انطلاق حملة كفايا للذنوب الجارية فى التواقيع والصور الرمزية >>>>>>>>

[hany mix]

بسم الله الرحمن الرحيم

طبعا كلنا سمعنا عن قصة الشاب صاحب الموقع الجنسى
والقصة بأختصار للى ميعرفش
شاب بيحكى عن قصة صديقة اللى اتوفى وكان صاحبه ده يملك موقع او جروب جنسى
وحتى بعد ما مات الشخص يستمر الموقع فى نشر الصور والافلام للناس ويتصفحة الجميع وينتشر ما فيه عن طريق الفلاشات والبلوتوثات وكل هذه وما يترتب عليه من ذنوب فى ميزان حسنات الشخص ده حتى بعد ما مات والى ان يتوقف الموقع
لكن مننساش ان اللى فيه مازال بيترسل بالبلوتوث والفلاشات
يعنى ذنوب اثناء حياة الشاب وحتى بعد مماتة
وبيحكى عن محاولاتة لاغلاق هذا الموقع ولكن بدون فائدة
القصة دى بتعرفنا ان زى ما فية صدقات جارية اى حسنات بتفضل شغالة
اثناء حياتنا وبعد مماتنا الى ماشاء الله
كمان فية ذنوب جارية والعياذ بالله بتستمر اثناء الحياة وبعد مماتنا وبيتحاسب عليها الشخص
وبتفضل تزيد حتى وهو فى قبرة والعياذ بالله

​

طبعا هتستغربوا لو قولت ان معظمنا زى الشاب صاحب الموقع الجنسى دا
​

لان تواقيعنا والصورة الرمزية فى المنتديات والماسنجر والنك نيم بتاعنا
مليانة بنات فى اوضاع مش حلوه او حتى لو صورة بنت محترمه بتكون مبينه جزء من جسمها او على اقل تقدير شعرها وكل دا حرام.. غير الاغانى وكلمات الأغانى والفلاشات وغيرها​

طيب ماهو شعر البنت العريان دا وجسمها اللى باين كل دا هتتحاسب عليه
كل واحد بص عليها هتتحاسب وهتركب ذنوبة
كلمات الاغانى اللى بتكون فى النك نيم فى الماسنجر
او الاغانى اللى فى تواقيعنا ​

كل دا هنتحاسب علية وهنركب ذنوب كل واحد سمع الاغانى او قرأ الكلمات دى او شاف البنت دى غير الناس اللى بتنقل الصور دى او بتستخدمها كتوقيع ليه ..
​

لية بنحاول نلم ذنوب من كل حاجة كدا​

لية نفضل نركب فى ذنوب لحد ما نموت وحتى اثناء ما احنا فى القبر بردة الذنوب بتوصلنا ؟؟؟!!!​

هو الواحد مننا معندوش عقل يفكر للدرجة دى ؟؟؟​

شوف كام الف واحد قرأ الكلام دا او سمع الاغنية دى او شاف البنت دى اللى فى توقيعك او توقيع واحد خد توقيعك
شوف كام الف ذنب بتركبة كل يوم ولحد دلوقتى ولحد ما تموت !!


....
​

طيب بالله عليكم واحد بس يقولى استفاد اية من توقيعة او صورتة الرمزية ؟؟؟​

لية منخليش توقيعنا صدقة جارية ناخد بيها اكبر قدر من الحسنات ويكون حسنات جارية لينا بعد مماتنا ؟؟؟؟​

يا ريت كلنا ننشر الحملة فى كل المنتديات​

دا شعار الحملة يا ريت كلنا نحطة فى توقيعنا ,وفية لنك الموضوع
وننشر الموضوع ونبعتة للكل عشان تاخد بكل واحد شال توقيعة السئ ثواب عن ربنا ان شاء الله​

​

طب والمطلوب منى اية ؟؟ ​

لو توقيعك فية اغانى او بنات او اى محرمات تشيلها
لو انت توقيعك عادى تنقل الموضوع دا لمنتديات تانية عشان تاخد ثواب نشر الخير

والمطلوب مننا جميعا وضع شعار الحملة وفية لنك الموضوع عشان كل اللى مشافش يدخل وياخد باله ويكون ليكم اجر كل واحد دخل ان شاء الله

قال صلى الله عليه وسلم
(من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا ) اخرجه مسلم في صححيه .


(...إن الدال على الخير كفاعله)

​

​

 

[اليمن السعيد11]

بارك الله فيك اخي العزيز
انا كمان مستغرب ماالفائده لما احط توقيع بصورة غير لائقة او صورة عربيد او مغني او غير ذالك
لية محطش صورتي هل انا مش مقتنع بالصوره اللتى اكرمني الله بها ؟؟؟؟؟

او ليه ناحط صورة داعيه اوشيح او ايه او اي شي يرضي الله ولايكسبني انا ولا الناس الذنوب

مشكور اخي

 

[alemalbyelaram]

جزاك الله خيرا وجعله فى ميزان حسناتك

،
5/5
،
ودى وتقديرى

 

[toto55030]

جزاك الله خير الجزاك ... وجعل هذا العمل متقبلا ان شاء الله

 

[حنشر]

الله يعطيك العافية
؛