قصيدة ذات مغزى

[WHITE TIGER]

كيـــــفكم شباب و صبـــايـــا
اليوم و أنا متصفح هالنت لقيت قصيدة جميلة أتمنى ما يكون الموضوووع متكرر​

أتركـــم مع القصيدة​

حــتــى وردنـي تالـي الـليـل جــوال *** وانا على شاهي وبسكـوت ديمـة​

الرقم بايخ لكـن الــصــوت قــتـال *** كنــه مثل صـوت المذيعـة حليمـة​

يجب عليك تسجيل الدخول او تسجيل لمشاهدة الرابط المخفي

قــالت مساء الخير يـا طيّـب الفـال*** قـلـت ارحــبـي تــرحيبـةٍ مستديمـة​

بـالـعــود والصفـري ودلـة وفنجـال*** واجـبـك يا بنت الأصـول الكريمـة​

يجب عليك تسجيل الدخول او تسجيل لمشاهدة الرابط المخفي

وردت بضحكة ثم قالت وش الحـال؟*** قلت اشهد إن الحال عقبك سقيمـة​

قالت وهي تضحك بعد مثل الأطفال*** وانـــا بـعـــد كــنــي بــدونـك يتيمـة​

يجب عليك تسجيل الدخول او تسجيل لمشاهدة الرابط المخفي

مـــن يـوم قـالـتهـا تزلزلـت زلـزال*** مــن فجعتي كنـي مسـوي جريمـة​

قلت ارفعي صوتك ترى مابه ارسال*** كـــذاب لــكـنّ المصيبـة عظيمـة​

يجب عليك تسجيل الدخول او تسجيل لمشاهدة الرابط المخفي

قالت أقول اسمع ترى هرجنـا طـال*** مــمكـن تصاحبنـي ترانـي وسيمـة​

واسمي الحقيقي أول حروفـه الـدال*** لــكـــن يسمّونـي البنـات الزعيمـة​

يجب عليك تسجيل الدخول او تسجيل لمشاهدة الرابط المخفي

صحيح أحب الفخفخة واعشق المال*** لكـن ترانـي طــاهــرة مستقيـمـة​

ما عندي امغازل ولا ( لعب يهّـال )*** ما عندي إلا في الشرف والحشيمـة​

يجب عليك تسجيل الدخول او تسجيل لمشاهدة الرابط المخفي

بس الصراحة قلبي لشوفتـك مـال*** واصبحت وحدك جالسٍ في صميمه​

فكّر بعقلك واترك القيـل والقـال*** واحذر تطيع اهل العقـول العقيمـة​

يجب عليك تسجيل الدخول او تسجيل لمشاهدة الرابط المخفي

وارسل علي الحين خمسميـة ريـال*** أشحن بهـا جـوال أختـي غنيمـة​

أو طقم غالي فيه خاتـم وسلسـال*** أروح بـه فـي عـرس ولاّ عزيمـة​

يجب عليك تسجيل الدخول او تسجيل لمشاهدة الرابط المخفي

قلت الحقيقة مانيب رجـل أعمـال*** ولانـي بتاجـر والمـوارد عديـمـة​

أنا الصراحة شبـه عطّـال بطّـال*** وعلاقتـي بالفــقـــر جـداً حميـمه​

يجب عليك تسجيل الدخول او تسجيل لمشاهدة الرابط المخفي

والراتب الله يرحم الحـال مـا زال*** محـدود والمصـروف ربـي عليمـه​

والــديـن بـالآلاف والبنـك شغّـال*** يــاكـل فـلـوسـي بالربـا والظليمـة​

يجب عليك تسجيل الدخول او تسجيل لمشاهدة الرابط المخفي

والسوق طايح والغلا ضيّـق البـال*** والموت والله صايـر اكبـر غنيمـة​

قالت تحمّل بـس والحمـل ينشـال*** خلك شديد الباس صلـب العزيمـة​

يجب عليك تسجيل الدخول او تسجيل لمشاهدة الرابط المخفي

ياخي تصرّف جعلك اتصيـر نشّـال*** أهـــــم شــي إن النوايـا سليـمـة​

لابــد تـفـهمني علـى كـل الأحـوال*** ما دمت من أهل العقـول الفهيمـة​

يجب عليك تسجيل الدخول او تسجيل لمشاهدة الرابط المخفي

قلت إيه والله فاهم اللي على البـال*** لــكــن تــرى هـذي علينـا قديمـة​

يــا بـنت هـذا صايـر اليـوم مـوال*** للي تبي تلعب علـى ابـن اللئيمـة​

يجب عليك تسجيل الدخول او تسجيل لمشاهدة الرابط المخفي

يا بـنــت ما تدرين كـم فيـه محتـال*** يلعب على الحبلين وانتـي غشيمـة​

يا بنت كم من جاهلة دمعها سـال*** من عقب ما جات العواقب وخيمـة​

يجب عليك تسجيل الدخول او تسجيل لمشاهدة الرابط المخفي

والبنت لا اقتفى عرضها بيد الأنـذال*** والله مــا يــبـقـى لهـا أي قيـمـة​

قالت تبي ولاّ فـ خـلّك علـى جـال*** مهوب ناقصـني نصايـح حكيمـة​

يجب عليك تسجيل الدخول او تسجيل لمشاهدة الرابط المخفي

عز الله إنك للأسف منـت رجّـال*** وانك قليل الذوق ما فيـك شيمـة​

يا لعنبو اللي مـا يسطّـرك بنعـال*** حــتـى يـعـلمـك الغـزل يـا بهيمـه​

( تفو ) عليك وصكّت الخط في الحال*** مدري ( تفو ) هي مدح ولاّ شتيمـة​

و ســــــــلامتـــكم ​

 

[الآمل الطائر]

الله يعطيك العافية​

 

[MAGIDCO]

هههههههههههههههههههههههههههههههههههههه
والله قصيدة رائعة دائماً البنات يفهموا الموقف غلط

 

[طموحي سراب]

لااااا والله من كثر الشتايم مايفرق مدح ولا شتيميه

ههههههههههههههههههههه

قصيده رائعه يعطيك العافيه

 

[وديع محمود]

الله يعطيك العافية​

 

[أبو العتاهية]

جزاك الله خير

 

[walid ali]

الله يعطيك العافيه

 

[مهباج1]

ههههههههههههههههه
مشكوووو​

 

[الديبلوماسي]

:getsmile.tmp0018977 :getsmile.tmp0018977 :getsmile.tmp0018977

الله يرجكم بسسس :hh:

الحين لو شاف الشعر هذا المتنبي .. أقسم بالله شكله يهج :d:

 

[..شـ الارواح ـذى..]

:getsmile.tmp0018977 :getsmile.tmp0018977 :getsmile.tmp0018977


يااااااااااااااااااااااطيب عينهااا هههههههههههههه عرفت لة :bleh: " مغاازلجي مسوي حكيم على طقتة "
:hh::hh::hh:

بس الصراااااااااااااااااااحة شاااااااااااااعر

وتستاااهل الفااااااااااااااايف