تم حل المشكلة الانترنت لايعمل على الجهاز من تغيير اعدادات dsl

المصدر: الانترنت لايعمل على الجهاز من تغيير اعدادات dsl
في منتدى : منتدى مشاكـل وحلول الحـاسب

السلام عليكم
معي مشكلة عويصة بالنسبة لي وصغيرة بالنسبة لكم
تم تغيير اعدادات dsl .. وبعدها النت مايشتغل على الجهاز
ولا حتى على الجوال
وش المشكلة ؟؟

 

ممكن تبينين اكثر اختي وش تقصدين بتم تغييير الاعدادات

هل تقصدين في الكمبيوتر ولا في المودم ولاايش

بالتوفيق اختي

 

اللي بالمودم اخوي

 

وش المودم اختي ووش اللي انتي سويتي في المودم اختي

والنت انقطع نهائي او عن كمبيوترك وجوالك فقط

 

لا النت مو شغال بس بجهازي
ماعرف وش نوع المودم
بس انه ماكان شغال وتم اعداداته من جديد

 

يعني الحين يشتغل على الكمبيوترات الثانية بس انتي لا ؟؟؟

طيب ياليت اسم المودم عشان نعرف اعداداته هل هو حق افاق شامل اللي فيه لو بنفسجي ولا غيره

وان شالله الامور محلوله باذن الله

 

ايوا بس جهازي مو شغال فيه
بصراحة اسم المودم ماعرفه
ضروري اسم المودم؟؟

 

طبقي هذا اختي

:: حل لمشكلة بسيطة يقع فيها الكثير عند ربط الوايرلس بالشبكة ( شرح بالصور ) ::

 

تسلم اخوي جربت بس ماطلعت لي الشبكات

 

طيب كيف تتصلين عن طريق الشبكه !!

 

طيب اختي انتي اذا بحثتي تلاقين الشبكة ولا لا ؟؟؟؟

 

انا متصلة مو عن طريق شبكتنا .. من انترنت ثاني

اخوي الوفا طبعي
ايوا تطلع الشبكة .. بس يطول وهو يسوي اتصال
وبعدين يطلع لي زي اللي فشل الاتصال

 

اختي في رقم سري للوايرلس حقكم ؟؟؟

 

ايوا فيه

 

ياليت تغيري طريقة التشفير للمودم لاني اتوقع هي السبب

 

مافهمت .. كيف يعني تشفير

 

على فكرة ترى الانترنت بجهازي بشتغل بس بالسلك مباشرة من المودم
بس لاسلكي مايشتغل

 

الحين انتي شابكه في السلك صح ؟؟؟

ابيك تخشين على المودم وتغيرين اعدادات الرقم السري للوايرلس وهذا هو المقصود بالتشفير

اذا تبين راح اعلمك الطريقة اختي

 

يب ياليت تعلمني الطريقة

 

نفتح المتصفح وندخل على هالرابط

http://10.0.0.138

بعد ماندخل راح تنفتح لنا صفحه المودم وهي بهالشكل






نروح نضغط على Wireless:








نروح لأعلى الشاشه من اليمين ونضغط على Configure






بعد مانضغط عليها راح تفتح لنا صفحه صوريها لي وراح نمشي فيها مع بعض اختي​