طلب أيفوني سآبق, وجديد ع الأندرويد"مرتد". وعندي كم كولكشن أسئلة أبيكم تسآعدوني فيها.

المصدر: أيفوني سآبق, وجديد ع الأندرويد"مرتد". وعندي كم كولكشن أسئلة أبيكم تسآعدوني فيها.
في منتدى : منتدى الأندرويد Google Android

السلآلآم عليكم :d:


رمضآن كريم وكل عآم وأنتم أحسن مني :b:


صآر بيني وبين ولد عم ستيف جوبز خلآف وحرمت مآاستخدم أجهزتهم وقآلي مردك بتتقروش فـ الأندرويد وترجع لنا
قلت معصصصصي وألف معصي

عآد يوم أستخدمته به أشياء مادري وش قصة امها وقعدت افكر اروح اصألح جون جوبز وأعتذر منه وأرجع للأيفون ~> ولد عم ستيف:d:

بحكم أني كسول ومآلي خلق أتعلم شي جديد
وعلى قولة الشآعرة الشهيره جنيفر لوبز :
why should we need to another cell phone when the iPhone look alright
New things for me to learn it could take all night :d:

المهم... كل اللي بعرفة هو, كيف اسوي روت ووش سالفة العسكريم سندويش ذا ~> :i::hh:
والروم المطبوخ والروم ع الفحم , وخبز الزنجبيل وخبز تميس ~> وش الخرآبيط ذي برآمج ولا اكل؟؟ :i:

أيه ومفهوم الجيلبريك في الأيفون مثل الأندرويد؟؟ وش اسمة وكيف طريقته وكل شي يعني كيذا يفيد وآحد دلخ مو دآري وش الطبخه بالنظآم مثلي :d:

وشكراً . :king:

 

:q:

افا ياكريزي هانت عليك العشره

كل عام وانت بخير

روم [ XXBLFB ] الآيس كريم العربي الرسمي لـ Galaxy S3

هذا الروم مدري هو هو الروت ولا يختلف

يجونك فلاطحة الاندرويد ويساعدونك ان شاء الله

 

^

+1

دريت أنك أنت اللي بتفزع لي لبى قلبك :q:

والله صرآحة مآهانت علي وعندي صورة متصور مع ألأيفون وحآطها خلفية ~> :q:

بروح أشيك على الرآبط :d:

 

:b:

طيب علمني جوالك وش عشان ندور لك الباقي :d:

 

Galaxy SII :d:

 

تفضل ياذيبان

شرح منقول والحقوق محفوظه لصاحبها

طبعا الروت فايدته تقدر تعدل على ملفات النظام الاساسيه

 

يآلبى قلبببببببك ي شيييخ, :y:


وآحد مرسل لي طريقة الروت قبل شوي ومدري طريقته يبيلها برنآمج الـ KIES وذا اخر مرة جربته مايشتغل, بحآول بطريقته واذا ماضبط بشوف ذي وأن شاء الله يضبط :b:

 

^ سويت كل شي تمآم اخر شي جوآلي طفى وطلعت الشاشة اللي فوق سآمسونج والمثلث الأصفر
بس بعدها ماعاد يشتغل بس يطلع لي صورة البطآرية اطفية واشغلة ويطلع لي تحديث التعريف بالويندوز ويطلع لي فشل!! :i:

 

ياهلا .

أبشر ببدا معك خطوة خطوة

الروت : هو فتح صلاحيات أكبر للجهاز وتعديل ملفات النظام وتركيب الرومات المعدلة الغير رسمية

الروم : هو النظام او السوفت وير وله عدة أصدارات وانواع
مثلا روم رسمي = روم رسمي من الشركة المصعنة لهاتفك ودايم يكون مستقر
روم غير رسمي = بحكم انه نظام الاندرويد نظام مفتوح فالمطورين ياخذون ناظم الاندرويد الخام ويقومون بتعديله بحسب الي يريحهم وهذي مثل مايسمونها مطبوخة ( بس مو على الفحم :d: )

العسكريم والزنجبيل هذي رومات

الاندرويد آخر أصدار له يحمل رقم 4.1.1 وهو الجيلي بين




:d:

وقبله هو أصدرات الآيس كريم وأرقامها 4.0.0 الين 4.0.4

والعسكريم هذا متوفر للأجهزة القوية مثل الاس 2 وفوقه

بوضح لك نقطة هامة : انتبه تركب روت غير مخصص لجهازك وغير مخصص لرومك

مثلا انا رومي الآيس كريم 4.0.4
وهذي معلومات عنه



مثلا لو لقيت روت مطابق لمواصفات جهازي ( نظام 4.0.4 وجهاز جالكسي اس 3 )

لازم تتأكد من أسم الروم كاملا
لاحظ بالصورة ( اصدار النطاق الاساسي و اصدار اندرويد )
هذي أهم شي اذا بغيت تركب روت
لانه لو ركبت روت غير مطابق لمواصفاتك راح تحتاج لتركيب كيرنال جديد

وعشان ندخل بالتفاصيل اكثر الروت له تفاصيل كثيرة
مثلا فيه روت للنظام فقط وغير مدمج معه روت للريكفري
وفيه روت مدمج معه روت للريكفري لكن للنظام لا
والروت يعطل الضمان

،

باقي شوية تفاصيل بمشاركة قادمة :d:
​

 

كريزي نوع جوالك GT-I9100 او GT-I9100G

مشكلتك بسيطة ونحلها انا وياك بدقايق ان شاء الله

تقدر تعرف من خلال الضغط على زر خفض الصوت والبور والهوم ثمين ضغطة واحدة لزر رفع الصوت وشوف فوق يسار فيه نص ،

اول سطر مكتوب GT-I9100 او GT-I9100G

 

^

والله وضحت لي أشياء كنت اتخيلها على الفطور كل مآجبت طآريهم جعت :q:

بس فية حآلة طارئة الحين جوآلي مايشتغل بعد مآركبت الروت وكآن كل شي زي الحلاوة الحين مايشتغل ويطلع لي ايقونة البطآرية وحآولت اسوي الروت مرة ثانية ولا نفع, ومايتعرف على الكمبيوتر.

:er:

 

شوف آخرة مشاركة لي بالصفحة الاولى

اول شي رح لجوالك واضغط زر خفض الصوت + البور + الهوم بعدها بيظهر لك مثلث تحت اصفر وكلام
اضغط زر رفع الصوت مرة وحده

وافتح برنامج Odin 1.85

ثمين اشبك الجوال بالكمبيوتر

 

أيوة اول سطر إصدآر الجهآز

والثآني CUSTOM BINARY DOWNLOAD: YES (3COUNTS)

والثآلث CURRENT BINARY: CUSTOM

 

^ سويت كل هالشي اللي قلتة, وطلع لي PASS يعني تم عملية الروت,

البرنآمج ODIN يتعرف على الجوال لكن الكمبيوتر يبحث عن تعريف ويطلع فشل

 

ايه ابي لاهنت نوع الجهاز
الي هو اول سطر

تم الإرسال من جهازي GT-I9300 بواسطة تاباتوك 2

 

GT-i9100

 

حمل برنامج kies الكيز وركبه
ومايحتاج تفتحه
ثمين كمل باقي الخطوات
ولا تركب الروت لانه غير مناسب لجوالك

تم الإرسال من جهازي GT-I9300 بواسطة تاباتوك 2

 

الكيز مركبة من زمآن, بس مايشتغل لما اوصل الجوآل في الكمبيوتر, اقدر اتصفح الملفات من الدرآيف لكن من الكيز يقولي شغل اليو اس بي في اعدادات الجالاكسي وانا اصلا مفعلها.

مع العلم انه اول عشر دقايق من تحميل الكيز اشتغل وفجآة قطع الاتصال ومن وقتها مايشتغل

والروت شكلي ركبته لكن الجهآز مايشتغل

 

بعد ماتحمل الكيز وتثبته ومايحتاج تفتحه بعد التثبيت

حمل هذا الروت وهو مناسب لجهازك وهو الي يخليه يشتغل ان شاء الله

http://vln01.helochat.com/tourist/speedmod-kernel-s2-k2-21-Odin.tar

لاتفك الضغط عنه ، فقط ركبه بالاودين من خانة PDA

طبعا بعد ماتدخل وضعية Downloading ( بور - هوم - خفض الصوت ) ثم زر رفع الصوت

 

طيب دامك محمله
رح لجوالك واضغط زر خفض الصوت + البور + الهوم
ثم ضغطة وحدة لزر رفع الصوت

بعدين اشبك الجوال بالكمبيوتر بعد فتح برنامج الاودين

اذا طلع لك مستطيل بلون اصفر فوق يسار معناته تم التعرف على الجوال