كرسي الإعتراف [ الجزء 3 ]

[MAAX]

السلاآآم عليكم جميعًا ,,

يوم آخر جديد ,, وصبآآح / مسآآء الخير يا عرب ,, :d:

عندي كم سؤال لاستاذنا الغالي MAAX,,

وش أكثر شيء ينرفزك ؟؟!! وهل تعتبر نفسك صبور ؟؟
ينرفزني تكرار الخطأ ،، وانا صبور الى حدود معينة
وش تكون ردة فعلك لو حد طعنك من ورا ظهرك وعرفته ؟؟
اطعنه بوجهه :q:
لاحظت انك تفضل العزلة فوش اللي خلاك تحبها موقف أو ما لقيت لك مثيل ,, السبب ؟؟!!
العزلة فيها الهدووء ،، ومستحيل تلاقي الهدوء بمكان ثاني وهذا اللي يخليني احبها
وش أكثر موقف تهورت فيه ,, وهل ندمت ؟؟
موقف خاص بالحقيقة لكن انا نادم عليه جدا
بما أنك أكبر أخوانك هل تعتبر هالشيء يقيدك نوعاً ما باعتبار لازم تكون قدوة ؟؟
بالطبع لا ،، انا اعمل ضمن مبدأ اللي ما يربي نفسه اهله ما يربوه
كل انسان بالغ صار يعرف الصح والخطأ وهو مسؤل عن تصرفاته واخواني كلهم تعدو مرحلة الطفولة
هل سبق ودخلت مخفر شرطة ,, السبب إن وجد ؟؟
نعم مرة وحدة والسبب قيادة السيارة بدون اثبات
وش أكثر شي جرح نور ,, وهل قدر يتخطى الجرح ؟؟
شي خاص ونعم تخطيته الحمدلله
هل كنت مشآغب نوعاً ما ؟؟ ووش أقوى مقلب سويته بأحد ؟؟
مرح ايه لكن بدون مشاغبة وما اذكر اني سويت مقالب مزعجة باحد
عقلك أم العاطفة ,,أيهما سبآآق ؟؟!!
دائما العاطفة سباقة بكل اموري لكن الحمدلله اني ما اتخذ قرار الا بعد تدخل العقل ولو قليلا
هل تهمك المظاهر ..؟؟ وهل تغرك ؟?
ابداااااااااا ولا اطالعها نهاااائي
من هو ألد أعداء نور ؟؟!!
صديق سبب لي اذى كبير
وش أحلى لحظة مرت بحياتك ؟؟
لحظة تسليم ورقة اختبار اخر مادة بثالث ثانوي
وش أقصى أمنيات نور الدنيوية ؟؟
الاستقرار
هل تسامح سريعاً ؟؟ أم تؤمن بالمثل الذي يقول

Forgive UR Enemy But Don't Forget Him "k "
اسامح سريعاا جدا وانسى وان اضررت اتناسى
هل تسعى لإرضاء والديك ,, حتى وإن تعارض رأيهم مع رغباتك الشخصية ؟؟
الى حدود 90% نعم وان تعارضت مع رغباتي
بما أنك كنت تتمنى تكون طبيب ونت طفل هل كانت لديك رغبة اضمحلت مع الزمن ؟؟ أم الظروف ؟؟
لاا
لو كنت ممحاة ماذا ستمحي ؟؟
امحي سنة من سنوات حياتي الماضية
لو معك آلة الزمن ,, أي زمن تتمنى تعيش فيه ,, غير زمن رسولنا الكريم عليه أفضل الصلاة والسلام ,, وليش ؟؟
افضل من زمن الرسول مافي :d: لكن لي رغبة ارجع لبداية الثمانينات ،، لها نكهة خاصة
أي عمر تتمنى ترجع تعيشه مرة ثانية ,, ليش ؟؟
بداية الثمانينات :d:
هل تعتبر نفسك قآآسي أم حنون ؟؟
حنون ،، لكن صارم وتختلف الصرامة عن القسوة
بما أنك شفت الموت مرة بحياتك " الحمد لله على سلامتك " وش تغير فيك بعدها ؟؟
تغيرت حياتي كلها
وش الشي اللي انضاف لشخصية نور في الواقع بعد تعرفك على زيزووم ؟؟
تقدر تقول يا طويل العمر الحاسة السادسة :d:


[/FONT]

[/FONT]

وش اللي خلاك تختار تخصص شرعي دام ميولك علمية ؟؟!!

انا قلت اني علمي ،، ما قلت شرعي :d:

:hh:

يعني سوابق ,,

هل عرفت من اللي دبسك معه ووش كانت ردة فعلك ؟؟:d:

ايه عرفته :d:
وخذ حقه بالطلعة :q:
ونا بعد ,, بس بالروضة وش كانت ردة فعلك ؟؟:d:
عادية جدا برضو :d:


هون عليك يا أبا محمد ,, الدنيا ما تسوى ,, :b:

طيب هل تعتبر نفسك كتوم جداً في مشاعرك حتى ون كان هالشي يفجرك ..
نعم ،، اكتم اسرار بلاوي :d:
متى سقطت دمعة الغالي نور ؟؟!!
سقطت مواقف كثيرة ما احب اذكرها
========

أكثر موقف محرج مر عليك ؟؟ ووش كانت ردة فعلك ؟؟:d:
موقف هروبي من المدرسة بس :d:
هل تحب السفر ,, ووش المناطق و الدول اللي رحتها ؟؟
نعم احبه ،، لكن مافي سفر خارجي
سوريا والسعودية رحت جدة والرياض والشرقية بكل مناطقها دون استثناء
ومكة والمدينة
شخصية عآآمة و خاآآصة أثرت على نور ,,؟؟!!
عامة اعتقد مافي ، لكن خاصة هو ابوي الله يطول بعمره


أبد طال عمرك ,, بس خلني أتخيلك يا بعد عمري ,,
ههههههههههههههههههههه
تخيلني يا بعد تسبدي
طولي 190 ووزني 72
اذكرو الله
على طاري بنت الحلآل وش مواصفات أميرة أحلامك ؟؟
اهم شي تخاف الله وبس
والباقي ما يهمني ابدا
هل تؤيد عمل المرأة خارج منزلها؟؟
حسب نوع العمل
يهمك أكثر أو الأولوية لـ :

الجمال والدلال ,, والا بنت قوية شخصية وصارمة ,,
الاثنين مطلوبين ،، لكن الوسطية حلوة
اعذرني أخوي نور عالاسئلة ,, بس هذا كرسي اعتراف ,, ونت حر تجاوب اللي تبيه ,, :b:

:king:

 

[MAAX]

سؤال علي الطاير مرة اخري:d:
هل تحس بشخصيتك التسرع؟:d:
يعني هل تحس نفسك متسرع ام هاديء و تزن الامور اكثر من مرة قبل فعلها؟

ابداااااا غير متسرع نهائي
وكله بالوزن وبعد تفكير عميق

 

[MAAX]

اخي نور عندي كم سؤال في حياتك الزيزووميه

كم صديق مضاف لديك في المنتدى؟
182 :d:
معدل كم رساله في اليوم تصلك الى صندوق الوارد في المنتدى؟
ما يقارب 30 ،، ومع الاسف لا اجيب منها الا الضروري جدا جدا
هل كل وقتك على النت في منتدى زيزووم ام لك اعمال اخرى؟
الغالب بزيزوووم
هل تحس ان حياتك في المنتدى طغت على حياتك اليوميه ؟
لاالاا
هذا لان انا احس اني اعيش بمجتمع زيزوومي غير المجتمع اللي انا عايش فيه على الواقع

:getsmile.tmp0014236

:king:

 

[MAAX]

السلام عليكم
بكل صراحة لم استطع وضع سؤال
لانو سوف يهدر 10 دقائق علي الاقل في الرد
ولو في تلك 10 دقائق يمكن يساعد شخص وسحصل علي دعوه صالحة
ولاكن هناك سؤال في راسي
مين صمم الاوسمة
تقبل مروري

خذ راحتك اخي
انا اجيب وقت فراغي

واللي صمم الاوسمة >>

يجب عليك تسجيل الدخول او تسجيل لمشاهدة الرابط المخفي

 

[MAAX]

أخي نور

ياليت ترد على كل من يقول أن موقع
زيزووم تعمد حجب بعض مواقع الرفع المجانيه مثل فورشير
حتى يروج للمواقع المدفوعه

هي بالعقل ولا بالسطل :d:

جيب لي موقع رفع واحد محجوب بالمنتدى ومافيه اعلانات هابطة
وبعدين الترويج للمواقع المدفوعة احنا وين فايدتنا فيه

انت علمني بس من اللي يقول :d:

 

[MAAX]

جآآآآآآي أسلم وطالع ,, ​

ما\\\\كس خذ لك رشششششفه​

:b:​

فاتني ما جيته الا وانا صايم :no:
اخليه للفطور :y:

 

[MAAX]

:king:
اتمنى ان يكون ضيفنا بصحة جيدة

:q:
كنت جاي اسال لكن لما شفت كووم الاسئلة غيرت الراي

خذ راحتك

:king:

 

[MAAX]

لي يوم تقريبا وما تعدت الصفحات 18 صفحة


ما رأيك بالمسابقة الرمضانية ؟

ما رأيك بالمتسابقين في المسابقة ؟

هل رأيت فيه حماس بالمسابقة ؟

هل أنت موافق على المسابقة ؟

هل تنوون إضافة مسابقة رمضانية في السنة القادمة ؟

كلمة تود أن تقولها للمتسابقين ؟
وشكرًا

الحقيقة المسابقة ما اطلعت عليها نهاااائيااا ومالي اي تدخل بها
هي باشراف خاص وتنظيم خاص
والله يهني اللي فازو فيها

 

[protection]

ماشاء الله نور .. طولك 190 . . . ترا الوالد موصيني على واحد طويل

يخرف التمر :q:

سؤال :

لو ترا ان عمرك تقدم بالسن وصلت 35 سنه ولم تتزوج .. هل تجد في هذا مشكلة

وأنه يأخذ جزئ من تفكيرك وتحاول تضغط على نفسك وتتزوج . . لان من حولك سبقوك

ام

لايهم .. تفكر بان تكون مستقر مادياً بشكل شخصي وتكون نفسك ثم تبدأ بالتفكير

حتى لو تقدم العمر ؟!

سؤال 2 :

تحب جمعة الاستراحات ( دواوين ) والتزمات الاهل والاقارب بالعزائم بكثره

او تحاول تتجنبها قدر المستطاع . . وتعود الى المنزل للنت

وهواياتك والجو الهادئ في اسرع فرصه :d: ؟!

 

[MAAX]

ماشاء الله نور .. طولك 190 . . . ترا الوالد موصيني على واحد طويل

يخرف التمر :q:
هههههههههههههههههههههههههههههههههههههههههه
تعطيني نصه اخرف ابو المزرعة كلها :y:
سؤال :

لو ترا ان عمرك تقدم بالسن وصلت 35 سنه ولم تتزوج .. هل تجد في هذا مشكلة
والله ياخوي هي قسمة ونصيب وتيسير من رب العالمين
وأنه يأخذ جزئ من تفكيرك وتحاول تضغط على نفسك وتتزوج . . لان من حولك سبقوك
والله الصدق اللي حولي واصغر مني سبقوني :d:
لكن الله يوفقك وبس
ام

لايهم .. تفكر بان تكون مستقر مادياً بشكل شخصي وتكون نفسك ثم تبدأ بالتفكير
حتى لو تقدم العمر ؟!
يا خوي حتى لو انت لك الرغبة وما تفرق معك الاستقرار المادي او او او
لكن بنت الناس لها طلبات وشروط شي بالعقل وشي بدون عقل :d:
سؤال 2 :

تحب جمعة الاستراحات ( دواوين ) والتزمات الاهل والاقارب بالعزائم بكثره

او تحاول تتجنبها قدر المستطاع . . وتعود الى المنزل للنت

وهواياتك والجو الهادئ في اسرع فرصه :d: ؟!
اكره ما علي بالحياة الزحمة والعزايم وجية الضيوف بشكل مفاجىء :q:

:king:

 

[simulator]

كمان وليد اخيرا شرف كرسي الاعتراف:d:
الحبايب كلهم هنا دلوقتي:d:
المهم نور طبعا انت عرفت اني هعمل معاك لقاء خاص ايه رايك انا ممكن افكر ازاي في نوع الاسئلة اللي ممكن احطها لك؟
يعني انت متوقع ايه نوع الاسئلة اللي احطهالك في اللقاء الخاص مش هنا؟:d:

 

[:::DeadEnd:::]

هلا ومراااحب اخووي نور .. ياليت تجاوب على هالأسئله بكل مصداقيه ونت رآآيق ..

=============

اذكر موقف محرج لك للحين تتذكره ؟

ونت صغير وش كانت اخس كلمه بالنسبه لك ؟

وش هي شخصيتك من ضمن هالشخصيات وهل تتعبك " اجتماعي .. منعزل .. طموح .. قنوع .. متهور "

عرف هالكلمات بطريقتك ..

..النجاح ..

.. الحياه ..

.. الأمل ..

.. الموت ..

.. الخساره ..

.. اليأس ..

.........

ما نسبة وجود مايلي في شخصيتك ..

الحكمه ..

سرعة البديهة ..

الحياء ..

الغضب ..

التهور ..

الطيبه ..

الحزم ..

...

انت قلت بأحد المواضيع ان شخصيتك قريبه من شخصية "غيوض" وش اللي خليك تقول كذا ؟

وش السبب الي خليك تحب تقرا سيرة "عمر وعلي " رضي الله عنهما ؟

لمن تهدي هذه العبارت بالتحديد دون العموم ..

.. ومنكم نتعلم ..

.. فيك خير ..

.. غالي والطلب رخيص ..

.. لاتزن على خراب عشك .. >>>كلمتك

.. ردودك تبهرني ..

...

أول تقييم شخصي من من تلقيته ؟

أول طلب صداقه من من تلقيته ؟

أول رساله خاصه من من تلقيتها ؟

....

وش معيارك بالحكم على الناس ؟

كيف ترد على انسان ظلمك ؟

اذا كان في شي محيرك من تستشيره من الأعضاء ؟

هل ترى في نفسك انك قدوه للآخرين ؟

ممن تلقيت أول انتقاد ؟

وش أفضل نوع سياره بالنسبه لك ؟

من الأقرب لك اخوك ام صديقك ؟

متى أول مره اهد يت والديك هديه ووش كان موقفهم منك ؟

هل تحس انك اكثر واحد من اخوانك بار بوالديك ؟

بعد ما انتهيت من الدراسه حنيت لها ولا افتكيت منها وما صدقت عالله ؟

احلى كلمه تحب تسمعها من الناس ؟

برأيك وش الشي اللي ناقص في هالمنتدى ؟

تعرف تتكلم انجليزي ؟

احلى موقف تحب تكون فيه ؟

....

هل استعديت للعيد ؟ وأول يوم فيه وين تكون ؟ >> "كل سنه ونت طيب قبل الزحمه "


....

امامك مواقف وش رح تكون ردة فعلك اتجاهها ؟.

.. اخر الليل كنت ماشي بسيارتك بشارع فااضي وشايف واحد منسدح ومتغطي بدمه ؟

.. مره كنت مسافر لنفرض مكه وشفت واحد قالك بطريقك لمكه وصلني وتحس من شكله وراه سالفه ؟

.. لو دخلت مع واحد بالسياره وكان يسرع بسيارته بسرعه تخوف! فوق الـ200 ؟!

.. اذا انت بالعمره ومعك الوالده ومع الزحمة ضيعتها ! وتوقعت انك لقيتها وطلعت ماسك في وحده غيرها ؟ >>ههههههههه ترى تصير

.. دخلت اختبار ونت كنت فيه مواصل ومذاكر عدل وغيرك مخليها نومه ونت الوحيد اللي جاوبت وجاء الاستاذ يغششكم ودخل المدير فجأه وسأل عالأختبار >>يازينه من موقف

.. اذا سجلت دخولك للمنتدى ولقيت انك "مطرود" ؟ >> واللي يرحم والديك اركد ..

..............

اذكر أول فطور فطرته برمضان واول سحور لك فيه ؟

أهم انجاز سويته بهالمنتدى ؟


===========

وآآآآآخر سؤال هو

كيف نفسيتك مع اسئلتي ؟

.....

 

[3ajebny]

هي بالعقل ولا بالسطل :d:

جيب لي موقع رفع واحد محجوب بالمنتدى ومافيه اعلانات هابطة
وبعدين الترويج للمواقع المدفوعة احنا وين فايدتنا فيه

انت علمني بس من اللي يقول :d:

أنا كتبته هنا عشان إلي قال هالكلام
يقراه
مع أني وضحت لهم حسب علمي
لكن عمرك سمعت عن حمـ.... بيفهم :d:

 

[الدرع]

أنا كتبته هنا عشان إلي قال هالكلام
يقراه
مع أني وضحت لهم حسب علمي
لكن عمرك سمعت عن حمـ.... بيفهم :d:

بعد إذن أخوي ماكس

ليست كل المواقع المسموحة للدفع

أكبر مثال الرابيد شير تقدر ترفع عليه


سؤالي لماكس

هل يتم طرد العضو مباشرة من أول خطأ حتى وإن كان بسيطا ؟

( أحس إنه مكرر )

 

[MAAX]

كمان وليد اخيرا شرف كرسي الاعتراف:d:
الحبايب كلهم هنا دلوقتي:d:
المهم نور طبعا انت عرفت اني هعمل معاك لقاء خاص ايه رايك انا ممكن افكر ازاي في نوع الاسئلة اللي ممكن احطها لك؟
يعني انت متوقع ايه نوع الاسئلة اللي احطهالك في اللقاء الخاص مش هنا؟:d:

اول مرة اعرف انك حتسوي معي مقابلة :q:

 

[MAAX]

هلا ومراااحب اخووي نور .. ياليت تجاوب على هالأسئله بكل مصداقيه ونت رآآيق ..
اجاباتي كلها صادقة ،، والدليل في اسألة اعلنت ان اجابتها خاصة
=============

اذكر موقف محرج لك للحين تتذكره ؟
قلت لكن هروبي من المدرسة ومسكني الوكيل
ونت صغير وش كانت اخس كلمه بالنسبه لك ؟
اخس كلمة ،، مدري لكن الكلام البذيء عموما
وش هي شخصيتك من ضمن هالشخصيات وهل تتعبك " اجتماعي .. منعزل .. طموح .. قنوع .. متهور "
قنوع
عرف هالكلمات بطريقتك ..

..النجاح .. هدف كل انسان وقليل من يحققه

.. الحياه .. بدون طاعة الله لا داعي لها

.. الأمل .. حبوب مخدرة لنسيان الالم

.. الموت .. كاس على كل الناس

.. الخساره .. الخسارة بالدين بس

.. اليأس .. اخر مراحل الحياة

.........

ما نسبة وجود مايلي في شخصيتك ..

الحكمه .. 80%

سرعة البديهة .. 85%

الحياء .. 60%

الغضب .. 40%

التهور .. 20%

الطيبه ..90%

الحزم .. 90%

...

انت قلت بأحد المواضيع ان شخصيتك قريبه من شخصية "غيوض" وش اللي خليك تقول كذا ؟
ما اذكر اني قلت ،، لكن فعلاا في تقارب بالافكار الخاصة بادارة المنتدى بشكل كبير
وش السبب الي خليك تحب تقرا سيرة "عمر وعلي " رضي الله عنهما ؟
ارى تميز في فترة خلافتهم واحب اني اتوسع فيها
لمن تهدي هذه العبارت بالتحديد دون العموم ..

.. ومنكم نتعلم .. زيزوووم

.. فيك خير .. بروتكشن (وليد)

.. غالي والطلب رخيص .. غيوض

.. لاتزن على خراب عشك .. >>>كلمتك يعرفون انفسهم

.. ردودك تبهرني .. رد كاب

...

أول تقييم شخصي من من تلقيته ؟
زيزوووم
أول طلب صداقه من من تلقيته ؟
زيزوووم
أول رساله خاصه من من تلقيتها ؟
عضو لو ذكرته يمكن ما تعرفوه>>> enssan
....

وش معيارك بالحكم على الناس ؟
حسب ما فهمت سؤالك ،، العقل
كيف ترد على انسان ظلمك ؟
حسبي الله ونعم الوكيل
اذا كان في شي محيرك من تستشيره من الأعضاء ؟
غيوض ، زيزوووم
هل ترى في نفسك انك قدوه للآخرين ؟
اتمنى ذلك ان كنت على طريق صحيح
ممن تلقيت أول انتقاد ؟
اذا هو انتقاد بالمعنى الحقيقي فما تلقيت انتقاد من احد
لكن فلسفة جاتني واجد ومن ناس واجد
وش أفضل نوع سياره بالنسبه لك ؟
maxima
من الأقرب لك اخوك ام صديقك ؟
اخي
متى أول مره اهد يت والديك هديه ووش كان موقفهم منك ؟
من زماااان واكيد مثل اي والدين يفرحون
هل تحس انك اكثر واحد من اخوانك بار بوالديك ؟
ما احد يقول عن خبزه يابس :d:،، لكن ان شاء الله اني راضيهم
بعد ما انتهيت من الدراسه حنيت لها ولا افتكيت منها وما صدقت عالله ؟
والله الصدق حنيت لها ،، بس مو كثير
احلى كلمه تحب تسمعها من الناس ؟
مهما كانت شرط انت تكون طالعة من قلبهم ،، وليست مجاملة
برأيك وش الشي اللي ناقص في هالمنتدى ؟
النقص يظهر بوقته ،، ويتم اكماله باقصى سرعة
تعرف تتكلم انجليزي ؟
يعني امشي حالي :q:
احلى موقف تحب تكون فيه ؟
وانا ساجد لله تعالى
....

هل استعديت للعيد ؟ وأول يوم فيه وين تكون ؟ >> "كل سنه ونت طيب قبل الزحمه "
كل سنة وانت طيب والاخوة والاخوات جميعا
العيد استعدادي له عادي مثل اي يوم ثاني ،، واول يوم اكون فيه بالبيت :d:

....

امامك مواقف وش رح تكون ردة فعلك اتجاهها ؟.

.. اخر الليل كنت ماشي بسيارتك بشارع فااضي وشايف واحد منسدح ومتغطي بدمه ؟
اشيله واطلع به للمستشفى ،، مع اني اعرف سلفا اني رح اتمرمط واتبهدل مع الشرطة :q:
.. مره كنت مسافر لنفرض مكه وشفت واحد قالك بطريقك لمكه وصلني وتحس من شكله وراه سالفه ؟
اصلا ما رح اوقف له عشان يقولي شي
مستحيل اوقف لاحد على الخط
.. لو دخلت مع واحد بالسياره وكان يسرع بسيارته بسرعه تخوف! فوق الـ200 ؟!
تعديت هالمراحل خلاص :d:
.. اذا انت بالعمره ومعك الوالده ومع الزحمة ضيعتها ! وتوقعت انك لقيتها وطلعت ماسك في وحده غيرها ؟ >>ههههههههه ترى تصير
خخخخخخخخخخخخخخخخخ
والله مدري وش بسوي :d:
قبل حوالي 6 سنوات كنت واقف بالسيارة جنب مركز ،، وجت وحدة حرمة بيدها كيس صغير فتحت باب السيارة وركبت وسكرت الباب وقالت لي خلصنا يلاا خلنا نروح البيت
انا قلت لها نعم !
هي مثل اللي تفاجأت وفتحت الباب وطلعت مفجوعة
المسكينة سيارتي كانت نفس سيارة زوجها او اخوها ونفس اللون بالضبط >>> كابرس كحلي
وانا عادي شغلت ومشيت من مسرح الجريمة
فالامور هذي تصير وواردة جدا
.. دخلت اختبار ونت كنت فيه مواصل ومذاكر عدل وغيرك مخليها نومه ونت الوحيد اللي جاوبت وجاء الاستاذ يغششكم ودخل المدير فجأه وسأل عالأختبار >>يازينه من موقف
مدري السؤال مو مفهوم ،، لكن عموما على ايامي لو يدخل المدير يختبرنا نشوته :d:
.. اذا سجلت دخولك للمنتدى ولقيت انك "مطرود" ؟ >> واللي يرحم والديك اركد ..
انا ما اسوي شي يسبب طردي !
..............

اذكر أول فطور فطرته برمضان واول سحور لك فيه ؟
اول فطور بيتزا واول سحور مدري اتوقع نواشف :q:
أهم انجاز سويته بهالمنتدى ؟
ما سويت شي مهم

===========

وآآآآآخر سؤال هو

كيف نفسيتك مع اسئلتي ؟
حبيبة جدا جدا :d:
.....

:king::king:

 

[MAAX]

أنا كتبته هنا عشان إلي قال هالكلام
يقراه
مع أني وضحت لهم حسب علمي
لكن عمرك سمعت عن حمـ.... بيفهم :d:

خلاص ما ازيد على كلامك :d:

 

[MAAX]

بعد إذن أخوي ماكس

ليست كل المواقع المسموحة للدفع

أكبر مثال الرابيد شير تقدر ترفع عليه


سؤالي لماكس

هل يتم طرد العضو مباشرة من أول خطأ حتى وإن كان بسيطا ؟

( أحس إنه مكرر )

العادة لا ،، له مجال 3 مخالفات فقط
لكن في اخطاء مافي مجال تعطي فيها فرصة ابدا

 

[fawaz]

أخي العزيز نور عندي سؤال وهو :

الأوسمة هي من تصميم أبو غازي ,, هل تعرف ما هو اسم الخط المستخدم في التصميم ؟
وهذا الوسام من كتب عليه تكريم فريق المكتبة ؟؟ :q:
أعتقد أنه ليس أبو غازي ... لأن طريقة الكتابة مختلفة عن باقي الأوسمة

هل يمكن اعادة الكتابة عليه بشكل أجمل ؟؟
وتكون اللمعة أكثر احترافية ؟؟
اذا نعم ,, يمكنني المساعدة ... :d:


ما رأيك بهذا الوسام أخي نور ؟؟ :

--------------------------------------------------------

آسف على الأسئلة :b:
كنت أريد أن أضع موضوع في ركن الشكاوي للاستفسار :b:
قلت اسألك هنا أفضل :

كل الود والتقدير

​

 

[simulator]

اول مرة اعرف انك حتسوي معي مقابلة :q:

:hh::hh::hh:
و اديك عرفت:d:جاوب علي اسئلة الشهر يا نور انت كنت المرشح لموضوع الشهر بانتظارك:d:

أخي العزيز نور عندي سؤال وهو :

الأوسمة هي من تصميم أبو غازي ,, هل تعرف ما هو اسم الخط المستخدم في التصميم ؟
وهذا الوسام من كتب عليه تكريم فريق المكتبة ؟؟ :q:
أعتقد أنه ليس أبو غازي ... لأن طريقة الكتابة مختلفة عن باقي الأوسمة

هل يمكن اعادة الكتابة عليه بشكل أجمل ؟؟
وتكون اللمعة أكثر احترافية ؟؟
اذا نعم ,, يمكنني المساعدة ... :d:


ما رأيك بهذا الوسام أخي نور ؟؟ :

--------------------------------------------------------

آسف على الأسئلة :b:
كنت أريد أن أضع موضوع في ركن الشكاوي للاستفسار :b:
قلت اسألك هنا أفضل :

كل الود والتقدير

​

وسام المكتبة اعلم من صممه و لكن الاجابة لنور افضل:d: