تمت الإفادة هل ينفع تسطيب ويندوز 7 على هارد ssd لابتوب

.

انت بتتكلم عن هاردات داخليه صغيره خاصه باللابتوبات

1- فى العاده لو اللابتوب بيسمح بتركيب هاردين

.. فيتم تركيب الهارد SSD كهارد رئيسى و يتم تثبيت نظام التشغيل عليه .. و ممكن مساحته تكون صغيره مثلا 256 جيجا او 128 .. ده بيجعل نظام التشغيل سريع جدا
الويندوز و البرامج المثبته على الهارد SSD اثناء تشغيلها لن تتأثر بالملفات الموجوده على الهارد HDD ( الا تأثير غير محسوس لو حدث !!! )

.. و الهارد الاضافى ممكن يكون هارد ميكانيكى HDD .. و يستعمل لحفظ الداتا و التخزين للداتا .. و ده لن يؤثر على سرعه الويندوز التى على الهارد ال SSD
التأثير بيكون فقط على سرعه النسخ Copy بتكون ابطئ طبعا من الهارد SSD >> او عند فتح ملفات من ذلك الهارد الميكانيكى HDD


2- لو اللابتوب بيسمح بتركيب هارد واحد

لو جهازك قديم جدا .. فالهارد الثانى بيكون خارجى مثلا .. بالتالى ستكون سرعته محدوده بسرعه منفذ ال USB .. بالتالى لا معنى ( نسبيا ) لاستعمال هارد SSD لان الفارق سيكون بسيط بينه و بين الهارد HDD

فستكون هذه تكلفه ماليه ليس لها مردود واضح على الاداء

.

الهارد الذى اقترحه الزميل هارد من اعلى فئه سعريه .. ماركه ممتازه و قوه احتمال كبيره جدا جدا لانه نسخه PRO .. لكن سعره سيكون عالى جدا جدا جدا .. حوالى 5500 جنيه عندنا فى مصر لهارد 1 تيرا

لو اشتريت نفس موديل الهارد و لكن بنسخته العاديه Samsung SSD 980 ( ليست نسخه ال PRO ) سينخفض الثمن كثيرا جدا

ايضا هذا الهارد يستعمل على الاجهزه الحديثه فقط .. لانه من نوع M2 .. يعنى لازم الماذربورد عندك يكون فيها منفذ M2 لكى يمكن تركيب الهارد


شراء الهارد SSD لازم تأخذ فى الاعتبار ثمن جهازك .. يعنى لو جهازك حديث يبقى تشترى هارد كويس و غالى كمان لو حبيت

اما لو جهازك قديم من 10 او 13 سنه مثلا .. يبقى تشترى هارد جيد الى جيد جدا متوسط السعر من ماركه معروفه .. و سعه صغيره نسبيا حتى يتم التوفير فى التكلفه .. و الافضل من ذلك فى حاله جهاز قديم جدا هو ان تستبدل جهازك القديم بجهاز احدث نسبيا و تدفع فرق يكون فى حدود ثمن الهارد الذى تنوى شراؤه ( ستحصل على ماذربورد و رامات احدث و اسرع )

عند الشراء لو احببت المقارنات .. فيتم مقارنه موديل معين بموديل معين ممكن يكون من ماركه اخرى .. يعنى بغض النظر عن اسم الماركه االمقارنه تكون للموديل المحدد الذى تنوى شراؤه .. طبعا حتختار من ضمن الماركات المعروفه الموثوقه فقط


.