المشكله مش مشكله الرفع
المشكله ان اى حد بيرفع على توتال
خسر المجهود اللى بنعمله وخسر تقيم برامج الحمايه على ارض الواقع
هو الخسران رقم واحد
يعنى الفتره اللى فاتت وحسب التجارب
يعتبر الكاسبر تراجع بسبب الحرب و العقوبات والحظر على منتجاته وتقنياته
مع ان الدكتور ويب روسى وتشعر انه لم يتاثر ولكن يعتبر الكاسبر رقم 1 بالنسبه لهم
يلاحظ تقدم اغلبيه البرامج او ثابتها
النورتين ثابت
النود ثابت
الكتور ويب ثابت
ظهور قوى للهواوى
الكمودو هتعبره خارج المنافسه لانه على الافتراضى لايصلح
ولكن مع الضبط ومع تراكم طبقات حمايته يصبح رقم صعب
وايضا اغلبيه برامج الحمايه ممكن ترفع قوتها عن طريق الضبط
ولكن تحتاج لجهاز وشخص يفهم الاشعارات وخصائصها
هى دى خلاصة التجارب اللى بتم هو فاكرها مين اللى يقدر يمسك الفيرس
لا مش كده خالص على الفيروسات هتلاقى لكل انتى فيرس هيعدى منه
فيرس او 2
ولكن الانتى فيرس الصح يبقى عينه صاحيه على كل حركه فى موارد الجهاز وبالاخص عند الاتصال
او عمل دون لود وده اللى بيعلبوا عليه بتوع Ransom
ويوجد الكثيرااااااا ولاكن لا احب ان اطيل التعليق
احسنت يا غالى
عندك حق فى حتة كاسبر ان مستواه تراجع بالرغم من ان دكتور ويب ابن بلده اتطور اكتر
مش متفق معاك فى حتة ان دكتور ويب مستواه ثابت لا بالعكس زمان كان جبار حرفيا بس الفترة اللى فاتت كان واقع كدة لسبب ما انما دلوقتى ماشاء الله طور محرك فحصه جداً وبالنسبة للمعالجة وتحليل السلوك هو استاذ فيها من زمان
انما تحس ان كاسبر كلب فلوس لو فى فلوس يبقى كويس مفيش فلوس مستواه يقل مش عارف ايه المنطق فى كدة
يعنى علشان خسر الامريكين مستواه يقل؟؟ دة ايه علاقته مش فاهم
بالنسبة للنود ودة انا اكتر حد بتنمر عليه وفى نفس الوقت هو اقرب برنامج ليا ومكدبش انى بحس ان الجهاز امان معاه
هقولك ليه ،، نود صريح معاك من البداية بيقولك انه محرك فحص قوى وتحليل سلوك كويس لكن مش الافضل من الاخر بيقولك انا بتاع شخص عادى اخره يتصفح نت يلعب العاب يعمل شغل جرافيك هكفيك وزيادة وهبقى خفيف على الجهاز ، انما هتقضيها كراركات وباتشات ومواقع روسية ونسخ ريباك لا انا مش بتاعك وغيرنى احسن ،، ودة مستواه من زمان وثابت على كدة وبصراحة عاجبنى فى دة
كومودو وبت ديفندر انا مش فاهم ايه الحكمة ان دة يخلى الهيبس مش شغال على الافتراضى والتانى يخلى حماية الرانسوم وير مش شغالة على الافتراضى نفسى افهم سبب
المهم بت ديفندر دلوقتى هو بقى بديل الكاسبر نظرا لان الاتنين طول عمرهم فى مستوى بعض رغم ان نورتون دخل معاهم فى المستوى وتفوق عليهم بالفعل بس برضو مشكلة نورتون فى قلة التفعيلات ورغم انه مبقاش زى زمان عدو البرامج المكركة والباتشات بس لسة برضو بيحن للحتة دى وجربته فى كام عينة باتش نضيفة وبرضو اشتبه فيها لكن اقل من الاول بكتير بصراحة ، ودمجه لشركة افيرا وافاست وبولجارد فى نورتون 360 بقى بصراحة تحفة ،، وكمان خد ال Phantom vpn بتاع افيرا و Avast secure line وعمل نسخة vpn فى النورتون 360 بصراحة مشوفتش vpn بالسرعة والثبات والامان دة ،، ولا تقولى nord vpn ولا surfshark ولا اى حاجة
وحاجات كتير مظلومة بسبب التفعيلات رغم انهم جبابرة فعلا ومحدش حاسس بيهم زى تريند ميكرو و G-DATA البرامج دى لو ضحت شوية وسربت كام تفعيل علشان يزودوا عدد المستخدمين فعلا هيبقوا فى التوب
