وعليكم السلام
أخوي عشان تشتري من النت لازم يكون عندك بطاقة إئتمان ( فيزا او ماستر كارد ) ويكون عندك صندوق بريد في أمريكا أو بريطانيا .. وغالبا هذي البلدين هم الأكثر مواقع للبيع عن طريق الانترنت ... يمكن يكون هناك دول أخرى غيرها لكن هم الأكثر .
وتقدر تفتح صندوق بريد في هالبلدين تتم عن طريق ( أراميكس ) موجود له فروع واجد في الرياض وباقي مدن المملكة .
كل اللي مطلوب منك إنك تزور أحد الفروع الموجوده في مدينتك وانصحك بأقرب فرع لبيتكم عشان إستقبال مشترياتك
ما تضطر تروح لفرع بعيد .. بعد ماتزور الفرع تعبي النموذج الخاص الموجود عندهم وبقيمة 132 ريال الظاهر اذا ما غيروا سعرهم لاني مشترك معاهم من زمان وما اعرف السعر الان وعموما القيمة تندفع مره وحده وتمتلك الصندوق مدى الحياة .. ولما تشتري صندوق بريد في امريكا يجيك صندوق بريد في بريطانيا مجاني والعكس صحيح ..
فكرة الموضوع انك لما تسوي عملية الشراء وتحط رقم بطاقة الائتمان الخاصة فيك تحط عنوانك وصندوق بريدك اللي عطوك اياه اراميكس .. لما توصل شحنتك لعنوانك هناك يتوجه للسعودية عن طريق شركة اراميكس وياخذ اراميكس رسوم شحن بضاعتك من البلد الموجود فيه صندوق بريدك الى السعودية .
قيمة الشحن في اراميكس كالتالي :
أول نص كيلو من وزن الشحنة بقيمة 15 دولار امريكي ... وكل نص كيلو اضافي بقيمة 5 دولار امريكي وعليك الحساب .
يعني لو شريت حاجه وزنها 5 كيلو راح تكون قيمتها 15 دولار قيمة النص الاول و 45 دولار قيمة الانصاص الباقية يعني المجموع 60 دورلا اي مايعادل بالسعودي 225 ريال .
أتمنى اكون وضحت الصورة لك يا استاذي .