استشارة // ايهم افضل hp - sony - dell ..!!! ( محتار ) ..!!

[طرب الشرقية]

السلام عليكم ورحمة الله


اخواني اهل الخبرة في الابتوب
انا ناوي اشتري لابتوب ولم رحت سألت قالي ال hp افضل من ال dell
وال sony افضل الأثنين بس هو يقول ال hp موصفاته حلوه وسعره حلو

مع العلم اني قلت له استخدم برامج وشغل افلام يعني استخدماتي كبيره يعني ابي جهاز سريع

والحين ابي رايكم من واقع تجربة وخبرة .​

 

[مثلث الرعب]

من ناحيه التجربة و سأل الاعضاء و المواطنيين اغلبهم عندهم dell

طبعا dell هو الافضل :king:

 

[طرب الشرقية]

طيب اخوي وش رايك في هذا النوع من dell​

dell - lnspiron 1564 (652​

 

[Paint]

ال hp موصفاته حلوه وسعره حلو

 

[رياق]

المواصفات اخي
اما الشركة فكلها جيدة

 

[a5fe ghlaak]

السوني ممتاز جداً عن تجربة

الموديلات الجديدة اللي نزلت .. إذا فلوسك ماتكفي نصيحة لاتروح تشوفها ( لإنك راح تدور لك اقرب واحد يسلفك ) :y: من باب المبالغة يعني

وإذا تبي تاخذ Dell خذ لك موديل Inspiron تراه عملي وسعره مناسب k:

 

[ابـــو عــبــد الــلــه]

وعليكم السلام

ولا عليك امر ... كم الميزانية لديك لشراء الجهاز ؟​

 

[صديق الطبيعه]

دل ستوديو k:

الإتش بي يسخن :no:

 

[البرازيل 5]

توشيبا الافضل

 

[Net LeGand]

هذا سوف يكون صراع بلا نهاية لأنه بالتأكيد الذى يملك الشيء يعتقد أنه أفضل شيء

و لكن عن تجربة Dell أفضل شيء

 

[الدرب المجهول]

توشيبا الافضل

k:k:

 

[allabni]

جربت اكثر من جهاز لم اجد افضل من التوشيبا

 

[الغائب الحاضر!]

عزيزي في النهاية لن تجد اجابة كافية وشافية

الإجابة في جيبك


اما رأيي
1) الفايو لن تكون مواصفاته رائعة بسعر اقل من 4000 ريال وانا كنت في السوق وشفت الاجهزة
2) hp او توشيبا راح تلاقي بسعر بين 3000 -3700 ريال وبمواصفات كبيرة
3) (اسوس ) جهاز مواصفات رائعه وسعر اروع وعن تجربة لان ابن عمي اشترى هذا الجهاز قبل سنتين
والآن باعه واشترى نفس الجهاز بمواصفات اعلى ويمدح الجهاز لو كان الجهاز فيه عيوب كان ما اشترى الجهاز مرتين


وفي النهاية مثل ماقلت لك
الاجابة في جيبك لان كل الشركات جيدة

 

[Juve GuardJuve Guard is verified member.]

بالنسبة لي احذرك تشتري HP
اول ما يخرب فيه هو الماذربورد
لأن الجهاز دائماً ترتفع حرارته وحنا يا العرب ما نستخدم اللاب توب الا على الأرض وتحتك الفرشه
او حاطه على فراشك او فوق مركى او اي شي يكون فيه قماش
وبكذا الجهاز ينكتم من تحت وما يقدر يهوي ويبرد الماذربورد
والماذربورد تبعه حساسه جداً وعلى طول تخرب
وعندك كرت الشاشه بعد يتأثر كثير مع الماذربورد اذا خربت
هذا اللي لاحظته في الـ HP وانصحك تبتعد عنه
اما Dell فهو ممتاز في الموديلات الجديده واسعاره مغريه ومواصفات عاليه
وما بعد شفت فيه اي عيب وما شفت خرابات
واهم شي انهم حسنوا الوايرلس وما صار فيه تقطيع مثل الموديلات القديمه

Sony ما اقدر ابدي رأيي فيه
بس عندي حاجه وحده بقولها
انه من بعد ما انتقلت الشركه من الصناعه اليابانيه الى الصينيه
واللاب توب صار خرطي
اكثر من لاب توب سوني شفته بموديلات جديده اذا استعمل فتره ومسكته ورجيته
تسمع فيه اصوات ما تدري من وين جايه
وفيه شي واحد فاقع مرارتي
ان الويندوز اللي يجي مع السوني ما يطيع يتعرب اذا كان غير الألتميت
طبعاً هذا خبري فيه ايام الويندوز فيستا
اما الويندوز 7 ما بعد جربته عليه


اذا فيك شده تدفع 4500 ريال
فيه موديل لتوشيبا خيالي بمواصفاته بس ما اذكر وشو موديله
تلقاه بالصالحيه في الرياض في محل دار المتقدمه
معالج i7 وهاردسك 500 جيجا وحجم 15
والباقي ما اذكره بس انه جهاز ابداع الى ابعد الحدود