لاضاق صدرك والليالي تحدتك ... اصبر عليها والصبر زين لو طال

[ابـــو عــبــد الــلــه]

السلام عليكم ورحمة الله وبركاته​

::::

كم راح من عمري وانا ودي اتوب
ولولا الهوي والنفس كان امس تايب​

عشرين عام امني النفس يا ايوب
لين اكتشفت اني مع الوقت شايب​

راحت حياتي بين طالب ومطلوب
ولي خاطر(ن)لو طبت ماهوب طايب​

طول الامل في مثل هالوضع عذروب
من يامن الدنيا وغدر النوايب​

خدعني التسويف واغرتني دروب
ياكثر ما وجهت فيها غرايب​

واخاف من يوم(ن) بها الموت مكتوب
لاحولوبي بين عوج النصايب​

في منزل(ن)مظلم عن الناس محجوب
محجوب حتى عن هبوب الهبايب​

وصار الكفن يا ايوب يغني عن الثوب
وفارقت ربعي والأهل والقرايب​

ولاعاد فيها جاه واموال واسلوب
ولاعاد فيها حب خشم وطلايب​

من المهد لين الحد وقت محسوب
ماضاع شي ولابقي شي غايب


::::
​

​

 

[ابـــو عــبــد الــلــه]

 

[ابـــو عــبــد الــلــه]

عندما تنزل دمعة المرأة فأعرف أنها تريد شيئا ... 70%
​

وعندما تنزل دمعة الرجل فأعرف أنه فقد كل شيء ...40,44%

:d:
​

 

[ابـــو عــبــد الــلــه]

لآضاق صدرك عالي الصوت جره

لو كان قلبك ما يطاوعك مسرور

دنياك لو تسوى من الحِزن ذرّه

ما كان تاليها توابيت وقبور

وما كان للكافر بعمره مسره

وما شفت في ملكه ملايين وقصور

​

العمر يمضي بين حلوه ومره

والموت حق وقابض الروح مأمور

دام الحياه الفانية مستقره

ورزقك يجيك وبين الأجواد مستور

لاتنشغل بالوقت برده وحره
​

واحذر تصير بقسمة الناس مقهور

وحكم القدر لاجاك خيره وشره

أشكر عظيم الشان والذنب مغفور

والمجلس اللي يزعجك لا تمره

خله تراك بشوفته منت مجبور

والرجل سقها في صحاصيح بره

ومد النظر مابين ريضان وزهور

لا صار وجه القاع ما فيه جره

والمشي حافي والثرى تو ممطور

ساعات صمتٍ ما وراها مضره

تسوى الكلام اللي به إذنوب وإشرور

أطلق خيالك وأترك النفس حره

وخل الطبيعه في حياتك لها دور

وبالليل لا بانت نجوم المجّره

أذكر بديع الخلق بـِ إحـساس وشعور

واسجد لرب الكُون مره ومره

وإحفظ لسانك وأترك الكذب والزور

وفروض ربك خلها مستمره

وطاعتك لا يدخل بها نقص وقصور​

 

[ابـــو عــبــد الــلــه]

:hh: