◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

اشتقتــ لكمـــــ .،~

​

الحب والشوق والضيقات والصـده
حطت على وجهي المقبول ماريـه
.،~
احدٍ زهاله سواد الخال فـي خـده
واحدٍ بقلبه من هموم الدهـر كيـه
.،~
يقفي به الشك صوب اللـوم ويـرده
واذا رجع مالقى الا رسـم آثاريـه
.،~
وتزيد به ضيقت العشـاق وتهـده
ويبكي على حاجةٍ ماهـي بمبكيـه
.،~
يزل.... وقول يمكن ..ماهو بـوده
غلطه ويمكن على ماقيـل عفويـه
.،~
حتى ولو قالها قاصد ومـن جـده
يشفع لحاضر غرامه زين ماضيـه
.،~
اعشقه وأشتاقلـه وهـواه و أوده
ومن الغلا نسبة المليـون فالميـه
.،~
الد عيني لاكن ماهـي بمـن لـده
هو اول الحب في عينـي وتاليـه
.،~
وغر قلبي على النسيـان وآحـده
لاشك عيا مـن النسيـان موليـه
,،~
عزي لحالٍ على فرقاه مـن حـده
وعزي لقلبٍ الا مـن حـل طاريـه
.،~
يتوق توق الوحش في كف من هده
لا طار مالد عينه صـوب راعيـه
.،~
ياشين فرقا الـذي تغليـه وتـوده
لاصار حيٍ ولا تقـدر علـى جيـه
.،~
ياجعل ربي يصبرني علـى الشـده
ليـن مايجتمـع غالـي وغالـيـه
.،~
لو طال صبري عليه وطالت المـده
ياحي شوفه قبل لا مـوت ياحيـه

.،~|




​

 

[غَيّوضْ]

إهداء .،~

إهدآء لمن يعتصر :getsmile.tmp0021333 دماً وألماً من أجلهم :er:

قريباً سنلتقي رغماً عن الجبابره ورغماً عن القلوب الجائرة
أحبكم :km-0y00001 (172):




.،~|​

 

[غَيّوضْ]

تصبحون على خير .،~|

" لا اله الا أنت سبحانك إني كنت من الظالمين "
" لا اله الا أنت سبحانك إني كنت من الظالمين "
" لا اله الا أنت سبحانك إني كنت من الظالمين "

​

:getsmile.tmp0016434


:km-0y00001 (79):


.،~|​

 

[غَيّوضْ]

مسآء السعآدهــ .،~

مسآء الخير والإحسآس والطيبة .،~
مساءِ مايليق إلا بأحبآبي .،~

.،~|​

 

[غَيّوضْ]

شبيه الريح .،~

​

رآئعه من روآئع سمو الأمير / عبدالرحمن بن مسآعد

إهدآء لكــــــــم .......

مساء الخير والاحساس والطيبه
مساء مايليق إلاّ بأحبابي
.،~
مساء غيرغصن لطير يحكي به
عن اللي مسكنة جفني واهدابي
.،~
هلا باللي أحبه كثر تعذيبه
وكثر ما هو يغيب وكثر ترح ابي
.،~
حبيبي هو ولو ما قـصر الغيبه
ولو عن بسمتي قد طول غيابي
.،~
أعرفه زين واعيتني اساليبه
عدوي يوم ويوم اقرب من اصحابي
.،~
ملكني بين ترغـــــيبة وترهيبة
يفارقني وهو واقف على بابي
.،~
به الصــادق بة الغارق باكاذيبه
يبي بعدي ودمعة بلل ثيابي
.،~
به القــسوة به الرقة به الهيبه
به الضعف القوي به نشوة اغضابي
.،~
هلا بللي يصيب العـطر بالريبه
يقول العطر انا زايل ويبـقى بي
.،~
هلا بللي يقول الورد وش لي به
من المـهدي أنا أو هو لأطيابي
.،~
هلا بللي علي يقسى وماريبه
هلا بللي ابد ما لان لعتـابي
.،~
هلا بللي عجزت القى عذاريبه
هلا بللي تحبه كل أسبابي
.،~
مساء فاق كل الشعر ترحيبه
بجية من سكن جفني وأهدابي
.،~
مساء فاض بالاحساس والطيبه
مسـاء مايليق إلاّ بأحبابي






.،~|​

 

[غَيّوضْ]

وقفة مع التقييمآت 5

من علامات تقدم سن المرأه كثرة الاكل والكلام وعدم ذكر عمرها خخخخخخخخ << مايعرف يلمح ... مبروك يالدبه على المدونة << بدري

ماشاء الله تبارك الرحمن عيني عليك باااااااااارده ايش الفراسه هذي كيف عرفت
بس ولوووو تبطون عظم مانيب قايلة :q:
الله يبارك بعمرك وننتظر مدونتك :d:

أقول لايكثر .. هههع << والله مالك غنى عن تقييماتي ^_^ .. << الفآآآغر هع

ماهوب كاثر عشان تقيمني يالفآآآآآغر يالفآآآآهي

كولي تبن بغيت اصيح احسبك بسم الله عليك الحين تسمعيني من سماعات وجاحده علي وه طاح قلبي حسبي الله عليتس يقالتس مسويه تشويق اسردي السالفه برد واحد هههههههههههههه ما تسوى علي خرعتيني

ايه ماتشوفيني كل شوي اقولك برب تطيح السماعه واركبها :q:
لاااازم اسلوب التشويق << مسويه فيها مخرج

يعني من يوم مآكنتي صغيرهـ وانتي مرعبه ،، بسم الله الرحمن الرحيم هههههههههههههههه / < >> اهوو

ايه شبح الحآره وانتظر السولااافة الجاية فيها شي عجيييييييييب :q:

التقييم الاول بالغلط وبعدين وش فيك أكلتيني بقشوري يوم قلت مابقيم خلاص خلاص بقيمك وغصبن عني وتتذكرين يوم قلتي انك تعشقين الصمت وعدوك تقتليه بصمتك قسم بالله ان الصمت بالغرب وغيوض بالشرق بس يازين هذرتك وربي سوالفك ماتنمل وخاصتاً حق البزر ههههه

عسااااااااه دووووووم تغلط ههههههههههههه
ايه وش اسوي فيكم ماتجون الا بالعين الخضراء ترى والله تركي مب ماخذ منكم حق الحبر والورق

وبعدين ياذكي انت ما فرقت بين اللحظات اللي الزم فيها صمتي وسبق اني وضحت لكم
اني الزم الصمت في حال غضبي وضيقي
بس لما اكون اسولف وفالتها الله يعينكم

جميله ^.^

أنتي الأجمل ​

​

​

يوم انك ذكر مكوشة على البنات ويوم انك انثى مكوشة على الشباب وش السر ؟؟ ترى مب حسد أبد هههههههه

المحبه من الله واترك باقي التعليق لكم :q:​

:b:
الله يبعدك عن المشافي خيتي ترا مو زينة
بعدين وش قصتكم اهل السعودية مع اللوز
ترا ولاد عمتي في السعودية كلهم شايلين اللوز واخر واحد فيهم
قبل اسبوعين جاه للاردن وشال لوزه :er: ياقلبي عمره حول العشرة

والله ياخوي مدري بس الظاهر انه من العسكريم وحط تحتها خطييييين عسكريم :hh:

​

.،~|
​

​

​

​

​

​

​

 

[غَيّوضْ]

رآئع .،~

من أروع الإهداءات اللي تصلك هي اللي تكون بدون مناسبه وسابق إنذار
يعني مفآجأهــ

إهداء وصلني واستفسرت ما المناسبة ؟؟
قالت لي مافي بين الأخوات مناسبات فقط أعجبني وحبيت أهديك اياه
ألف ألف شكر لكي أختي :


.،~|​

 

[غَيّوضْ]

الهلآل مشرفنا اليوم ^^

​

بالتوفيق لكم .،~|

 

[غَيّوضْ]

شقآوهـ و فلقة بالراس هع

سالفة قوية صارت لي
بصراحه ما أذكر كم عمري يمكن 7 أو 8 سنين مدري
لكن الموقف مانيب ناسيته لأني أنجلدت فيه

كنت شقيه ومن الشقاوة راكبه على جدار البيت وراقيه فوق مدري وش يسمونها المهم اللي تجي فوق الباب
مدري مظله والا وشسمها مالكم بطولتها

كان معي حصى واحلت من فوق الجدار ولا حولي احد فالتهاااااا

ويجي والله ولد جيرانا ويمر من قدام الباب الا برميتي للحصااااااة

وتجي براسه وأفقشه له ويشر الدم

والله كل ما أذكره اموت ضحك وأموت قهر من اللي صار لي عقب

المهم ياطويلين العمر والبقى والسلامه << اخلصي عليهم شكلهم متحمسين :q:
اللي صار أنا يوم شفت الدم يشر وعشر مايحصلوني
وأدخل البيت واندفس بزاوية كن ماصار شي :d:
شوي الا اسمع الباب يرجف وصوت وحده تلعلع
وانا قلبي يقول طربق طربق طربق كنه نادي الفروسيه

أثرهها أمه جايه تهووووووووش وتاخذ بثآر ولدها :er: وعاد معروفه بالحارة أم لسانين
الله يذكرها بالخير :cr:
جايه وعيونها تقدح شرآر اللهم ياكافي هذا وانا بس فاقشته شلون لو متاوياااه <<< يعني ذابحته بالمصري هع
تخيلت امه وهي تقول























WANTED DEAD OR ALIVE

وش تتوقعون شعوري :er:
​

BrB
وللخرعه بقيــه وأحكي لكم عاللي جرا :f:

.،~|


​

 

[غَيّوضْ]

نهاية الفلقه علقه

ترى الدعوه كلهااا فلقه صغيرة وش عاد يكبر وينسى وخير ياطير <<< ايه لو هي فيك ما قلتي خير ياطير

يعني لازم امه تتسبب لي بطق طيب تعتبرني وحده من بناتها >> ماااالت بس :er:
الزبده اني انجلدت وانسبيت يابنت الـ الـ الـ الـ ............. طووووط مشفر :q:
وتبت ماعاد أرقى فوق اللي مدري وشسمه ذا اللي فوق الباب

عاد الصدق والله مو قصدي بس هو خش عرض بالشارع الا والحصاة براسه وش اسوي له
حظه أقشر

إييييييييييه أيآآآآآم :d:








.،~|

​

​

 

[غَيّوضْ]

عوآفي ع ألبي هع

​

وهـ بس ذهب الظمأ وابتلت العروق وثبت الأجر ان شاء الله << حشى رمضان

توني أفطر واتغدى واتعشى مرة وحده هي وجبه وحده باليوم وهالوجبه عن 3 وجبات

هذا من الأطباق المفضلة جداً عندي ( دجاج وخضار بالكريمة ) :y:

والمشروب المفضل دآيت كوك في البيت طبعاً مش براااا ،، اللي برااا غيييييييييير :y:
مدري ليه الدآيت مع هالوجبه الدسمه

المفروض أكملها واشربها عاااااادي بس ماااش احس اني تعودت عليه
لو آكل مفطح لازم دآيت

<< نفسيييييييه

تآبعوني فيه كم سولافة بعد شوي بقولهم لكم << فضااااايح :q:

.،~|



​

 

[غَيّوضْ]

عالطآري ....

على طآري رمضآن تذكرت شي وأنا أهوجس تو
والله ذكريآآآآآآآآت حلووووه ياريتها ترجع

أذكر كنا برمضان وحنا مبزرة يعني تو أهلنا يعودونا عالصيام

يقومونا للسحور أهلي ونقوم ماشاء الله علينا الله لا يضرنا نتسحر وندب هالكرشة ونروح لفرشنا

بس ينامون أهلي نقوم أنا وأخوي حنا حول بعض يعني بيننا سنتين :d:
وكانو عندنا بيت عمي نايمين ....
نروح نقوم ولد عمي بشويش نوشوشه لحد يسمع يالله امش نروح للمطبخ عالساعة 7 الصبح كذا ونسوي ذاك البيض ونجيب حلاوة طحينية
مع شاهي وركض عالسطح

​

وهاتك يادبغ اللي يشوفنا يقول ما كنهم توهم متسحرين <<<< نعنبوو ذا البطون اللي علينا

ونخلص ونقفض كل شي ما كننا سوينا أي شي ونرجع لفرشنا وننام :getsmile.tmp0014290
ما ندري الا هم يقومونا الصلاة الصلاة ونقوم وجيهنا شهبه وشفايفنا ناشفه يعنني صايمين :getsmile.tmp0015153
الله لا يعاقبنا بس

.،~|

​

​

 

[غَيّوضْ]

شخصية مجهووووله .،~

الله يا أنا عندي واحد نجسسسسس

بيكون الشخصية المجهوووولة ببعض سواليفي يعني رح يكون باليوميات اذا كتبتها :d:
بعدين رح أفصح عنهاااا :q:









.،~|​

 

[غَيّوضْ]

BrB .....

​

BrB

طوييييييييييييييييييييل :d:





.،~|​

 

[غَيّوضْ]

النتيجه حتى الآن ...

Back

الهلال 1

القادسيه 0

:d:​

 

[غَيّوضْ]

مبرووووووووك .،~

مبرووووووووووووك الفوز للزعيم ويستاهلون كل خير :d:

.،~|​

 

[غَيّوضْ]

وقفة مع التقييمآت 6

ههههههههه والله أدخل أغير جو ^_^ واصلي إبداعك

طيب كويس زين اللي رضيت علينا :q:
عموماً حياااك الله بأي وقت بيتك ومطرحك :bleh:

مدونه قمة الروعه حين ما امل من الفرفره في المنتدى اجي الى مدونتك عشان اضحك و افرج على نفسي منتظر جديدك

الأرووووع تواجدك أخوي وابد متى مامليت تعال وسع صدرك
<<<< مسويتلكم هوم فانييست فيديوو :hh:

اهنيكي على مدونتكي وحبيت اقيمكي < شرايك وانا اتميلح خخخخخخخخخخخخخ < والله من البربسه

يوووووه تقوطر ملح الله لا يضرك

ههههههههههههه غيوضووه احسن هالحين بجيني نووم هههههههههه بما انك انجلدتي <

ايه انجلدت هذا اللي بيطيب خاطرك

>> اللي يسمعه ما تصفق أبد والله احسك كل يوم تتصفق وتنجلد :q:

خخخخ الظاهر بدا التحطيم ياخي انتي خليكي من العنوان وبس ،، لاتتحمسين مافيه اصلا احساس ههههههههههههههههههههههههه ههههههههههههههههههههههههه هههه

مو العنوان هو البوابة للدخول الى عالمك الخاص هع

نقول غيووض منين جابت هالجراة تراكي كنت شقية وانت صغيرة ونحن ماندري // ههههه/ ****** //حياك الله انت ومدونتك جنااان

يآعيب آلعيب حركآت الـ يعنـنــي في المنتدى وآنآ آخر من يعلم , بس حلوو ركن المدونات عم يؤطر عسسل آند يور بلوق إز فيري نآيس - من أرض الحدث - فيصل ولد شعاع ^_*

هلا والله بفصولي ويييييين جاي متأخر :q:
أرجع ورى وأبدأ من البداية واقرا حرف حرف

وبإنتظار مدونتك :d:

هههههههههه ياحليلس انتي وسوالفك يالعجوز خخخخ قسم اني استانس عليك اقول تصدقين برمضان يوم ذكرتي رمضان ههههه امي الله يحفظها عندها سياسه بعد السحور مايبقا شي بالمطبخ وابلش عاد تصوم غصب عنك خخخخخخ ودك انها متبعه معكم وبالنسبه للدجاج بالكريمه يتبع

هههههههههههههه اهم شي انك تستانس والا وشوله فاتحينها عشان نضيق صدور خلق الله
هو طبعاً لازم بيكون فيه لحظات نكد ما تخلى يعني

وبالنسبه للدجاج اللي حاطته الله مير يديم النعمه يجيب المغص ماشاء الله عليكي بطن لا اله الا الله / غيوض نفسي اسئل سؤال خخخخ كم وزنك / لاتقولين 50 عشان مااتحطم

مب شغلك أنا حرهـ بأكلي اجل تبيني اكل رزززززززززززز كل يوم مثلكم لين يجيني سكر :q:
وبعدين ترى هذي وجبه وحده باليوم وحاسديني عليهاااا :cr:
ومالك شغل بوزني خلك بحالك يالعصل

<< تضيع السالفة

الله دووبه يازين الدجاج هالحين تاكلين هالدجاج الي بوه سعرات بالهبل وتشربين دايت ماااعين داايت ابي اعرف يعني هي ترضيه ضمير هاااه <<تراني توتو خخخخخ تراني احبتس ما يحتاج اقولتس امزح يا عنزتووون هع هع هع

اناااااااااا لله ليتني ماحطيت لهم أكلي عز الله العين جاتك مدبله على مصاريني :er:​

ياربييييييييه وش هالنشبة :cr:
ترى لالالا مب اكلي هذا امزززززززززح معكم وانصب هذا جايبينه الجيران :q:
وبعدين بالنسبة للدايت يقول المثل مووووووت وخراب ديااار بعد
يعني مايكفي هالوجبه تبين اكملها ببيسي عاااااادي

..:: واصـلي يا عمدة ::.. أول مدونة اقيمهـا

منوور يا باشا :q:
تسلم وهـ بس احرجتني << برااااااااا

ههههه// عن جد كنا صغار نتصرف هيك برمضان// عوافي خيتوو // ننتظر المزيد من يومياتك المجهولة// ههه / *******

هههههههههههههه يعني اشوى مو بس حنا :q:
​

​

​

 

[غَيّوضْ]

فآصلـــ مع محششين ههههههههه

محششين عندهم اختبار صح وخطأ
واتفقوا انهم يحلون على رمية هلل بالقرعه
اذا طلع سيفين ونخله يكتب صح واذا طلع كتابة يكتب خطأ
طلعوا من الإمتحان وبقى واحد منهم وكل شوي يرمي هلل فوق ويغير اجابته
ويوم خلص وطلع سألوه وش تسوي قال كنت ( أراجع )

محشش راح للقصيم وأول ما وصل لقى لوحة مكتوب عليها القصيم ( تبتهج )
قال الله يغربلها وين تبي تهج

محشش وخويه بلبنان شافوا واحد قسيس يمشي ويعرج
سألوه وشفيك قال امس طحت بالبانيو !
المحشش سأل خويه قاله وشو البانيووو ؟؟
قال وش دراني شايفني مسيحي

محشش شاف وحده قزمه قال ياحظهاااا
قال خويه ليش ؟؟
قال تحك رجلها وهي واقفه

محشش داس ضفدع
ومن قوة الدعسه طلعت عيونه
قال المحشش يحليله شكله تفاجأ

اذا مافيها احراج ابغى 2000 ريال وارجعهم لك بكره
>>> محشش يكلم الصراف

.،~|​

 

[غَيّوضْ]

لووووووووول .،

هذي قطوة بعض نااااس اعرفهم

.،~|​

 

[غَيّوضْ]

شطحهـــ .،~

لاتشتكي للناس لا ضاق صدرك ،،
الناس ماتملك مسره ولا يأس
الناس مثلك حالهم مثل حالك ،،
والكل من مر الليالي شرب كأس
ولاتحسب إنك بالتعاسه لحالك ،،
إعرف ترى عايش معك بالشقا ناس

.،~|



​

​