هل يمكنني تقسيم هارد اللاب توب بنفسي ؟

المصدر: هل يمكنني تقسيم هارد اللاب توب بنفسي ؟
في منتدى : مشاكل الأعضاء التي تم الانتهاء منها

السلام عليكم ورحمة الله وبركاته


شباب عايز اعرف هل اقدر اقسم الهارد بتاع اللاب توب بنفسي ؟

لان انا هشتريه بالتوكيل ان شاء الله وطبعا التوكيل مش هيقسمه لانه لو هيقسمه هيحاسبوني علي مصاريف 100 جني
تمن تقسيم الهارد وتنزيل الويندوز اللي هو بتاعي اصلا وكمان مش هينزلولي عليها اي داتا


فهل استطيع بعد شراء اللاب توب مباشرة ان اضع اسطوانة الويندوز بتاعتي 8.1 واقوم بتقسيم الهارد الي بارتيشنين فقط C و D عن طريق خيارات اسطوانة الويندوز نفسه ؟؟ وهل التقسيم عن طريق اسطوانة الويندوز دي مضمونة ولا يفضل اني اخلي الوكيل نفسه يقسمهولي بطريقته وادفع ال 100 جني الفرق ؟؟

ياريت تقولولي بجد لاني محتار والله في الموضوع ده ​

 

اهلا اخي الكريم
اذا انت رح تشتري لاب جديد يفضل ان تشتريه وعلي نسخة ويندوز اصلية اوريجنال
اوتماتك رح يتقسم 3 بارتيشن
واحد خاص للريكفري
واحد للنظام
واحد خاص لك

 

وعليكم السلام أخي الغالي
ليش 100 جنيه .أصلا لازم الجهاز يكون كامل بنظام تشغيل أصلي ومفعل
بعدين أخي موضوع التقسيم أسهل مما تتخيل ومايفرق أذا عملته بـDVD الويندوز ولا ببرنامج من أسطوانة Hiren's Boot CD
ممكن تحمل أسطوانة MiniTool Partition Wizard Bootable 8 وهي مجانية وممتازة تحرق ملف iso تبعها على فلاشة .وأتقلع منها ,وتشتغل بواجهة رسومية وتقسم براحتك.

 

حياك الله اخي الغالي وصباحك عطر

ولكن اللاب اللي هشتريه مكتوب عليه free dos

وهذة الكلمة يعني لا يوجد عليه نسخة

واطمن اخي انا معي نسخة اصلية بسريال اصلي تجاري خاص بي

 

تمام اخي الغالي


والله الناس هنا استغلاليين جدا وانت عارف

عشان كدة هقسمه انا بنفسي واوفر ال 100 جني وهعمله تلت بارتيشانات باذن الله واسطب الويندوز الاصلي بتاعي

 

انتظرنى قليلا وساعطيك فيديو من الوهمى عندى تقسم زيه هاردك من خلال اسطوانة الويندوز بدون البارتنيشن المحجوز 100 ميجا فقط بارتيشن سى وبارتيشن دى
----------------------------------------

 

http://www.gulfup.com/?wVxBbU
فيديى للشرح
---------------------
ركز بقى ياوحش
1 ... لو مثلا عاوز تبقى السى 100 جيجا يبقى تضرب 100x1024 والناتج هيبقى مساحة السى
2 ... الهارد هيجيلك مش متقسم او غير مخصص مثلا unullocated
هتعمل زى اللى فى الشرح .. تقتطع مساحه للسى مثلا 102400 ميجا
والباقى اعمل بيه بارتيشن للدى كاملا
اطلع تانى على 102400 واعمله ديليت وليس فورمات بقى غير مخصص .. اطلع بقى على بارتيشن صاحب الــ 100 ميجا واعمله تمديد extend
عشان يسحب البارتيشن صاحب 102400 عليه ويندمجوا فى حته واحده .. الان بقى عندك 2 بارتيشن واحد سى 100 جيجا والدى باقى ىالهارد
اختار السى واضغط نيكست وكمكل تثبيت ويندوز

 

وده بالنسبه للتثبيت والتقسيم باسطوانة الويندوز ... عاوزها بالهيرن برده سهله ان شاء الله

 

ربنا يباركلك يارب في صحتك ويجزيك كل خير يااستاذي وافتخررر

تقبل تحياتي واحترامي

 

تم تحميل الشرح الحمد لله بفضل الله وفهمته

الف شكر وليييييييييييييييييييييييد باشا بجد

 

يغلق للأفادة
مشكورين اخواني علي حسن التعاون