◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

صبآحكم أنااااا ^^

​

يسعد لي صبآحآتكم بكل خير
أكيد بيقولون بسم الله علينا منين طلعت ذي مب عآدهـ هالحزة :u:
بس الصدق ما جآني نووووم :f:
أرق + قلق + ألم + هم + غم = :er:






●●●●●●

​

​

 

[غَيّوضْ]

تمتمة نفس خفيه

​

المزآآج مرة مو رآآآآيق
يمر اليوم ورى اليوم وتمضي الساعة كنها يوم

وانا أنتظر قدري المحتوووم :er:
تعبت اساير هالناس وتعبت حتى اساير نفسي واصبرها
أسلي نفسي وأقول بخاطري اكيد ربي بكرة بيفرجها :er:
يجي بكرة ويتبعه عقبه وأثرهـ مرة سنه :u:
من يوم قلت بكرة ربي بيفرجها :f:
والحال هو الحال اليوم مثل بكرة وبكرة مثل عقبه !!
وأوعى على روحي وأنا أقول أكيد ربي بيفرجها
وأحمد الله أني أحسن الظن به ومتيقنه ان الفرج قادم لا محال
ومتيقنه ان الله على كل شيء قدير والحمدلله على كل حال ..
لحد ياخذ على كلامي تراي أهذري ع روحي




●●●●●●
​

 

[غَيّوضْ]

ألم في دنيتي اتصدى له وهو حيييييييل موجعني

​

أنــا كـلــي} ألـــم فـــي دنـيــتــي كــلــي أســـى وهــمــوم
وأنــا طـعــم الـسـعــاده فـــي { زمـــان الـعــمــر مـاذقــتــه
تـصـارعـنـي } هـمـومـي بـوقـتـي الـضـايـع وجـي مـهـزوم
ويـبـقـى الـخـوف فـي قـلـبـي وهـمـوم الـوقـت { طـارقـتــه
عـلـى كـف الـقـدر يـلـعـبـي } الـهـاجــس وأنــا الـمـظـلــوم
ورى مـركــب نـجــاة الـعـمــر أبـحــر وقـتــفــى وقــتــه
ومــع درب { الـهــلاك أمـشــي وأثـرنــي ظـايــعٍ مـنـجــوم
أحـسـب ان ,,, الأمـل ,,, قــدام لـيــن الـيــاس عـانـقـتــه
مـقـاديـري رمـتـبـي مـن ورى شـاطـي } الـعـتــب والـلــوم
وســهــر } الـلــيــل نــادالـــي ومــــع الأيــــام صــادقــتــه
تـعّـيــد كــل خـلــق الله وأنــا { مــن عـيـدهــم مــحــــــروم
أنــــا عــيـــدي دمــــوع :er: وهــــم والأحزان سـايـقــتـه
ألا يــانــاشـــدٍ عـــنـــي تـــــرى { هـــــذي حــيــاتـــي دوم
عـــذابٍ } فـــي عــــذاب ولــوعـــة الأقــــدار حــارقــتــه





:er::er:
●●●●●●
​

 

[غَيّوضْ]

أمنية لن تتحق بالقلم !

​

تمنيت لو كآنت حيآتي حكآية مكتووبة بقلم رصآص >>

لكآن مسحت منهآ بقوة
كل مآضي لا يستحق الذكر




●●●●●●
​

 

[غَيّوضْ]

تصبحون ع خير ^^

​

اللهم
بقدر آلامنا ألهمنا صبراَ
وبحجم صبرنا ! اسقنا اللهم أملاَ
وأجعلنا [ نبتسم ] لجعل الأسى
يصبح أج ـمل !
~| يااااااااااارب |~
لانفهم القدر أحيانا
ولا نفهم لما نصاب بـ
{ الضيق | الهم | الموت | الفقدان | الألم } :?:
ولكن
ليس هناك من هو " أحكم منك "
فـ كل شيء عندك بحكمه !
ونحن لا نملك سوى

نهدي بهآ نفوسنآ ونسلي بهآ خوآطرنا :er:
تصبحون ع خير ..




●●●●●●



​

 

[غَيّوضْ]

مساء العود ودهن العود ^^

عطر الله مسائكم بالريحه الطيبه
امممممم مدري ليش ريحة البخور تحسسني براحة نفسية :i:
أحد عندهـ خبر ليش :d:

●●●●●●


​

 

[غَيّوضْ]

بصيص من الأمل في بحر اليأس ...

نمت وأنا متضايقة حييييل ودموعي كنها سيل جاري << نهر الآمازون على غفلة :q:
وقسم قمت عيوني متنفخه تقل كورية كان ودي اصورها لكم بس راعيت نفسياتكم :cr:
كثير أحيان تصادفنا أوقات عصيبة لدرجة نكرهـ انفسنا فيها
لكن سبحان الله كثر ما نردد بهالوقت " لا حول ولا قوة الا بالله وحسبي الله ونعم الوكيل "
ونرمي حملنا على الله بتيقن انه قادر على إفراج الهموم والغموم وإراحة النفس
الا بالفعل سرعآن مايزووول كل ما كان عندنا من ضيقة
صحيح نمت وانا متضايقة بس قمت اليوم على صوت مسج جوالي كان
محتوى الرسالة
" صآحية "
رديت برساله يالله كتبتها وأنا والله مصدعه حيل وراسي يالله أرفعه وقلت
" كنت نايمة بس صحيت على صوت الرسالة "
رجعت جتني رسالة ثانيه
" بدق "
رديت
" لا صبر شوي مصدعه مرهـ شوي أروق وأرجع أدق "
رجعت الرسالة
" بس سؤال الآن ضروري "
رجعت دقيت
" لقيت الخط مشغول "
ثواني وجاني الإتصال
" وكان سين وجيم "
وانتهى على كذا :u:
يا كثر ما جتني اتصالات وسين وجيم بس الصدق ما كان فيها " بصيص من الأمل "
مثل هالرسالة ولو أن السين والجيم هذا نفسه تكرر
وجاني 100 مرة وكان الجواب نفسه ماتغير شي :f:
لكن احساسي بالراحه النفسية بعد هالإتصال بالذات عطاني أمل كبير وماعلى الله بعيد قادر على كل شيء :er:
" لا إله إلا الله الحليم الكريم لا إله إلا الله العلي العظيم لا إله إلا الله رب السموات السبع ورب العرش العظيم "



●●●●●●


​

 

[غَيّوضْ]

وقفة مع التقييمات

فيني كسل مو طبيعي .. ماتسوين لي تقرير هايجاك يمكن تعرفين شو السبب

قدآم :q: بس لازم تشبك كل فلاشاتك قبل التقرير :hh:

احلى تقييم لاطلدز مديرة

مشكوووور :d:

هههههههههههههههه ياقلبي قلبآه انا عارف ليه نقزتي تبين تصلين وترجعين تلحقين ع النت هههههه

ايه والله صدق وش دراك

غيوض يوووووه منك انتي وصاحبتي ليش كذا تسوون في الاب هيه زيك تقفل الغطاء حق الاب ومفتريه فيه والله انا مدلعه لآبتوبي فديته :$ يمكن لآنه هدية من البابا \\بس برضو احبه مااسوي فيه انا زيكـ والحمدلله ع سلآمتك نور المنتدى برجعتك ^_^

هذا يقالك وانا مراعيته بعد ومحافظه عليه :q:

روحي الكلجات صدت عليكي كلجة كبر دميجتك هع

روح أنت للكلجات وشوف الكلجة اللي صدتها عليك أكبر من دميجتي ودميجتك سوى

يختي فيه مسلسل في قناة ابو ظبي دارما كل شوي يخلص وتجي حلقه ثانية من الظهر وش نظامهم هذولاي ههههههه

هذول يسوون تصفيات نهائية قبل رمضان

كيف اهايط بالدس وضحي يابكاشة واذا سالنا الخرط من الي يمون عليك بيقول آكيد غيوضة واما جده ماتنفع سياحة بتجننك الزحمة والرطوبه وبتنبسطين بشئ واحد وهو المطاعم رهيبة المطاعم وبوجودها اكيد بتكوني فرحة ومبسوطة يالكعبوله وجمعة مباركة ^^

يعني انت من فوق هالله الله وجوا يعلم الله

يعني ياما تحت السواهي والباقي عليك :q:

وهذا تقيم قبل مآتنآمين ، واذا نمتي تصبحين على خير

يووووه نمت وقمت كم مرة ياقدمه التقييم :q:

وااااااااااااههههههههههههههههههههههه انطمي ما فيه مكان ما تشمتي فيه علينا هههههههههه فتح معها المنتدى واكشخت علينا

وينك في مبطيه هاه يعني ع اساس انك بتتغلين ايه ترى ياغووغه مو ملاحظه ان اغلب التقييمات حقتي مني انا شخصيا هههههههه

في عآلمي هآيمه << على أساس ان عندها عآلم :q:

يا لبى خشتس قدرت اقيمتس هههههههههههههههههه

لا تكلفين على روحتس يابعدهم :q: << وش عقبه

يعجبني ويستحق التقييم

:king:

ههههههههههه من يوم ما اضفته واهو يقول كذا تعبني خلاني افتح مترجم قوقل من الاب توب واقوله انا لا افهم عليك ههههههههه ،، يووه قديمة انتي بس مو اقدم منك ،، قبل ما خش المعهد يعني قبل 11 شهر خخخخخخ جايني هديه ولا انا مافي امل اشتري خخخخ

هههههههههههه لاقيك بس يالله يمكن تتعلم اللغه منه :q:

ايه غوغه عاد وش اسوي من الوجع ماعرفت وش اكتب ههههههه بس لا صدقيني انا مو هيك هع ترى بعدل الفااظي لاتحاتين بس عاد ليس ع المريض حرج هع

k:k:
:kmj-by0000 (72):

ردي التقيم ض1

والله ذا اللي يبي تقييم بالغصب :q:
رديته خلاااص لا تدف :hh:

غيوض /...زار مدونتك وما وجد ت لاحلى ولا شاهي/ ولا حتى ورد / شو هالشح هذا / ههه

الصراحه قمت اسوي ريجيم

كل عوده وانتي بخير اشتقتلكم كتيررر حبيبتي //

تشتاق لك العافية ياقلبووو :b:

ما اقولك كل سنة وانت طيبة على فكرة انا اشتقت لسلاطين زماان ههههههههه

وأنا بعد اشتقت له سلاااطين بدمي عااايش :d:

اتحدى اذا ماكان وزنك فوق 120 كيلو ونصيحة مني الحين تنزلين من البيت وتروحين لاقرب صيدلية نهدي وتاخذين حبوب منع شهيه 3 مرات باليوم خخخخخخخخخخ

وأنا قابله بالتحدي بس على كم :q:

كل سنة وانتي بالف خير.. مايذكرك ذا التاريخ بيوم مخالفتي هههه :q:

وأنت بألف خير الا أذكرها ومن لقااافتك ما خليت أحد بحاله :hh:

هههههههههههه ياخوفي تقصديني يوم تقولين حسوود هههههه <~ عارف نفسه هع

ما قصدتك ولا قصدت غيرك بس فيه مثل يقول أكل الني يمغص :y:

سعبولي بداااا يقوووووووووووطر هههههههههههههههههههه غرق الكيبورد

ياكثر ما تقوطر ذا السعابيل مدري متى بتكبرين انتي

هههههههه غيوضة انا زيك شجاعة وانا اشوف الفيلم مااخاف ابداآ بس لاتجيبين لي مقطع دم او قتل احس الطعنة فيني \\ بس بعد مااشوف فلم الرعب دوريني اخذ كمفورتي والمخده وياعند أمي وابوية ياعند اختي اذا هيه عندنا خخخخخ شوجاعة انا فديتني :$

امحق من شجاعه اللي تنام عند امها وأبوهااا :hh::hh:

في انتظارك ههههههه وبعدين لسه بدري أوي علي الجواز لما نفرح بيكي الاول

تصدقين تجيني حساسية من ذا السيرة يبدا جسمي كله يهرش تقول جربانه

بس الي عجبني الطاوله كآنهآ سيقان رابح صقر هههههههههههههه

واااااااااااهههههههههههههه الله يرجك على هالتشبيه :hh:

نعم نعم بالفعل لدي أخطآء في العنوان يافشلتي خخخخ>>منتوو التصحيح لاهنتي قلبو عدليه فضحووني بالتقييم =( ووش الاشياء الي تحسين نفسك مثلي ؟؟قوليها الحين وبقول لك اشياء بعد بس اصبري شوي|اذا عدلتي الكلجة ذي ابشري بعزك ^^

تم تم من زماااااااااان :q:
بقولها لك ان شاء الله :kmj-by0000 (72):

ههههههههه يآحظك عندك وقت تتابعين أفلام يالله برب أتابع الحلقه الاخيرهـ من مآوكلي فتى الادغال

ايييييييه الشكوى لله الفضاوة وماتسوي أبد مخلية الغرفة سينما والدخول لحضور الفيلم مجاني :q:

وه بس ياحبي لكِ . تسلمين قلبووو ~عاد البركة فيك مانستغني ابد ^^ تصبحين ع خير يآبعدهم ~

يسلمك ربي ويخليك

أنا مدري حآآطينك في الإدآآرة وش تسووين ؟؟ << الحين هذآ وإنتي مدرية كيف يوم كنتي مشرفة ولا عضوة عآآدية << إجرآآآآآآم ههههههه لا من جد والله ، أتووقع حآطينك إسم بس هع << عآآد هذي قوية بحق رديهآآ له هههه << يحرش بيننآآ الجني أكيد هذا الي طلع من المستشفى

ما رح اعلق على تقييمك يكفي الكلجة اللي فيه تهز لها جبل وتزحزحه من مكانه

لا مآآبي أسير زيك أبي 100 ألف إنشآآء الله أحسن منك << متحمس بقووة الولد هههههههه

ايه بتصير ان شاء الله 100 الف بس لا صار معك ولد :q:

صراحه مدونه خقق فيها كل شئ بس ضيقتي خلقي بسالفة ولد خالك الله يرحمه لـ باك في تقييم اخر

تسلم أخوي ومنور مدونتي لاااهنت

ننتظركـ يابطه ^_^ بجد لسواليفكـ وحششششششششه \\ ولكـ برضو أقوى وحشششه ^_^

مايوحشك غااالي ياقمر وهذاي اطلطل عليكم شوي وانخش شوي :q:
وبس يروح فصووولي بتفضى لكم أكثر :kmj-by0000 (72):

هههههههههه >>اوووككَ .. ابيك تقولين لي وش الاشياء الي مشتركة بيني وبينك ؟؟ووش الموقف الي طاح وجهك فيه زيي؟؟ =) ومساءك وردِ

على هالخشم أبشري بقولها لك :kmj-by0000 (72):

وهذا تقيم لعيون مسآعدتك والفلم المرعب الي تنآظرينه خخخخ

العفوووو وتسلم ما عملت غير الواجب بس تصدق ودي اعطيك اسم الفيلم أبيك تشوفه لحالك << نذله :hh:

غيووض مو كنتس مصختيهآ ؟؟؟ تعالي سولفي علينآ ياحبي لتس ^^" نوم العوآآفي

ياحبي لتس انتي والله وأنا أشهد اني مصختها بش الشكوى لله ولي عودهـ بقوة ان شاء الله بس تهدأ الأجواء عندي :kmj-by0000 (72):

غيري معرفك الى رمضانه

مدري وش تحس فيه ياشعبان مدري رجب :hh::hh:
أنا أشهد انك فااااااصل ومنسم وتخيل عاااد معرفي رمضانه

هلا فيكي غيوض / نتمنى ان تكوني بعافية اختي /اي تحتي مع اهلك براحتك في غرفة السكايب وبس هههه واحنا ماراح نسمع صوتك وحتى السفر الى المغرب ماتحقق للحين على شان نشوف مديرتنا هههههههههه

والله ثم والله أول ما تسنح لي الفرصه بالسفر خارجاً ستكون المغرب من أوائل الدول اللي رح أروح لها ونقول الله كريم :d:

ياأم بكلة الي مع ايس كريم ابو هديه .. يقولك فيه عجوز زلقت بالحمام عطوها بلنتي

أكيد مب أنا العجوووز المقصوده

قايلتلك من قبل الفصلة عندك واصله حدها منتهي عالآخر :q:

وينك اختي عسا ما في شر ،، اشتقنالك

تشتاق لكم العااافية أبد والله ضيوووف وانشغلت شوي

تسلملي علي دعمك لي ويشرفني انك تتبعي مدونتي

الله يسلمك ويخليك منورة خيتوو

وصبآحك قلبوو\ أكيد كلآمكِ صصح والله الحين محد يستآهل | ع فكرة هي بس عجبتني ونزلتها يعني مالها صلة بالوآقع بالنسبة ليَ ^^ أشكر مروركِ نورتي|وانتظر سوالفك لاتطولينَ \وصبآحك فرحَ

حيااااك ربي وهذاي جيتكم ومارح أطول كثير ان شاء الله :d:

ياهلا والله بغض غض ابشرك الامور تمام ،، تم تحميل كثيرآ من الثيمات مع قليل من الالعاب خخخخخخ

الحمدلله k:k:

يستآآهل هذي مآ فيهآ كلاام ، و أبو سروآل مستمر في مسيرته العطرهـ إن شاء الله بكل قوة هههههه ، وبعدين ذآ فيصل مآ عندهم بيت مصخهآآ والله << تقل قآعد ع رآآسك هههههههه ، ونسيت مآ أقولك الله يصبركم عليه هع

اي والله يستاهل التصفيق والترفيس :hh:
وفصولي والله حبوووب ما منه شر بس سليطين اللي يبيله جلد :q:

غوغه ي لبى بس اجل متى اعقل ههههه والله فطست ضحكك ع ذي الكلمه وش قالولك من المرفوع عنهم هههههههه اي نقد ع المدونه اامري فضفضي طلعي الحققد <~ ياويلي بس هع ترى امزح لاحقد ولاشي ^^

اتمنى لك العقل العاجل بإذن الله :hh::hh:

هههههههههههه لا افا بس اقري وش كتبت عنك بمدونتي ههههههه ووينك مبطيه خيتوو ^*

:d::d:

الله يرحمها ويغفر لها يارب ،، والله يصبحك بكل خير ويجعل يومك كله افراح

اللهم آمين ويرحم أموات المسلمين أجمعين ان شاء الله
والله يجزاك كل خير ^^

سلآآمت عيوونك والله ، أنآ حتى لاحظت الشي هذآ شوفي آخر المشآركآت تلقين الألوآآن هآدية شوي ،، وشرفتي بلوحه التحكم ،، وترى مدونتك سآرت نآآيمهـ هذري علينا شوي خخخخ

الله يسلمك وهيك تماااام k:k:

يسعد مساءك اختي / و ربي تمنيت اتابع مدونتك من الاول الى الاخر لكن مملكتك توسعت كثيرا و ظروفي لا تسمح بجولة في جميع ارجاءها / متابعك قدر المستطاع / تحياتي

ومساك أخوي وأكيد اللي بيقرا مدونتي من أولها لآخرها اتوقع بيحتاج يفصل نظاره من كثر هذرتي :hh::hh:
حيااااك الله وتنور بأي وقت :d:

الف صحة و عافية و الله يسلمك يا رب ↨↨↨و رديت تقييمك علشان ما تقولي م تقييمني او مطنش ههههههه تصدقي اني اانا الي جعان مو ماكس ههههههه

حياااك أقلط واذا برد نسخنه لك مو مشكلة

وي على الوردة الحلوة/كنت هنا اختي / اسلم عليكي/ ماراح اطول لاني فيني وجع معدة ادعي لي بالشفاء اختي

الله يحلي ايامك ان شاء الله ويجعلها كل فرح وسعاده ويشفيك يااارب

والله ما ندري يمكن ما أحد أكل منه نثرتوه بالسفرة قلتي أكلوه كله هههههههه ؛ أكيد الناس ما ينفع معها إلا القوة عشان يقيمون هع < كل سنه وأنتم بصحة وسلامة

ماشاء الله عليك تسيف انك فطين وكفشتني
وانت بصحه وسلااامة :q:

ماشاء الله الصحن مايحتاج لغسيل قطوه بالدولاب دوغري >> معقول ولا حبة رز بقيت

الا باقي كم حبة شوفهم بالصحن مخليتهم لك تذوق :hh::hh:

سلامتك غوغه بس هاه قيمتك ودعيتلك انك تصيري كوول وتمام عشان تقولين ان فيني خييير مو بمثل ماتقولين هع ههههههه

الله يسلمك ياااارب ويجزاك كل خير ولك بالمثل منها

[ضاقت ولما استحكمت حقاتها فرجت وكنت اظنها لاتفرج ~ومامن ضائقة يضيق بها الفتي ذرعا وعند الله فيها المخرج]....تاملي الابيااات جيدآ...عسى الله يريح باالك ويحقق امنياتك يابعدهم~

اللهم آمين والله يجزاكِ خير


ألف ألف ألف شكر لكل من مر مدونتي وقيمني وهناك تقييمات بدون تعليق كمان أشكرهم
ماقصرتوا جميع والله لا يخلينا منكم :king:

بآقات من الورود لأروآحكم الطيبة

​

 

[غَيّوضْ]

مسائكم روقآن

​

مسائكم ريحته قهوهـ :kmj-by0000 (72):

مو كأن الصورة كبيرة
بغيت أصغرها بس خفت يروح الأكشن حقها :q:
يعني تحملوها كذا :bleh:
●●●●●●

​

 

[غَيّوضْ]

ليش تخرب جوي المكتئب ياسلاااطين بس هين أوريك

ايوااا ما قلتوا لي كيفها أيامكم بدوني << برااااااا أقوى شي :q:
أكيد طبعاً فقدتوني وأكيد الأغلب منك جايه إكتئاب وحالة نفسية على فقداني :hh:
وحتى لو ما جاكم لازم يجي غصب ماهوووب طيب :cr:
الموهييييييم المزآج هاليومين لكم عليه بس ماعليه عآد تحملوني وأشوى انكم بعيدين والا كان جاكم شي مايسر :q:
امس سلااااطين طفش أهلي وهو يقولي ورى أخلاقك صايرتن تجارية

قلت له وانا كذا

مافي شي يعني الفقها قبل يجيك شي :q:
قال وآآآآآت وشبلاك ما أحب أشوف شكلك كذا

مارديت عليه وتم وااقف يناااظر فيني لين ضحكت

قال ايه كذا وعقبها طسسسس عن وجهي :d:
نشبه هالولد مايخلي حتى الواحد يكتئب له شوي والله حاله الصدق خرب مزاجي المكتئب خلاااه يتعدل غصب عنه

من جد لقاااافه الحين لا صار الواحد فرحان يجيك واحد يطين اووووم جوهـ ويخلي بوزهـ شبرين بحركه وحده :cr:
طيب لا صار زعلاااان عطوووه فرصه يطلع الحرهـ اللي فيه على الأقل يجلس له كم يوم مبوووووز كذا

مدري فيه أحد مثلي صادف هالموقف وجا من يخرب عليه تبويزته عشان يضحك :q:

●●●●●●

​

 

[غَيّوضْ]

Brb ....

​

BrB فيصل يبي اللابتوب :cr:

●●●●●●



​

​

 

[غَيّوضْ]

صبآحكم أنااااا ^^

طبعاً هذا صبآحي أنا وتوني أروووق :q:
قووووة عالجميع :kmj-by0000 (72):
تصدقون كتبت مشاركة أمس بالليل وعلى أني أرسلتها أثرهـ جاني اتصال وأنا برسل ولا أرسلت
ويوم خلصت عقب ساعه يمكن أجي أنااااظر وين المشآركة أثرها متنحه ما راحت كله من بعض الناس :cr:
على كل حال ما فات الا الشر بنزلها الحين لكم هي صح حقت أمس بس مانيب موفرتها :y:


●●●●●●


​

 

[غَيّوضْ]

مشاركة أمس

​

>> هذي مشاركة أمس :q:
صبآح الخيرآت والمسرآت
بطاريتي فاضية أصبروا أشحنها

يالييييييل اليوم كله بزي << يعني مشغووولة >> تكفين يالموهييييييييمة

واصلا زين اللي صرت بزي لأن الجهاز كان متصادر من فصولي ما اخذته منه الا 11 بالليل وهالوقت
انشغلنا كلنا بفيلم مرعب

بس يااااهووو خطيييييييييييييييير بعطيكم اسمه اللي يبي يشوفه
اسمه The Rite 2011 طبعاً مأخوذ من قصه حقيقية وترى كله جنّ لا تقولون ما قلت لكم
عقب المغرب طلعت مشوار قريب شغله ضرورية وعقب كلمت بنت اختي قلت وش رايك نروح الظهران :?:
قالت قدام قلت اجل اجهزي وبمر عليك عقب مشواري يعني على سبعه ونص كذا قالت اوك k:
بالفعل مريتها وطبعاً انا كالعاده لا فطور ولا غدا وهي تقول ماغير اكلت توست وبس
قلت اجل امشي نبلع على طول وعقب نفر بالسوق
وعلى وصولنا الا العشا يأذن ودخلنا المطعم بس ماكان ياخذ طلبات الا بعد الصلاة وجلسنا ننتظر لين خلصوا
وعقب طلبنا والحين بنزله لكم و ولو سمحتوا اللي جوعان يغمض عيونه لا يشوف نصيحه لوجه الله
وفيه شي ما قلت لكم عليه قاهرني قبل انزل الصور
القرسون الأهبل هذا حق المطعم وقسم مدري وش يحس فيه يوم انه يجي وياخذ الأوردر بدون ورقه وقلم مسوي لي فيها ابو العريف ويبط المرارة يالله يفهم :cr:
وللعلم كم مرة يرفع ضغطنا وأقول بشتكيه بس اقول حرام نقطع رزقه :no:
أول شي جا وجاب يقالك مفارش حق الأكل قراطيس مشققهن مدري من وين << عقب ما خلصت أكل قامت تعذرب :hh:
شوفوو بالله كم سكينة حاط حشى والله لو اننا بنضحي ما جاب كل هالسكاكين :q:

ثم طس وطووووول علينا لين جا توني بناديه الا جا مع وجهه
هذا عصير طلبناه وقسم اني نسيت اسمه عجزت اذكرهـ للحين ايييييييه الكبر شين وأنا أمكم

المهم مكوناته عصير برتقال وليمون واناناس وسفن أب ورمان وامممم مدري وش بعد :d:
المهم الطعم خطيييير :y:

وعقب جاب البلع حقنا أنا طلبت سلمون وبنت اختي لحم
هذا السلمون بس والله لذيذ جداً على قولة بنت اختي اختيار موفق قلت احلفي

وهذا اللحم

واللي ودهـ يروح يبلع هناك من سكان الشرقية طبعاً :d:
المطمعم اسمه بريوش بوابة 6 اول ما تدخل يسار ع طول واذا شفتوا قرسون هندي طويييييييييييل انحاشوا عنه :q:




●●●●●●​

 

[غَيّوضْ]

طلبية خاصه بسكوت بالشوكولاه ^^

​

شوفوا عاااد اليوم بفلقكم بصور الأكل :q:
فيصل من كم يوم طالبني اسوي له بسكوت بالشوكولاه قلنا طيب غالي والطلب رخيص :bleh:
طبعاً هو سهل مررررررره طريقتة وجداً بسيط وغير مكلف ووووو الخ والأهم ان الكل يحبه :d:
هو عبارة عن قشطة بوك + بودرة كاكاو مرة ( غير محلاه ) + سكر + بسكوت الشاهي وأنا أفضل نوع أولكر :kmj-by0000 (72):
طبعاً المكونات كلها تخلط سوى عباس على دبااااس بدون البسكوت مثل كذا

وبعدها اصب شوي منها بقاع الصينية عشان ارص البسكوت عليه ويلبد مايتحرك علي يمين ويسار :cr:

ثم أرص حبات البسكوت بالشكل هذا

الى أن اغطي كل الصينية والمكان اللي مايجي فيه حبة بسكوت اكسر البسكوت واغطي فيه :d:

ثم اصب كمية ثانية من الكاكاو مثل كذا

وأرص طبقه ثانية بسكوت وهكذا لين يخلص الخليط وبيصير عندي طبقات

وهذي أخر طبقه من الكاكاو ونحاول اننا نكثفها شوي عن الباقي عشانها الوجه الأخير :kmj-by0000 (72):

وبالأخير نرش بودرة كاكاو عالوجه او نصب شوكولاه جالكسي سائلة أو نبشر شوكولاه جالكسي عالوجه وأهم شي تكون الشوكولاه جامده ماهي سايحه :q:

وهذا شكلها النهائي بس بصراحه مفروض ماتكون سايحه مع الجوانب يعني لما نقصها تصير مثل الكيك
بس حنا من الطفاقة والعجله كل شوي فيصل يقول هاااه ما خلصت :q:
رحت قصيت له وقلت شفت ما بعد جمدت والأهم بالموضوع انها لازم تبات ليلة بالثلاااجه
يعني اسويها بالليل وثاني يوم نبلعها

وبس بالعااافية واللي يبي يقدم طلب ونرسله بأراميكس بس قيمة الشحن عليه

●●●●●●​

 

[غَيّوضْ]

للعزوبية

ايه صح نسيت اقولكم ترى حتى العزابية يقدرون يصلحونها
هذا رآكان يسويها وهو براا :q:



●●●●●●​

 

[غَيّوضْ]

سلاااطين كان بيتصفق

​

على يوم سلاااطين بيتصفق
ياهوووو سوى فيني مقلب بغيت اصفقه من كثر ما عصبت عليه :cr:
تلفون البيت الثابت هذا لو تقوم القيامة ما أرد عليه كذا ما أحب أرد على ناااس نشبة سين وجيم
وهو عاااارف هالشي مضبوط
المهم كانت اختي فيه وهو ومدري من بعد جالس معنا ونسولف ولاهيين وكذا :q:
الا قال ترى جرس الباب يدق والتلفون يرن مدري وشلون لقطت السماعه والا طلع اللي ما ابي :er:
ياليييييييل التبن وقسم بغيت اصيح وبغيت أفقع وجه سلطان عيوني يتناقز منها شرار :er:
المهم سلام ماسلام وسين وجيم وووووو يالله سكرت وانا كل وقتي اناظر بسلطان بحقد ،، طبعاً انا لما مابي اكلم أحد أو اني مانيب متقبلته :q:
تلقوني اسلك بالكلام كل شي يقولونه ارد ايه آآهاا ايه ايه وبس :hh:
لين يطفش عمره المتصل ويسكر :kmj-by0000 (72):
انا سكرت التلفون منااا وعيونكم ماتشوف النور منا لا خليت ولا بقيت عليه
قال وشفيك معصبه محد قالك ارفعي السماعه انا قلت التلفون يرن وانتي تلقفتي ورفعتي :cr:
قلت انت عااارف اني ما ارد على ثابت البيت ليش تقولي تلفوون

وبعدين اللي جا ببالي يوم تقول الباب يدق والتلفون يرن قلت اكيد هذي بنت اختي ترن جرس الباب ومحد رد عليها
وقامت ردقت تلفون فقلت بسعفها بسرعه برد أكيد هي
لعله طلع المتصل شخص غثييييييييييييييييث ياليل اللييييييييل :f:
قال طيب انا وش دخلني قلت انت السبب ليش تقولي تلفون

وكل ما جا بيقول شي اقوله اسكت بس انطم ويضحك النجس شايفني معصبه ويضحك يبخبخ

قلت هين أوريك مردوده لك ان شاء الله
وعلى هالطاري تذكرت موقف صار لي وياكثر مواقف التلفون الزفت ذااا
موقف مثل حق غمووض يوم تحسب ابراهيم خالهااا :q:
كانوا اخواني مجتمعين وباقي المضاد ماجا مدري انا قلت لكم هالسالفة أو لأ بس بقولها عشان غموض تبي تعرفها :hh:
دقيت على اخوي من الثابت رن رن شوي الا رد واحد كنه هو برده عادةً
المهم قلت هااااه وينك
" قال من انتي الحين اللي تقولين وينك كنك تعرفيني "
أنا بلمت وسويت كذا وأختي جنبي تناظر طارت عيونها من ردة فعلي
الا تسمعني اقول اووهـ اسفه غلطانه بالرقم :hh::hh::hh::hh::hh:
وأسكر وأموووت ضحك مدري وشلون داقه رقمه غلط مع اي حافظته بس لاااازم من الفشايل :cr:




●●●●●●​

 

[غَيّوضْ]

صداااع ونوم وسواليف ومدري وشووو ههههههههه

​

والله مدري وش احس فيه وانا نايمة الساعه وحده وقايمه 3
بس والله صدع رااااسي وماوعيت الا رايحه بالنوم وحسيت احد داخل علي وأناظر
الا فيصل وسلاااطين داخلين الغرفة يقولون لي ناااايمة :?:
قلت ايه مصدعه بس تعااالوا اجلسوا ماعليكم مني كان بيجلسون عالسينما اللي عندي :q:
ماتوقعوا انام هالحزة ماهيب عااادهـ
قالوااا لاااا خلااص نامي بنطلع واصلا مارديت عليهم عطيتهم ظهري ولا دريت هم قعدوا والا طلعوا

لكن ياشين الصداااااااع اللي يجي بدون سبب ولا مقدمات أووووف

انا السكايب عندي مفتوح ع طول مالي خلق كل شوي سجل دخول مفتوح وبسس وأي أحد حياه الله يقلط :q:
طبعاً توني مفتحه عيني من النوم الا كووول جاي من ركوووني :d:
رديت قووووة شخبارك ؟؟ قلت الحمدلله
قال وشووو نااايمه مب عااادهـ :u:
قلت اي والله وتوي قااايمة بس كنت مصدعه ومدري وشلون نمت وتوي افتح عيوني الا انت تتصل :i:
المهم جلس يسولف اخبار ما أخبار ووراك ما نمت ماعندك دوام بكرة قال الا بس نايم واااجد اليوم والحين مافيني نوم :d:
قلت طيب متى اجازتك منت جاي لأهلك :?:
قال مدري ما اعتقد أجي واجازتي بنص رمضان واسبوع بعد العيد والصدق مالي مزاج أجي :q:
ليش وماليش قال مدري بس شكلي تعودت على هناااااا
قلت أهاااااااا بدينا بشغلات السعوديين اللي كل من راح برااااا قال مابي ارجع وش قصتكم أنتم عسى ماااشر :cr:
قال تعالووو شوفوا العيشه هناا وتعرفون قصتنا :hh:
قلت خلاص الصيفيه الجااااية عندك ويمكن عالشتويه << برااااااا بس ويازينتس ساااااكته

الااااا صدق وش السالفة ليش كل من سافر برااا ماودهـ يرجع :?:
تصدقون جاااي على بالي اسافر وأجرب هو أنا أرجع والا اضيع جوازي براااا وانتهى الموضوع :hh::hh:




●●●●●●​

 

[غَيّوضْ]

الواقع المر

آجمل مافي | الوآقع |
أنـه ينتهي فور .. مانغفوآ عنه ..!
وَ
آقبحْ مآفيِ آلأحلآمْ
آنهآ تنتهيِ فورْ آستيقآظنآ منهآ
وَ
آلفرقْ آلوحيّدْ بينهم :u:
أنْ آلوآقعْ يبقى رغمْ مرآرتّهْ :no:
وتلكْ آلأحلآمْ تذّهبْ رغمْ حلآوتهآ :f:



●●●●●●
​

 

[غَيّوضْ]

للصمت حكآية

​

يقال أن الصمت أبلغ لغات الكلام :u:
ويقال ان الكلام من فضة والسكوت من ذهب .. قيل الكثير عن الصمت
والكثير منا يعانون من الصمت المفاجيء وقت الأزمات >> مثلي
ولكن !!
ماذا تفعل :?:
إذا كان الصمت طبعك عند الحزن والغضب والألم .. :?:
عندما يسيء اليك عزيز لديك بكلمة أو تصرف أو يتجاهلك :i:
فيلفك الصمت وتتجمد الحروف على شفتيك :f:
وتتحجر الدموع في العين :er:
ماذا تفعل :?:
إذا تجاهل هذا الشخص ألمك .. وتناسى ما فعله
وتابع حياته معك وكأن شيئا لم يكن .. والصمت طبعك والألم بداخلك يقتلك ..
ماذا تفعل :?:
إذا تجاهلك عزيز لديك والتفت الى أولويات واهتمامات أخرى
وابتعد عنك .. وأنت تركض خلفه تريد احتضانه
ويعود اليك معاتبا متهماً اياك بالبرود والابتعاد عنه :cr:
وانت بصمتك لاتستطيع ان تقول له انه المخطىء وترد على اتهاماته لك :no:
وتبقى مع ألمك الداخلي لاتستطيع حتى أن ترتشف قطرة الماء
تشعر أن كل شيء فيك قد تجمد

ماذا تفعل :?:
إذا تعلقت بإنسان وشعرت انك بوجوده معك قد ملكت العالم بيديك
واختفى من حياتك وهو يعرف انه بتصرفه سيقتلك قلقا وخوفا عليه

ويتركك تنهار وتنهار وتتحطم ... ويعود إليك معاتبا متسائلا
لماذا تغيرت :?:
وأنت تقف حائرا وتشعر أن جميع حروف الهجاء قد اختفت من ذاكرتك .. فالصمت طبعك
ماذا تفعل :?:
عندما تهرب بصمتك ممن اساء اليك لتبكي بمفردك وتبكي :er:
وعليك أن تظهر أمام الناس بانك سعيد وقوي .. مرح متفائل :d:
ماذا تفعل :?:
عندما تشعر بأن قلبك

اصبح اضعف من أن يحتمل المزيد من الألم :no:
ممن حولك .. وأنت لاتعرف أن تتكلم عند الحزن والغضب ...!
ولا تعرف أن تلوم أو تعاتب :u:
ماذا تفعل :?:
عندما تريد أن يحضنك ارق انسان واحن قلب

عليك أمك

وتبحث في اعماقك ولكن لا تجدها أين هي :er:
هل جربتم يوما شيئا كهذا :?:
هل احسستم بالم الصمت :?:
عند صمتكم بهذه الحالات لن تستطيعون الكلام ولا الشراب أو الاكل :no:
قد تستمرون لساعات أو ايام حسب الإساءة .. يتبعها ألم قاتل

فماذا تفعل :?:
موضوع أعجبني وأستشعر بحروفه دائماً ولكن لم أجد له أي إجابة

فالصمت يلازمني في أزماتي ولا أستطيع الكلام رغم أني في حقيقة الأمر كثيرة الكلاااام




●●●●●●



​

 

[غَيّوضْ]

تصبحون ع خير ^^

خلاااص الى هنا النووووم وصل حدهـ ماعاد فيه مقاومة :q:

تصبحون ع خيــــــــــر ,،~





●●●●●●

​