تمت الإجابة طلب نصيحة من الافاضل

المصدر: طلب نصيحة من الافاضل
في منتدى : مشاكل الأعضاء التي تم الانتهاء منها

السلام عليكم
اشترينا هارد امبارح مستعمل من محل مساحة 320 ب150 جنية لما عملنا فحص ظهرت الصورة المرفقه
هل نرجعه ولا عادى نستخدمه لان البائع بيقول ان الهارد شغال تمام وهو جربه قبل ما نشتريه وشكرا لحضراتكم

 

وعليكم السلام
wd3200bevt-63zct0
قرص 2.5 " 5400 rpm

القرص مستعمل لمدة 2830 يوما
اي أكثر من 7.5 سنوات عمل فعلية "فترة طويلة جدا"
عمره الفعلي قد يصل إلى 20 سنة

وتم إطفائه وتشغيله 33 ألف مرة "عدد كبير "
وفيه 75 قطاع ضعيف

سعره 10$ تقريبا
(سعره في المواقع يبدأ من 30$ ويصل حتى 200$)
وحجمه 320GB


النصيحة إذا كان استعماله لأمر غير ضروري فلا بأس بذلك
بمعنى أن يتم استعماله لنظام تشغيل مع أخذ نسخة احتياطية بشكل دوري
والأفضل بالطبع عمل كافة الفحوصات ضمن برنامج HD Sentinel
للتأكد من عدم ظهور مشاكل أخرى


أما في حال كان استعماله كقرص نظام اساسي / تخزين اساسي مع عدم وجود نسخة احتياطية
فلا أنصح به

 

احنا هنستخدمه نظام اساسي هنزل عليه نسخة ويندوز والعاب وتصفح ايميلات احنا هنجرب مع البائع تانى ان نحاول يبدله لينا بس في حالة لو رفض
هل هيكون في ضرر علينا من ستخدام هذا الهارد من حيث مثلا يسهل اختراقه وايه هى الفحوصات اللى نعملها ببرنامج HD Sentinel
احنا لقينا فيه كمان باد سيكتور فهل نستخدمه ولا نركنه ونستعوض ربنا

 

حاضر شكرا لرد حضرتك ( هو لم يتفق معى على تجربة الهارد هو جربه عنده وقال لنا الهارد سليم وشغال ادامكم اهو وعلى الاساس دا احنا اخدناه ) لكن لما عملنا تست بالبرنامج وفظهرت الصورة اللى في اول الموضوع
عشان كدا قولت اسال حضراتكم الاول لو الامر بسيط ومش مستاهل نخليه ومش نرجعه
ان شاء الله هنروح له النهارده ونشوف هيرضي ياخده تانى ولا لا الله المستعان

 

القرص ليس سيئا كتصنيع بالعكس جودته جيدة
بعد 7.5 سنوات عمل متواصلة ظهرت فقط بعض القطاعات الضعيفة /التالفة
لكن عمره الافتراضي انتهى
لان العمر الافتراضي للأقراص الميكانيكية يتم حسابه بعدد ساعات العمل وليس بمدة تصنيعه
رغم أنه حتى العمر الطويل للتصنيع قد يؤثر على مغنطة القرص لكن الحديث هنا عن فترة أطول من 20 سنة
ما يهمك هو فترة استهلاكه فعليا وحتى عدد مرات تشغيله وإطفائه
القرص قد يعمل لديك بشكل جيد لكن لا أحد يدري متى سيتوقف أو ستبدأ المشاكل بالظهور
كونه قرص مستعمل /مستهلك فمن الطبيعي ظهور مشاكل لكنها قد تظهر فجأة وبتتابع
حتى أنها قد لا تعطي فرصة للمستخدم ليقوم بعمل نسخ احتياطي لبياناته

 

تمام شكرا لحضرتك

احنا رجعنا الهارد وجبنا دا فهل دا تمام ولا عمره الافتراضي انتهى

 

ممكن راى حضرتك في الهارد دا قبل ما نشتريه هل كويس ويستاهل ولا لا
https://www.amazon.eg/gp/product/B07G3KGYZQ/ref=ox_sc_act_title_1?smid=A39CZ9RUMNYA8Y&psc=1

 

القرص سليم
لكنه تجاوز عمره الافتراضي
سيعمل معك لكن لا أحد يستطيع إخبارك متى سيتوقف
قد يعمل يوما وقد يعمل سنوات

أساسا الأقراص الجديدة قد تفشل خلال فترة قصيرة من شرائها
(بنسبة ضئيلة لكنها موجودة )
فما بالك بقرص استُعمل لمدة 7 سنوات وتم إيقافه وتشغيله 25 ألف مرة

هذه النوعية من المنتجات تباع على مبدأ As it كما هي
بمعنى ضمان البائع قد يغطي لمدة أسبوع او شهر بحد أقصى
لكن بعدها لا علاقة له بالمنتج هل استمر بالعمل أم توقف

الأقراص الميكانيكية ليس لها تصرف واحد معروف
بعض الأقراص قد تعيش 10 سنوات من العمل المتواصل
بعضها تفشل بعد استعمال عدة اشهر

بعضها تبدأ القطاعات التالفة بالظهور وتتراكم مع مرور الزمن
وبعضها تبدا المشاكل بالظهور تباعا بفترة قصيرة جدا


شرائك منتجا مستعملا يعني موافقتك عليه إيجابياته وسلبياته
إيجابياته هو رخص الثمن
سلبياته نسبة توقف المنتج عن العمل أعلى


لا أحد يستطيع إعطاءك جوابا كاملا المستخدم هو من يقرر ذلك

بعض الناس بياناته لا يعتبرها مهمة جدا أو أنه يحتفظ بنسخة احتياطية عنها
أو أنه إذا فقدها فسيعتبرها أمرا وحصل ويبحث عن الأرخص
وباسوء الأحوال سيشتري قرصا غيره ويثبت نظام التشغيل من جديد
وبالتالي هذا القرص يعتبر خيارا جيدا

وبعض الناس بياناتها مهمة تجده يحتفظ مثلا بملفاته من 20 سنة
صوره وذكرياته ،،، ملفات دراسته ،،مشاريع عمله والبيانات بالنسبة له ذات قيمة مهمة
ويدرك أن تكلفة استرجاع البيانات من قرص ما مهما بلغ ثمنه
قد تعادل ثمن 10 أقراص لذلك لا يخاطر بشراء قرص مستعمل ووضع ملفاته عليه

 

شكرا لرد حضرتك

 

ممكن راى حضرتك في الهارد دا قبل ما نشتريه هل كويس ويستاهل ولا لا خصوصا ان سعره عالى
https://www.amazon.eg/gp/product/B07G3KGYZQ/ref=ox_sc_act_title_1?smid=A39CZ9RUMNYA8Y&psc=1

 

هذا ليس "هارد" HDD قرص ميكانيكي
هذه وحدة تخزين صلبة SSD
والكلام هنا أصبح مختلفا بما أنكِ غيرت رأيك
من قرص مستعمل لوحدة تخزين جديدة

سعره ليس مرتفعا هذه أسعار وحدات تخزين SSD
تعتبر حاليا ضعف إلى ضعفين اسعار أقراص HDD

هذا خيار لقرص HDD ميكانيكي 1 tb نفس السعر تقريبا
https://www.amazon.eg/-/en/Blue-5400RPM-128MB-Cache-6-0Gb/dp/B0897CYT3H

الأستاذ الفاضل @tasaka لديه خبرة بوحدات التخزين SSD ليفيدك فيها

 

انا قرءت الموضوعات كلها وفهمت ان الهارد الخلية الواحدة بيكون افضل من غيره لكن انا معرفش ازاى اعرف الهارد اذا كان خليه واحد او اكثر ( بيكون مكتوب فين )
لان مش موجود في العروض على امازون هل الهارد خليه او اكثر
بالنبسة لختيار Crucial اخترته علشان التقيم اللى على الموقع فقط ( انا لا افهم في انواع الهاردات نهائي)
بعد قراءت الموضوعات وجدت حضرتك مرشح الكينجستون انه افضل من Crucial
لكن وجدت في موقع امازون ردود من بعض المشترين ان هارد الكينجستون بيسخن وبيقل كفاءته مع الوقع لذلك اخترت Crucial
بالنسبة للسامسونج فانا مش اختارته عشان السعر العالي ومساحته قليلة
انا محتاجة هارد يكون سريع وسعره مناسب وفي نفس الوقت مااحتاج اغيره بعد شوية
فتصيحة حضرتك ايه ؟
الهارد اللى هشتريه هستخدمه حاليا على لاب توب الى حين شراء تجميعة كمبيوتر pc ونقل الهارد له

 

الله المستعان قررنا نشتري جديد افضل وسبب اختيار هارد ssd لان قرءت هنا بالموقع انه افضل من hdd ليس لدينا فهم جيد في الهارادات ومكونات الكمبيوتر بوجه عام
رغم ان hddاكبر في المساحة وسعره طبعا مناسب فاحنا محتارين

 

https://www.amazon.eg/هارد-داخلي-جي...01N3JLMP5/ref=cm_cr_arp_d_product_top?ie=UTF8

( دى بعض التقيمات على الهارد )

منتج سيء
1 ديسمبر 2021
عملية شراء معتمدة
الهارد شغال بالسرعة عادي بس حكاية انو يجي والأداء يقل ل81 في المية خلال 4 ايام والصحة تقل ل99٪ ده يدل انو هارد مش كويس لان فيه منو هاردات صحتها مابتقلش عن 100%


هل حد لاحظ ارتفاع مفرط في درجة حرارة ال ssd 480 كينجستون يعني درجة الحرارة بتوصل ل 62 درجة فاعلي عند نسخ او نقل الملفات .. هل حد لاحظ ده ؟؟؟

هارد خفيف الوزن جدا سريع و حسن في سرعة الجهاز فعلا خاصة بداية التشغيل بس مش ١٠ اضعاف قوي يعني ٣ أو ٤ اضعاف ممكن وكنت عامل حسابي علي ٤٨٠ جيجا لقيته ٤٤٧ يعني في ٣٣ جيجا في اللالا لاند كنج ستون بتستهبل

1.0 من 5 نجوم تقييم جودة المنتج
16 أكتوبر 2021
عملية شراء معتمدة
تراجع صحه المنتج بشكل ملحوظ في اقل وقت

1 فبراير 2021

بتسخن جامد لكن افضل من الهارد العادى
___________________________________________________________

وانا كنت هشتري الهارد الموجود في الرابط لكن انا محتاجه مساحة اكبر وخاصه انه هيكون هارد اساسي ومش هضيف معاه هارد hdd
وعشان كدا اخترت نفس الماركة بمساحة اكبر بسبب التقيمات مش اكتر

https://www.amazon.eg/BX500-كروشال-...af2a3&pd_rd_wg=eIj8C&pd_rd_i=B07GSXGN46&psc=1

وشكرا لاهتمام حضرتك في مساعدتى جزاك الله عنى خير الجزاء اللهم امين