مشكلة مشكلة فى الروتر بيفتح رابط ضار لوحده

[may.foad]

السلام عليكم
الروتر عندى كل شوية بيحاول يفتح رابط لوحده فى الخلفية....و الكاسبر بيوقف الرابط وبيقول ضار ....

نوع الروتر D-Link -DSL224 VDSL/ADSL
wpad.domain.name / wpad.dat ده الرابط محدش يدخل عليه معرفش ده ايه

المهم اخدته كوبى من تقرير الكاسبر ودورت عليه لقيت صفحة للكاسبر وكاتبة ..ان تقريبا الروتر وانك تجرب روتر تانى او هوت سبوت.
دى صفحت الكاسبر اللى لقيت فيها الحل
https://community.kaspersky.com/kas...wpad-domain-name-trojan-script-agent-dc-16171

انا جربت روتر قديم عندى المشكلة اختفت وده حصل فى جهازين و ويندوز مختلف فى كل واحد 10 و7

طيب السؤال هل ده اختراق روتر ولا فيرس روتر ولا ايه ... اغير الروتر ولا اعمل ايه؟
جزاكم الله خيرا

 

[tasaka]

.

حسب شرح الرابط بتاعك

بيقول ان ده DNS suffix. .. و انه موجود فى الراوترات من 20 سنه

لكن نظريا يمكن استخدامه من طرف اخر لصنع proxy تصب فيها كل اتصالاتك من و الى الانترنت



حسب شرح الرابط بتاعك

الحل المقدم من الرابط لحالتك تحديدا ( توقف فتح الرابط بعد تغيير الراوتر ) هو كالاتى

1- عمل Reset للراوتر ( اعمل ظبط مصنع ) ثم الاتصال بالانترنت

2- عمل ابديت لل Firmware ( سوفتوير الراوتر ) ان وجد نسخه احدث لراوترك تحديدا

3- تغيير الباسورد .. استعمل باسورد قويه حروف و ارقام و رموز Symbols ان امكن


اذا قمت بعمل هذه الخطوات .. و لم تحل المشكله .. الاقتراح الاخير ( حسب شرح الرابط بتاعك ) هو تغيير هذا الراوتر براوتر اخر

..

 

[may.foad]

شكرااا لحضرتك انا استخدمة روتر قديم عندى والحمد الله الموضوع انتهى ....
لكن من فضلك ممكن تشرحلى ده يعتبر اختراق ولا ايه .
وايه السبب علشان الروتر كنت جبته من سنة بس.. و اول امبارح كان يفصل نت وdsl ويرجع تانى علشان كده شكيت فيه على طول
وهل اخد الروتر يتفحص ويتعمل له رستار ... ولا اجيب واحد جديد وخلاص .....
ولو دى خصية فى الرواتر كلها اكيد فى طريقة تتقفل بها ؟

 

[tasaka]

1- يمكنك طرح استفسارك فى هذا القسم فهو الانسب
منتدى الشبكات العام

 

[tasaka]

لكن من فضلك ممكن تشرحلى ده يعتبر اختراق ولا ايه .
ولو دى خصية فى الرواتر كلها اكيد فى طريقة تتقفل بها ؟

1- يمكنك طرح استفسارك فى هذا القسم فهو الانسب
منتدى الشبكات العام

2- الكلام فى الرابط بتاعك .. انها خاصيه قديمه .. لكن قد يساء استخدامها بعمل بروكسى
هذا البروكسى يكون النفطه المتوسطه بينك و بين الانترنت
.. بمعنى انك عند ارسال معلومه الى الانترنت ستمر فى البروكسى اولا ثم منها الى الانترنت
.. و نفس الامر للمعلومات الوارده من الانترنت
هذا يعنى ان معلوماتك بالكامل مكشوفه لصاحب هذه البروكسى
هذا على قدر فهمى .. لان معلوماتى بسيطه جدا فى الشبكات

وهل اخد الروتر يتفحص ويتعمل له رستار ... ولا اجيب واحد جديد وخلاص .....

1- ليس عمل ريستارت .. بل عمل ريسيت Reset بمعنى عمل ظبط مصنع للراوتر ( الرجوع الى الاعداات الافتراضيه Default )
ستدخل الى صفحه الراوتر بعد كتابه الباسورد
ستجد اختيار مباشر لعمل ضبط مصنع Default .. اتبع الخطوات
بعد اتمام ظبط المصنع ستدخل الاعدادات المناسبه كما فعلت اول مره من سنه بنفسك او بالاتصال بخدمه العملاء لمساعدتك


2- ستغير كلمه السر ( للراوتر نفسه ) بكلمه قويه حروف و ارقام و رموز .. لا تقل عن 8 حروف ( كلمه السر للراوتر نفسه .. و دى مختلفه عن كلمه سر الواى فاى )


3- ستجرب .. لو انتهت المشكله .. خلاص استعمل الراوتر


4- توجد خطوه تحديث ال Firmware ( لو حبيت تنفذها ) >> و دى يجب ان تكون حذر اثناء تنفيذها ..
و لا يجب حدوث انقطاع الكهرباء اثناء تنفبذها و الا قد يتلف الراوتر ( احتمال بنسبه كبيره جدا جدا ) .. ممكن التحديث ياخذ 5 دقائق او اكثر او اقل
و سيكون داخل صفحه الراوتر .. امكانيه البحث عن و تحديث السوفتوير للراوتر Firmware .. ستتبع الخطوات المطلوبه

..

 

[may.foad]

شكرااا لشرح حضرتك وفى ناس قالت لى بدال انت فصلتى الروتر خلاص كده محدش يقدر يوصلك...
بس انا ان شاء الله حجيب راوتر جديد بس من اورنج علشان النت منها...
ممكن حضرتك لو تعرف افضل موديل راوتر يكون كويس ونسبة الامان فيه كبيرة​

 

[tasaka]

لا اعلم الموديلات لاورانج

و لا استطيع افادتكى كثيرا


لكن على قدر تجربتى .. عند شرائى للراوتر كان فى 2 او 3 موديلات .. انا اخترت راوتر السرعات العاليه ( اعلى راوتر عندهم ) .. علشان لو تم تحسين سرعه الخطوط يكون عندى راوتر مناسب لها .. كان السعر حوالى 600 جنيه من سنتين او ثلاثه

انا غير مشترك فى اورانج .. و لا اثق بتلك الشركه تحديدا .. و شركات الانترنت كلها بصفه عامه

اعتقد عند شراء راوتر من شركه معينه بيكون الراوتر للاستعمال مع تلك الشركه فقط .. و لو غيرتى الشركه ستحتاجى راوتر الشركه الجديده ( نظريا )

و ممكن ايضا استعمال طريقه الايجار الشهرى للراوتر ( لا اعلم الخطوات لكى يتم ذلك )




لذلك الافضل و الاصح .. يمكن شراء راوتر عام من خارج شركات الانترنت و يكون متوافق و حديث و سرعات عاليه

و به خصائص حمايه حديثه ( فى العامين الماضيبن ظهرات مواصفات جديده متقدمه للحمايه .. لم تكن موجوده سابقا )
و لازم تتأكدى قبل الشراء ان الراوتر متوافق مع شركات الانترنت عندنا ( من البائع .. و من شركات النت خدمه العملاء )

بس ممكن يتعبك اثناء ظبطه اول مره مع خدمه العملاء

.. ده سيستعمل مع اى شركه تنتقلى اليها ( لا اعلم هل فى قوانين جديده من الشركات تلزم العميل بالراوتر بتاعها ام لا )




عمليا للمستخدمين المتقدمين .. بعد الانتقال من شركه الى شركه اخرى .. يمكن عمل تغيير لل Firmware للراوتر الخاص بشركات الانترنت ( سوفتوير الراوتر ) .. بسوفتوير عام غير مرتبط بشركه الانترنت التى اشتريتى منها الراوتر

و حينها يمكن استخدامه مع اى شركه اخرى

لكن هذا صعب .. لان ممكن لا تجدى سوفتوير عام مناسب لموديل الراوتر بتاعك .. و ممكن يكون السوفتوير ده بتاع ماركه راوتر مختلفه عن ماركه الراوتر بتاعك

يعنى ممكن تعرفى موديل الراوتر بتاع شركه اورانج من خدمه العملاء .. ثم قبل الشراء تبحثى هل يوجد سوفتوير عام ام لا ؟ >> لتحويله الى راوتر عام لاحقا لو احببتى ترك اورانج مثلا




انا كنت فتره طويله جدا باستخدم راوتر عام تم شراؤه من خارج شركات النت .. لكن اخر راوتر اشتريته من شركه النت المشترك معها .. للتسهيل

ده ميزه و عيب .. الميزه سهوله الظبط .. و العيب ان الشركه دى بيكون عندها امكانيه اكبر للدخول على الراوتر ( الخصوصيه تصبح اقل ) .. او قد تكون عامله ايقاف لو منع لميزات معينه .. و لا تستطيعى تفعيلها حتى لو اردتى ذلك


..

 

[رضا سات]

شكرا لك وجزاك الله خيرا