ساااااااااعدوني..كيف اعمل اب جريد للرام؟؟

هذي الصور الغالي
بالنسبه لل SPD انا صورت كل solt بروحه لأنه ما رضى يصور كامل
عسى هذا اللي تريده

 

كأني شفت ال max supported 16

 

هذي الصور ي بطل

 

دقايق يا غالي اشوف الحد الأقصى لتقبل الرام وجاايك إن شاء الله ما راح اتأخر ​

 

ان شاء الله الغالي
انتظرك بفارغ الصبر

 

عذراً على التأخر يا غالي ..

تصفحت عدة مواقع ابحث عن مواصفات هذا اللابتوب عشان اتأكد من الحد الأقصى لحجم الرام

عدة مواقع تذكر بأن الحد الاقصى 16 جيجابايت مثل موقع crucial

http://www.crucial.com/upgrade/Dell...s/Notebooks/Inspiron 15R (5537)-upgrades.html

المهم لنفرض بأن الحد الأقصى 16 جيجابايت حلووو

الحين نبي نتأكد من مواصفات الرام اللي تبي تركبها باللاب

ممكن تشوف الملصق اللي على العلبة حقت الرام الجديدة وتنقل الكلام اللي فيه كتابةً​

 

هلا الغالي..

الرام نوعه kingston
8GB PC3-12800 CL11 204-PIN SODIMM
HYN
PA01426
0005428-193.A00LF

001031

 

تمام ..

الحين أنت عندك رامين كل وحدة 8 جيجابايت من شركة kingston صحيح

أبيك تفك الرامين اللي عندك القديمة وتحط رام وحدة 8 جيجابايت فقط وتشغل الجهاز

شوف يشتغل ولا يطلع لك تنبيه أو شاشة سوداا​

 

مراااحب أخوي مصعب

أنا أعتذر منك مضطر أطلع الحين

أنتظرتك تجرب تركيب الرام 8 جيجا وللحين الله يهديك ما رديت علي

المهم يا غالي إن شاء الله تكون بخير ولي عودة للإطلاع على موضوعك

وإن كنت متأخر الأخوان الله يجزاهم خير ما راح يقصرون معك

بالتوفيق يا غالي ،،

​

 

هلا الغالي انا مجرب ها الحركه شلت قطعتين الرام وركبت قطعه وحده 8GB لكن ما رضى يشتغل...يعمل صوت والشاشه ما تشتغل ابدا

 

هلا الغالي..
السموحه منك شوي حالتي الصحيه متدهوره بسبب تغيير الاجواء عندنا..
الله يديم عليك الصحه والعافيه الغالي خبرتك انا جربت اركب قطعه وحده 8GB لكن الجهاز يعمل صوت ولا تشتغل الشاشه يعني ما تظهر سودا

 

اخواني الله يخليكم حد يساعدني

 

طيب يا اخي الان هذه مكتوبه على الرام الجديده صح ؟

الرام نوعه kingston
8GB PC3-12800 CL11 204-PIN SODIMM
HYN
PA01426
0005428-193.A00LF

001031

الرام القديمه شو مكتوب عليها ؟

وهل لو شغلت الجهاز بالرام القديمه فقط يشتغل الجهاز ؟ انا خايف الان تكون خربت الرامات كلها

 

الرام القديم مكتوب عليها

samsung 4GN 1R*8 PC3-12800S-11-12-B4
M471B5173BD0-YK0

لما اشغل الجهاز بالرام القديم يشتغل طبيعي

 

بحثت كثيرا بصراحه دخت ابغى اعرف كم التردد لاني عندي يقين انها هيا المشكله

حصلت ترددات كتير ومش عارف الي معاك ايش ترددها

انتظر احد الاحبه يفيدك اكثر مني واعتذر منك يا غالي

 

جزاك الله خير ي الغالي..
مشكور تعبتك معي..انتظر رد باقي الشباب

 

وينكم ي ابطال زيزوم؟؟؟؟؟؟؟؟؟؟؟؟؟؟


ابو راس وينك؟

 

السلام عليكم

معذرةً على التأخير

وسلامتك يا غالي ما تشووف شر

بخصوص الرام بعد ما ركبتها ابسألك يجيك شعار dell وبعدها يعطيك صوت وتصير الشاشة سوداا ؟

ولا مباشرة وبدون أي شعار يطلع الصوت ؟​

 

الله يسلمك الغالي
لا بدون اي شي..مايظهر شي فالشاشه

 

طيب تمام ..

الرام الجديدة والقديمة ترددهم واحد اللي هو 1600 ميغاهرتز

وعشان الأخوان إن حبوا يعرفون كيف يجيبون تردد الرام نقسم التردد المكتوب على علبة الرام واللي هو 12800 على 8 فيطلع لنا الناتج 1600 وبكذا عرفنا التردد

المهم نجي لتوافق المعالج ..

المعالج يتقبل آخر حد لحجم الرام اللي هو 16 جيجابايت

المعالج كذلك يدعم الترددات التالية للرام 1333 و 1600 ميغاهرتز

خلال بحثنا بالنت عن دعم الماذربورد للرامات تأكدنا ولاكن مو ميه بالميه أنه يدعم آخر حد 16 جيجابايت

الآن لو استنتجنا بشكل سريع

تشغل الرام 8 جيجا فيطلع لك صوت ولا يشتغل

هذا دليل أن الجهاز ما تعرف على الرام فالمطلوب منك تروح لأقرب محل تعرفه وتضمنه وتقوله الكلام اللي محددة لك باللون الأخضر وأتوقع تلقائياً بيقولك تحديث البيوس وبإعتقادي أن هذا هو حل مشكلتك بإذن الله تعالى

ولا تنسى تبشررررنا وش يصير معك

وبالتوفيق ،،​