◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

مسائكم أنااا .،~

​

مسيكم بالخير :b:
يا الله من امس ناااايمه حتى ما قلت تصبحون ع خير :cr:
مسائكم سعآدهـ وراحة بآل
بشروا ياللي تختبرون عسى أموركم ماشيه k:






,،~|




​

 

[غَيّوضْ]

الوصله !!

تصدقون ياجماعه اني اكتشفت شي
تخبرون الوصله تبع جوال نوكيا اللي حكيت لكم عنها مدري منين جت :cr:
وكنت متوقعه انه جني فازع لي يوم شاف اني ابيها :hh:
امس اتفقنا انا ونور نفرمت فضااااوة :kmj-by0000 (55):
وابدأ اجهز قشي كله عشان بنقله عالهارد ديسك تخبرون الفورمات كنك بتنقل من بيت لبيت وتعال قفض عفشك وحطه بكراتين :q:
وأطمر اروح اجيب الهارد حقي والقااااه بدون وصله والتفت يمين الا الوصله جنبي واناظر
اثر الوصله حقت الهارد حقي :kmj-by0000 (15):
وانا فرحت قلت جني فازع لي




.ـ~|​

 

[غَيّوضْ]

BrB .....

​

BrB

:d:





.،~|​

 

[غَيّوضْ]

BaCk ..

​

بااااااك :d:
وهـ بس مابغيت اخلص ترتيب العفش والقش

الله يا اني حووووووسه لو تشوفون قشي وقراشيعي يبيلها مستودع بروحه :cr:
بس اشوى خليت القش كله مركون بالهارد والموهييييييم بس دخلته للبيت << الجهاز

الصدز الصدز الصدز التجديد مطلووووب ويحسسك براحه نفسيه
شفت شلون لما تجي كل سنه وتغير غرفه نوم جديدهـ !
الفورمات مثل كذا احس كني توني مأثثه بيت جديد من البيوت الأمريكيه

نشبت بحلق سلااطين الا افرمت لك وهو يقول لااااااا مابي
وانا اقوله الاااا غصب تجيب ياولد وش انت موزي عندك ماتبيني اشوفه

يقول يالييييييييييل اللي تعلمت الفورمات ونشبت بحلوقنا خلااااص قلنا لك مانبي غصب هوو

قلت له طيب بكرة بتجي وبتقولي شوفي ذا وش قصته وابي البرنامج وذا خربان ومدري وشووو
قال هاااااااه لا مو كذا اقصد جهازي زين الحين مايبي فورمات << يصرف لأنه عارف بيرجع لي بيوم من الأيام

.،~|
​

 

[غَيّوضْ]

إجتياز الألفية التآسعـــه .،~

,،, أشكر كل من شرفني بحضوره وتقييمه وتعليقه على مملكتي :kmj-by0000 (72):​

.،~|​

 

[غَيّوضْ]

جهاز المعاريس ههههههههههه

​

قائمة العروس اذا بغت تجهز

ملابس سهره
ملابس طلعه
ملابس بيت
شنط
جزم
مكياج
اكسسوارات ومجوهرات

قائمة المعرس اذا بغى يجهز
ثوب << جديد انتبهوا :q:
سروال وفنيله للسهرات << يقالك كآشخ الحين

سروال وفنيله للطلعه مع الاصدقاء :d:
سروال وفنيله للدوام
سروال وفنيله للبيت وتستخدم بيجامه للنوم والتسدح

سروال وفنيله اذا مل من السروال والفنيله الاولى كنوع من التغيير

ويتم استغلال السراويل والفنايل ايام العزوبيه للبر وتصليح السيارات ولعب الطائره وكرة القدم

لله درك ايها الخليجي كم انت انيق
واقتصاااااادي :kmj-by0000 (72):




.،~|
​

 

[غَيّوضْ]

وقفـــهـ مع الحبـــ ❤ ‏.،~

​

حبٍ يشيّب صاحبه ما بَعَدْ شاب
وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه

وحبٍ يذوّب خافقٍ ما بعد ذاب
وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه

وحبٍ حياته كلّها لوم وِعْتاب
وحبٍ حقيقي ما يضرّك عتابه

وحبٍ بلا معنى وحبٍ بلا اسباب
يبدا غريب وينتهي في غرابه

وحبٍ ضعيفٍ مثل حبرٍ على كْتاب
تمحيه دمعه في ثواني كآبه

وحبٍ قويٍ مثل قصرٍ له ابواب
لو هبّ عاتيْ الريح ما اهتز بابه

وحبٍ بداية رحلته نظرة اعجاب
واخر مطافه مثل يومٍ بدا به

وحبٍ يعيش بداخل قْلوب الاحباب
وحبٍ يشيع وكل حَيٍ درى به

وحبٍ مقامه في ضلوع الصَدِر طاب
وحبٍ يعدّي مثل مرّ السحابه

وحبٍ على قبره نعق بوم وغْراب
وحبٍ تغنّى به لحون الربابه

وحبٍ بمقدارٍ وحبٍ بلا حْساب
وحبٍ بمعروفٍ وحبٍ نهابه

وحبٍ يعيش أهله وسط داره اغراب
ويموت قهر ويندفن في ترابه

وحبٍ غدا سرّه سوالف للاجناب
وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب
وحبٍ يشيب صاحبه في شبابه

:u:
.،~|

​

 

[غَيّوضْ]

تصبحون ع خير ^^

بيأذن الفجر حسب التوقيت المحلي للمنطقه الشرقية :q:

.،~|​

 

[غَيّوضْ]

صبآح الخير ^^

.،~|​

 

[غَيّوضْ]

كنت بروح ملح ههههههههههه

أوووووووف بصيح :er::er::er:
قايمة من الساعه 8 ونص والله عذاااب وانا مانمت الا 4 :er:
كله عشان عندي مشوار ومكلمتني اختي من امس بالليل تقول لا تتأخرين الساعه 11 ونص بمر عليك
وانا من 8 وزود وانا كل شوي مولعه كشافاتي خايفتن يمر الوقت وانا ما قمت مع اني مركبه المنبه :cr:
بس قلق اعوذ بالله واغمض شوي واقوم عقب عشر دقايق واناظر الساعه ياربي ورى الوقت مايمر
واغفي شوي واناظر ما مرت الا ربع ساعه ثانية وعلى هالحال
الين صارت الساعه 10 ونص واطمر من السرير خلاااص بلااا دلع :q:
واقوم واخذ شاور والبس واتجهز وارتز أحتري :d:
ادق على اختي ماترد
انتظر شوي عشر دقايق وارجع ادق وترد تقول مانيب جايه السواق مسوي حادث بالسيارة
ياويل حاااااااالي وشلون لو انا راكبه معه الحين :cr:
كان رحت ملح وصرت من صيد أمس حسبي الله عليكم سواقين وعاااد سواقها يجيب المرض الله لا يبلى
عااادي يريوس ويصدم بعامود كهرب وعاااادي ياخذ الملف ويرقى الرصيف :hh::hh::hh:
والله حااااااااااله
بس يالله الحمدلله دفع الله ما كان أعظم :er:
تخيلوا كنت معه :i:
يوووه كان بكرهـ تكتبون موضوع عزى بشؤون الأعضااااء غيوض راحت ضحية سواق أهبل
بس ع فكرة كل من عليها فان يعني بيجي هاليوم اللي كلن بيتسهل وبيتكل :u:
وش اسوي الحين ماهوووب وقت قومتي مدري اطلب فطاير من ست الشام واحط حرتي فيها :q:
والا اروح اقوم سلااااطين انكد عليه وآخذهـ نفطر برااا :y:
يؤ اصلا مب وقت فطور وغدا مافي أمل أكل غدا هالحين وش السواة وش السواة وش السواة :i::i:
فكروا معي اوووووف جالسه اهذر لحالي :cr:






BrB

.،~|​

 

[غَيّوضْ]

BaCk ...

​

بااااك
يالله حييني :q:
والله نوووومه ألييييييييمه للساعه 4 :y:






.،~|



​

 

[غَيّوضْ]

مسكينه الشغالة هبدت ههههههههه

يؤ يؤ يؤ
الشغالة طاحت من فوق السلم اليوم
من جد بعض هالشغالات مأجرين مخهم :cr:
الهبله راكبه فوق السلم تركب ستارهـ مغسلتها ولا هي ماسكه السلم بشسمه ذي حقته ما اعرف اسمه :q:
المهم أكيد تعرفون اسمها اللي تمسك السلم عشان مايفشخ << يعني امممممممم مدري افهمومها عااد انتم

المهم انا نايمه الظهر قبل العصر بشوي كذا سمعت قربعه تسن شي طاح بس ماجا ببالي ان أحد هابد

جا ببالي السباك يحوس مدري وش يسوي على اساس كان بيجي واثرهـ طلع مب هو طلعت الشغالة مسكينه :f:
المهم اختي تناديني وتنادي وتنادي الا ياعلي برد عليها انا بغرفتي ومقفل الباب
يوم نزلت تحت الا تقولي ترى الشغاله شدخت من فوق السلم

قلت هاااااااه
وشلون مالون قالت كذا الهبله تركب الستاره يوم فشخ بها السلم :q:
وتجيب لها فراش وتحطه لها بغرفتها وتقولها انسدحي بس لين يقوم سلاااطين ونوديك المستشفى
وتعيي قالت لاااا بسيطه مابي اروح شكلها خايفتن من الإبره

قالت لها اختي انتي اركدي الحين ولا يكثر بس

يوم قام سلاااطين قلت يالله ود الشغاله للمستشفى تراها دابغه من فوق السلم
قال ويييييين الا ياعلّي موديها الحين علي احتبار بعد ساعه
قلت اوووه وانا احسبك مخلص عشان كذا قومتك تقهوى ونبي نطلع ندشر

المهم رقتها اختي غرفتها تبي تشوف هي تقدر تمشي والا بعد بها شي كاايد :cr:
واشوى تعضد لها وتمشي بشويش والحمدلله ما تنفخت رجيلاتها والا كان نقول كسر بس جات سلااامات :d:
المهم طبعاً في هالحاله لما تصير الشغالة مريضه والا متعورهـ والا بها بلى وش تتوقعون يصير :d::d:





:?:
.،~|​

 

[غَيّوضْ]

كنت اغسل

​

اكيد متوقعين بس ما تبون تقولون

كنت اغسل مواعين
وكنت اسوي لي أكل أكله تخبرون انا 3 ان 1 يعني الثلاث وجبات كلها عندي وجبه وحده
يعني مو مثلكم فطور وغداء وعشاء :cr:
لأ انا كل هذولي مرة وحده اكلهم المغرب

المهم يوم رحت اسوي فطوري الثلاث بواحد :q:
جيت ارتزيت اكلت وتشهويت وخلصت ،، قلت لأبوي تبيني اجهز لك عشاك الحين لأنه يتعشى بدري
كانت الساعه 7 تخبرون حقين ارامكو من 6 يتعشون وعليها لثاني يوم
قال لالالا بعدين اذا بغيت قلت لك تجهزين
المهم شلت صينيتي ورحت للمطبخ اوديها وعقب رحت اصلي وانا اصلي اشوف اختي مدرعمه المطبخ
ما حطيت ببالي كملت صلاتي واروح للغرفة عند ابوي اكمل رزتي عاللاب :q:
الا شوي واختي تجيب عشاء ابوي
طبعاً انا ما قلت شي سكت بس عرفت بوقتها انه مستحي يطلب مني :f:
وش الحل مع هالشايب :cr:
والعصر زاد استغربت منه بالعادهـ يشرب نسكافيه أو شاهي
اليوم وانا اخذ له الضغط كل يوم اقيسه له ،، اقوله هاااه يبا اسويلك شاهي ، نسكافيه :?:
يقول لالا مابي :u:
المهم طلعت للشغالة فوق قلت يمكن تبي شي ماشيات يوم رحت لها هاااه هاو آر يو << اتعب عالإنقلش أنا :q:
مير تقولي فاااين جست آ لتل بين :hh: يعني كويسه بس شوية وجع وتأشر على رجلها ومكان ثاني

قلت طيب وش تبين أجيب لك تاكلين اكشششششششخ خدمااات 5 نجوم

قالت نووو ثانكيو آي ددنت ايت آت نايت << يعني ما كل بالليل مب مثلنا مايطقنا الجوع الا 12 بالليل :cr:
قالت أونلي مِلك يعني حليب ،، قلت ابشري طال عمرتس الحين اجيبه :hh:
قالت بس لو سمحتي بدون سكر >> قلت بخاطري ايه تدللي عمتي

قلت لها اوكي اوكي :d:
وانزل مدرعمه تحت اسويه لها الا ابوي يقول وش هذا :?:
قلت ابد الشغالة تبي حليب مسكينه لأنها تقول ما تاكل بالليل قال الله يجزاك خير ويقوم يدعيلي تسني مسويتن ذبيحه

سمع الهرجه سلاااطين كلها وهو مدرعم مع الدرج قال ليه قطووووووه هي

مير افقع ضحك الله يخس ابليسه تذكرت قطاوة اختي قبل :q:





.،~|​

 

[غَيّوضْ]

جواب .،

تساؤلااااات كثيرة أتتني << نصااااااابه كلهم اثنين

عن هذا الشيء

بالله عليكم يوم تسألون من جد منتب عااارفين وشهووو والا تستهبلون علي

يالله باخذكم على قد عقلكم واقولكم وشهووو
هذا عداد مشاهدات المدونة :y:
بس للأسف ما حطيته من بداية الإفتتاح
بس ماشي الحال قاعد يحسب وما قال شي :hh:​

 

[غَيّوضْ]

قوووية ههههههههه

.،~|​

 

[غَيّوضْ]

وقفه مع التقييمات 25

اممممممممم كيك فوري نوار يهبل تسلمين خيتوو على يومياتك الرائعة // الله يوفقك وينور دربك/...../ اعدريني هالايام كنت بعافية شوية / طبيبة اسنان وزيار ة دكتورة العيون بعد وتركيب مكبرات ههههههههههه

الله يسلمك ويخليك وماتشوف شر ان شاء الله والكبر شييييييين :q:

يا عنز وينك وربي اشتقت لتس اقوى شي

هااااا أنااا هنااا لقد عُدت من حيث ذهبت :hh:
وانا والله اقووووووووى شيي :q:
ترى تركت لك مسج هناااااااااااااااك روحي شوفيه

نور هو اخوكي ما شاء الله هلا انا اخوكم الكبير وانتم اخوتي الصغار نور كثير حبوب وطيوب.أنا كبرت قبل اواني غيوض/

أقين بليييز أحس اني مافهمت شي :q:

وش قصة الارقام الي بمدونتك ؟ ترقمين يابنت !! ولا بعد شكلة موبايلي 056 هههههههه

وهذا أدمي من الأواديم اللي يسألون عن الأرقااام
ايه هذا ترقيم وكان موبايلي ووصل اس تي سي والحين شكله بيصير زين

مدري اقووووم عليه اجلده بالله وش تنصحوني فيه :q:

هلا حبيبتي الله يرحم أمك ويسكنها فسيح جناته بس سامحيني ماقدرت اقرا التفاصيل، الله يخليلك الوالد واخواتك ويحفظهم لكي ويخليكم دايما مجتمعين يارب يارب ، تعرفي شي أنا اتمنى اني أجتمع مع اخواتي ولو ليوم واحد

اللهم اميييييين الله يجزاك خير والله يجمعك بأهلك وانتم بخير وصحه وسلااامه يااارب

ههههههههههههههههههههههههه ههههههههههههههههههههههه وربي منت بصاحييييييية \اهم شي انتبهي لسليطين لايكون زيهم

لاااااااااا ابشرك سلطان طول ماهو بالبترول مانشوف السروال والفنيلة كله شيرتات وجينز بس اصبري اذا رجع الرياض

رقدي رقدي يا مال المخده ,, هذا اللي انتي فالحه فيه ~~~>>> حاقد ما وراها امتحانات ههههههههههه يله ادعيلي اشوف طبعا ونتي ساجده فالصلاة الحين ,, قومي توضي واقعدي

ايييييييه برقد مووووت قهر وحرررررره ويازين النوووم الصبح يااااااوك :y:

جميله جداً *_*

الأجمل حضوووورك هنا

ياهلا والله بغيووض وين جديدك يامال المستني هههههههه <~ْ مو بداري وش يقول بس اهم شي كنت هنا ههههههههه

انا متعمدهـ اخفف ما اضرب شوط كبييييير عشان اللي يختبرون يلحقون معنااا :d:
وانت ماشاء الله عليك تختبر ماتختبر مواصل ولا كأن وراك شي جالس تفرفر بالقسم

ان رحتي ملح هذا يومك // هههههههه // الله يطول عمرك ان شاء الله بطاعه الرحمآن

ادريبك تبي تتخلص مني اليوم قبل بكرة
قاعدتن على تسبودكم انا
طيب هييين اوريك :q:
بس ماعليك قريب بترتاحون مني وان هذا اليوم لآتِ قريب :d:

هاه شصار عليك شكلك نمتي لا فطور ولا غدا ههههههه

والله على قولك لا فطور ولا غدا بس سفيت لي نص كيس دريتوس بالفلفل :y:
وكفختها نووووومه لأربع :q:

يا ربييييييييييييه اشوى انتس ما صرتي من صيد امس قسم بالله متحمل تعالي بخمتس واصييييييييييح اهئ اهئ اعععععععععععععععععععععععع عععععع مو عن شي بس من يقيمني ويمطخني غيرتس يا ام سعابيل واااهههههههههههههههههه

وهـ بس شفتي كنت بموووووووت

بس جت سلااامات صار معكم تشانص عشان اجي اغثكم واثقل دمي عليكم :q:
والغريب شوف وش فكرت فيه التقييم والسعابيل :hh:

أووماااااا شايب طاحت ضروسه كان تلقوني بعصاي أمشي خخخخخ

اجل جايب نبيييييييييله من عام الفيل :cr:
ابصم بالعشر انك شايب مثل ذا

بوصله لك لـ 6100 وبروح ارقد هههههه

ابشرك وصلت وصلت :q:


وهـ بس تعبت

الف الف شكر لكل من مر من هناااا وسدح لي تعليق
وهـ حسستوني بالراحه وانكم متفاعلين معي أووووب جالسه اهذري ع روحي

​

 

[غَيّوضْ]

لصحتكم ^^

لا يطوفكم شي خطيييير جداً :y:
" بالمختصر المفيد أفضل ١٢ نوع طعام بالعالم لصحة الجسد والوقاية من الامراض " :d:

يجب عليك تسجيل الدخول او تسجيل لمشاهدة الرابط المخفي

.،~|​

 

[غَيّوضْ]

تصبحون ع خير ^^

>> القناة الأولى على غفله << غصب 1

:d:
.،~|​

 

[غَيّوضْ]

مسآء السعآدهـ ^^

,،~|​

 

[غَيّوضْ]

اوووف

سلااااطين راح الرياااض وأنا كذا

باااااايخ
الحين من اتقاشر معه :q:





.،~|​