راحت وراحت عقبهـا راحـة البـال
يعنـي بعدهـا راحـة البـال راحـت



انا اشهد ان الشـوق و الحـب قتـال
من يوم راحت دمعـة العيـن طاحـت



لو كـان دمـع العيـن ماهـز رجـال
هذي لهـا دمـوع المحبيـن ساحـت



اقولها واضرب علـى قولـي امثـال
شوفو الظماير يابشـر كيـف صاحـت



حطت خفوقـي عقبهـا ساحـة قتـال
وغزت محاديب الصـدر واستباحـت



ماعتظت فيها ياعـرب لابـس الشـال
لو غيرها لاجـل المواصيـل ناحـت



شفت الحزن من عقبها والجفـا طـال
ودلة غلاهـا داخـل الصـدر فاحـت



قولو لهـا ان دمـع المحبيـن همـال
وفي العين اشوف بروق الاحزان لاحت



راحت وراحت راحة البال في الحـال
في الحال يعني راحـة البـال راحـت
 

.. جيتك بالوفا صادق ياأعز ناسي ..
.. جيتك والأمــــل اكـــــثر مـن اول ..


.. حبك غدى بالروح مثل الرواسي ..
.. والخــــافق الولهـــان لا ماتحول ..

.. ياشين البعد عنــك يا تــاج راسي ..
.. ولو هو صــعب التلاقــي بنتحمــل ..

.. انا لغــــدرك ياهوى البــال ناسي ..
.. مقامــــك عنــــدي الــيوم أجمــــل ..

.. ودي معك ساعه لا تتركني اقاسي ..
.. شوف الشـــــوق يمــــــــك ماتمـلل ..

.. جيتك وخوفي انك تجرح احساسي ..
.. بـــــلا عنـــــوان جيـــــتك يامــدلل ..

.. جيتك بالوله لاتقول اني لكم ناسي ..
.. لاتذبــخ الخــــافق بالصبـــر تجمّــل ..



:king:​
 
توقيع : غَيّوضْ
ياصاحبي الدنيا حكايات وعلوم ،، قصص عجيبه تذهل اللي قراها

الدنيا لو تضحك معك دايم الدوم ،، خلك فـطـيـن .. ولا يهمك رضاها

كم واحد تبني .. له آمال وحلوم ،، يفنى وغيره .. يـهـتـنـي في بناها

ياما أفرحت قوم .. وإحزنت قوم ،، وكم إعشقت عـيـن .. وخانت غلاها
 
توقيع : B@NDER
ودّك من الدنيا تعيش وخاطرك ما هو عليل
لا ارتاح بالك ما غبطت الناس ..والاّ مالها

ودّك كلام الناس قول الحق بالشي القليل
[وعند العرب ما غاب كلمة حق واللي قالها]

وانا تحلويت القصايد حزة من كل ليل
لا جاتني انسى هلي وانسى البشر وابقالها

يوم القوافي تتجه كنها كما سيل يسيل
حلفت ما أعوّد ورى ما دام صرت اقبالها

بنات فكري لا حصل بالسالفه قالٍ وقيل
جَنـي وانا هذبتها ولبستها موالها

محلا شبوب النار والدله على جمر المليل
رسلان صفره مزعفره ..والهيل هو يعبالها

"في يد قرم ٍ لآعتزى راغه عيونك يالذليل
خفيف جانب دلته ما يشبعك فنجالها "

اسري واسرّي هاجسي كني عشيق للرحيل
والليل لامنه سرى الالغاز من حلالها

واسج فكري في البحر ميل ٍ بعد ميل وميل
وامرْ بامواج ٍ تلاطـم ينهبل من جالها

"كني غريب ضيّع دروبه ولا فييده دليل
اعمى بصر والاّ البصيره ميزته بلحالها "

وين"الفهيم" ابن الحمايل صاحب الهرج الجزيل؟
يفهم معي كلمة عتب..والنفس من علالها

"اخاوي الطيّب ولا لي بالرديْ قسم وحصيل
ومقرد الخلق آتعـوّذ من غثى جهالها

وانزّه النفس العزيزه في سما جو عليل
والحرْ الاشْـقر لا كفخ وكره بروس جبالها

(بشكي على اهل العرف والحق من واقع هزيل
مشاكلٍ من كل صوب ..وحالةٍ يرثالها)

قلبّت درج الطاوله ولـْعت في ناري فتيل
ونار تشعلل بالسواد ..اشحاجتي باشعالها ؟

"شبوها بياعة ضمايرهم وجحادة جميل
باعوا امم لاجل المصالح قصّر الله أحبالها

"عرب نعم حنا عرب "احرار" يزبنا الدخيل
اشْرف واطهر امة ٍ تسمو بفعل ارجالها "

((عرب يشوفون الجبال بعينهم حبات هيل
وشافوا النجوم انفوسهم هيهات من يرقالها)) !

عرب تعلّوا واعتلوا ثم اعدلوا درب ٍ يميل
الحق مبدأ بينهم..والصدق رمز اقوالها

عرب طلع منهم نبي الله يهدي بالدليل
الهاشميّ المصطفى زال المنـاكر زالها !

عمر وابوبكر وصلاح وخالد السيف السليل
اهنا العرب يوم العرب تفخر بفعل ابطالها !

(الله اكبر صارت امجاد العرب "عابر سبيل"
ذكرى تسّطر مجدها.. صعب الزمن يشتالها)

كنا ثلاث حروف صارت كالخيال المستحيل
واليوم صرنا "عالة ٍ" بين الامم واحوالها

(ياجيل ياجيل الزمن اصحى ونافس كل جيل
وقلها : وقل :ان الامم تزهى بكفاح اجيالها )

عسى ونرجع للكتاب ويرجع السيف الصقيل
والسيف وطـّى روس كانت بالسما لذيالها

*ويالله تعز شيوخنـا يالله " يالظل الظليل "
الليّ علينا فضلهم.. اسودها واشبالها

[ وانا قلبت الطاوله وريتها "صاحي" و"هبيل"
يوم "المهّبل غارقه في " نومها ومقيالها "]
 
توقيع : B@NDER

الشوق طاغي دايم الدوم جبار
لولا البعد ما صار للشوق داعي

،،

ياليت بيدي وأخلي البعد امتار
وأطفي لهيب الشوق بشوف غالي

،،

غالي خذا مني الغلا كثر الامطار
وكثر النجوم الساطعه بالليالي
 
توقيع : B@NDER
كل الشكرر اخووي بندر ..ماافيه احلى من الشعر .. اتمنى يثبت :b:


ياللي غلاك بداخل الروح وش جاك؟
ياتاج راسي يابعد كل غالي

إن غبت قلب يودك ويهواك
ماغبت عن عن عيني وفكري وبالي

لا تلومني .. لا تلوم قلب تمناك
صورتك عيت تفارق خيالي

منهي تنادي بإسمك , العام وياك؟
منهي خذاها الوقت طول الليالي؟

منهي تحبك حب مخلص وتفداك؟
منهي سعت لك بالوفا يا حلالي

ياسيدي والله لا يمكن أنساك
منساك لو إني وحيده لحالي

أول أشوفك والتقي فيك مناك
واليوم منته يااااااحبيبي قبالي !!!
 

قرارك صعب... والأصعب تحملته

وعذاب الحب... منك ما تصورته

لكن..لكن

أسألك بالله

قل لا تروح علمني.. إذا اشتقت وين ألقاك

وإذا عنيت في بالي.. شسوي بدنيتي وياك

أبي تعلمني غير الصبر يصبرني

أبي تعلمني غير الخوف يطمني

لأني مستحيل أنساك

شسوي والفراق اسود ظلام و شوفتك شمسي

شسوي والزمن الجاي ما يسوى معاك أمسي

كنت أرضيك لو أخسر كل الناس من شانك

بعد ما صرت كل الناس بعتني و باعوني

،،،،،


 
توقيع : غَيّوضْ

لـيتك دريـت غيابك ايش سوابي
ستين طاري يهز الجوف بيدينه !!


تعال وداوي جرحً من سنينك مابرى
جـرح ًمـن سـاعة فراقك مبتليني


لا لا تحاول تعتذر


يوم فرقاك

احضر دفاني واذكر انسان يغليك

وش لي بدنيا ما بها أحد
شرواك

قبري حفرته وجيت فيني أعزيك

،،،،،،،،،،،
 
توقيع : غَيّوضْ
يامطول الغيبه علينا بلا اسباب

متى عيوني تفرح بشوف لونك

شف حال منهو من سبايبك منصاب

وعالج صوابه وضم كونه لكونك

وانسى الزعل ومعاتبٍ بين الاحباب

لجل الوفاء واسكات من يحسدونك

غرقان في بحر الحزن وانت بعتاب

خلاص وارحم من بقلبه يصونك

الوقت ضاق وسكر بوجهي ابواب

تعال فك الضيق وابعد ضنونك

ونرجع كما كنا قريبن واصحاب

واسمع كلام الحب باعذب لحونك

واضم روحك بين جفني والاهداب

وانعم بقربك واهتني في عيونك


:er:​
 
توقيع : غَيّوضْ
" حِنّا على أبْوَابْ الشِتَاء ! " / والشِتَاء بَرْد !
ـــــــــ و النار هــذي ,, ما يدفّي ,, حَطَبها !
و [ بَرْد الشِتاء ] /واقف على ضلوعي الجِردْ !
ـــــــــ وعيني , أشوف الدَمْع / يأكل هَدَبْها ..!
يا وَرْد ! ما مَرّك ,, دِفَــا العُمْر / يا وَرد ْ ؟
ـــــــــ عدَّت سنينك / ما أعْرِف اللي سَلَبْهَا ..!
وَ !
،
،


[ الشِتَاء بَرْد ! ] / وأشتاقه /و اِحِنْ إله / وأخَافَه..
...................... و المِسَاء .. فيه / مُتْغَطْرِس / و مُتْكَبِر / و اناني ..
و الليَالي فَـــ الشِتَاء / تِقْصَر .. ولو طال إنتصَافَه ..
..................... بـــ السوالف / و الدِفَا / والبَرْد ! / ما بين المحاني !
و الـــ [ الحَنِيْن ] اللي مرافيَّه .. / تهَشّمها ضِفَافه ..
...................... ما لقَى / في صَدْرِي إلا , حَسْرة ٍ بين / المواني ..
من يعَلِّم [ حَسْرَة الأيَّام ] / .. لا تِشِيل .. الـكَلافة ..
..................... ما ذبَحْني / غــيـر .. مونْتها / و تَكْشِيرَة .. زماني ..
ومن يعلِّمْهَا , الوَطَنْ هذا ! خَذا رِيقي../ جِفَافَه !
..................... وما تَرَكْ في [ فَمّي ] إلا .. غَصِة ٍ تَجْرَح .. لساني !!!
و من يعِّلمْها , الشِتَاء هذا , وهَبْ كل إرتجافه !
.....................لــ الحَنِيْن اللي نصاه .. الـ [ العَيْب ] .. بــ عيون الأماني !
و ما يحس بــ [ بَرْد قَلْبَكـ ] / غير من يَسكن شِغَافه ..!
..................... كُلْ.. ما ./ .خَيَّم .. عليك الـــ بَرْد ! / جابته ,, الثواني ..!!
الدِفَـــا : ما هو بــ فَرْو ٍ .. / تَلبِسَه / وإلا لِفَافه !
..................... الدِفَـــا : روحك تــضُمْه , من غلا .. / في روح ثاني !
والشِعْر..[ دَمْع الشِتَاء ] ../ بــالله وش عُذر إنجرافه ..!
..................... لــ أندفق .. من عين قلبي .. دَمْع! / ضايقني .. مكاني !؟
و الزِمَنْ ! لو باعني للضِيق / ما الحقته .. حَسَافه .. !!
..................... عَادِته ! فــ الناس , / يرميهم .. و أنا وقتي .. رماني !!!
ما علي! , معي [ النُوايا البِيض ] ,وَ الـ طُهْر وعَفَافَه ,,
..................... و الزِمَنْ , وش عاد لو مرَّة , مثل غيري / نساني .. !!؟
و السَهَرْ , و الشِعْر الأرْعَنْ ! وأنتي , و جِسْر الرِصَافه !!
..................... مَوْطِن ٍ بَرْد الشِتَاء , , سمَّاه : / في صَدْرِي, أغَانَي ! )
,
 
توقيع : وسن
إن الحديث هنا ذو شجون..
والحزن في قلبك مكنون..
لكن الصبر بالطبع ملزوم..
أرى الدمع في عينيك مكتوم ...
ويسعدني إصرارك المعلوم...
ولحديث هنا مختوم....
بقصيدة مؤازرة مرسوم...

وددت رؤية بسمة من ثغـــرة
أهديته من قلبي أجمل زهرة
أهديته حبــــاً ووداًَ صادقــــا
كل هذا كان لانجلاء همومه
هل بسمة أم نظرة أم زهرة
تخفي وتبري جرحه المعنى
هل همسة من نبع حب صادق
غلبت طبيباً في علاج جروحه
يكفيك حزناً والدموع نواهل
فالصبر دوماً للهموم مجابه
أصبر أخي فالله جل جلاله
شاء اختبارك في الحياة بإذنه
اصبر فصبرك قد يكون مسبباً
لبناء قطرة في الجنان ورفعه

 
توقيع : Al jNtEeL
موضوعك جدا جميل اخوي..

ولي عوده ان شالله..

أعذب التحايا لك,,
 
توقيع : أصدق احساس
تم ثبيت الموضوع

يعطيكم الف عااافية عالتفاعل الجميل

:king:​
 
توقيع : غَيّوضْ

zyzoom-c108c71317.jpg

4.gif

 
توقيع : B@NDER
.:. نـصـيـحـة .:.

مـن لارفــــع لـك بالـملاقـا ،، ذراعه
نـّزه يمينك عـن ملامـس ،، يـمـيـنه

لا صار بـاعـك خـمـسـة أبـواع باعه
خـلـه يـوفــي ،، بالـمقـايـيـس ديـنـه

سنبوق ينشر وسط بحرك شـراعـه
ومـوج البحر لاهـاج غـّرق ، سفينه

وش وهقه يعرض رخيص البضاعه
في سوق غـالـي والفوارق ،، ثمينه

من لايـعـزك لوك تـغـلـيـه ،، بـاعـه
مبداك والنفس العزيزه ،، حـصـيـنه

من لارضـخ لك ليش تعطيه طـاعـه
وتحط نفسك فـي يمينه ،، رهـيـنـه

خـذهـا نصيحه مـن مجرب وداعـه
اللـي يـعـينـك تـنهـزع ،، لاتـعـيـنـه

وإحفظ لنفسك عـزتـك ،، والمناعه
وإضحك ولو إن المشاعر حـزيـنـه

3.gif
 
توقيع : B@NDER
الأسـے منّيے تمڪن ވالحزن فينيے دفيــن
ވالليـاليے جرعتنيے همــہا ވأحزانــہا

دارت الدنيا علے ވعشت بــالدنيا حزين
ވاشعلت فيے ވسط رވحيے جمرهـا ވنيرانہا

أخفيے احزانيے عساها فيے جبينيے ماتبين
ވاڪتمـ العبره ވاشد اخطامـہا ވاعنانـہا

حالتيے تشڪـے علے الله منجرح مثل السجين
ވالسعاده فيے حيـاتيے منـہدمـ بنيانـہا

3.gif






 
توقيع : @عيون المها@
أحبك وأسألي عني القمر لا تعلمين كم قلبي لأجلك قد سهر

لا أحببت مثلك لا أنثى ولا ذكر سأظل أحبك وأجري نحوك في الممر

تخيلتكي جنبي دائما منذ الصغر وليتنا نجتمع ونلتقي في السفر

فهاك حبيبتي خدي وردة الزهر ولتبقى ذكرى على طول الدهر

سنلتقي يوما عند ضفة النهر وسيكون يوماً جمييييل قريبٌ للسحر

:king:​
 
توقيع : غَيّوضْ
طرح رووعه

صح لسان صاحب الموضوع

ولاهانوا كل اللي شاركوا ..

:king::king:
 
توقيع : اصيل

..

في داخلي شباك .. يشكي غيابك ..
إيدهـ على خـدهـ .. يناديك ويـنـك ؟!..

..
 
توقيع : اصيل
ياقلي الحبيب ,, لماذا خنتني
الم اعجبك انا ولا كيف ,, تكفى ارجع لجسمي ثاني
لن ازعلك ياخي ,, خلاص اخر مره
سوف اباشر لك من مطعمي الخاص ,,, 2 فلافل واحد مقلقل
فلا يتحول لونك الى ازرق ,, ولا يتحول لوني الى بنفسجي
ماتذكر الأيام الي عشناها يسويه ,, كنا نلعب في الملاهي في الحي الي جنبنا
فيا قلبي ارجع ,,
أرجع ,,
انني اناشدك

وسلامتكم
 
عودة
أعلى