إستفسار عن جوال آي فون أو جالكسي أس أيهم أفضل

المصدر: إستفسار عن جوال آي فون أو جالكسي أس أيهم أفضل
في منتدى : منتدى الأيفون والأيباد

السلام عليكم

أحبابي أبي أشتري جوال ومحتار بين الآي فون والجالكسي أس؟؟؟
وش رايكم بصراحه دون تعصب لجهاز أبي الأفضل من جميع النواحي

 

??????????????????????????????????

 

الجا لكسي اولا
ثم ايفون

 

أشوف ناس صراحه تمدح الجالكسي انا ما جربتهم ثنينهم صراحه ..

 

ابحر .. في عالم الصفاء .. والنقاء .. والابداع ..






سامسونج جالكسي اس ..


بسم الله نبدأ ..



مميزات الجهاز ..
نبدأ بالهاردوير (الاجزاء الصلبة او المكونات الداخلية ) ..
الجهاز يحتوى على معالج جباااااار بل افضل الموجود .. بسرعه 1 جيجا ..
الجهاز نحيف مره يعني 9.9 ملم فقط .
اوضح ميزه وهي اللي راهنت عليها سامسونج كثير .. هي الشاشة .. شاشة حجمها 4 انش بتقنية سوبر اومليد Super AMOLED و هي الاوضح في العالم .. خصوصا تحت اشعة الشمس .. و طبعا تدعم اللمس المتعدد ..


الجهاز الوحيد في العالم اللي يوجد فيه الاصدار الجديد من البلوتوث رقم 3.0


طبعا ما يحتاج نذكر ان الجهاز جيل ثالث بسرعه تحميل تصل الى 7.2 و سرعه الرفع 5.7 ميقا


فيه GPS وخرئط من قوقل .. بوصله ..


الذاكره الداخلية فيها خيارين .. 8 جيجا او 16 ويدعم الذاكرة الخارجية الى 32 جيجا .. يعني لا تشيل هم برامج او افلام ..


يوجد في الجهاز كامرتين .. امامية وخلفية ..الخلفية بدقة 5 ميقا بكسل وتصوير فيديو عالي الدقه HD والعيب الوحيد عدم وجود فلاش للكاميرا ..


البطارية فيه ممتازة 1500 ميلي امبير ..



الحين نجي النظام .. السوفتوير
نظام الجهاز هو اندرويد 2.1 وهو من انتاج واخراج المخرج الفنان جوجل .. وهو نظام مفتوح و مميز ومتطور جدا وله اكثر من 50000 برنامج ..


من اهم الميزات الخاصه فيه .. ان الجهاز ممكن يكون مثل الراوتر .. يعني معك لابتوب وما عندك شبكة بالوايرلس وتبي تتصفح الاقلاع بس الاقلاع غيرها ما فيه .. لا يضيق صدرك ممكن تستخدم النت عن طريق الجوال كأنه وايرلس .. انت اتدلع بس


اذا تلفزيونك سامسونج الجهاز يصير لك لو تبي ريموت للتلفزيون .. و مو بس كذا .. تقدر تعرض الصور والفيديو في التلفزيون لا سلكياً .. يا عيوني بس << وش عنده فوزية الدريع
فيه برنامج مثبت فيه يحرر النصوص يعني مثل ويندوز اوفيس ..
بضغطت زر ممكن تدخل على حساباتك في الفيسبوك او تويتر او غيرها من المجتمعات الانترنتية .. وبعد تقدر تشوف اوضاع الاسماء عندك اللي لهم حسابات في هالمواقع بكل سهولة ..
الواجهه للجهاز تعطيك كل المعلومات اللي تبيها .. درجة الحراره والجو .. اسواق الاسهم .. مواعيدك .. وغيرها والمنبة فيه دلع ..
وفيه برنامج حصري .. اسمه layer طبقات .. يبحث عن اي محل في الاسواق او في الشارع يدلك عليه عن طريق الكاميرا .. هالبرنامج خطير بس يبي وقت ويندعم عندنا .. الفيديو الاخير يوضحه ..
طبعا يدعم الايميل بشكل حلو ..
فيه برنامج للكتب الالكترونية ..
فيه ميزه حلوه للكتابة .. ما يحتاج تكتب بالطريقة العادية .. مرر اصبع جعله السلامة على الحروف بدون ما تشيله منها وهو يكتب وذي الطريقة اسرع من الكاتبة العادية مره ونص ..
يشغل انواع كثيره من الصوتيات والفيديو .. divx وشلتها ..
عشاق الالعاب ما راح يملون الجهاز فيه العاب مثل نيد فور سبيد .. وممكن تنزل العاب كثيرة من الماركت ..
فيه اندرويد ماركت وسامسونج ماركت يعني اشبع ..
الواجهة المستخدمة في الجهاز حلوه ومميزة .. وتعديلها سهل .. اسمها TouchWiz 3.0 وهذا الفيديو
يوضحها ..



سبب طرح الموضوع :
لاني قبل أمس اشتريت هذا الجهاز هع هع


بما اني اصبحت اندرودية هذي صور آهداء لأصحاب الايفونات




​

هذا مقارنة بين االايفون 4 و الجالكسي اس

جداا رائع الفيديو بعد ما شفتها انا اقتنعت بالجالكسي

http://www.youtube.com/watch?v=2ca_eaDLe-I&feature=player_embedded
​

 

اذا ما جربت الايفون ما رح تعرف قيمته
ايفون4 والباقي كله تقليد

 

الله يعطيك العافية على الشرح والمقارنة الصراحة تغطية رائعة وتسلم يا الحبيب

بالنسبة لي أحب أجرب الأجهزه الجديدة بس الجلاكسي للحين احس انه ما اكتمل خصوصا التتش

أحب الأيفون على أنه ناقص شغلات مثل الفلاش بس مع الجيل بريك يكون في حل

الي يعجبني في الايفون أنه يخليك تفكر تشغل مخك تحوس يمين وشمال تتابع كل جديد سيديا مليان برامج حركات المشغل تحس انه صلب.

ما احب الجهاز الى يخليني اخذ كل شئ جاهز بدون أتعب واحوس وشوف وش سالفته

وفي الاخير أتمنى أن نرى الجهازين في أفضل حال وشكرا

أخوك مدرعم بوعبدالله

 

يا الغالي المدرعم ،، اذا تبي جهاز يخليك تفكر وتشغل مخك وتحوس صح ،، خذ النوكيا .. :d:
نظام السيمبيان ذا بيخليك تحوس مخك صح .. :d:

بالنسبة لي انا اجلت شراء اي من جالكسي و آي فون و htc وغيرها ..

لاني بانتظار الجهاز الجديد اللي راح ينزل من نوكيا بنظام Windows phone 7
اكيد راح تكون تجربة ممتازة ونظام قوي وجهاز جبار ..

تحياتي للجميع ..