مع أسئلة الغالي ::
eadEnd:::
بو همام وربي لك وحشه يالغالي ..
الله لا يوريك وحش !! ووحش ياكل عدوينك !!
المهم عندي لك اسئله واعذرني وربي حظك
تفضل يالغلا
هالأسبوووع الصدآآع مبيت براسي
ألف سلامات عليك ، طهور إن شاء الله
هاك الأسئله
لو انت زعلان ومتضايق هل لك مكان محدد ترحله ؟
شاطي البحر وخصوصا عند الغروب
هل تتعامل اكثر مع الماسنجر أم النت ؟
مع الأثنين <<<< ركز مع الاثنين مش الأحد !!
هل انت مقصر في حقوق الوالدين ؟
أحاول أقوم بحقوق الوالدين لكن مهما سويت ما بوفي بحقوقهم علي
كم مره تمنيت فيها الموت (بعد عمر طويل)؟ "مع التوضيح"
بعيد الشر .. حتى الآن ما تمنيت الموت !!
من وجهة نظرك من من الاعضاء اللي أفاد المنتدى في مجال البرمجه ؟
عبقري الـ AutoIt
من من الاعضاء اللي تنبهر من كثره ردوده في اغلبية الأقسام ؟
كل ما حاولت أنبهر بأحد الأعضاء المكثرين في الردود أنصدم بأنه من شلة " شكرا ـ ما قصرت ـ إلــخ " حتى لو كان الموضوع مخالف أو الموضوع لا يحتوي على رابط سليم أو الموضوع عبارة عن طلب برنامج أو استفسار !!
وللتنبيه هذه الفئة المكثرة من الردود السلبية تكون هادمة لنجاح المنتدى وليست فئة إيجابية تبني المنتدى وتحاول الرقي به في سلم النجاح !!
من برأيك اكثر عضو عنده خبره بالبرامج ؟
صعب أحدد
هل ناوي تحج او تعتمر هالسنه ؟
كنت ناوي هذي السنة واللي قبلها اعتمر بس ما تيسرت الظروف !!
هل في عمرك شاركت في مسابقه وربحت ؟
شاركت لكن على حسب ذاكرتي ما قد فزت ولا مرة !!
من اكثر شخص شجعك على موهبتك الأدبيه ؟ وبالشعر خاصة ؟
لا أحد
هل تتمنى وجود قسم للشعر والشعراء ؟
لا أتمنى في الوقت الحالي ، صحيح أحب في قرارة نفسي أن يكون لنا متنفس أدبي وأن يصقل الواحد منا مواهبة الأدبية مع إخوانه ، لكن أرى أن الكثير من هواة الشعر في الوقت الحالي ميولهم مخالفة لسياسة المنتدى ، خصوصا من الجانب الشرعي ، لذلك سيكون صعب مراقبة كل المشاركات وتحليل النص الأدبي والمغزى منه والغرض منه !
هل مر عليك يوم اصدرت قرار وندمت ؟
كثيرة القرارات الخاطئة ، وأكثرها في العمل
وش كان نفسك تكون ونت طفل ؟
كنت قبل ما أدخل المدرسة أقول لما أكبر بصير طبيب ، بس ما ادري كيف صرت مهندس !!
عندما كنت طفل .. وش اكثر هديه كانت تفرحك ؟
الألعاب <<<< يحب يعلب كثير وهو صغير !
عندما كنت في سن المراهقه وش اكثر هديه تتذكرها للحين ؟
كتاب " النحو الواضح " كان عزيز علي كثير ، لكن طلبه أحد الأعزاء وأعطيته له وانا في نفسي كنت متحسر عليه !!
هل كان يوجد شخص متشدد عليك في سن المراهقه ؟
لا ، لان الوالد كان كثير السفر وأخي أصغر مني
هل تسمع اغاني ؟
لا
كم مره شفت الموت بحياتك ؟ "بعد الشر عنك"
مرة واحدة ، طحت من نخلة !
وش اكثر شي تتمناه يكون فيك (الحكمه ..الطيبه ..التعاون..المساعده..الفصاحه..المسؤوليه )ولماذا؟
كله على بعضه حلو !!
مافي مثل تجمع الصفات الحميدة .
كيف تعلمت البرمجه ؟ وهل دخلت معاهد في حياتك ؟
لأنها تخصصي في الجامعة ،و بالنسبة للمعاهد كثير
وش كانت افضل ماده بالابتدائي بالنسبه لك ؟
اللغة العربية وخصوصا النحو + التفسير
وش كانت افضل ماده بالمتوسط بالنسبه لك ؟
اللغة العربية وخصوصا النحو
وش كانت افضل ماده بالثانوي بالنسبه لك ؟
سنة أول ثانوي حبيت الرياضيات بسبب المدرس ، وبعدها من السنوات ما حبيت ولا مادة !!
للعلم : نظام التعليم عندنا " اساسي ـ ثانوي " يعني مافي متوسط لان المرحلة الاساسية " من الصف الأول إلى الصف التاسع " وان أجبت على حسب المقابل من الصفوف !
هل اذا احببت المدرس تحب الماده او العكس ؟ ولماذا ؟
نعم ، لان المدرس أساس المادة وهو الذي يكسر الحاجز بين الطالب والمدرس
همسة لكل مدرس ومعلم ومربي أجيال : لا تعامل التلميذ كأنه صفة إكسل تعبي فيها البيانات وتحفظها وفي نهاية السنة تقوم بجمع البيانات للحصول على النتائج التي تتوقعها بالدقة !! ولكن عامل التلميذ كملف فوتوشب على قدر إبداعك وتعبك عليه تجد في النهاية تصميم إبداعي ولوحة جميلة ومفيدة !!
وش اكثر لعبه كنت تلعبها ونت صغير ؟ وولحين تحبها ؟
مافي لعبة محدده ، والحين ماباقي إلا ألعب بملفات الشغل !!
وش من مسلسل كرتون كنت تتابعه ونت صغير ؟ وللحين يعجبك ؟
عدنان ولينا
اذكر ممثل يشبهونك الناس فيه ؟ وتحس انه يشبهك بالشكل ؟
لحسن الحظ لا يوجد !!
هل مر عليك اختبار نهائي في المدرسه غبت فيه ؟ ولماذا ؟
لا
وش هي القناه التلفزيونيه اللي تفتح عليها كثيير ؟
لا يوجد
من اكثر الانبياء غير نبينا محمد صلى الله عليه وسلم تقتدي به ؟ولماذا ؟
كلهم عليهم السلام قدوة للمؤمنين
وش فقدت من لما عرفت عالم النت ؟
ضياع الوقت
هل تصدق كل ما يكتب في النت ؟
لا
وش اكثر كتاب قريته في حياتك اعجبك ؟
تفسير القرآن لأبي بكر الجزائري
لمن من الاعضاء تهديه هذه الالقاب ؟
... نور المنتدى ...
...امبراطور البرامج ...
... عبيرالمكتبه ...
... امبراطورة المطابخ ...
... روح المنتدى ...
... بسمة أمل ...
... تفائل وحياة ...
معليش أعتذر عن فقرة الالقاب .. لأن الاعضاء كثير ممن يستحقونها
وش اكثر بيت شعري تحبه ؟
دع الأيام تفعل ما تشاء .... وطب نفسا لما حكم القضاء
من من الشعراء المعاصرين قصايده فيها حياة بالنسبة لك ؟
عبدالرحمن العشماوي .. ليس لأن قصائدة مليئة بالحياة ولكن لأن شعره يلمس مشاعري !
وش اكثر دعاء تحس انك مداوم على ذكره؟
" اللهم أنت ربي لا إله إلا انت خلقتني وانا عبدك وانا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا انت "
وش من عضو نفسك يسامحك وما ياخذ بخاطره منك ؟
كل عضو
اكثر موقف من معلم عجبك ؟
ما أذكر موقف عجبني ، لكن أذكر موقف عصبني !! مدرس الكيمياء كان ممتاز جدا في إيصال المعلومات ويفهم بشكل جيد ، لكن يجيب اختبار صعب ، قلنا له ليه ما يكون الاختبار على حسب المادة المقرره ، لاننا كنا فاهمين المقرر كويس ، قال لاااازم من المنعطفات !!
وش اكثر ماده تعجبك (كيميا..فيزيا..احياء..رياضيات ..تاريخ ..جغرافيا..) ولماذا ؟
اللغة العربية ، لانها ميولي وهوايتي وهي مفتاح لفهم الدين وميزة تميز العربي عن العجمي ، لغة القرآن ومفتاح لمس الجنان ، حكمة العقلاء ونبض قلب الحكماء ...
وش كانت اخس ماده بالنسبه لك ؟وللحين متعقد منها ؟
مافي مادة محدده .. لكن في الابتدائي كانت مادة العلوم ما احبها ، وفي ثالث متوسط " الصف التاسع " كنت ما أحب الإنجليزي ، وبعد ثانية ثانوي صرت ما أحب الرياضيات وحبيت الإنجليزي !!
وش من ماده اللي كنت تواصل فيها بالمذاكره ؟
الكيمياء
هل تحب المعادلات الكميائيه ؟
لا 
