودم الرئيسي ( SpeedTouch 585 v6 ) واللي هي بأختصار :​

​

* SpeedTouch 180 : سئ جدا جدا وغير عملي .. إشاره ضعيفه جدا لدرجه أن المودم الرئيسي نفسه وانا بعيد عنه يشبك وبثبات أكثر من هذا .. رغم أني جالس على بعد 10-15 متر من المقوي .! والقهر أني شريته بحول 300 ريال لأنه كان صعب تلقاه .! وللأسف جربته مرتين و3 وحوم تسبدي ومصيره يرجع لكرتونه .​

​

* Wireless-G Range Expander : مثل خويه اللي فوق .. سعر مرتفع + أداء سئ جدا وأعداداته لحسه ( ممكن مشكله توافق مع السبيد تتش ) وبثه ضعيف .. يعني لازم احطه بجنب المودم ولا ما استفيد إذا صرت بجنب المودم ما أبيك تعطيني شئ ​

بعد هالجهازين ركدت شوي وما حبيت استعجل على شئ خاصه ان اغلب الحلول اللي اقترحت علي كانت مكلفه شوي .. لين سمعت عن الجهاز هذا واللي أحب أني افصل فيه أكثر .​

​

Buffalo WHR-HP-G54 ​

صفحة الجهاز ​

كود:
http://www.buffalotech.com/products...igh-power-router-and-access-point-whr-hp-g54/
جميع الخصائص والأعدادات طبقتها من هالموقع والحقوق محفوظه لأصحابها .. مع كل الشكر لكاتب الموضوع ( خالد خليفه )​

كود:
http://www.wifiarab.com/content.php?id=144&catid=5
والشئ المهم اللي يفضل انك تسويه ( او تخلي راعي المحل يسويه لو يعرف ) هو رفع فريم وير dd-wrt للجهاز عشان تستفيد منه بالشكل الأمثل وبرضه عشان تطبق الشرح والأعدادات الموجوده بالرابط .​

كود:
http://www.wifiarab.com/content.php?id=30&catid=5
المميزات : من واقع تجربه أكثر من شخصيه ( لأني بعد ما جربته وصيت عليه 5 أشخاص وكلهم يمدحونه ) مع العلم أن طبيعه أستخدامي له كـ ريبيتر يعني بعد ما ضبطت أعداداته أشيله لأي مكان يوصله بث المودم وأشبكه بأقرب منفذ كهرباء وهو يلقط الأشاره ويعيد بثها .​

* سعر مناسب : أذكر اشتريته وقت ما نزل بسعر 280 ريال وسعره اعتقد للحين بهالحدود 260-280 ريال .​

* أداء قوي : أداءه مقنع جدا جدا يعني يبرد التسبد على قولتهم من ناحيه المسافه غطى لي مسافه كبيره وتقريبا ضعفين تغطيه المودم العاديه مع فرق المسافه بينهم .. وكل ما رفعت قوه الأشاره راح تزيد لك التغطيه لكن لحد معين .​

* أعتماديه وعمليه رهيبه : طبعا عشان أحصل على أحسن نتيجه وأكبر مسافه ( لأني أبغى أنقل الأشاره لبيت أخوي ) كان لازم أحط الأكسس بوينت برا .. يعني معرض للشمس الرقيقه والهواء العليل الخالي من الغبار والحمد لله شغال بدون مشاكل وتقطيع وقله حيا .. وأزيدكم من الشعر ملحق بالعواصف الأخيره جاه رش مطر وتنقع شوي لكن فكيته ونشفته ورجع زي الحلاوه ​

* خيارات عديده : الجهاز يشتغل كرواتر وأكسس بوينت وريبيتر وسويتش .. وبلوحه التحكم عندك الخيار أنك تعدل على أشياء كثيره منها قوة الأشارة , التشفير ( يدعم أغلب أنواع التشفير الموجوده وبأمكانك تفصل تشفيره عن المودم الرئيسي يعني لكل واحد منهم كلمه سر ) وحظر المواقع والتحكم وغيرها وأغلبها مشروحه بالرابط اللي فوق .​

العيوب : شكلكم تقولون كل هالمدح وعيوب ؟! من ناحيتي ما واجهت معه أي مشكله ولله الحمد لكنها مشاكل وتنبيهات بسيطه لازم نحطها بالبال .​

* الأكسس بوينت لا يدعم المعيار الجديد للوايرلس N .. مع أني اشوف بموقعهم موديلات جديده تدعمه لكن من ناحيتي وبما ان المودم الرئيسي أصلا ما يدعمه فما همني هالشئ .​

* برنامج الـ TFTP Clint والمستخدم لرفع الفريم وير ما يشتغل ولا يضبط إلا على الأكس بي .. يعني وقت ما تسوي هالخطوه سوها على جهاز يشتغل بنظام XP .. مع العلم أنه بالأمكان أستخدام أي برنامج ثاني لنفس الغرض لكن ما جربتها . ( طبعا هذا موب عيب بالجهاز لأن البرنامج منفصل عنه )​

نقطه على السريع :​

- يوجد أجهزة ثانيه من شركات أخرى بأسعار مختلفه وبعضها سعره رخيص ويقدم أداء قوي مثل بعض موديلات الـ PheeNet .. لكني ما جربتها عشان أحط رأيي عنها وأتمنى لو فيه أحد جربها او موديل غيرها يحط تجربته .​

---------------------------------------------------​

* نجي للنقطه الأهم بالموضوع .. لما يجي شخص يسأل ويستفسر وش أحسن حل لتقويه الوايرلس ؟! الوايرلس ضعيف ؟! كيف أوصل الأشاره للدور الثاني ؟! طيب الملحق ما فيه وايرلس << ​

هل من المنطق أني أقول رح أشتر لك لاقط أشاره ( ألفا أو غيره ) بـ ( 120-150 ريال ) مع العلم أنه ما راح يستفيد منه إلا جهاز واحد بس ؟! طيب اذا صار عنده أكثر من جهاز يعني يروح يشتري جهاز لكل واحد ؟! ​

او الأفضل أنه يشتري أكسس بوينت ( 180 - 300 ريال ) ويوزع الأشاره لكل المنطقه اللي هو فيها ويريح عمره من الأسلاك والبهذله والتعاريف ؟!​

يعني بأختصار .. الألفا Alfa USB أو G-SKY أو ما شابهها هذي ليست أجهزة لتقويه الوايرلس ( مع أن هناك طرق لتمكين المشاركه عن طريقها لكن ما أشوفها فعاله ) .. مجرد محول عادي للوايرلس زيه زي الموجود باللابتوب لكن غالبا يكون أقوى بالألتقاط بسبب نوع الشريحه(التشيب) المستخدمه والأنتينا المرفق معها .​

بالتأكيد ما نلزم أحد بشئ أو أختيار معين .. وكل واحد وأستخدامه وميزانيته واللي يريحه لكنها تجارب وحقائق لازم نذكرها وتكون بالبال .. وأن شاء الله تكون وصلت الفائده من الموضوع .​

الموضوع كتبته على السريع بعد تأجيل وتسويف لين أستحيت على وجهي اللي عنده أستفسار -معلومه - تصحيح - تعليق أو تجربه يتفضل وحياه ربي .​

والله أعلم .. وفق الله الجميع ​

 

جزاك الله الف خير اخوي الفارس وما قصرت بيض الله وجهك ..

بس يالغالي انا مو قصدي اللي انت فهمته بتقوية الوايرلس في الفا انا قصدي تقويتة في نظام أبونتو فيه عندي جهاز وفيه نظام ويندوز وماشي تمام لكن على نظام ابونتو الاشاره تجي ممتاز ولكن يتصل دقيقه ويفصل حتى قلت يمكن المشكله من جهاز الفا ورحت واشتريت جهاز جديد ونفس المشكله .. لقيت شرح لها في احد المنتديات وكان الشرح عن طريق الطرفيه سويت كل شيء وللحين نفس المشكله ..

مشكور مره ثانيه تعبتك معاي جزاك ربي الف خير ..

 

ﻻ شكرا على واحب بس حبيت اساعد
شكرا لك اخى سمو الأحساس​

 

هل تعريف الفا شغال تمام ثبت تعريف الفا

معلومات كثر ذهب مجتمع الينكس

 

هلا اخوي عبدالله ..

تعريف الفا بنظام ابونتو يتعرف تلقائي وشغال والاشاره ممتاز لكن ما ادري وش وشكلته يتصل دقيقه ويفصل وبحثت بالمنتديات المتعلقه بـ"لينكس" ولقيت اكثر من طريقة عن طريق الترمينال ولكن ما ظبطت معي ما ادري وش المشكله ، انا اتوقع يبي له تقوية لان الاشاره تجي مره فل ومره ضعيفه ..

 

المشكله اكثر اللي هنا شكلهم ويندوز