تمت الإفادة مشكلة غريبة جدا مع الميديا

والله مراعى شعورهم ما انا واحد منهم وياما طلع عينى مع 256 - 512

لحد ما عبرنا الحدود وجبنا 1024 وكان نص القرية الطيبة بتاعتنا مشتركين فيها

وبمناسبة إن الطيب جاى - فانا أخر خبر سمعته بخصوص النت فى أم الدنيا كان إنه هيبقى نت محدود بعدد جيجا تحميل

مش عارف الموضوع ده طبق أم لا حتى الأن ؟

 

مش محتاج لا تغير جنسية ولا غيره

الأرض أرض الله - بس نقول إيه بقى

مانا قولت لحضرتك النت أصبح أساسيات وليس رفاهية

تخيل يا طيب سرعات الموبايل هنا النت على الموبايل وصلت لنفس سرعات النت فى البيوت

حاجة تخلى الواحد يتعب

بيترجوا الناس عشان تشترك وبيدوها تليفونات أحدث حاجة بعقد سنتين ونت ودقايق مجانية

أنا تعبت يا عم Baseel

 

حبيب قلبى وليد الغالى

تخيل يابرنس موقع torrentleech

بعد 8 سنين عشرة وتحميل ورفع وهمى

فكروا يعلموا لى بلوك الشهر إللى فات

هو أى نعم موقع برنس البرنسات بس فيه غيره كتييييييييييييييييييييييير

صاحبى إللى كان عاملى دعوة إتعمله بلوك من 5 سنين

وأنا كنت مقضيها غش بقى وأبلود فى الوهمى Ratio Faker

بس قفشونى أخيراً

عادى بقى

 

والله ياأخى اللى بيتعمل فينا حرام والشركات أنا شايف إنهم بيقدموا خدمة حسب مالحكومة و النظام يريد ولما الشركة حاولت تنزل الأسعار هنا وزارة الإتصالات رفضت وكان السبب إن دا مخالف للعقود و الإتفاق موضوع سياسى بحت

 

إنت جبت الخلاصة

لو حضرتك دورت مين أصحاب الشركات بتاع النت هتعرف السبب الحقيقى

وفى نفس السياق

شركات المحمول هنا عامة ومعظم الشركات بتبقى قطاع خاص وقابل للمنافسة

يعنى كلهم بيقدموا عروض قصاد بعض والمستهلك هو المستفيد الأول

وخلى بالك الخدمة روعة والدعم روعة والسعر يعتبر ببلاش تقريباً

بالمقارنة بالأسعار الخيالية إللى موجودة عندنا لسرعات لا تتعدى سرعات النمل أو السلحفاة

والمستهلك على حق والشركات متقدرش تغش ولا تشتغل العميل وإلا هتتقفل تانى يوم

بلغ بقى بغلق الموضوع - عشان كده هندخل فى حوارات تانية يا عم Bassel

 

ههههههههههه والله أخى Cezar هما هنا بعد الثوارات اللى حصلت لو طالوا يقفلوا المدارس نفسها علشان نشر الجهل والتخلف هيعملوها لأنهم حسوا إن التعليم والإنفتاح على العالم بأى طريقة ومنها الإنترنت خلوا الناس تبدأ تقارن ومش عاوزين العملية تكبر وتهرب من إيدهم فبيحولوا بأى طريقة يديقوا على الناس بالغلاء وغيره وغيره وربنا يستر ويارب يكون القادم أفضل

 

حبيبى الغالى Bassel

أنا بقول أبلغ أنا بغلق الموضوع بقى أحسن



إنت لو متعرفنيش من زمان تأكد إنى أخوك الغلبان إللى هو أنا

شايل ومعبى وساكت والله

الخلاصة فى كلمتين

سياسة التجويع

سياسة العصا والجزرة

ولا إيه يا عم وليد

 

حبيب قلبى Cezar خلى بالك ليكون معانا حد من الداخلية

 

ياناس ياهو حد يقفل الموضوع هنا الله يكرمكم

ماتقلقش أخوك قديم وقلبه جامد



هنضيع يا عم الحاج كده

 

ههههههههههههههههه على رأيك ياحاج بدل منضييع فيها لأن الأوضاع الحالية عملة زى مشكلة الفيلم العجيب دا [مشاكل غير منطقية لا يوجد لها حلول] هنزل بقى الفيلم من جديد وخلاص وتسلم يابرنس أنت وباقى الأعضاء على المساعدة . شكرا لكم جميعا

 

على البركة يا غالى


معاك أخوك أحمد

حمل الفيلم بنسخة جديدة بقى وجرب وربك يسهلها فى موضوع الفيلم

وأكيد هيحلها من عنده فى المواضيع التانية برضة - ده شئ طبيعى مهما تأخر بس هيجى هيجى بأمر الله

 

شكرا لك أخى أحمد تشرفت بمعرفتك وإن شاء الله ربنا يحلها

 

السلام عليكم

هو انت موعود بالمشاكل الغير الطبيعية دى

على العموم ربنا يسترها على الافلام التانية

وغالبا الفيلم اتنقل على الاجهزة التانية بعد ما حصل فيه مشكلة عندك

 

مستر وائل شرفنا دا إحنا كدا هنفرمت ونحمل من جديد
تم مسح الفيلم والتحميل من جديد بنسخة أعلى

 

ههههههههه ماشاء الله هو انا اسمى سبقنى لهنا كمان

ممكن برده تستخدم لحل المشكلة انك تطفى الجهاز وتشغله تانى

 

الشرف لى يا أخ باسل بارك الله فيك

السؤال دلوقتى - هل تمت الإفادة - أم لا - للتبليغ بغلق الموضوع لو تكرمت

خالص تحياتى يا طيب

 

شكرا لك أخى أحمد تمت الإفادة وشكرا للجميع

 

بارك الله فيكم جميعا
و يغلق للإفادة
====