مشكلة بطارية اللابتوب .. لا تشحن

[إبنة سوريا]

السلام عليكم اخوتي الكرام
اتمنى ان تكونو بخير جميعا ...
عندي بطارية لابتوب .. بس دبل .. كوبي
شغالة بشكل ممتاز من 8 شهور ..
وبتنشحن بساعتين وربع.. ووقت التفريغ 5 ساعات
كنت عم استخدمها بشكل نظامي بالليل تاني يوم
حطيتها عالشحن .. ماشحنت ولا 1%
البارحة حطيتها عالشحن .. لما فتحت اللابتوب لقيته 7%
رجعت جربت شحنتها المسا نفس الحكي..
مع العلم انو لما احط الكابل عالكهربا .. يعطي لون برتقالي و كأنها تاخذ شحن
لكن لما افتح اللابتوب الاقي ما شحنت ابدا ...
شو مشكلتها برأيكم ..
مع العلم انو جربت الشاحن عـ البطارية الاصلية شحنت بشكل نظامي.. بعني الشاحن واللابتوب مافيهم مشكلة
ياريت اهل الخبرة يفيدوني .. لانو عنا الكهربا بتجي ساعتين بس باليوم و البطارية تلزمني

 

[إبنة سوريا]

عفكرة .. ضليت واصلة اللابتوب بالبطارية وبالكهربا سواااااا هلأ ..
اول مرة .. لانو دايما بحافظ عالبطارية و مابشغل اللابتوب من الكهربا والبطارية سوا
المهم..
لما فتحته كانت 19% ..
هلأ بعد حوالي نص ساعة 21 % .. .. وبعدها طفيت اللابتوب وكملت شحنه ساعتين وشوي.. فتحته لقيته صار 27%
شو رايكم اخوتي افيدوني

 

[إبنة سوريا]

اخوتي الاكرام .... وين الجواب

 

[إبنة سوريا]

اخوتي .. ولو ما حدا جاوبني لكن الحمدلله لقيت الحل
المشكلة انو كانت البطارية في غرفة باردة جدا ..
دفئتها قريب المدفأة و اشتغلت الحمدلله و شحنت تمام ..