◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

وين وصلنا ؟؟

​

ايوااا وش كنا نقول :u:
اقول سموا اول تركش كوفي عشان تركزون معي :q:

:y::y:

على فكرة هالتركش كوفي معلمتني طريقته وحدهـ لبنانية الله يذكرها بالخير :d:

|

​

 

[غَيّوضْ]

أنكر ونكير ههههههههههههه

اممممممم
ايوااا كنت وصلت على سالفة محطه اذاعة القرآن :q:
طبعاً هالمحطه الصورة دايم عالحرم والكعبة والناس اللي تطوف وتعتمر :d:
ابوي يسولف على سلاطين يقول ماشاء الله التوسعه اللي صايره 3 ادوار الحين وشلون لو يسوون
سبع طوابق :hh:
قاله سلاطين وشوله يوسعون اصلاً خلاص مافي داعي للتوسعه :u:
قال ليش ماله داعي الناس تزود كل سنه !
قال ايه صح بس بعد عمل التصاريح وتحديد عدد المعتمرين وكذا خلاص ماعاد يحتاج توسعه :q:
قال ليش على كيفك هو الناس تبي تجي تعتمر من كل بلد ووووو من هالكلام
قال ابوي طيب لو صار سبع طوابق وشلون يبون يرقون المنارات فوق

قلت له ابد منارة فوق منارة وانت ماشي شوي شوي تلقى المنارات بأصنصيرات :q:
قال طيب الكعبة أكيد بعد يبون يرفعونها !!
قال سلطان لا وشلون يرفعونها من وين بيجيبون الحجر حقها :?:
قاله ابوي عااادي يجيبون اي حجر قال سلاطين لا مايصير وشلون لازم نفس الحجر حق الكعبة
وابوي يعابطه لالا مب لازم يجيبون اي شي :hh:
قال على كيفك هووو اشوى انك منت المسؤول عن الحرم كان اول مايأذن تولع لمبه واول ما تخلص الصلاة تطفي اللمبه وتلقى الحرم كله اسلااااك ووايرات

تدرون ليش سلاااطين يقوله كذا :?:
لأن ابوي ماشاء الله عليه بشغلات الكهرباء أتحدى اي واحد يفهم أكثر منه يعني بروفيشنال وهذي شغلته :d:
فتلقون كل غرفته من هالشغلات مافي شي يخرب الا ويصلحه غصب الا عااااااد اذا منتهي مرة

ومثل ماتشوفون هالسواليف كل يوم مثل كذا هو وسلاطين أنكر ونكير

وطبعاً فيه مقااااطع واجد +18 مشفرة مقدر أقولها :cr::cr:

|

​

 

[غَيّوضْ]

تفششششش اقوى أقوى شي اليوم

يا ناس مابقى شي ماسويته اووووووف

الطفش وربي اشتكى مني يقول حليييييييييي عن سماي يرحم امك ترى مشقيتني بعمري :hh:
قلت له تيب تيب ولا تزعل بحاول اطسسسس عن خشتك :f:
حتى التفش طقت روحه مني والله التفشششششششش بياخذ من دوماااااااغي حته :er:
وش اسوي الحين :?:
فكرت انام بس ما ودي اناااام ما باقي شي عالصلاة
اليوم نسولف انا وسلاااطين اقوله خلنا نقضي الإجازة بس أفلااام وش رايك :d:
قال فيه مدري وش سماه لي ريسيفر فيه محطات باشتراك وبلو راي والله مدري وش يخرط على راسي
وانا اهزز راسي تيقااا تيقااا :q: مو مشكلة جيبه سو اللي تبي بس ما نجلس كذا :cr:
وقسم انوااااااااااااع الطفش :er:

|

​

 

[غَيّوضْ]

عجزاااانه

تصدقون متعيجزة احط تقييماتكم من كثرها << على اساس كثيرة يعني

من يجي يصفها لي ويعلق على كل تقييم وله مني 5 تقييمات ورى بعض مجاناً << لاحظوا انها مجاناً :hh:
من جد حاله نفسيه ولا تجي الا آخر الليل :cr:

|

​

 

[غَيّوضْ]

وقفه مع التقييمات32

يابنت ال************** مشت علي خخخخخخ طيب طيب برفع ضغطك مستقبلاً اصبري بس خخخخ وتصدقيت اني شكيت من قسم الافلام لاني شفته 116 قيقا زي ماهو وانت في مشاركة وريتينا نفس القسم بس قلت يمكن قسمت نفس التقسيمه للهارد

هااااااااااااااااه بنت الأيش :hh:
أكيد اللذين أمنوا صح :q: تعيش وتاكل غيرها :y:​

عااااااااااااااااااااش افلاطون مدري وش اسمه قريدس

أمااا أفلااااطون وقريدس سوى
لا يسمعك افلاااطون بس :hh::hh::hh:​

الللف مبروك الاب الجديد الله يحفضو مالعين

حتى انت مشت عليك :q:​

اعلمك وينه

ايه :d:​

خخخخخخخخ يـ هوه وش ذا الرزيزات صراحه جذابه $ .. بعدين لا يكون أنتي تصورين وأختك تطبخ وتلعبين علينا مسويه سنعه خخ

هاااااه يمكن :i:
:q:​

وين الاقتباس هههههههه.. طالعه احسن بمدونتك عشان ريحة البخور بس Mad ههههه

​

:i::i:

مسآئك مزهريه قديمه كانت تبيعها وحده في الحاره هههههه ،، والله مآفيني شي ياوخيتي بس عيني مدري شبلاها ،، حمرآء ،، من يومين لعبت في عيوني هالعدسآت ،، يارب آحصل 8 الاف طايحه والله ما ادور راعيها لا اشطب علطول ههههههههههه ،،

ايييييييه الله المستعان هذي علامات الشيخوخه :hh:​

والله انا حدي اندومي حبيبة الشعب .. وان خربتها مره مره . . . بسكوت اولكر مع حليب ابو قوس ... المتعه في الطعم

والله انت بالذات مدري وش أخرتك شكلك بيجيك زهايمر مبكر من ذا الأندومي
لعنبو ابليسك اعرس خلاااص شيبت وطاحت ضروسك مثل ذا :hh::hh:​

ككككك و أنا لي كم يوم مآ أتغدا والله أنتظر الزووجه متى تجي ككككككككك ْ|مسسآء الخير غيووضة يتعبني اسمك أحسنة يطلع من معدتي كع كع كع

مب لازم تقوله دلعه يجي أخف :q:​

يسعدمسآك خيتو/نقآءِ +سكون هآدئ,اتاجديدةهنآ~وانتي أول شخص قيممته تستاهلين~|قريت مدونتك من الصفحة 1لآخر مشآركةِ!اسلوبكِ حلو ورآقي ومدنتك جذآبة أهنيييكِ ~وآآصلي~>>~كنتُ هنآ::خيتوو

وهـ بس استحيت والله :b:
يالبى قليبتس والله تشرفين وتنورين سكوني وضجيجي وصراخي وهواشي وسواليفي وكل ابو شي :q:​

قيمت 4 نفرات على شان اقيمك ويوم فتح التقييم ضيعت كلامي يالله أهم شي أرقت دم حبري في لوحتك

مدري ليش اتذكر غرف العمليات والمشارط والمقصات اذا شفت كلامك :hh::hh::hh:
السالفة فيها إراقة دم :cr: حشى داخل مقصبه مو جاي تقيم :q:​

الذين يشاهدون محتوى الموضوع الآن : 6 ( الأعضاء 3 والزوار 3) هذولي ماينامون <~

اناااااااااااااااااا لله وانااااااااااااا اليه راجعون
واخرتها معك ياخوي مايكفي قصيت وحشيت رجولهم ما عاد احد يجي الا زااائر :q:
وبعدين مالك شغل فيهم هذولي البودي قارد حقيني ماينامون سهرانين على راحتي وهـ بس

​

يؤ يؤ وليش راح ملح؟؟؟ ابله وغيوض خلاص انا بجيب لك واحد بس شسمه سويلي زي ماطبختو في الشالية ماشاء الله شكل طبخك لايقاوم

الشكوى لله عين ما صلت عالنبي :er:
بس معليش اشوى انها بالجوال ماهيب فيني
حيااااك تعالي عندي وابشري بعزتس :kmj-by0000 (72):​

آجل شكلك داعيتن علي ،، تحسبينه انا ههههههههه اقري على عيني

وش اقرا ووش اخلي ماخلاص الجوال راح ملح واللي كان كان :q:
يالله عشان يصير لي حجه اشتري ايفون بس تبطون عظم مانيب مصلحتلكم ولا شرح دام هذي عيونكم بلاها ابرك :hh:​

ههههههههههه ياحيليلة ابوكـ ربي يحفظة ويخليه لكم ياااااارب-\ بعدين اسمعي ترى مالك حق لازم تسوين درس عن التركش كوفي ولا بس شاطرة تورينا ص١

ابشري على يوم بصور خطوات صنع التركش كوفي :q:​

الذين يشاهدون محتوى الموضوع الآن : 7 ( الأعضاء 3 والزوار 4) ‏challeng, ‏Dream a mirage, ‏ج ـــنون///مريت من هنا على يومياتك علني انسى حزني شويه/ ..../ يسلم عليكي

هلا وغلاااا فيك والله يصبركم ان شاء الله :f:​

ههههههه لن\بنانيه والكاسه فرعونيه ههههههههههههههه

اييييه صح صدقت المفروض الكاسات تصير بيروتيه :q:​

بسيطه اذا طفشانه اجتمعوا انتي وسلاطين وفكوا سوالف خرط ومهايط وبتنبسطون ومو انا قلت كذا إنتي قلتي كذا " والله مدري وش يخرط على راسي " عايله بكاشين هه والطفش مسيطر حتى علينا والله يعين واذا تبين تتونسين حملي مسلس اسمه( فص كلاص ) وربي رهيب حمليه تورنت

ايه وش نسوي نضيع وقت بالبكش على بعض :hh: تدري وش اللي زاد طفشي طفشششش
سلاااطين يوم قال اوووووف طفشششششش
يوووووه حسيت بالفعل بالطفش زيااااده :q:
شكلنا بنقضيها أفلااام :d:​

احمدي ربك انك ف الشرقيه ههههههه عندك بحر وملاهي وساعت صدر ،، انا وش عندي بيوت طين ونخيل ههههههه ،،

اسمع وش يقول ملااااهي وبحر امحققققققققققق
البحر ذا ما نشوفه الا بالمناسبات الحارة ولا يطري عالبال
قال سعت صدر :cr: وش رايك نبدل اروح انا للنخل حقكم وانت تجي للبحر حقنا :q:​

مسآءك سعاادة ورآحة بآل ,, | واذا عالطفش الحال من بعضضه ,,كملي كملي سوالف لآيووووقف

وصبآحك أشطه وعثل :q:
ايه ان شاء الله بكمل بس تابعيني يا مالك من السوالف والخرط حق غيوض :hh:​

لا وش دعوة عآآد حآآشي وقليل بحقكم << تبطووون عضم || لا لا عن جد شي رآآح يعجبكم يالعربآن أهم شي مآنبي المبزرة هههههههه

أهم شي الصحافة والأعلام لا تنسى تقولهم يجون عشان يصورون الحدث
مأدبه بدون بزارين

وهـ

مابغيت أخلص

الف الف شكر لكل من شرفني بمملكتي البسيطه << ساااااااااامج ذا الفيس

شموووو

:d:
​

 

[غَيّوضْ]

تصبحون ع خير ^^

للحين صاااحيين :q:

نااااااااامووو :hh::hh:

تصبحون بألف خير ،، بطاريتي

وعنوني صارت مثل كذا

|

​

 

[غَيّوضْ]

مسائووووو

مسائنا ريحته قهوهـ امريكاني :q:
أنا وسلاااطين بث :bleh:

●●●●●●

​

 

[غَيّوضْ]

هههههههههههه

خلصت الجدران

|

​

 

[غَيّوضْ]

مساء الكوفي ^_*

مساء القهوهـ
وهذا فنجال شاهي وش كبرهـ متروس قهوهـ
عشان جنون مشتهيه القهوه :q:

يالله اشبعي منها :hh:

|

​

 

[غَيّوضْ]

BaCk ...

​

بااااااك
<< بدري :q:
أدري تأخرت كثييييييييير وأدري انكم تحتروني صح << لا يكثر بس ما دروا عنتس :hh:
اليوم من العصر وأنا بزي :d:
جانا المضآد اليوم بعد عودته من سفرتن دامت لثلاثة أيام افتكينا منه شوي :q:
اتصلت عليه قبل يجي قلت وينكم متى بتجون :?:
قال وش تبين مانيب جاي مفتك من وجهك ومن ابتزازاتك الدائمة لي

قلت ومير انا اللي مفتكه من غثتك بس الشكوى لله الشايب يسأل وقالي دقي عليه شوفيه وينه واضطريت اكلم والا ماهوووب حباً بك :cr::cr:
وطبعاً كالعادهـ جا اليوم العصر من يوم دق الجرس وانا وابوي بالغرفة نسولف قلت له هذا المضآد :q:
مير يدخل علينا قلت بسم الله سلام قول من رب رحيم من يطلعون هم

وبدون مقدمات طبعاً قلت اخلص علي تبي عربي والا تركش :d:
قال تركش طبعاً ورحت زينت لي وله ولسلاااطين توهـ قايم من النوم بس ماشرب قهوته قال ابي نسكافي قبل :u:
قلت بكيفك المهم عقب المغرب لا تنسى اتفاقنا :kmj-by0000 (72):
قال اوكي :d:






BrB لي عودهـ اقولكم على تخطيطنا انا وسلاااطين :d:
●●●●●●

​

 

[غَيّوضْ]

تخطيط لقتل الطفش ههههههههه

اممممممم
طبعاً تخبرون سلاااطين عندهـ ترم صيفي يعني ماشم الإجآزه أبد :q:
والأخلاق صايرهـ زيروووو :cr:
والعالم كلن مسافر يمين ويسآر ماغير أنا ويآهـ متقابلين مع أبوي :hh:
جلسنا نفكر وش نزين :i::i: الصدز طقت أتسبدنا
قال لي وش رآيك نروح نشتري سيستم وفيه ريسيفر مدري وش سماهـ لي المهم انه بإشتراك فيه بعض المحطات والباقي عااادي ونقضيها أفلاااام

يعنني رايحيين سينما

قلت له قدآم نشتري ليش ما نشتري وش رآنا

قال طيب اجل عقب المغرب نروح لإكسترا ونشوف وش عندهم :d:
قلت تم بس يطلع المضآد وأهله نفقع :q:
باااقي ما خلصت المشوار طويل :bleh:





●●●●●●​

 

[غَيّوضْ]

إجتياز الألفية الرآبعـهـ عشر .،~

ومازآل التميز حليفي ولله الحمد :y:

أشكر بعنف << لاااحظوا بعنف ترى متعووووووووووب عليها :hh:
كل من شرفني وسنتر معي بمدونتي وتابع خرطي وسواليفي وهياطي ومزحي وهواشي وكل أبو شي :d:
>> وعين الحسووووود فيها عود :q:




●●●●●●


​

 

[غَيّوضْ]

تصبحون ع خير ^^

آم سو سوري :b:
مارح أقدر أكمل لكم السالفة الآن
تآيم آوت ابي اناااااااااااااام ماعاد أشوف :q:
تابعوني بكرة ان شاء الله ان الله احيآنا :d:
تصبحون ع خير

●●●●●●
​

 

[غَيّوضْ]

قوووة عليكم ^^

​

يالله انك تصبحهم وتمسيهم على شي مثل كذا :d:

وكذا

●●●●●●


​

 

[غَيّوضْ]

باقي السالفة ^^

​

اممممممم
ايه امس وقفت عند المضآد وأهله أحتريهم يطلعون عشان نفقع انا وسلاطين :y:
المهم اذن المغرب وصلوا وتوكلوا على الله :d:
وحنا توكلنا عقبهم رحنا لإكسترا والعالم تدهر عندهـ مدري وش قصته اللي يسمعه يوزع بلاااش
المهم ندور ونتفرج يمين ويسار ومن هون ومن هووون :q:
بالأخير رسينا على دي في دي هوم ثرييتر باناسونيك يعني كان السعر معقول ويؤدي الغرض اللي نبيه :d:
قال سلاطين هااااه وش رايك نضف :?:
قلت قدام أطلبه يالله ،، قال خلاص انا بدفع نص السعر وانتي نص
قلت والله ولا ريال ماتدفع وانا وياه ادفع لا تدفع مسويين فيه مزاااعط بالأخير خلاص حلفت عليه وانطم وسكت :hh:
المهم ضفينا وخذنا معه سلك HDMI وباقي قشه وطلبنا ضمان 3 سنوات بزيادهـ 100 عالسعر والا هو ضمانه سنه بس :u:
طلعنا من المحل قلت وش رايك نروح نبلع

قال امممممم وين :?:
قلت عندك خيارين يا اما نروح لفدركيرز أو نطلب بيتزا ونروح للبيت ونضبط السيستم ونشوف فيلم :d:
قال يمكن بطلع مع اخوياي عالساعه عشر كذا خلنا نروح فدركيرز احسن :kmj-by0000 (72):
قلت يالله شورتك وهداية الله :d:
المهم رحنا طبعاً هالمطعم مفضل جداً عند سلاطين يقول أحسن هامبرقر عند من كبرها توجعك حنوكك وانت فاتح فمك

انا اخبر رحت له بس مرة وكنا شلة سلاطين وراكان وعيال اختي وخواتي المهم صجه :q:
ولا أذكر وش طلبنا بالضبط بس اخبر اكلهم زين :y:
المهم دخلنا وقلت له شوف بما انك تعرف الحل ومقيم عنده انت واخوياك اطلب انت اللي تشوفه زين :d:
عاااااااد سليطين عينه شرهه يعني يطلب حق 4 اشخاص لشخصين
مقبلات ومدري وشووو ومقبلاتهم عاااد لحالها وجبه
الزبدهـ طلب اللي طلبه والحين اوريكم ايااااه بس قولوا ماشاء الله اللي من جد لما رجعنا اقوله سلطااااان !!! وشلون كلنا كل هذااا
مااات من الضحك :hh::hh::hh:






BrB لي عودهـ بصور العشا اللي كلنااااه وللحين ضميري يأنبني على اللي أكلته :cr::cr:
●●●●●●



​

 

[غَيّوضْ]

العشااا

​

باااااك :d:
طبعاً اول شي المشروب لازم يكون غازي لأن مع هالوجبات مايصلح شي ثاني :cr::cr:

وطبعاً مع اي طلب تطلبه فيه بوفيه السلطات تروح تاخذ منه اللي تبي زيادة الطين بله :hh:
بس نسيت اصورهم :q:
المهم سلطان مستحيل مايطلب الأ Appetizer اللي هي المقبلات يبي يفتح نفسه أكثر عالبلع مسيكين نفسه مسدودهـ
اول شي طلب هذا والله نسيت اسمه بس شي خطييييييير عبارة عن بطاطس شرائح مع لحم بصلصة الباربكيو وفوقه جبن تشيدار :y:

وهذا الطلب الثاني اللي هو سلطة سيزر مع الربيان بس طلعت عااااديه يعني مرة ثانية لا يمكن نطلبها

وعقب الوجبة الأساسية اللي ضميري مأنبني للحين اني اكلتها :f:
واسمها هوت روكس للي يبي يجربها وعلى فكره هذا الحجم الوسط فيه أكبر يعني عندهم 3 احجام تختار اللي تبي :d:
طبعاً شكلها الأساسي كذا

بس سلاااطين لازم يحط لها الخلطه السريه حقته :hh: وتصير كذا :cr:

وهنا تم بحمد الله بعد ماشطبنا على كل شي

وبس خلااااص ماعاد أعودها

●●●●●●

​

 

[غَيّوضْ]

مسآء الورد ^^

مساء الورد

مشتهيه اولع الشموع واجلس بالظلمه << ليش سآحرهـ :q:
ترى اليوم ممكن تسمعون مني ختاريف = خنابيق = مطاريس = اي شي يحمل معنى الكلة :hh:
النفسية قم بس قم زيرووووو عالشمال :cr:
ماخبرتوا لي أحد يسمكر نفسيات :q:
●●●●●●

​

 

[غَيّوضْ]

اختبار

اممممممممم
أعجبني هالأختبار وحبيت تشاركوني فيه ابي اشوف مستوياتكم الحوارية :q:
أول شي انا سويت الإختبار وبعرض عليكم النتيجة حقتي بس ابيكم بكل امانه اللي يسويه يرسل لي نتيجته كما هي :kmj-by0000 (72):

للإختبار من

يجب عليك تسجيل الدخول او تسجيل لمشاهدة الرابط المخفي

بإنتظاركم :d:





●●●●●●


​

 

[غَيّوضْ]

نتيجة الإختبار الأول ^^

​

جميل جداً وهذا اول واحد ارسل نتيجته :d:

تعجبني الصراحه والمصداقية :kmj-by0000 (72):

Next



●●●●●●


​

 

[غَيّوضْ]

نتيجة الإختبار الثاني ^^

شكرا مديرتنا موقع جميل

هذه نتيجتي

تحياتي


جمييييييييل جداً :d:

Next



●●●●●●
​