تم حل المشكلة هل يمكن نقل الويندوز كاملا بالبرامج واعداداتها وخلافه من جهاز لجهاز

المصدر: هل يمكن نقل الويندوز كاملا بالبرامج واعداداتها وخلافه من جهاز لجهاز
في منتدى : مشاكل الأعضاء التي تم الانتهاء منها

السلام عليكم ورحمة الله وبركاته
تحياتي للاعضاء والمشرفين الكرام
انا عندي استفسار ودورت كتير موصلتش لحاجة محددة وقولت اكيد الحل هلاقيه هنا
انا مشكلتي ببساطة اني عندي جهاز كمبيوتر PC ولاب توب واحيانا بحتاج اعيد تسطيب الويندوز سواء هنا او هنا والمشكلة الكبيرة في الوقت المستهلك في البرامج والتحديثات وتسطيبها خصوصا اني بسطب ويندوز 10 وموضوع التحديثات ده في حد ذاته صداع
والمشكلة الاكبر في موضوع الوقت بسبب اني بسطب برامج كتير زي برامج التصميم وكده وبتحتاج وقت كمان في تحديثاتها
فهل في طريقة اني اعمل صورة مثلا من النسخة اللي على الجهاز pc كاملة بالبرامج بعد التحديثات كلها بحيث اني اقدر اخد النسخة دي كاملة واسطبها على اللاب توب ولو ممكن يكون ازاي؟؟ وهل التعريفات المختلفة بين الجهازين ممكن نتفادى مشاكلها ولا ايه؟؟
وع الاقل لو الحل مش متاح .. هل في امكانية اني اقدر اخد البرامج كلها نسخة بكل اعداداتها وتحديثاتها (فقط) وبعد تسطيب النسخة انقلهم كلهم مرة واحدة او اسطبهم مرة واحدة بدل ما افضل اتعب في تسطيب وتفعيل كل برنامج؟؟
اسف على الاطالة وشكرا جزيلا

 

برأيي الشخصي نعم اخي بعدة برامج مع اختلاف التعاريف للأجهزة فقط
انا مجربها على اجهزة بنظام اكس بي ديسك توب

 

طب ياريت حضرتك تقولي برامج زي ايه

 

برجاء المساعدة إن امكن

 

انا جربت هالبرنامج أخي على نظام اكس بي

برنامج AOMEI Backupper

جرب انت ووافينا بالنتيجه

 

شكرا اخي الكريم جاري التحميل وسأوافيكم بالنتيجة بإذن الله تعالى بعد التجربة

 

http://forum.zyzoom.net/threads/263051/#post-3657684​

 

متابعه رائعه من الاخوه الكرام

ثانيا علشان تعمل ويندوز بالبرامج الخاصه بك بتحديثات بكامل قوته عاوز جهد كبير واحترافيه عاليه
لانك هتعمل علي ويندوز وهمي وبعد كده ستعدل علي خيارت ليقبله جميع الاجهزه

الشئ الاسهل

برنامج نورت جوست

هتعمل الويندوز الخاص بك وتقوم بالتحديثات وتنصيب البرامج وكله تمام

هتاخد نسخه جوست من الويندوز وتحفظها في مكان في اي بارتشن لان الحجم كبير كل ما يكون فيه برامج واشياء كثيره
ولو انهار الويندوز او حصل اي شئ تقدر تسترجع الويندوز بكل كفائته كما اخذت لقطه الجوست منه

وتريح بالك ويقعد الويندوز عندك بالسنين

 

شكرا جزيلا اخي الكريم هدور على البرنامج في المنتدى هنا وبإذن الله هبدأ التجربة

 

شكرا على ردودكم وتفاعلاتكم ولكن تساؤل اخير .. انا جربت دلوقت ونزلت النورتون جوست على الجهاز ال pc السؤال الاخير .. هل لو نقلت النسخة الجوست على اللاب توب هتعمل بشكل طبيعي ولا النسخة هتبقى غير صالحة إلا على الجهاز فقط اللي انا اخدتها منه؟!

 

شكرا جزيلا اخي الكريم .. تمت وتحققت الاستفادة من خلال البرنامج وشكرا جزيلا

 

تم الحل برجاء غلق الموضوع