جهاز مواصفات عالية ولا أعرف ابحث عن تعاريف .. كامل القطـع

المصدر: جهاز مواصفات عالية ولا أعرف ابحث عن تعاريف .. كامل القطـع
في منتدى : مشاكل الأعضاء التي تم الانتهاء منها

السلام عليكم ورحمة الله وبركاتة
مساء النور أخواني ..

انا عنــدي جهاز مواصفاته عالية بس لعب بي .. ولا اعرف كيف نظام التعريفة فيه ..فسألت شخص فقااال جهازك يحتااج تعاريف للقطع .. بنفس الموديل وتعاريفه الحديثه ..
طبعا انا جهازي تجميــع اذكر اول ماشريتة .. عطاني معه سيدي فيه ادوات لجهازي من ضمنهاا .. هالصــورة ..
هالشركة ..




المهم بحثت عن هالتعريف وجاب لي صفحة القيقاا .. بايت لوحة الأم حقتي بس ماعرفت احمل أي واحد بالمربع لأني ماعرف الارقام ..

هذا الرابــط : http://www.gigabyte.com/microsite/276/3tb.html




انا حملت برنامج Gpu-z وصورت كل مواصفـاات جهاززي ابغى اعرف كيف اعرف اطلع التعاريف من الرابط او موقع مثلا تابع للمذر بورد حقي وتعاريف القطع حقتي .. ياليت تعلموني عشان احملها واحرقها بسي دي .. او فلااش .. او ارجع لها بعــدين مع التحديثات

هذا المعالج ..

CPU




Graphic


Memmory







طبعا من برنامج الـ CPUZ حملت ملف تكست على ماعتقد خيرني بين هتمل وتكست ..
تلقونه بالمرفقااات .

 

وعليكم السلام ورحمة الله وبركاته

يا هلا ومرحب فيك أخونا

بالنسبة للتعاريف

أول شي تركز عليه تعاريف الماذربورد

ثم القطع الإضافية اللي ركبتها على الماذربورد مثل كرت الشاشة

بالنسبة للماذربورد

خليني أوضح لك كيف تحمل التعاريف

وللعلم الماذربورد اللي عندك موديلها Z77X-D3H من شركة Gigabyte

وعرفت هالشي من خلال تقرير CPUZ اللي ارفقته بالموضوع

الآن أدخل على هذي الصفحة واللي فيها تعاريف الماذربورد تبعك من شركة جيجابايت

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

وبعدها أختر النظام اللي تستخدمه سواء ويندوز 7 أو غيره

صورة




----------


ثم حدد التعريف اللي تحتاجه واضغط على رابط التحميل




----------


وفي أمر بودي أوضحه لك بخصوص تعريف الصوت

جيجابايت ذكروا بالموقع أن لازم تحدث البايوس قبل لا تحدث التعريف الجديد للصوت




----------


إصدار البايوس اللي عندك حالياً هو F16




----------


بالصورة التالية حددت لك بعض النقاط وراح أعلق عليها

رقم 1 : آخر إصدار للبايوس هو : F18i

رقم 2 : هو الإصدار اللي عندك

رقم 3 : إذا كنت تستخدم الأنظمة التالية بعد ما تحدث البايوس حدث تعريف الصوت




----------


وبالنسبة لتحديث البايوس

أنصحك تروح لفني صيانة وهو يحدثه لك


----------


وبالنسبة لتوضيحي بخصوص تحديث البايوس تراه اجتهاد

فلا تاخذه على اساس انه هذا الحل اللي لازم يصير عشان تحدث تعريف الصوت


----------


وصحيح بخصوص كرت الشاشة عندك خلفية كيف تنزل التعريف تبعه ؟​

 

شكككراً
أخـــوي بصراحه استمتعت مع شرحك .. وصلت لي المعلومة بنسبة 90% ..

طيب كيف أحدثــه اناااً هل في مصاادر تشرح لي التحديث وخاصه نفس موديل جهازي ..

شكراًُ من القلب ..

 

أي دخلت موقع نيفيديا .. وسويت اوتوماتيك يقرا جهازي وعطااني .. النسخه المتوافقه لجهازي .. صح


طيب كيف .. رحت له الصورة


http://b.top4top.net/p_2840hry1.png




طيب .. هل لاخليته بدون تحديث يضر التعاريف ..

وكيف ادور مصادر تشرح تحديث البيوس لنفس موديل اللوحة حقتي ..

 

أسعدك الله أخي الحبيب

بالنسبة لتحديث البايوس الطريقة من خلال كم تجربة لي ماهي صعبة صعبة

يعني أول شي تروح لموقع جيجابايت

ثم تدخل على الصفحة الخاصة بالماذربورد اللي تستخدمها

ثم تحمل تحديث البايوس الخاص بالماذربورد حقتك

وبعدها تنقل الملفات للفلاش

ثم تعيد تشغيل الجهاز وتدخل على البايوس

وبعدها تروح لخيار Q-Flash

وراح يطلب منك تحديد اسم الفلاش

ثم تحدد ملف البايوس من داخل الفلاش

وبعد ما يقرا بيانات الملف راح يطلب منك الموافقة للتأكيد على تركيب التحديث الجديد

وبعدها راح يبدأ يحدث البايوس للإصدار الجديد

وممكن الجهاز يخوفك حبتين خصوصاً لا طفى وشغل ثم طفى وشغل

وترى هالحركة صارت معي على ماذربورد أسوس اللي استخدمها

وما أدري عن جيجابايت وش ممكن تسوي معك

وبعدها راح يقولك تم التركيب وتقدر تتأكد من داخل البايوس أو من خلال أداة CPUZ

وهذا شرح بالفيديو ولاكن مو لنفس الماذربورد اللي معك

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

وتقدر بعد تبحث بقوقل وتكتب مثلاً update bios z77x-d3h

ولو أحتجت لشي عطني خبر

وإن شاء الله بساعدك حسب معرفتي​

 

بالنسبة لطريقة البحث عن تعاريف نفيديا دام أن في أداة للكشف تمام وفي الطريقة اليدوية اللي أنت تحدد فيها موديل الكرت والنظام لو حبيت أوضحها لك

-----

وبالنسبة للصورة اللي رحت لها

أدخل على نفس الرابط اللي بمشاركتي الأولى وهو

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

وبعدها غير الخيار إلى وحدة التشغيل الرئيسية وراح تظهر لك إصدارات البايوس



-----

وبالنسبة هل في ضرر لو خليته بدون تحديث هنا لابد تجرب ولاكن جماعة جيجابايت معطينك التوصية

-----

وبالنسبة للمصادر عندك قوقل وتقدر تكتب مثلاً update bios z77x-d3h وادخل على النتائج

وبلغنا باللي يصير معك والله يوفقك وييسر أمرك​

 

صبر حبه حبه علي .. تراني .. من جنبها
لحظة لحظة انا دخلت حاجة ثانية كروت النيفادا .. شكلها افضل من الموقع الرسمي يعطيني التعريف بشكل أدق لأن حق الموقع طلع فيه خطأ ومـدري شنو .. المهم انه ركب




بس رقم الموديل ماعرفتــه
دورته في تقرير الجهاز بالصورة ذي ماحصلته ..



لا GV-N670OC-2GD ولا من الخيارات اللي فيها



=========================

ماعلينا اللي اهم البيوس
ادخل موقع قيقا واختر وحدة تحكم تشغيل رئيسية بيطلعلي الجدول صح



يعني أول شي تروح لموقع جيجابايت
ثم تدخل على الصفحة الخاصة بالماذربورد اللي تستخدمها
ثم تحمل تحديث البايوس الخاص بالماذربورد حقتك
وبعدها تنقل الملفات للفلاش
ثم تعيد تشغيل الجهاز وتدخل على البايوس
وبعدها تروح لخيار Q-Flash
وراح يطلب منك تحديد اسم الفلاش
ثم تحدد ملف البايوس من داخل الفلاش


مافهمت .. < صفر عالشمآل

 

يا رجل كلنا نتعلم

بالنسبة لكرت الشاشة بإذن الله بحط لك طريقة البحث بمشاركة ثانية

وهذي المشاركة بوضح لك الأشياء بخصوص البايوس

ممتاز

وزيادة عليها لو دخلت على صفحة الماذربورد

وحملت التحديث شغله وبعدها اضغط على زر استخراج




وبعدها انسخ الملفات اللي استخرجها لك وحطها بالفلاش



والفيديو اللي ارسلته لك بالمشاركة رقم 5 حق اليوتيوب شوف الخطوات فيه وتابع معه

وعشان تكون بالصورة

ترا الفيديو ما يخص الماذربورد حقتك

بس أتوقع راح تكون الطريقة مشابهه للي عندك

وصحيح ممكن بعد التحديث يطلب منك ترجع إعدادات البايوس إلى الافتراضي

وعشان ترجع الاعدادات للافتراضي

من داخل البايوس ابحث عن اختصار كلمة optimized defaults ف ممكن يكون F7

وأرجع وانصحك ودي الجهاز لفني أسلم

ومنها تشوف هو وش يسوي عشان بالمرات الجايه تسوي تحديث من نفسك

​

 

يعععععععععطيك الف عافيـــه ياهير .. عز الله إنك فخم


الظاهر اخرتها كذاً .. بوديه فني بس خلني اسكرب فيه شوي كود أتعلم
وماقصــرررت ..

 

الله يعافيك حقك وواجبك طآل عمرك

والله ييسر أمرك ويا هلا وسهلا فيك

​

 

أمين ومن قآل أخــوي ..


بغيت استفسر استفسار أخير .. في اسطوانة للمعالج حقي بكل ادوات اللوحة الأم .. كيف أحملها ووين أحصلها بالموقــع ...

 

المعذرة ما اتضح لي طلبك يا غالي

قصدك الأدوات الإضافية اللي تجي مع اللوحة الأم ؟

هذا المحتوى يظهر للاعضاء المسجلين فقط:

هذا المحتوى يظهر للاعضاء المسجلين فقط:

​

 

عشان تدري اني ماني سهل



شف البيوس حدثته واخيرن سويت انجاز

لاتذكرت كان معه سي دي للوحة الأم بس ضيعته .. ابغى احمله وين القى نسخة الاسطوانة للمعالج حقي زي هالصـورة هذي نسخه ثانيه انا اختلف عنها اسطوانتي الاصلية ..

اذكرها الترا قيقا بايت والله اني ناسيها ابحاول ادور اذكر اني مصورها ومخزنها بالهاردسك ان ماخاب ظني

 

وكان زي كذااً .. شكل اللوحة لاركبت السي دي يثبت لي كل الادوات والتعاريف حقت لوحة الأم .. ؟


كيف أحصل ايزو للسي دي نفس معالج حقي .. قيقا بايت

 

ما شاء الله ويا سلام عليك

هذا الشغل الصح

الواحد يتعلم بدل ما يضيع فلوسه

بس شكلك ما انتبهت للإصدار اللي نزلته للبايوس

لاحظ الأشياء اللي محددها لك بالصورة

الإصدار المفترض اللي تنزله هو F18i مو F18g

ولاحظ التاريخ سنة 2013



ولاحظ بالموقع

نفس البيانات اللي بأداة CPUZ




فالحين دامك عرفت الطريقة أرجع لا هنت وحمل إصدار F18i اللي صدر بسنة 2014

----------

وبالنسبة للأسطوانة والله ما ظني بتحصل مثلها

لاكن عندك الموقع نزل حاجتك منه

وللعلم التعاريف اللي بالموقع أحياناً تكون محدثه لإصدارات جديدة عكس الأسطوانة

ولاكن ولا يهمك التعاريف أمرها سهل إن شاء الله بس خلص من تحديث البايوس وراح أقولك وش تنزل من تعاريف​

 

هاه يابطل .. قايلك الولد موهوب ههههه






طبعاً الطريقة عشان الكل يستفيد للتحديث .. بدون فلاش او تطفي الجهاز اداة تنزلها من ضمن الادوات

بعد ماتحمل أخر تحديث للبيوس المناسب لجهــااازك





فك الضغط عن الملف راح يطلع زي كذا ..





طبعاً بالاداة ماراح نستخدم الا الكلف Z77xd3h.18i < اللي هو نوع معالجك أي كان أسمه ..





حمل الأدوااات .. الأداة للمعالــج حقــك .. بدخولك لرابط .. قطعتك او معالجك


نوع الملفات أداة .. ونظام التشغيل نظام الويندوز لجهازك



طبعا انا حملتها كلهم .. وبحثت عن ملف من ضمنهم لافكيته راح يطلع مجلد .. بأسم atBIOS





عاد والله نسيت أي ملف مضغــوط

المهم تلقى ملف Setep ثبت الأداة راااح تطلـع لك الأداة به الشكل ..





الخيارات الليمين أضغط على Update Bios form File
يستعرض لك الكمبيوتر جيب الملف خويناا .. اللي اسمه Z77xd3h.18i






لاضغطت الملف عط الأداة جو .. شوي خلها تحممل .. وفك الماوس وحاول تقفل كل شيء ..

بعد مايخلص راح تطلع لك رسالة إعادة تشغيل سو ريستارت .. وبتلقى اببيوووس حقك محدث .. بس زي ماقلنا حتى بداية التشغيل عطه جوه


ملاحظة بعضكم احتمال يطلــع له لود .. الملف الافتراضي .. في البداية يضغط اوك او اي شيء يثبت .. < مايعرف يشرح

وبس استفدت من صديقي .. وقلت لازم الزوار والاعضاء اللي يمر يستفيــد



===================
وصرت اشرح حركات والله

 

الله يزيدك من المعرفة ويسخرك لخدمة أخوانك

تمام عليك وتم التحديث لآخر إصدار

هالحين بخصوص التعاريف

حمل التعاريف التالية لا هنت

Intel INF installation < هذا أول تعريف تثبته

VIA audio driver

Intel VGA Driver ‏(for Ivy Bridge CPU)‏

Atheros LAN driver

Intel Management Engine Interface

وبعدها يبقى عليك تثبت تعريف USB 3.0 وتعريف كرت الشاشة

وبخصوص تعريف USB 3.0 في عندك اثنين

بعد ما تثبت التعاريف السابقة

تطبق هالخطوات عشان نتأكد من معرف القطعة وبعدها نحدد التعريف المطلوب

اضغط بالماوس يمين على أيقونة جهاز الكمبيوتر واختر من القائمة إدارة



-----

بعدها حدد من القائمة على اليمين إدارة الأجهزة

وبالصورة أنا حددت كرت الشاشة كمثال

أنت حدد الجهاز اللي ما تعرف واضغط عليه بالماوس يمين واختر خصائص من القائمة



-----

بعدها رح لتبويب تفاصيل

ثم حدد الخيار hardware ids

ثم انسخ أول سطر واستخدم Ctrl + c في النسخ




وارفق لي اللي نسخته بردك القادم لا هنت

وممكن تحصّل أجهزة ثانية ما تعرفت ف سوي نفس الطريقة عشان أوفر لك تعاريفها​

 

هذي الاكووااد


IUSB3\ROOT_HUB30&VID_8086&PID_1E31&REV_0004&SID_50071458

USB\VIA_ROOT_HUB&VID1106&PID3432&REV0003

 

مرحبا أخوي

والمعذرة على تأخيري

توقعت أن الـ USB3 راح يكون له تعريف واحد

بس للأسف خاب التوقع

حمل التعريفين وثبتهم لا هنت واللي هم

VIA USB 3.0 Driver

Intel USB 3.0 Driver​