::! دكة الزيزوميين للفرفشه والضحك والووناسه !::

[abu3amer]

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )

 

[abu3amer]

الحـال فـي بعـدك قسـم بالله مـا اسميـه حـال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثره معـي مهمـا مشيـت !!

 

[abu3amer]

حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..

 

[abu3amer]

هاااه راائد تطاارح

 

[abu3amer]

واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت

 

[rd-19]

هاااه راائد تطاارح

اي اي ابشر بالمطارح

بس ماتوقعت احد يرد وطلعت :hh:

يالله يالله جايك جايك تولم

 

[rd-19]

أدق وأنت مسكر ٍ تلفونك
حرقت قلبي من بعد غيبتك حرق
أنا أحترق عشان خاطر عيونك
وأنت أتعمّد غيبتك.. لاحظ الفرق!

 

[rd-19]

مشغول بال,, وطاري الحزن رايق
يجي على سبه,, ومن دون سبه!
مغنيه صدري عن صدور الخلايق
مأألوم شعري لا وفاء وأنكتب به
حتى أنا من كثر مانيب ضايق
حاولت اعافه وأثرني صرت أحبه!

 

[rd-19]

حسيت بالفرقى قبل لايجي فراق
دامك تبي الفرقى تعال نتوادع
ضيقت صدري وكل هالكون بي ضاق
ماكنت اظن اخر لقانا موادع

 

[rd-19]

قلت آتولم للفراق وبكيتي
في ذمتي أمزح معك ما تولمت
حبيت أثيرك مير شاللي هقيتي
ياليتني قبل أزعلك ما تكلمت

 

[abu3amer]

ياقو قلبك على الصّـده ويـا صُــــــبـرك
وياوسع صدري على صدك ويا صُبري


وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

 

[rd-19]

كانك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني

:er:

 

[abu3amer]

ياكثرهم لا قلت لك عرفة وجيه
وياقلـهـم لا قـلـت قــدر ومـعـزه

رجـلٍ تعـزه بعـد ماتلتـقـي فـيـه
ورجـلٍ قبـل ماتلتقـي بـه تـعـزه

ورجـلٍ تـرزه بالمجـالـس مبـاديـه
ورجـلٍ فلوسـه بالمجـالـس تــرزه

ورجلٍ يموت ولا يجيبـون طاريـه
ورجل ٍ يجي طاريـه فـي كـل حـزه

ورجلٍ يهزه بعض موقف ويشقيه
ورجلٍ مهوب أيّات موقف يهـزه

ورجلٍ ضعيف ويستفزه معاديه
ورجـلٍ كـلام اعـداه مايستـفـزه

ورجلٍ تلزه يعترف لـك بخافيـه
ورجـلٍ علـى خافيـه محـدٍ يلـزه

ورجلٍ يوزونه ويزعـل بنيخيـه
ورجلٍ يزعّـل مـن يحـاول ، يـوزه

ورجلٍ تكـزه لا زم انـك توصيـه
ورجـلٍ بلـيّـا مــا توصـيـه كــزه

من لا فرش للمرجلـه ماتغطيـه
ومن لايخز النـاس محـدٍ يخـزه

ان كنت تعرفني فهي عرفة وجيه
مو شرط لك بالقلب قدر ومعـزه

 

[rd-19]

حان الفراق وتم توديع غالين
قسوة زمن وظروف ماهي رحومه
ومسكت نفسي تقل ما صار شين
اخشي على خلي يشقق هدومه
ثم قلت وش تنطر حبيبي لهالحين ؟
اثر يديني ماسكاتٍ كمومه

 

[rd-19]

مابك قصور و وجهك أبيض ومشكور
أدميت قلبي كثّر الله خيرك
الجرح ينزف بس مقدور مقدور
مصيري ألقى من يداويه غيرك

 

[abu3amer]

هو يصير ان كل منهـو قـال راي يقـول خيـر ؟؟
أو يصير ان كل ( مهدي ) ايكون ( مهدي ) المنتظر
هو يصير ( الفيل ) يبدا .. ويتعـدى ( عالوزيـر )
أو يصير ( الكنق ) يمشـي خطوتيـن .. ابلاخطـر
علموني كيف ياكـل ( قلعتـي ) ( جنـدي ) حقيـر
ولعبة الشطرنـج .. تقهـر مـن لعبهـا.. يابشـر

 

[abu3amer]

لاصرت بايعني اشوفك على خير ...مع السلامه دام مابه سلامه
قلت انتهينا قلتلك خير يا طير .... ماني اول شخص يخسر غرامه
اِمْحذّرك من قبلها الف تحذير ....لَعِفتني بيعيف قلبي هيامه
ماني بميت لا . ولا احتاج تبرير....صح الله لسانك ووفر كلامه

 

[abu3amer]

هاذي بيتين أكثر من رااائعة

_-_-_-_-_-_-_-_-_-_-_-


لكنٌ يا دكتور جعلك ما تهون..
.. ابغيك كلمت راس دامك ما بديت

اسمع...ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

 

[rd-19]

مافيه داعي تشتكي من غيابي ..
البعد صدك يوم قلبي تمناك ..
انا عشقتك وانت تقوي عذابي ..
وبديت في صدك وانا اليوم بنساك ..
ياخي سهاله قول مابيك مابي ..
واحسب حساب البعد لا تقول ماقساك ..
ابني بحبك وانت ناوي خرابي ..
ياللي طريقك ضيق واهات واشواك ..
قلت الحقيقه قبل مابدا ذهابي ..
وابغا تبرر ليه بعدك وقسواك ..
جيتك ولاغيرك يضمد صوابي ..
لكن وقتي مثل ما ابكاني ابكاك ..
ماهي كبيره يوم حبك غدابي ..
لكن عظيمه طعنتي كف يمناك ..
طعنه وتوي في بداية شبابي ..
من غدر واضح وضحها وضح الافلاك ..
كانك تبيني دوك واسمع جوابي ..
ماعاد تنفع دام هذي سواياك ..
صفحه قطعتك وانت بأخر كتابي ..
صعبه رجوعك دام هالغدر مبداك ..!!

 

[rd-19]

اغش نفسي غش جرعه بجرعه
اسكن الاوجاع ماني بمرتاح
عايش خيالي غصب كني بقلعه
حاشر همومي حشر في قلبي صياح
شارب مرار الوقت وادمنت بلعه
لاهو بشافيني ولاهو بذباح
والظيم ناشبني ولامنه خلعه
والحزن رافقني ولاشفت الافراح
ياما غديت لكل الاصحاب شمعه
وان ذبت اصير لظلمهم ضو مصباح
وياما بكيت ولابكت عين دمعه
لجلي ولاحتى جبر خاطري صاح
وياما انخدعت ابعض الاجناس لمعه
وياما انطعنت وداخلي عدة اجراح
شكثر انخذلت وشفت بالناس طمعه
شعب المصالح همهم كسب الارباح
كم طير فاقد صرت من يوم شلعه
اقفى ولاعود ولاشاف ملواح
رغم اني اتعس شخص عايش بطبعه
تبقى الاسامي عز بيرق ةلاطاح
والحمد لله نلت بالصيت سمعه
وابقى على طيب الرياجيل نطاح