طلب نسخة 7 بروفشنال قديمة شوية 2015

المصدر: نسخة 7 بروفشنال قديمة شوية 2015
في منتدى : طلبات واستفسارات أنظمة مايكروسوفت

عندي كمبيوتر دسك توب تجميع وهو قديم وكان علية اكس بي وركبتة عند محل صيانة وندوز 7 برفشنال واشتغللي معايا تمام لمدة عامين وبعدين الجهاز فجاءة رجع للويندوز اكس بي ازاي معرفش المهم نزلت نسخة من المنتدي 7 التيميت كاملة التحديثات ايزو وحرقتها علي فلاشة وعلي دي في دي ومش قبلها خالص مع اني دخلت علي البيوس وخلتة ياخد من الفلاشة بردة ما ستطبش الويندوز وعلي الدفي دي برضة ما نفعش والجهاز فعلا قديم وتجميع اصلا فلو ممكن نسخة 7 بروفشنال قديمة شوية 2015 ولا حتي 2017 يمكن يقبلها برجاء المساعدة وبرجاء نسخة تكون كويسة تنفع علي الجهاز القديم دة لاني مش قادر احسن الجهاز لان الحالة من ساعت الكوفيد دة مش احسن حاجة والحمد للة علي كل شئ ولو ممكن تكون النسخة علي الميديا فير اكون شاكر جدا وتقبلوا تحياتي وشكرا مقدما

 

السَلام عليكم ورحمة الله وبركاته
ما هي مواصفات جهازك أخي وهل يقبل x64 ولا لا
أيضا ما هو البرنامج الذي استخدمته في حرق نسخة الويندوز على الفلاشة
وأيضا هل يمكنك تصوير الخطأ الذي يخرج لك أو إخبارنا عن ما يتضمنه من رسائل
تحياتي

 

متشكر علي سرعة الرد الجهاز تجميع وقديم جدا وشغال علي ال32 بيت و المحتويات بتاعة الجهاز كلها من اكتر من 15 سنة ولكن الجهاز اشتغل علي ويندوز 7 بروفشنا لمدة بدون اي مشكلة خالص واللي حصل الكهرباء قطعت والجهاز شغال ولما رجعت وانا باقوم الجهاز تاني قطعت الكهرباء تاني وكان مديني لوجو 7 ولكن بعد المرة التانية لقطع الكهرباء عن المنطقة كلها ولما رجعت اشتغل الجهاز بس علي ويندوز اكس بي القديم ونزلت الويندوز التيمت اكس 86 من المنتدي وعملت الفلاشة ببرنامج اسمة روفيوسrufus كان صاحب الموضوع منزلة مع النسخة والغريب ان الجهاز بيروح يبوت من الهارد ومش بيقرا الفلاشة مع اني معدل في البيوس وعلشان كدة حرقتة علي دي في دي وعدلت طبعا البايوس ولما الجهاز يبدا يخش علي الدفي دي لا يستطيع ان يبدا من الاسطونة والشاشة تبقي فاضية ولونها رمادي فاتح وانتظر ولكن لايحدث شى وتقبل تحياتي وشكرا علي المساعدة الكريمة

 

يمكنك استخدام برنامج EasyBCD والارتياح من كل هذا أخي الكريم

 

اخي الفاضل نزلت البرنامج وجربتة زي ما حضرتك تفضلت ولكن مش مديني حاجة ومطلعي الهارد 0 بايت وما فيش اوبريتنج سيستم طالع كدة معناة مش عارف يقرا الهارد ولا اية بالضبط انا روحت سيبر علشان اعرف ابعتك الرسلة اية الحل في رايك وتقبل تحياتي

 

كيف استخدمته أخي
يبدو أنك استخدمته بطريقة خاطئة
وما الذي حدث لنظامك الحالي

 

واللة انا كل اللي عملتة نزلتة وسطبت البرنامج وبصيت بس علي الايقونات وقراءت اللي قلتة لحضرتك وفجاة شاشة زرقاء والمبيوتر وقف ولم اعمل اي حاجة بالبرنامج اساسا لم تخش من الايقونة الرئسية علشان تشوف فيها اية كل الايقون ما تقدرش تدوس عليها عموما عملت ريتارت تاني ودخلت علي جيجابيت ريكفري وبعد ماخلص الاكس بي رجع بس الجهاز تقل جدا ومش عارف اعمل اية واللة واسف علي تعبك وشكرا جزيلا

 

يبدو أن الجهاز قديم ولا يصلح له إلا ويندوز xp أخي أو به مشكلة
لذا يفضل أن يذهب إلى الصيانة