◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

مسآء الورد ^^

​

مسائكم الـــ

:d:

.،~|



​

 

[غَيّوضْ]

عودة المضآد هع

​

عودهـ
اممممم طبعاً لي فترة ماسولفت عليكم عدل >>> كل هذا ولا سولفتي وشلون لو سولفتي عدل

المهم انا طبعاً كنت متعمدهـ عشان اللي عليهم اختبارات وعقبها تعبت كم يوم فما قدرت اسولف بالمرة
وجت من حظهم اللي يختبرون

طبعاً الفترة اللي فاتت ما كنت اسولف عن المضاد لأنه كان مسافر ومروقنا هالكم يوم اللي طااافت
المهم جا وجايب لنا معه قهوة تركيه يقول انها من أفخم محل بالأردن ومن أجود انواع القهوه عندهم :y:
وعاد تخبرونه لااااازم يهول ويبدع عشان يعنني جايبلكم :q:
وهو مب عشانا عشانه هو اذا جا لمنا اسويها له :cr:
يقول المحل لا وقفت تبي تشتري سرى مثل اللي موقفين سرى يشترون خبز والا تميس
وهذي القهوه اللي جابها انا تعمدت احطها عشان اشوف اخواننا بالأردن وش يقولون ليكون يبكش علينا بس

انا الصدق صدقته من الثقة الزايده عند المحل شوفوا وش كاتب عالقرطاسه حقته
المهم يقول الكيلو تقريباً بـ 70 ريال
والله النصبه عندنا هنا احسن قهوه ناخذها من الرفاعي والا سعد الدين حدهااا 48 ريال :d:
وبعدين تعالوا يا اخواننا واشقائنا بالأردن وراكم تسذا غاااليين هاااااااااااه :i:
ناويتن اسير عليكم بس عفتكم عقب القهوهـ

اذا ذا اولها ينعاف تاليها :q:
ماعلينا نكمل يوم جا امس الساعه عشر الا ربع الا الشغالة تطق الباب علي
قلت يس وش تبيييييين مدري وشلون راكبين على بعض الكلمتين بس يالله اهم شي هي فاهمتلي

قالت ( سير ول كوم نااااو ) يوم قلت انااا هاااااااااااااااااه :cr:
قلت اوكي اوكي آم كومنق << أروح ملح وطحين عالإنقلش اتحداكم تحتسون مثلي انقليزي معرب

وانا اللي تسني بدت تغورق عنوني :er: << نصااااابة :q:
الشكوى لله جاب لنا مسمار جحا وحطه لنا والحين الله يعين كل وين وهو داق بجيكم كله عشان القهوهـ :er:
بس تدرون افضل حل اسويه :i: اني كل يوم اسوي لي قهوهـ لين تخلص ولا جا اقوله بححححححححح :d: ذكيه صح :kmj-by0000 (72):
واقوم مجبراً أختكم لا بطله
واسوي القهوهـ واجيبها له قلت سم :cr:
قال سم الله عدوتس ووجع ليش كذا عااد :q:
قلت ابد انت الحين وش تبي جااااي عشان تتقهوى ياخوي خذا القهوه وتقهوى بها ببيتكم :hh::hh:
قااااااال لالالا عندكم أحلى وشوي اناظر الا جايبن معه لوح وش كبره شوكولاته بيضاء
وجالسن يلقم منها مع القهوهـ قلت بعد ولا تمد يدك قال انتي نجسه مانيب معطيك :hh:
قلت هي اصلا مافيها مشاور فيها نتل من يدك وبس ماينفع بك الا كذا :q:






.،~|​

 

[غَيّوضْ]

وقفه مع التقييمات 28

شو هذا سلاطينووو شكلوا مو بسمك ههه الله يسعد ايامك

حووووت مثلاً أو دولفين :q::q:

غيوض = كائن يجيب الغيرة والغبطة خخخخخخخخخخخخ

ايوااااااااااا هذا نموذج حي ومباشر من الناس الغيوووووورة :hh:​

​

​

بس ياليت كل الناس تغار مثل غيرتك :d:

مدونتك شي بصراحة ،، بس ماانتي سعودية لان من مواصفات السعودية الحش الدائم < ههههههههه

الأشيش مرووووورك :q:​

​

​

بس هييييييييييييييييييي حدك عااااد لا تجيب طاري السعوديات لا اتوطى في رمتك ايييييه :hh:
وأصلاً طبع الحريم كلهم كذا حشاشات مب بس السعوديات مايرتاحون اذا ما قطعوا ببعض :q:
بس ترى انا ماهوووب منهم حتى شوف

سمكة تخوف - الشهية راحت لانها هي الي تريد اكلنا - الكبيرة هههههه

هي للشوف بس مب لفتح الشهيه

​

​

​

مير هذي الله يرحمها من العام طابختها وماكلينهاااا هع

مانعرف غيوض حقت سوالف مهايط >>> قالت من صيد اخوي ههههههههههههه

يالييييييييييييييييييييل ياخوي انت احد مسلطك علي :hh:​

​

​

مدري اقص تذكرة واجي اصفقك وارجع :q:
وبعدين وش دخل مريرك انت خلني اهااااايط على كيفي وانت فك لك مدونة وهايط مثل ماتبي
بس هااااااااااه ترى المهايطيه يعرفون حق بعض زين يعني لا تفكر تهايط على مخي ترى مكشووووف :kmj-by0000 (72):

تدرين توني اشوف هالمشاركة اتوقع اسمك منى ^^

وش تفرق معك منى والا سما والا مها هههههههههههههه
أهووو إسم والسلااااااام :q:

ههههههههههههههههههههههههه ههههههههههههههههههههههههه هههه الله يرج ابليسك ياكائن لطيف <~ اشك هههههههههه

وأنا أشك أشك أشك اك تمتلك نافوخ أصلي شكل اللي عندك تقليد تايوان يعني :hh:

حمدا لله على سلامتك اختي

يسلمك ربي من كل شر

دوم الضحكه يارب ،،مرحبآ سعيد ممكن نتعرف ،، ههههههه

ايه ايه سعيد من البااااحه

يا الله وش هذا القهوة ب 48 احنا في الجزائر نحو 16 ريال او اقل

اللي تشوف الشكوى لله :d:

وأحلى عسكرييييييييييييييييم لعيونكم

مدري فيه أحد يخبره والا لأ

​

 

[غَيّوضْ]

باسكن روبنز ^^

​

على طاري العسكريم والله ما خليته بخاطري

ارسلت لأختي مسج قلت خاطري باسكن روبنز
قالت اعوذ بالله منك يا شوشو << يعني الشيطان :q:
قالت يالله قبيناااا << يعني مشينا :hh:
قلت يالله كلمي السواق على ما أجهز والله ويجي ونفقع للباسكن وبدل السكوب الواحد قلت له سكوبين
عشان اطلع كل الحرهـ اللي فيني << يعني افهمومهااا كنت محتره منقهرررررررره :cr:
على فكرة من الصيف اللي فات توني اكله :d:

وهذا جبته لكم قلت للهندي معليش اصور قال ايه 5 ريال ينكت مع وجهه بعد :hh::hh::hh:

:y::y:
.،~|​

 

[غَيّوضْ]

ههههههههههههههههه

​

قريباً في البيوت :q:

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

.،~|​

 

[غَيّوضْ]

قد أعذر من أنذر هع

​

وبما أن هذا ما سيحصل في البيوت قريباً

إذاً لازم تجهزون العدهـ والعتآد لتفادي هذا الأمر

يعني قبل ما تطلع نتايجكم وفشايلكم عليكم تتبعون النصايح حنا ننصح والباقي عليكم واللي مايستنصح بسلاااامته يتحمل القريباَ :hh::hh::hh:
أولاً : خذ لك لفه عالبيت واي شي اسمه خيزرانه كسرها وصله وصله لين يغدون مساويك

ثانياً : دور عالكبتات اللي في البيت كلها حقت اخوانك وأي عقال تلقاه ضفه
واطلع به لأقرب ورشه وتبرع فيهم وقولهم كفرات من نوع جديد جربوهم

ثالثاً : جب لك كيس زبالة اسود كبير واجمع به كل الحذيان صغيرة وكبيرة واهم شي
الزنوبات وةالزبيريات لا يطوفون عن بالك تراهم ساس البلى :cr:
وأخفي الكيس عن الأنظار حتى تتعدى مرحلة الخطر

رابعاً : أي أداهـ تحس وجودها خطر على حياتك وماهوب بصالحك وجودها بالبيت ضف وانت ماشي
يعني حزام بنطلون ، سلك شاحن لابتوب ، يد النجر ، مضراب هريس ، ملاعق خشب اي شي من هالقبيل
ترى كله مفيد للي بيتولى المهمه

وأخيراً قدر قدر قدر الإمكان البس من هالسراويل وهذا وقتهن الحين

وفوقهن كم بدلة رياضه غديهن يردون عنك شوي

الصدز الصدز رحمتكم :er:

.،~|​

 

[غَيّوضْ]

تصبحون ع خير ^^

​

تصبحون ع خير .،~
عندي مشوآر ضروري بكرة ولازم أقوم بدري :cr:​

​

​

​

.،~|

​

​

​

​

​

 

[غَيّوضْ]

*:*

قووووة

>> هذا سلاااام واحد مصدع وشاينتن أخلاقه
اصبروا بشرب قهوهـ يمكن يمكن أرووووق وأجيكم :cr:​

.،~|​

 

[غَيّوضْ]

يوميآت الشاآيب ههههههههه

ياحبي له ذا الشآيب عليه سوآلف :q:
طبعاً حنا ما عندنا سوآق خاص للبيت وأي شي نحتآجه أغراض للبيت كله عن طريق التلفون
إتصل ونصل

يعني خضره وفاكهه وسوبرماركت أي شي نكلم يوصل للبيت :d:
المهم أبوي كل مره يكلم حق الأرزآق اللي يجيب منه رز وزيت ووووووووو إلخ
والرجال مصري صعيدي اسمه إبراهيم :q:
وكل ما كلمه يجلس ينكت معه شوي وبعدين يطلب وكل طلب يطلبه مثلاً بكم كيس الرز يقوله بكذا
أبوي يقول بعد رفعتوا سعرهـ " حسبي الله ونعم الوكيل "
المصري ينهبل منه يقوله انت بتتحسبن عليا ليييييييييه

يقوله أبوي أنا اقول حسبي الله ونعم الوكيل ما قلت حسبي الله عليك أنت

المصري يقوله طآب عآيز إيه تآني ويجلس يسرد له أبوي وكل ما قآله سعر شي قاله ابوي حسبي الله ونعم الوكيل

هبل فيه وطلع ريحته :q:
المهم جا اليوم وقال لأختي كلمي ابرآهيم خليه يجيب لنا أغراض شوفي هذي الورقه :d:
قالت طيب وتتصل عليه قالت له نبي كرتون زيت قآل إيه تآني
قآلت له بكم كرتون الزيت :?:
قالها انتي حتعملي زي أبوكييييييي

يوم ماتت ضحك هي قالت له ايه هو يقول لازم تسألينه بكم

وقسم بالله متنا ضحك عليه تعقد مننا المصري :q:






:d:
.،~|​

 

[غَيّوضْ]

مجاملااااااااات كذااابه !!

مدري ليش أنا صريحه بزيآدهـ عن اللزوم :u:
ولا أحب بالفعل المجاملات ودايم أقطها كااااااااش بالخشه وأحياناً اقطها فرآطه << يعني العن من الكاش اعميها عالأخر

يا نااااس والله ما أحب المجاملات ولا أطيقها لسبب واحد
اللي هو لو كان فيني عيييييييييب هالعيب هذا رح يظل ملازمني الى يوم الدين ولا يمكن أغيره
ليش :?: لأن محد قطها بوجهي وقالي ترى كذا وكذا وحاولي تصلحين من هالشي !
ما انكر ان سبق واجهت انتقادات لأشياء معينه فيني
وما أخفيكم شي أقدر أعدله وشي والله مقدر مدري ليش :i:
لكن هذي فطرتي ربي خلقني كذا لكن أحااااول قدر الإمكان التعديل :u:
والمجاملات غالباً تضر ما تنفع وأنا معكم ان الواحد لازم يجامل أحياناً على الأقل مؤقت لين نحصل وقت مناسب نقدر نعلم هالشخص بخطأهـ وبنفس الوقت مانجرحهه بوقتهاا مو زين
في حقيقة الأمر المجاملات دارجه عندنا هالأيام بالفعل يعني واحد تشوفه من راسه لسآسه كله عيوب
والعالم تصفق له وتلمع له وترفع فيه
طيب ليش غلط والله غلط وهالشي بيضر هالإنسان وللعلم اللي يجاملك داااااااااايم بوجهة نظري هذا شخص ما يحب لك الخير :no:
ليش :?: لأنه خلاك تعوم بأغلاطك وما نصحك ووجهك للطريق الصحيح أو الشي فيه صالح لك !
بعطيكم مثال على صرآحتي ودليل على اني ما أحب أجامل وأكيد في بعض الأحيان بعض الناس تستاء من صراحتي الزايده :er:
بس وربي مو القصد الإنتقاد فحسب لأأأأأ

بالعكس أحب أوجه حتى يكون الشخص على قولهم بيرفكت أو حتى قريب نوعاً ما من البيرفكت :d:
كمثال من فترة طُرح علينا بالإشراف فكرة عمل واجهه " لمجموعة زيزوووم البريديه "
لإستخدامها كخلفية للمواضيع بالرسائل k:
وعجبتني الفكرة وقلت حلووو يالله قواكم الله لكن انا وحده والله ما اعرف اصمم
لكن ممكن انتم تصممون وأنا مثلاً اعطيكم رأيي اذا مناسب ويواجه وقد المقام الزيزووومي أو لأ :q:
وبالفعل انطرح كم تصميم وطبعاً غيوض ما تحب تجامل :hh::hh::hh:
بكل صرآحه عطيتهم رأيي هذا زين وهذا ما ينفع وهذا كنه سلة حلاو وووووو

وهالشي طبعاً مايخليهم يحبطون بالعكس بيخليهم يصرون على انهم يقدمون الأفضل :d:
وبالفعل من هنا ومن هناك ومن هنا وهناااااك لين توصلنا بالأخير الى تصميم منااااسب وحلووو :d:
الهدف من هالهذره كلهااا ليش المجاملات الكذااابة واللي مالها دااااعي والترفيع حق بعض بدون استحقاق لهالشي :?:
مدري انتم معي والا مو معي بهالنقطه
بصراحه وبكل صراااااااااحه هالموضوع بالذات انطلب مني طرحه هناااا :d:
ولبيت الدعوه

>>> بشر عسى هذا المطلوب :kmj-by0000 (72):






.،~|​

 

[غَيّوضْ]

Brb

​

BrB
بروح بيت المضآد أغثه قبل هو يجي يغثنااا

:kmj-by0000 (72):
.،~|





​

 

[غَيّوضْ]

تصبحون ع خير ^^

ع فكرة تراي جيت من زمااااااااااااااان
بس والله مصدعه :f: مافيني شدهـ اسولف ان شاء الله بكرة بسولف عليكم أحداث اليوم :d:
تصبحون ع خير وسعآدهـ وأنا بعد
أدعووووووو لي تراني في حيرة من أمري
ياشين الواحد لا أحتار بين كم أمر ولا يدري وش يختار
لكن ما اقول " اللهم خيرني وأختر لي مافيه الخير والصلاااااح "
قوولوا آمييييييييييييييين :d:

.،~|​

 

[غَيّوضْ]

مسائكم إبتسآمهــ

​

يالله انك تصبحهم وتمسيهم بالخير والرضا والعااافية طول ما الدجاجة حافية :q:
أسعد الله لي أوقاتكم بكل خير كيف اصبحتم وأمسيتم :?:
تفضلوا حبة وحدهـ بس كل يوم عالريق مع كاس عصير :kmj-by0000 (72):

تخليكم اليوم كله وأنتم كذا :d:






.،~|

​

 

[غَيّوضْ]

إجتياز الألفية الحآديــهـ عشر .،~

ألف ألف شكر لكل من شاركني مدونتي لحظه بلحظة :kmj-by0000 (72):
وألف شكر لكل من كان نايم أيضاً بمدونتي وبدون أي تعليق :q:
أهم شي كان متواجد :d:

نتلقى إستفساراتكم وانتقاداتكم وتعليقاتكم عالعنوان التالي

يجب عليك تسجيل الدخول او تسجيل لمشاهدة الرابط المخفي

.،~|​

 

[غَيّوضْ]

BaCk ...

بااااااك :q:
>> هو انتي قلتي برب اصلاً طلعتي لا أحم ولا دستور
<<< وش اسوي الشكوى لله طب علي القضى المستعجل المضآد :hh:
واستلمنا الييييين المغرب :cr:
وعقبهاااا ما صدقت انه طلع عشان نطلع ندشر

لي عودهـ بالتفاصيل بس بآخذ فرهـ وأجيكم :kmj-by0000 (72):
.،~|​

 

[غَيّوضْ]

نشبه والله هالمضآد هههههههههههه

​

ايواااا وش كنت أقول :q:
المهم اليوم العصر ما طقت الساعه اربع وشوي الا المضآد طابن علينا هو وولدهـ
ناظرته اختي وقالت انااااااا لله واناااا اليه راجعون وش هالحالة

قالت امس بالليل كنا عندك يعني ما كملنا 24 ساعه ماشفناااك
ماااااات ضحك

قال أنا جاي ببر بأبوي انطمي وكلي هوى :hh:
قلنا طيب مادام جاي تبر ابوك كويسسسسسسس يالله يختي قومي نطلع مشوارنا ومير يلتفت علينا
انطقوااا ووجع ياتس............ ب

قالت هاااااااااه توك تقول جاي تبر بأبوي :y:
امس يوم كنا عندهم يقول لحرمته يافلاااانه سويلنا فنجالين قهوه تركي
مير انا واختي نناظر ببعض وتطير عيوننا
نقوله انت ما تستحي مطققنا مشوار من الخبر للدمام تعالوا وتعالوا وأخرتها تبي تتقهوى انت وحرمتك وحنا نناااااااظر

قالت اختي يالله يختي قومي نروح بس شكلنا جاااايين غلط
قلت نعممممممممم نروح مين والناس ناااايمين والله اللي ماتعديت قبل اشرب القهوووه

ضاربه مشوار عشان يتقهوى هو والسفيره حقته وازعق على حرمته يافلاااااااانه الله لا يهينك خليهم اربعه

صدق لا قالوا اللي اختشوا ماتوووووووووو

يوم جا اليوم عاااد قلت بتقاضى منه والتفت على اختي هااااااه يختي تبين اسوي قهوه نتقهوى انا وياااااااااك :y:
وحدهـ بوحده يوم فطس ضحك ذكر وش هو مسوي أمس :hh::hh:






لي عودهـ بتفاصيل الدشرهـ اليوم :d:
.،~|​

 

[غَيّوضْ]

olio مرة ثانية ههههههههههههه

​

المهم بعد المغرب كنا مواعدين وحده صديقه لنا من زماااااان عنها :d:
قالت اختي بمر اصلي عندكم ونطلع سوى قلنا اوكي :u:
وطلعنااااا وحنا بالطريق الا يتصلون عليهااا من المدرسه يبون اختام وشغلات مدري وشووو
ضروري تجيبينها الآن !! قالت طيب
المهم قالت ترى ما نقدر نطول بس تجي ريم نجلس ابو نص ساعه ونمشي قلنا طيب طبعا من ورى القلب
مانبي نرجع وحنا تونا طالعين ما امدانا :q:
المهم وصلنا المطعم ماغيره اللي طحنا فيه شكلنا نبي نجرب كل شي عندهم وعقب نحول على غيره :hh:
جلسنا نحتري الحرمه كلمتها اختي قالت بسرعه ترى كذا وكذا برجع اودي الأختام اللي يبونها
قلنا لها ليش ما تروحين الحين وتخلين ريم تجي عقب العشاء ونجلس عدل وحنا نحتريكم هنا
قد حجزنا طاولة وهذا احنا جالسين :i:
قالت والله فكرة خلاااص بكلمها وانا بطلع الحين بروح اخلص شغلي وأجي قلنا اوكي :d:
طلعت وتمينا انا واختي الثانية وبنت اختي بالمطعم جلسنا نسولف ومدري وشووو الا الساعه 7
ونناظر ببعض قلنا الحين نبي نجلس لين يجون ما طلبنا شي :cr:
قلت يالله نطلب بينا كولادا اول شي نبرد

وطلبنا 3 وجلسنا نقحن فيهم ثواني الا هو مخلص << حشى شفاطات مو أوادم

خلصت انا واختي عصيرنا وبنت اختي أبرد منها مافي شفطه وتجلس عقبها عشر دقايق تسولف عالبي بي وترجع تشفط ثانية حرت اتسبدناااا :q:
ونناظر ببعض انا واختي ونتغامز عشان ناخذ الكاس منها يوم انتبهت لنا قامت خذت الكاس وحطته بالأرض جنبها

يوم فقعنا ضحك واللي جنبنا كم حرمه يناظرون وش فيهم ذولي فجأه ضحكووا

قلت خلاص انطموا حسبي الله على ابليسكم فضحتوناااا :cr:
المهم شوي قلنا شلون يعني نبي نجلس للساعه تسع نحتريهم ما اكلنا شي
قالت اختي وش رايكم ناخذ شي خفيف على مايجون واذا جوا كننا ما اكلنا شي ونكمل معهم العشا

قلنا فكرة والله طيب وش ناخذ :?:
ونفرفر بالمينيووو لين طحنا على بيتزا شكلها يشهي << هذا الشي الخفيف الحين
وناديناه وطلبنا وحده كبيرة :d:
بس وشوووووو طلعت شي خطيييييييييييير البيتزا لا تفوتكم روحوا اطلبوها :q:





ماخلصت باقي :kmj-by0000 (72):
.،~|​

 

[غَيّوضْ]

العشااا

​

المهم جت البيتزا وحنا ناكل ماااش حسينا نبي شي كذا يدفها :cr:
قلت وشرايكم ناخذ بينا كولادا بس واحد نتشارك فيه :y:
لأنه ثقيييييل مستحيل كل وحده تشرب اكثر من واحد وشوي فوقه

قالوا يالله ونطلب وماتشوفون الا الكاس اخذ دوره حياة كاملة مني لأختي لبنت أختي :q:
المهم شطبنا كل شي ونادينا القرسون قلنا ضف ونظف الطاولة وأخفي آثار البلع قبل يجون

شوي الا تكلم الحرمه جت تقول وينكم قالت اختي اصبري بطلع لك الحين والله وطلعت جابتها وهم 3 اشخاص الحرمه واختها وبنتهااا :d:
اختي طبعاً مابعد وصلت قلنا للقرسون جيب بارتشن عشان ناخذ راحتنا أكثر :y:
جاب اول واحد وسد من اليمين قالت الحرمه لا جيب بعد واحد من هنا قال طيب

جابه وصار مثل السور ابد حق المزرعه وصار بالجهه الباقية جزء كذا مفتوح ماااش الحرمه ما ارتاحت عاد هي ملتزمة مررررررره :q:
قلنا نجيب واحد بعد :?:
قالت عاادي مو مشكلة انا متغطيه قلنا وشلون بتاكلين :cr:
ناديناه قلنا جيب بعد واحد ويوم جا صندق لنا المكان أبد تقل صندقه من جد عااااد التسلب الفلبيني يتطنز
يقول ون مور مدااااااام

قالت اختي الحين لأ بس يمكن عقب شوي نناديك تجيب واحد

قالت البنت لأمهااا وش رايك نخليه يجيب واحد بعد يسقف لنا المكان

المهم جلسنا سواليف سواليف سواليف لين جوا باقي خواتي ثنتين وصرنا كلنا 8 اشخاص
قالت اختي الكبيرة الكااااش اللي دايم تدفع :q:
يالله و شتبون قلنا عاااادي حنا اي شي مسويين يعنني برستيج ومو فارقه معنا ماتدري ان حنا بالعين

قلنا شوفي ريم والبنات وش يبون :u:
المهم طلبوا بيتزا نوعين وباستا ومدري وشووو شي ثالث وحنا طلبنا باستا بعد على اساس ما اكلنا شي يعني :d:
المهم كلنا وشطبنا كل شي وطبعاً ما طلعت الحرمه الا ماخذه موعد مننا نجيها يوم مااااا
طلعت هي واللي معها وحنا كملنا بالسوق من محل لمحل ومن محل لمحل وحنا نمشي الا شفت وحده من صديقاتنا كان الوقت يجي 10 وزووود
قلت لأختي شوفي فلااانه والبنات جالسين بالكوفي قالت وشووو ويييييين :q:
واوريها ونروح ركض لمهاااا من زمااااان بعد ما شفناها
عاد هذي فيه بيننا وبينها هي واختها دوريه كل فترة يوم ثلاثاء نجتمع عند وحده وبساط أحمدي جداااااااااااً يعني مافي تكاليف :d:
ونروح لها ونسلم عليها وتنبسط انها شافتنا قالت اجلسوا اجلسوا اختي فيه الحين بتجي
والله ونكمل الجلسه بكوفي ثاني :hh::hh::hh:
اليوم من اوله دشررررره الى الساعه 11 وشوي والمحل يبي يسكر مير سكر نص الباب حقه وحنا قاعدين
قلت ايه مايخالف خلوه يسكره يسوي لنا بارتشن مثل ذاك

المهم خلاص عاد قال نبي نسكر سوري يعني قوموا ضفوا وجيهكم :q:
قمنا ولا طلعنا الا صديقتنا تقول وش عندكم بكرة قلنا ابد فريييييييييييييييي عالآخر ماكوووو شي
قالت اجل تعالوا المغرب قلنا تم تم :d:
وعقب كلن تسهل على بيته وانتهت الدشرة :bleh:




.،~|

​

 

[غَيّوضْ]

تصبحون ع خير ^^

​

"لا اله الا انت سبحآنك إني كنت من الظالمين "
"لا اله الا انت سبحآنك إني كنت من الظالمين "
"لا اله الا انت سبحآنك إني كنت من الظالمين "

« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »

" اللهم انصرني وآسرني على من ظلمني عآجل منك غير آجل "







تصبحون ع خير

.،~|
​

 

[غَيّوضْ]

مسآئــــــــــكم أناااا ^^

ومازآل فنجال ابن عجلان يرز نفسه كل يوم بهالساعه :d:
بس للأسف هالتمر ماااااش مايجيب الراس
<< ما تحبه
حيآكم الجود من المآجود :q:

أسعد الله أوقآتكم بكل خير





.،~|​