تمت الإفادة استفسار فى تركيب النظام عن طريق القرص الوهمى (باور ايزو)

المصدر: استفسار فى تركيب النظام عن طريق القرص الوهمى (باور ايزو)
في منتدى : طلبات واستفسارات أنظمة مايكروسوفت

السلام عليكم ورحمة الله وبركاته

انا يا جماعة قولت اتجرأ كدا واعمل حركة جريئة وافكر ابدأ فى تنصيب ابونتو بجانب ويندوز

بس ...وقولت الاول اجرب اعمل دا عن طريق عمل قرص وهمى ببرنانج باور ايزو واحرق عليه النسخة اللى عندى ............ لأنى معنديش محرك اقراص ومعرفتش اظبط موضوع التثبيت من الفلاشة فمكنش قدامى حل غير التثبيت بطريقة القرص الوهمى

وفعلا عملت كدا

وانا همشى معاكم بالصور خطوة خطوة لحد ما اوصل للاستفسار

ادى نسخة ابونتو اللى حملتها عندى على الجهاز وعلى فكرة شغلتها على الوهمى واشتغلت معايا واتثبتت تمام يعنى جربتها





حطتها على القرص الوهمى اللى عملته ببرنامج باور ايزو زى ما انتو شايفين اهى نزلت على القرص الوهمى




بفتح الاسطوانة طلعلى الرسالة دى طبعا قولتله تثبيت زى منا موضحة فى الصورة




ظهرتلى بقى الرسالة دى لاعادة تشغيل الكمبيوتر ...... (وانا يا جماعة معلش اعذرونى اول مرة فى حياتى اجرب عمل قرص وهمى او حتى استخدم برنامج باور ايزو او حتى انزل نسخة نظام من اساسه فى حياتى حتى الويندوز عمرى ما نزلته بنفسى فعشان كدا مسائل التثبيت دى معنديس اى خبرة فيها)

فانا دلوقتى عايزة اعرف دا قرص وهمى لو انا عملت اعادة تشغيل للكمبيوتر هيدخل عليه ازاى ؟؟؟؟؟؟

واقوم بتهيئة الاقلاع من البيوس من السى دى روم ؟؟؟ ولا اعمل ايه

وهل لو عملت الاقلاع من السى دى روم هل هيقرأ القرص الوهمى اللى عملته دا؟؟؟؟ وهيدخلنى على تثبيت ابونتو من القرص الوهمى دا ؟؟ ولا هيحصل ايييييييييييه ؟؟؟؟؟؟؟؟؟






دا كان بالنسبة لمحاولة تثبيت ابوونتو بالقرص الوهمى


بالنسبة لمحاولة تثبيت الويندوز

فانا جبت نسخة ويندوز 7 (مش اصلية ومعدلة على فكرة ) عشان اثبتها على جهازى

وركبتها على القرص الوهمى بنفس الطريقة زى ما عملت مع ابونتو

وادى النسخة اهى اتركبت على القرص الوهمى



ولما بفتحها (دبل كليلك) بدل ما تشتغل الاسطوانة وتطلعلى رسالة التثبيت لاقيت الاسطوانة اتفحت ودخلتنى على ملفاتها من الداخل

لاقيت فى الملفات ملف اسمه Setup قولت يبقى هو اكيد الخاص بالتثبيت







ضغط عليه دبل كليلك ظهرتلى رسالة الخطأ دى

ايه بقى المشكلة ؟؟؟؟؟؟؟؟

على فكرة النسخة 64 bit مش 32

فهل ممكن يكون دا السبب لأن جهازى لا يدعم 64 bit ؟؟؟ ولا ايه السبب

ولا ممكن يكون السبب ان النسخة مش اصلية وملعوب فيها (معدلة) وممكن دا اللى يكون عامل مشاكل فى الاقلاع للتثبيت ؟؟؟؟؟؟؟؟ ولا ايه ؟؟؟؟؟

 

التشغيل من الوهمى ونعيد التشغيل ... هو مع نفسه هيبوت وهيكمل الخطوات وفقط انت ستختارى الاقراص والفورمات وباقى التثبيت
تثبيت الويندوز من داخل الويندوز عن طريق الوهمى
مش هينفع نشغل 64 من داخل 32 ... ده اولا
ولو شغلنا 32 داخل 32 .. هيكمل عادى جدا ويطلب ريستارت للاستكمال ولن نستطيع عمل فورمات فى منتصف الخطوات بل ابجريد
وفى النهايه سنجد ان الويندوز القديم تم اختزاله فة فولدر مجمع اسمه windows old
والجديد مفرود عادى جدا .. فقط نحذف مجلد windows old
------------------
انا جاى اسلم بس وماشى لانى مااعرفش حاجه يابيه

 

هههههههههههه ماشى وعليكم السلام

ولو انى مفهمتش ازاى نعيد التشغيل وهو هيبوت من نفسه ؟؟؟

هنرجع لاصل السؤال من تانى فى الموضوع

كنت محتاجة منك شوية تفصيل فى الشرح... انا عارفة ان المنتدى هنا زهق منى من ساعة ما اشتركت وانا نازلة اسئلة زى المطر

 

النسخ 64 لا تعمل داخل نظام 32
والعكس صحيح
بالاضافة الي النسخ المعدلة كلها معقدة و مشاكل
في التنصيب و الاقلاع و العمل الي ما لا نهاية من اخطاء
ادا كان جهازك ذو نواه 32=86
فلا تستطيع تنصيب نسخ 64 الا ادا كانت الرامات اكثر من 2 جيجا و بروسيسر جيد
احسن حل اخي ان تضع نسختك علي فلاش و تقوم بالتعديل علي البيوس للاقلاع بها
وانتهى

 

بالنسبه لي دي الخطوه لو جربتيها تبقي هتلعني لينكس واليوم الي عرفتيه فيه الخطوه دي مليان مشاكل

الي هي تثبيت النظام كانه برنامج في الويندوز

وبالنسبه لي الاقراص الي ساويتيها الوهميه دي على اسمها وهميه البرنامج الي اسمه بور ايزو يقدم الخدمه دي عشان تفتحي

الايزو وتقومي مثلا بالتعديل عليه او بسحب الملفات الي فيه او مثلا بتشغيله على النظام فقط مجرد تطفي النظام يروح كل شيء

المواضيع دي هتساعدك في الاقلاع من الفلاشه

شرح طريقة حرق ملف التوزيعه الى usb [ فلاشه ] او اسطوانة [ cd or Dvd ]

خطوات تثبيت Linux Mint 16 Petra و ما بعد التثبيت

تثبيت توزيعة Lubuntu [خطوات ما قبل التثبيت | خطوات التثبيت | خطوات ما بعد التثبيت]

 

جزاك الله خيرا

طيب ازاى اعرف اذا كان جهازى يدعم 64 ولا لأ ..؟؟ لو وضعت مواصفات جهازى هنا هل ممكن تعرفوا وتقولولى ؟

كويس جداااااا انك حذرتنى ونبهتنى قبل ما ادخل فى مشاكل

جزاك الله خيرا

انا هجرب الاقلاع بالفلاشة ويا رب تنفع معايا باذن الله

 

ضعى موديل المعالج وهنعرف ان شاء الله ان كان يدعم ام لا
او من هذه الاداه
https://www.grc.com/securable.htm

 

من الاخر زى ماتفضل استاذنا ابو احمد وقالك ان طريقة تثبيت الاوبنتو داخل الويندوز اكبر خطأ ممكن تعمليه والحل الوحيد انك تقرأى الموضوع ده وتنفذي كل الى فيه خطوه خطوه واضمن لك ان شاء الله انك هتوصلى لافضل النتائج انا عن نفسى بدأت بالموضوع ده

http://forum.zyzoom.net/threads/225128/

 

افتح برنامج التشيل run

اكتب الامر
dxdiag
ثم انتر
ستفتح لك نافذة مثل هذه فيها جميع البيانات التي ستحتاجينها
يمكنك تنقل بين الخيارات و البحث عن مواصفات جهازك
مثل خيارات السيستم او الصوت

 

جزاكم الله خيرا

انا مفهمش فى الهارد وير خالص ولا حتى اسماء قطع الهارد وير

عشان كدا انا صورت الاعدادات زى ما قولتولى وجبتها وانتو تقولولى الجهاز بتاعى يدعم 64 ولا لأ

بس تفهمونى عرفتوا ازاى ومنين عشان ابقى فاهمة زيكم

وادى الصورة




ودى من السيستم


ودول صور تانية لمكونات جهازى كنت نزلتها فى احد الردود قبل كدا

جزاك الله خيرا بجد بستفاد جدا من كل مرة بتدلونى فيها على الصح وبتلحقونى قبل ما ادخل فى دوامات المشاكل ....الف الف شكر ليكم بجد

جارى مشاهدة الرابط جزاك الله كل خير

 

هل تم طلبك آخي ؟؟

 

وعليكم السلام

معالج جهازك يدعم انظمة 64 bit
و يدعم الانظمة الوهمية ​

 

جزاك الله خيرا

دلوقتى انزل بقى اقدر انزل ان شاء الله نسخة 64 الف شكرا جدا على الافادة اللى كنت محتاجة اعرفها بجد

تم اخى الكريم .............. شكرا للجميع على المساعدة جزيتم كل خير

 

وهناك اداة صغيرة جدا يمكنك تنزيلها والاحتفاظ بها
عندك لمعرفة اي معالج في اي جهاز ان كان يدعم انظمة 64bit ويدعم الانظمة الوهمية او لا

تحميل الاداة

https://www.grc.com/securable.htm​

 

شكرا جزاك الله خيرا

 

هل هناك أى استفسار أختى ؟

 

لا اخى الكريم الحمد لله بخصوص الموضوع دا كدا خلاص تم الافادة

جزاكم الله خيرا

 

يغلق للإفآدة ..