انا مش متخصص في موضوع الهاردات بس هقولك علي اللي اتعلمته في الكلية
بص ياصحبي في 3 انواع من الهاردات (scsi, ide, sata) فاكر موضوع الفلاشات اللي كلمتك عنه قبل كدة هو بالظبط الهارد من نوع ide (بيقابل في الفلاشات usb 1.0 ) قديم وسرعته اقل في نقل البيانات ولو استخدمته في الوقت الحالي هتحتاج لكيبل لتشغيله اما الهارد من نوع sata (بيمثل usb 2.0) هو الحديث والاكثر انتشارا وسرعته اكبر من الاول في نقل البيانات وينقسم الي (sata 1) ودة الاصدار الاول منه وسرعته 1.5 جيجا بايت في الثانية الواحدة وال(satat 2) ودة الاصدار الثاني منه وسرعته الضعف 3.0 جيجا بايت في الثانية الواحدة , اما الاحدث في عالم الهاردات (بيقابل في عالم الفلاشات usb 3.0) هو الاسرع وبورتاته بتلاقيها في لوحات السيرفرات بمعني مش بيستخدم في الاجهزة المنزلية
يبقي نفهم من كدة ان النوع الانسب هو ال sata حاليا والاكثر استخداما وانتشارا
لما تروح تشتري هارد من محل لازم تحسسه انت عايز ايه بالظبط علشان لو حس انك مش عارف تحدد عايز ايه احتمال يدوخك والافضل تروح للمولات والمتاجر الكبري بتبقي اغلي بس اضمن , لما تكون عايز تشتري هارد للكمبيوتر المنزلي تقوله انا عايز هارد 3.5 inch يعني هارد مقاسه 3.5 بوصه وهو خاص بالاجهزة المنزلية
ولما تكون عايز تشتري هارد للاب توب تقوله انا عايز هارد 2.5 inch يعني هارد مقاسه 2.5 وهو خاص بالاب توب
وبعد كدة تحددله ال capacity يعني الحجم مثلا 1 تيرا او مايناسبك وبالطبع انت مش هتأخد واحد تيرا بالظبط انت عمليا بتأخد اقل من 1 تيرا ودي السمة الغالبة لجميع الشركات المنتجة للهاردات والفلاشات وغيرها . الاهم بقي سرعة الدوران ودي مهمة جدا لما تحط اذنك علي الهارد وهو بيشتغل بتسمع صوت دورانه والابرة وهي بتتحرك بالظبط سرعة الدوران في المتوسط من 5400 لفة الي 7200 وومكن اكتر وبنستفيد منها في سرعة الاستجابة عند بحثك في الهارد كل لما كان بيدور اكتر السرعة تزيد علاقة طردية
في طبعا wireless hard drive في مصر بس اسعارها غالية وبتختلف من منتج لمنتج
علي اي حال اخي العزيز في من شركات زي samsung , kingstone وفي اعتقد من sandisk وفي طبعا من apple بس مالناش دعوة بيها دي
المتوسطة في السعر والمواصفات وجيدة ايضا هي الseagate وسعر ال1 تيرا بس علي حد علمي 1.700 جنيه تقريبا
اتمني ان اكون وفقت
وبالتوفيق
