تم حل المشكلة ساعدونى فى انقاذ الهارد

المصدر: ساعدونى فى انقاذ الهارد
في منتدى : مشاكل الأعضاء التي تم الانتهاء منها

السلام عليكم ورحمة الله وبركاته
كل عام وانتم بالف خير وصحه وسلام ورمضان كريم علينا جميعا إن شاء الله

فى البداية اخوانى جهازى امكانياته مش قوية اوى ومش بستخدمه كتير ف عشان كده شغال بويندوز xp بشغل فيلم او كارتون للاولاد ومحتفظ عليه بكل ملفات و صورى والاولاد على مدار سنوات وخايف افقد كل ده

اولا فى بداية تشغيل الجهاز بتيجى رسالة خاصة بالمروحة


كنت بسطب نسخة جديدة ووقف التسطيب وجاب كلام فهمت منه إن فى ملفات ناقصة من نوع dll غيرت الاسطوانة وبرضه نفس الكلام غيرتها تانى نفس الكلام مع ان الاسطوانات دى سليمة واشتغلت بيها كتير وطبعا في كل مرة بقفل من الباور عشان اطلع الاسطوانة واحط غيرها
آخر مرة حطيت نسخة اصلية واتسطبت بعد عذاب وفتح الويندوز بس تقيل جدا وبيهنج دخلت ع البارتشنات بارتشن الD فتح عادى والE مش بيفتح ويجيب رسالة تقريبا على ما اذكر formatted partition recovering

بعدها الD جاب رسالة اللى فى الصورة


قولت اغير الويندوز تانى عشان التهنيج والتعليق يخف واعرف اعمل موضوع اشوف حل وطبعا فى التسطيب بعمل فورمات لبارتشن الC وبعدها بينسخ الملفات و بيرستر عشان يسطب وجربت اسطوانة الصيانة هيرنز بوت hirens boot وفتحت برنامج اصلاح الهارد قولت يمكن اعرف احل ومعملتش حاجة غير فتحت البرنامج وجابلى الصورتين دول




وواضح فى الصورة ان البارتشنات قفلت بعلامة اكس ومن ساعتها مش عارف ادخل ع الجهاز وبعمل الموضوع دلوقت من الموبايل وإليكم الصور
وآسف ع الإطالة او الشرح بس بحاول اوضح الموضوع عشان تساعدوني بالحل سريعا.

الصورة دى المفروض قبل ما يدخل على الويندوز بيقعد فترة كبيرة فيها ما لا يقل عن ساعة


وهنا بيطول جدا برضه




وبعدها بتيجى الشاشة دى
ودى آخر صورة الشاشة الزرقاء hard error



للعلم
عندى اسطوانة صيانة hirens boot واسطوانة mini pe ومستعد لأى حل

بالله عليكم منتظركم بأسرع وقت

 

وعليكم السلام
إذا كانت ملفاتك وصورك مهمة فالمفترض أن يتم حفظها على وحدة تخزين خارجية
قرص خارجي ، فلاشة ، أقراص DVDs متعددة, سحابة عبر الشبكة

وعدم تركها على القرص الذي تستعمله وتقوم بتهيئته عدة مرات
لان خطأ واحدا أثناء التهيئة قد يتسبب بحذف ملفاتك


عموما حسب وصفك وبطء الجهاز بعد التثبيت
قد يكون القرص لديك على وشك الموت
لذلك ينصح بمعرفة صحة القرص عن طريقة برنامج HD sentinel
https://www.harddisksentinel.com/hdsentinel_pro_portable.zip

لا يمكن معرفة الخطوة قبل الاطلاع حالة القرص
إذا لم تكن لديك الأدوات اللازمة ينصح بفك القرص وأخذه لاحد محلات الصيانة
ليقوم بنقل الملفات المهمة وبعدها يمكن أن تحاول إصلاحه باحد البرامج وتعيد التثبيت

 

تسلم أخى على ردك.. انا ضفت صور لعلها تساعد فى فهم المشكلة
وعندى اسطوانة صيانة hirens boot واسطوانة mini pe ومستعد لأى حل

 

أخى انا لقيت برنامج sentinel فى اسطوانة هيرنز بوت بس اكيد نسخة قديمة لان الاسطوانة عندى من سنين نسختها 9.6 .. المهم ضغطت عليه ورفعت صورة
اتفضل

 

لقيت فى قسم فى الاسطوانة فى اسامى الهاردات ضغطت على maxtor المفروض ده الخاص بجهازى اللى فهمته من الصورة اللى فاتت ودى الصورة بعد ما خلص اضغط على ايه .....

 

من الصورة يظهر لك صحة القرص 5%
وهذا يعني أن القرص به الكثير من القطاعات التالفة
التي أتلفت الملفات ولم يعد القرص قادرا على قرائتها

يجب عليك نقل الملفات التي تستطيع الوصول إليها فورا

البرنامج الذي ذكرته لم استعمله
وانتبه أن أخر خيار يعني مسح قرصك بالكامل

أنا أنصحك بفصل القرص وتوصيله بجهاز آخر
يحوي نظام تشغيل يعمل


رسالة المروحة التي تأتي في بداية تشغيل جهازك
هل يعني أن المروحة لديك متوقفة
قد يكون سبب ما حدث هو ارتفاع حرارة الجهاز

 

اشكرك على اهتمامك أخى الكريم.
لكن طيب انا محتاج حل للقرص غير نقل الملفات يعنى انقل الملفات وارميه خلاص

 

الاولوية بالنسبة لك هي ملفاتك
هل هذا صحيح ؟

وجود قطاعات تالفة قد يعني أن الملفات التي على هذه القطاعات قد تلفت
او تلف جزء منها
لذلك أول امر تقوم به هو نقل الملفات
قد لا تنجح بذلك خصوصا ان الأقسام التي تحوي الملفات لم تعد قادرا على الوصول إليها
وعمل تحقق Check disk الذي ظهر في صورك أحيانا يتسبب بحذف الملفات
إذا وجد أن جزءا من الملف تالف للأسف

حل للقرص نهائي لا يوجد
يمكنك عمل فحوصات واختبارات للقرص ليقوم بنفسه بإقفال القطاعات التالفة
لكن هذا لا يعني عودة القرص للعمل بكفاءة واستعادة صحته بالكامل

لان ضرر القطاعات التالفة ضرر فيزيائي ، فعلي ، على سطح القرص

وبما أن قرصك لا يستعمل كثيرا وظهور رسالة المروحة قد يعني ان هناك خللا بجهازك
هو الذي تسبب بهذا الأمر

 

طبعا الملفات اولا وإن شاء الله هنقلها
لكن انا بتكلم فى الفحوصات والاختبارات دى بقى اعملها ازاى عشان انا مش عارف ظروف حضرتك بعد كده ولا ظروفى انا كمان .. انا آسف لتعبك معايا ولو حضرتك مش فاضى عادى ولا يهمك وممكن حد من الاخوة يشرحلى الطريقة وشكرا على اى حال

 

لا مشكلة أخي
بالنسبة لي ما أفضله هو برنامج HD sentinel
لأني جربته وفعلا ساعدني كثيرا

ومع ذلك القرص مازال في مرحلة الخطر وحدث أنه بعد أن استقر وضعه عاد للانحدار من جديد
وانخفضت صحته من جديد

نسخة البرنامج في قرص hirens قديمة جدا انت بحاجة لنسخة تعمل على نظام Windows
استعمل هذه الأسطوانة
المصدر: أسطوانة الصيانة المميزة WinPE 10-8 Sergei Strelec (x86 /x64 /Native x86) 05.01.2021 English version

وأقلع منها

للتنبيه مرة أخرى ملفاتك قد يكون جزء منها تلف
لذلك ركز أولا في نقل ملفاتك او استعادتها

 

متشكر لتعب حضرتك طيب بس انا مش فى مجال حاليا اعمل داونلود واحرق اسطوانات.. انا دلوقت عايز انجز

 

ماذا تريد بالتحديد

 

حضرتك سؤال فرضا انا دلوقت اخدت الهارد عند احد الزملاء ووصلته عنده هتظهر الملفات عادى رغم كل المشاكل اللى فيه

 

لا أدري جرب ذلك

 

؟؟
يعنى بعد كل ده يا كبير لسه هجرب
افك الهارد واروح لحد واشغله معايا لساعات وفى الاخر مش مضمون هيظهر عنده ولا لا ؟

 

الأستاذ الهمشري هو الخبير في مجال الصيانة وخصوصا صيانة الأقراص سيتابع معك

لكن لدي تعقيب بسيط

مضمون سؤالك أن ملفاتك مهمة لك

هل تعلم أن تكلفة استعادة الملفات من الأقراص التالفة قد تصل لمبلغ 1500$
من قبل شركات استعادة الملفات وأنها غير مضمونة 100%
وتستغرق في بعض الأحيان للأقراص الكبيرة فترة تصل 6 أشهر

قد تكون حالة قرصك لم تصل لمرحلة حرجة كهذه

لكن يكفيك أن الأقسام التي تتواجد عليها ملفاتك لم تعد قابلة للفتح
وتكفيك رسائل الخطأ التي أوردتها في أحد ردودك file segment is unreadable

حل المشكلة لا يكون بالعجلة والسرعة بل بالتأني

والبرنامج الذي طرحه لك الأستاذ الهمشري موجود لديك في أسطوانة Hiren 9.6
نسخة أقدم
HDD Regenerator 1.51

 

اعذرني اخ بدر الخوف وما ادراك ما الخوف وبالذات لما بيكون حد خايف يفقد حاجة مهمة عنده بتبقى حالته صعبة جدا
انا متشكر ليك جدا جدا كفاية اهتمامك وردك عليا وكلامك على دماغى من فوق تسلم

 

وعليكم السلام ورحمة الله وبركاته
تصدق بالله يا اخ همشرى انا اشتغلت على البرنامج ده النهارده ومن غير ما حد يقولى ولا اعرف بيعمل ايه بس باحساسى كده حسيت إنه مهم
بس شغلته من بعد الظهر تقريبا لقرب المغرب معملش إلا حاجة بسيطة تقريبا زى اللى فى شريط الصورة اللى حضرتك منزلها او زيها مرتين وتقريبا كان عادد 10000 او 100000 ملف مش فاكر وكلهم ينفع يتصلحوا زى ما حضرتك قولت فى الصورة مكنتش اعرف كده طبعا وياريتنى سبته يكمل
المهم زى ما قال الاخ بدر النسخة عندى فى اسطوانة الهيرنز 1.51 اشتغل عليها تمام ولا ؟
وهنزلك صورة قبل ما اشغله عشان الجملة اللى فى النص دى مش فاهمها

 

الجملة التي بأعلى تشرح طبيعة عمل البرنامج وأنه يقوم بإصلاح القرص

وفي منتصف الصورة يظهر لك ان البرنامج وجد قرصا واحدا لديك في جهازك

لبدء العملية اضغط أي زر من لوحة المفاتيح



قد يستغرق البرنامج يوما أو عدة أيام حتى ينتهي بناءعلى حالة القرص