مشكلة في شحن لاب توب ماركة توشيبا

[العابرة]

السلام عليكم ورحمة الله وبركاته

جهازي توشيبا موديله ستلايت جديد ماله الا حول سنة ونص

والمشكلة يستهلك شحن بالهبل ومن كام شهر صاير يشحن ساعتين :i:

ويفضي بأقل من ساعة زمان وش القصة مادري

هل المشكلة الشاحن مايوصل عدل او البطارية خربت مادري :f:

محتارة لانه مواصفاته جدا عالية الحمدلله بس انصدمت باستهلاكه لشحن !!!!

ابيكم تنصحوني وش اسوي ؟

 

[kaerm]

اول شي اعمل مثلي اشحن اليطاريه يومين من دون استخدام واصبر بعدين اشيل الشاحن وا افك البطاريه من الجهاز لا تقصد تفك البطاريه لا تفكه من الحاسوب وطول ما انت في البيت خليه من دون بطاريه وعاني من مشاكل احد يمشي يفصل الشاحن :cr:

 

[العابرة]

صعبة طريقتك اخي واشكرك

انا ابي احد يفديني وش المشكلة هل هي من المصنع اساساً او سؤ استخدام انا مادري

يعني ابي اعرف هل المشكلة هذي موجودة في الماركة اساساً

وهل اغيرالشاحن او البطارية ؟؟

 

[الوفاء طبعي]

هلا بك اختي

البطارية لها عمر افتراضي وساعات تشغيل محدده اذا كنتي استهلكتيها او استخدمتي البطارية بطريقة خطا يمكن تتلف البطارية وهذا اللي اتوقعه وفي بعض الاحيان يكون الشاحن فيه خلل ويخرب البطارية بعد

انصحك تزوري فني وهو راح يعطيك الحل باذن الله ولاتستعجلي زوري اكثر من شخص مو من اول محل تسوين اللي يقول

وبالتوفيق اختي

 

[العابرة]

المشكل معظم الفنيين هنود لكن بستشير من لديه الخبره بس قلت يمكن الاقي فايدة عشان كذ طرحت الموضوع

جزاك الله خير .

 

[العابرة]

مابه حل ؟؟؟؟؟؟؟

سالت فني قال فرمتي الجهاز وش رايكم ؟؟؟

 

[الخفـوق]

اختي لاتفرمتين الفورمات ماله علاقه

هي من طبيعة استخدامك وطريقة شحنك للبطاريه فقط لا غير


شحن منتظم + تنشيط البطاريه بالاستخدام يعني تشحنيها كم يوم بعدين ترجعين تستخدمينها وهكذا


طبعا ً هذا الكلام بينفعك سابقا ً اما الحين ف البطاريه تمشي حالها لحد ماينتهي عمرها الافتراضي :q:




الامر طبيعي