طلب عاجل بالنسبة لسداد موقع قياس للقدرات

[:::DeadEnd:::]

السـلآم عليكككم والرحمــة..


عساكم طيبوون :


شوفو الحين انا ابختبر بعـد شهر ومدري تسجيلي تأكد ولآ لآ لانه اذا لآ بيلغونه يوم الثلوث ويضيح المبلغ <-- حسب فهمي :i:


هذي مشكلتـي..:

كييييف يعني كييييف يكون معي برصيدك الحالي 100 ريال وحالة التسجيل غير مؤؤؤكدة؟؟؟


بانتظآرركمـ..​

 

[stoooooop]

هلا ديد

رصيدك -100 (سالب)

المفروض يكون 0 مو سالب 100

يعني الحين لازم تدفع 200 ريال عن طريق الجوال او الصراف الالي

وتدخل رقم الايصال في الموقع

ويتم التسجيل بنجاح :d:

​

 

[:::DeadEnd:::]

المشكلة مو كذا المشكلة طلعت بالايصال

انعل اوومها حالة


مسجل بالراحجي ويقول لي الموظف خذ خلاص كل شي تم..


اجي لليوم اسوي تشك القاه غير مؤكـد لييين عرفت بالنهاية انه لآزم تأكد مبلغك بادخال رقم الايصال بالتلفون

ادخل رقم الايصال الحين يقول لي رااحت عليك!!


حتـى قياس مكتوب فيه "آخر موعد للسداد : يوم الثلاثاء 27/04/1433 الساعة 05:05 م"

اااخ بس 100 ريال راحت ع الفاضي واختبارين ضيعتها للحيييين!!! ما بقالي فررص!!!

 

[H.H.H]

اخوي ديدو
زي ما قالك اخوي ستووووب رصيدك الان بالسالب
يعني ما دفعت للموقع
سدد بالصراف او اي شي
المهم انك تاخذ رقم الايصال
وللعلم
ماراح يتأكد تسجيلك الا بعد ما تحط رقم الايصال
بالموقع ويرجع الرصيد 0 او اية مبلغ لكن مو بالسالب

وبعدها راح يتأكد

واذا راح موعد السداد احذف التسجيل
وسجل من جديد
وعلى ما اظن انه تدفع زيادة خمسين ريال او زي كذا
يعني 150

ان شاء الله تلحق


​

 

[waget]

موفق إن شاء الله أخوي ديد ...

إنت ألحين سويت إيداع أو عن طريق الصرافه صح .. عندك رقم إيصال ...

روح لتستيد المقابل المالي ..

وإختار طريقة الدفع ... راح ينقلك لصفحه

ماني مذكر إيش فيها بالظبط ..

لكن فيه طريقتين الاولى عن طريق خدمه" سداد " هذي بالانترنت تسدد عن طريق موقع البنك .

والثانية عن طريق رقم الايصال ألي عندك أعتقد .. تدخل الرقم وإن شاء الله أمورك تمام

أحيان مايتأكد على طول بس ماياخذ وقت ..

​

 

[باري]

يالغالي صارت معي نفس المشكلة
اصبر لمدة 24 ساعة ويتاكد الموعد
لاتخاف اذا شفت السالب
انت الحين مفعل تمام بس باقي ياكدون التاكيد
تحياتي يالغالي وباتوفيق

 

[MaKoOo]

أخوي ديد نفس المشكلة سارت معي ..

الحل باختصار ..

رووح لبنك الراجحي كلم الإستقبال حقهم الي أول ما تدخل بوجهك
قوله وريني العمليات الأخيرة الي سويتها بحسابي واشرحله وش سار معك

راح يوريك رقم بجنب 100 حق قياس تحطه بالموقع .. وإن شاء الله يؤكد إختبارك


بالتوفيق

 

[:::DeadEnd:::]

تم حل المشكلة ,,

يسلم كل من رد ,,

يُسمَح باغلاق الموضوع الآآن :d: