آه لو كنت رئيس
أحم أحم
اه لو كــنـت رئـــــيـــــس كنت هأبقى على الخلق حسيس
ياكلو بد الفول سوسيـس وجــــمـــــري وســـبــــيــــــــــط
شعب عمري في يوم ما اهينه
كان يعيش اجمل سنينه أحلى تـــوســـت واحـــلــــى فينو
والمــــربــى في كـــل بـيـــت
اه لو كنت رئيس
مش حكون زي اللي طاطا
ولا جابها عالبلاطة
كنت أعشي الناس بطاطا
ولا كشري من الحسين
مش حسبها عالمحارة
زنجة زنجة وحارة حارة
و أبني في الشارع عماره
كل شقه في سلمين
اه لو كنت رئيس
كان ح يبقا في قلبي رحمة
مش حسيب الناس في زحمة
كان زمنهم شبعو لحمة
كان زمنهم مبسوطين !!
شعب لازم اكون قصاده
شهم زي بقية ولاده
والحشيش ح ألغي أستيراده
مش حنفضل مسطولين
أحنا شعب لازم يدلع
لازم يشبع ويبلع
انا شعب لازم يدلع
لازم يشبع ويبلع
واللي بيكرهنا يولع
ان شالله يموت فطيس
اه لو كنت رئيس
حبقا على الفيس بوك اساسي
بين جروبي وسط ناسي
مش بتاع شهرة وكراسي
وامشي واركب ميكروباص
مش حخلي الشعب طيشة
كان حيبقا في احلى عيشة
كل متر عمود وفيشة
لمبه نايلو ولمبه جاز
اه لو كنت رئيس
كنت حنزل عالمساطب
مش حكون ريس مكاتب
كنت ازود في الرواتب
كل شهر متين دولار
كل يوم حديها بوسه
مش حسبها تعيش في حوسه
واللي يطلب مني كوسه
مش حياخد غير خيااااااااااااار
أحنا شعب لازم يدلع
لازم يشبع ويبلع
انا شعب لازم يدلع
لازم يشبع ويبلع
واللي بيكرهنا يولع
ان شالله يموت فطيس
آآآآآآه لوكنت .....رئييييييييييييييييس
